Jeremi 31:35 - Maktub gə́ To gə Kəmee

³⁵ Njesigənea̰ gə́ njéra kàr Karee ndogó dan kàrá ləm, Gə njekwɔji loo-kaar lə kéréméje Gə́ ndogó loondul’g ləm, Yeḛ gə́ ar baa-boo-kad Ḭ turu tuma̰-tuma̰ ləma, Yeḛ gə́ ria lə Njesigənea̰ gə́ njeboo-néje ləm tɔ lé Pa togə́bè pana:

Jeremi 31:35 ပူးပေါင်းရင်းမြစ်များ

Maktub gə́ wɔji dɔ Jɔb 26:12

Gə goo siŋgamoŋ ləa lé yeḛ ar baa-boo ḭ ne ləm, Gə goo gosonégər ləa lé yeḛ tuji ne beelé ləa pugudu ləm tɔ.

Maktub gə́ wɔji dɔ Jɔb 38:33

See i gər godnduje gə́ wɔji dɔ boo-néje gə́ dara lé wa. See i ɓa gɔl kula ra deeje gə́ wɔji dɔ naŋg nee wa.

Pakɔsje 106:9

Yeḛ ḭ gə baa-boo-kad gə́ ria lə Baa-Kas lé aree yi tə Ya̰ rəw ar dee njaa kəm wəlee’g lé Asəna gə dɔdilaloo bèe ya.

Pakɔsje 119:89

Ǝi Njesigənea̰, ta ləi lé to njaŋg mee dara’g saar-saar gə no̰.

Pakɔsje 119:91

Gə goo godnduije lé ɓa néje lai to ne njaŋg saar teḛ ne ɓogənè ya, Mbata néje lai lé i ar dee d’oso geli’g

Pakɔsje 148:6

Yeḛ ar dee to njaŋg saar gə no̰, Yeḛ ar godndiaje to keneŋ ndá yeḛ pəl ta dɔ’g el.

Pakɔsje 72:17

Ria a ɓar saar-saar to gə́ kàr to ne saar-saar gə no̰ bèe ləm, Ria-yeḛ lé d’a tɔr ne ndu dee dɔ na̰’g ləma, Ginkoji dəwje gə raŋg lé d’a pana: Yeḛ lé to njerɔlel ləm tɔ.

Pakɔsje 72:5

To gə́ kàr to ne saar-saar ləm, Naḭ kara teḛ ne gə naḭyee-naḭyee ləm tɔ lé Ŋgaka dəwje gə́ d’oji na̰ gə́ kédé-kédé lé D’a ɓəli ne saar gə no̰ bèe ya tɔ.

Pakɔsje 74:13

I gaŋg baa-boo-kad dana gə goo siŋgamoŋ ləi ləm, Da-kɔb gə́ dan mán’g lé i tɔ ka dəaje réb-réb ya ləm,

Pakɔsje 74:16

Lookàr gə loondul lé to kaḭ ya ləm, I ra naḭ gə kàr ləm tɔ.

Pakɔsje 78:13

Yeḛ kai baa-boo-kad lé dana ya̰ ne rəw ar dee ləm, Yeḛ ur manje tar to gə́ ndògo-bɔrɔ bèe ləm tɔ.

Pakɔsje 89:2

Ndɔje kára-kára lai m’a kɔs pa Kɔr ne sor némeemajije lə Njesigənea̰, Tam a teḛ ja̰-ja̰ kar dəwje Gər ne meenda londoŋ ləi saar gə no̰ ya.

Esai 48:2

Mbata deḛ d’unda ri ɓee-boo gə́ to gə kəmee dɔ dee’g ləm, Deḛ nduna rɔ dee rɔ Ala lə Israɛlje’d Gə́ ria lə Njesigənea̰ gə́ njeboo-néje ləm tɔ.

Esai 51:15

Ma m’to Njesigənea̰, Ala lə sí Gə́ m’ar baa-boo-kad ḭ ləm, M’ar paŋgəm manee tuga ləm tɔ. Njesigənea̰ gə́ njeboo-néje ɓa gə́ rim.

Esai 54:5

Mbata njekundai ɓa gə́ ŋgabije, Njesigənea̰ gə́ njeboo-néje ɓa gə́ ria, Njerɔkunda lə Israɛlje ɓa gə́ njekoga dɔi! Yeḛ lé ria lə Ala gə́ to mbai dɔ naŋg nee lai.

Esai 63:12

Yeḛ lé gəd jikɔl Moyis Gə kag ji rɔnduba ləm, Yeḛ kai mán dana no̰ dee’g Gə mba kar riɓar ləa to ne saar-saar gə no̰ ləm tɔ.

Jeremi 10:16

Yeḛ gə́ to ka̰ Jakob lé To asəna gə magəje el, Mbata yeḛ nja ɓa gə́ njera néje lai, Ginkoji Israɛlje to gə́ nédɔji ləa. Njesigənea̰ gə́ njeboo-néje ɓa gə́ ria.

Jeremi 32:18

I ra meemaji gə ŋgaka dəwje gə́ goo na̰ goo na̰ loo tɔl-dɔg (1.000) ləm, i ar bo̰ néra kori-kori lə bɔ ŋganje ɔs ta ŋgan deeje gə́ goo dee’g ləm tɔ. I to Ala gə́ boo gə njesiŋgamoŋ, Njesigənea̰ gə́ njeboo-néje ɓa gə́ rii.

Jeremi 33:20

Njesigənea̰ pa togə́bè pana: Ɓó lé seḭ asjekəm tuji manrɔ ləm gə́ ma man m’ar lookàr ləm, gə manrɔ ləm gə́ ma man m’ar loondul ləm tɔ gə mba kar lookàr gə loondul taa tor na̰ to gə́ kédé lé el ndá

Jeremi 33:25

Njesigənea̰ pa togə́bè pana: Ɓó lé ma man rɔm m’wɔji ne dɔ lookàr gə loondul el ləm, ɓó lé ma m’unda godnduje gə́ wɔji dɔ dara gə naŋg nee el ləm tɔ ndá

Jeremi 33:26

ma m’a kuba ŋgaka Jakob, gə ŋgaka kura ləm Dabid kya̰ dee togə́bè ləm, mbuna ŋgakeaje’g lé m’a kɔr deḛ gə́ d’a gə ko̰ dɔ ŋgaka Abrakam, gə ka̰ Isaak, gə ka̰ Jakob el ŋga ləm tɔ. Mbata m’a kar njé’g lə dee gə́ d’aw ɓee-ɓər’g tel ree ɓée ləm, m’a koo kəmtondoo lə dee ləm tɔ.

Jeremi 46:18

Ma m’to njesikəmba! Mbai gə́ ria lə Njesigənea̰ lé pa bèe. To gə́ Tabɔr gə́ mbuna mbalje’g bèe ləm, To gə́ Karmel gə́ to ta baa-boo-kad’g ləm tɔ lé Yeḛ a gə ree ya.

Jeremi 5:22

Njesigənea̰ pana: See seḭ a ɓəlmje el wa. See seḭ a kundaje bala nɔm’g el wa. To ma ɓa m’ar nagəra To gə́ rəw-nim lə baa-boo-kad ləm, To rəw-nim gə́ to gə no̰ Gə́ mán askəm kunda gaŋg el ləm tɔ. Paŋəgm maneje tuga Nɛ siŋga dee as el ləm, Dee no̰ mbiao̰-mbiao̰ kara D’askəm təd koŋgee el ləm tɔ,

Jeremi 50:34

Nɛ njekoga dɔ dee gə́ ria lə Njesigənea̰ gə́ njeboo-néje lé To njesiŋgamoŋ, Yeḛ a kaḭ rɔ mbata lə dee Gə mba kar ɓee to ne lɔm ləm, Gə mba kɔm ne ɓəl Dɔ deḛ gə́ d’isi Babilɔn ləm tɔ.

Jeremi 51:19

Ala gə́ to ka̰ Jakob lé To to gə́ deḛ bèe el, Mbata yeḛ nja to njera néje lai ləm, Israɛlje to ginkoji gə́ to nédɔji ləa ləm tɔ. Njesigənea̰ gə́ njeboo-néje ɓa gə́ ria.

Ojee 13:14

See m’a kuga dɔ dee kɔr dee ne ji siŋgamoŋ lə ɓee lə njé gə́ d’wəi’g Esé m’a kɔr dee ji yoo’g wa. Ǝi yoo, see nékad ləi to ra wa. Ǝi ɓee lə njé gə́ d’wəi see nétujiloo ləi to ra wa. Nɛ koo kəmtondoo lé iya rəa kəm’g ɓəi.

Amɔs 9:8

Aa ooje, Mbaidɔmbaije gə́ Njesigənea̰ lé Kəmee to dɔ ɓeeko̰ gə́ ta wa dəa’g. N’a gə tujee pugudu Karee godo dɔ naŋg nee péd-péd ya, Nɛ lé bèe kara n’a tuji gel-bɔje lə Jakob bura el, Njesigənea̰ ɓa pa bèe.

Matiyo 5:45

Yen ɓa seḭ a toje ne ŋgan Bɔ síje gə́ si dara lé, mbata yeḛ ar kàr ləa uba dɔ njémeeyèrje’g gə dɔ njémeemajije’g ləm, yeḛ ar ndi ər dɔ njéra né gə́ gə dɔ najee-je gə dɔ njéra né gə́ gə dɔ najee-elje ləm tɔ.

Tel tura Godndu 4:19

Meḛ sí dɔ rɔ sí’g, nà loo gə́ seḭ a kunje kəm sí par gə́ dara gə mba koo kàr, gə naḭ, gə kéréméje gə boo-nékundaje lai gə́ to mee dara’g ndá d’a ndɔr sí kar sí undaje barmba, dəbje kəm sí naŋg no̰ dee’g, gə mba kwa dee meḛ sí’g: néje lai neelé Ala lə sí gə́ Njesigənea̰ ra dee ar koso-dəwje lai gə́ d’isi dɔ naŋg nee gə́ né ka̰ dee.