Jeremi 31:34 - Maktub gə́ To gə Kəmee

³⁴ Dəw kára kara a ndoo maree əsé ŋgokea̰ pana: Maji kar sí gərje Njesigənea̰ a pa bèe el! Mbata dəwje lai d’a gərm təsərə un kudee dɔ dəwje gə́ gɔ-gɔ’g saar teḛ ne dɔ dəwje gə́ boo-boo’g tɔ. Njesigənea̰ pa bèe. Mbata məəm a koso lemsé dɔ néra kori-kori’g lə dee ləm, m’a kar məəm olé dɔ kaiya ra dee’g el ŋga ləm tɔ.

Jeremi 31:34 ပူးပေါင်းရင်းမြစ်များ

1 Sôrta Gḭka-Israɛlje 28:9

Nɛ i ŋgonəm Salomo̰, maji kari gər Ala lə bɔbije ləm, ra né aree gə meendakaḭ ləma, ndigee gə məəi gə kankəmrɔi bura ləm tɔ mbata Njesigənea̰ to njenaa meekuru lə dəwje lai ləm, gə njegər gin néje lai gə́ d’wɔji meḛ dee’g ləma, gə takə̰jije lə deḛ lai ləm tɔ. Ɓó lé i saŋgee ndá yeḛ a kya̰ loo kari iŋgá, nɛ ɓó lé i ubá yá̰ ndá yeḛ a kubai kya̰’i saar gə no̰ ya tɔ.

Pakɔsje 25:7

Néramje gə́ to gə goo rəbee el loo gə́ m’nai ne basa ɓəi lé Esé néra kori-korije ləm kara Ar məəi olé teḛ dɔ’g el. Ǝi Njesigənea̰, ar məəi olé teḛ dɔm’g gə goo meekɔrjol ləi ləm, Gə goo meemaji ləi ləm tɔ.

Esai 11:9

Dɔ mbal’g ləm gə́ to gə kəmee bura lé Dəwje d’a ra né gə́ majel əsé d’a tuji né keneŋ el Mbata gər Njesigənea̰ a taa dɔ naŋg nee pəl-pəl Asəna gə mán gə́ ɔn dɔ ŋguru baa-boo-kad gə́ bər lé bèe.

Esai 29:24

Deḛ gə́ takə̰ji lə dee gə́ àr godo lé D’a tel to njégosonégərje ləm, Deḛ gə́ njejémta gə ŋgan gwɔs deeje lé kara D’a kya̰ rɔ dee kar dee ndoo dee né ləm tɔ.

Esai 30:26

Ndogó lə naḭ a tel to to gə́ ka̰ kàr bèe ləm, Kɔs lə kàr lé siŋgá a kur dɔ kɔs’g ləa gə́ ndɔ kára as gɔl siri ləm tɔ Loo gə́ Njesigənea̰ a tɔ ta doo lə koso-dəwje ləa Kar ta dooje gə́ d’iŋga loo gə́ yeḛ kunda dee lé ər kəmsə.

Esai 33:24

Dəw-mee-ɓee kára kara a pa pana: Rɔ neḛ to neḛ a pa bèe el! Koso-dəwje gə́ Jerusalem D’a kiŋga meekoso lemsé dɔ néra kori-korije’g lə dee tɔ.

Esai 33:6

Ndɔje lə sí lai lé Seḭ a síje ne gə́ majee, Kəmkàr gə gosonégər lé To gin si dan maji’g, Ɓəl Njesigənea̰ lé To nébao lə Sio̰.

Esai 38:17

Aa oo, némeekonje ləm lé Tel to gə́ meekulɔm ləm, Gə mba kunda gə́ I undam dan kəmi’g lé ɓa I ɔrm ne dan bwa-tuji’g ya Mbata i ɔm kaiya ramje lai giri’g gogo.

Esai 43:25

To ma nja ɓa m’tuji kaltaje lə sí Gə goo meenoji ləm ləm, M’a kar məəm olé dɔ kaiyaje’g lə sí Gɔgo el ləm tɔ.

Esai 44:22

Ma m’bɔr nékaltaje lə sí mbɔji Asəna gə kil-lə-ndi gə́ dəs bèe ləm, M’bɔr kaiyaje lə sí mbɔji Asəna gə mum gə́ sané bèe ləm tɔ, Gə́ telje reeje rɔm’g Mbata ma m’uga dɔ sí mba̰.

Esai 52:6

Gelee gə́ nee ɓa koso-dəwje ləm d’a gər ne rim. Gelee gə́ nee ɓa mee ndəa’g neelé d’a gər gao to gə́ to ma nja ɓa m’pata: aa ooje yén m’aar nee.

Esai 54:13

Ŋganije lai gə́ diŋgam lé D’a to njekwakila Njesigənea̰-je ləm, Némajije d’a daa na̰ rɔ ŋganije’g lé rib-rib ləm tɔ.

Jeremi 24:7

M’a kar dee ɓəŋgərə dee gə́ ka̰ gərm to gə́ ma m’to Njesigənea̰, ɓó lé d’a tel ree rɔm’g gə meḛ dee bura ndá d’a to koso-dəwje ləm ləm, m’a to Ala lə dee ləm tɔ.

Jeremi 32:40

M’a kun ndum kar dee gə manrɔ gə́ to gə no̰ ndá m’a kuba dee kya̰ dee el ləm, m’a ra sə dee meemaji ləma, m’a kar ɓəlm to dɔɓəŋgərə dee’g ləm tɔ gə mba kar dee sa rɔ dee rɔm’g el ŋga.

Jeremi 33:8

M’a kɔr won néra kori-korije lə dee gə́ deḛ ra d’ɔsm ne rəw lé ndɔs-ndɔs ləm, m’a kar məəm oso lemsé dɔ néra kori-korije gə́ deḛ ra d’ar meḛ dee ɔs ne səm gel ləm, d’ɔs ne ta ləm rəw ləm tɔ.

Jeremi 50:20

Njesigənea̰ pana: Mee ndəaje gə mee kàree’g neelé D’a saŋg néramajel lə Israɛlje Nɛ d’a kiŋga el ləm, D’a saŋg kaiya ra Judaje Nɛ d’a kiŋga kára kara el ləm tɔ. Mbata m’a kar məəm oso lemsé Dɔ ges deeje gə́ m’a kya̰ dee lé.

Jeremi 9:23

Nɛ yeḛ gə́ ndigi kɔs gaji rəa ndá Maji karee ɔs gaji rəa Mbata yeḛ gər gosonégər Gə mbata gər gə́ yeḛ gərm ne ləm. Gə gər gə́ yeḛ gər To gə́ ma m’to Njesigənea̰, Gə́ njera meemaji gə njera né gə́ danasur, Gə njenéra gə́ gə dɔ najee dɔ naŋg nee ləm tɔ, Yee neelé ɓa gə́ né gə́ taa kəm rəgm, Njesigənea̰ ɓa pa bèe.

Ojee 2:20

Mee ndəa’g neelé m’a kar manrɔ ləm tɔ mbuna dee-deḛ’g Gə daje gə́ wala ləm, gə yelje gə́ pə̰ dara’g ləma, Gə néje gə́ d’ag naŋg gə ta meḛ dee ləm tɔ. M’a kar ɓandaŋgje, gə kiambasje, gə nérɔje godo mee ɓee’g Gə mba kar dəwje d’wa rɔ dee d’isi gə meekulɔm.

Misee 7:18

See Ala gə́ raŋg gə́ njekar mée oso lemsé dɔ néra gə́ kori-kori’g ləm, Gə njekar mée wəi dɔ kaiyaje’g Le ges dəwje gə́ to nékea̰je ləm tɔ lé ɓa ra wa. Yeḛ ŋgəm oŋg ləa saar-saar gə no̰ el Mbata meekoso lemsé ɓa taa kəmee ya.

Misee 7:19

Mée a kaw taḭ-taḭ gə mbata lə sí ya ɓəi ləm, Yeḛ a tuba néra kori-korije lə sí gə gɔlee ləm tɔ. I a kɔm kaiyaje lə sí lai gel baa-boo-kad’g.

Habakuk 2:14

Mbata gər gə́ dəwje gər rɔnduba lə Njesigənea̰ lé A taa naŋg nee pəl-pəl Asəna gə mán gə́ ɔn dɔ ŋguru baa-boo-kad gə́ bər bèe.

Matiyo 11:27

Néje lai lé i Bɔm ɓa ɔm jim’g. Dəw kára kara gə́ njegər Ŋgon lé gə dɔrea godo nɛ Bɔbee ɓa gəree. Dəw kára kara gə́ njegər Bɔbee lé gə dɔrea kara godo tɔ nɛ Ŋgonee ɓa gəree ləm, dəw gə́ Ŋgonee lé a ria səa dəa gə́ raga ɓa a gəree ləm tɔ.

Lugu 1:77

Mba kar koso-dəwje ləa gər ne gin kaji gə́ yeḛ a kaji dee Kɔr ne ɓaŋg kaiyaje lə dee ləm tɔ.

Tagə́maji gə́ Ja̰ ndang 17:3

Gər ndaai-i Ala gə́ gəd kára ba kiao ləm, gə gər ndaa Jeju Kristi gə́ i ulá lé yee ɓa gə́ kəmə gə́ gə no̰ lé ya.

Tagə́maji gə́ Ja̰ ndang 17:6

Dəwje gə́ i ɔr dee dan njé gə́ naŋg nee am dee lé ma m’riba sə dee dɔ rii m’ar dee ya. Deḛ to gə́ kaḭje nja ɓa i am dee ndá deḛ d’aa dɔ ta ləi kər-kər tɔ.

Tagə́maji gə́ Ja̰ ndang 6:45

To gə́ deḛ ndaŋg taree mee maktub gə́ lə njéteggintaje’g lé pana: Ala ɓa a ndoo dee né. Togə́bè ndá dəw gə́ rara ɓa gə́ oo ta lə Bɔ-dəwje ɓa taa ta ləa rəgm ndá a ree rɔm’g nja.

Néra Njékaḭkulaje 10:43

Njéteggintaje lai d’ɔr goo ta ləa pana: Nana ɓa gə́ ɔm mée dəa’g ndá mbɔl dɔ ria-yeḛ nja ɓa ɓaŋg kaiya a kɔr ne dɔ njea’g neelé ɓəi.

2 Njé gə́ Kɔrḭtə 2:10

Bèe ɓa dəw gə́ rara ɓa gə́ seḭ arje meḛ sí oso lemsé dəa’g ndá ma kara m’ar məəm oso lemsé dəa’g ya tɔ. Tɔɓəi dəw gə́ m’ar məəm oso lemsé dəa’g lé ɓó lé m’ar məəm oso lemsé dəa’g kara ma m’ra mbata lə sí-seḭ ɓa no̰ Kristi’g,

2 Njé gə́ Kɔrḭtə 4:6

Mbata Ala nja gə́ pa pana: Maji kar lookàr tḭ loondul kad lé yeḛ nja ar lookàr tḭ loondul meḛ sí’g kad mba kar sí n’gər ne rɔnduba lə Ala gə́ ndogó kəm Jeju Kristi’g lé.

Njé gə́ Epesə 1:7

Mbɔl dɔ məsee-yeḛ nja ɓa jeḛ j’iŋga ne nékoga dɔ sí gə́ ɔr kaiya dɔ sí’g gə goo boo-noji ləa

1 Njé gə́ Tesalonikə 4:9

Ta gə́ wɔji dɔ kunda ŋgako̰ síje dan kəm sí’g lé to né gə́ seḭ awje ndòo maktubee el, mbata Ala nja ndoo sí ar sí gərje loo kunda na̰ dan kəm na̰’d mba̰ ya.

Ǝbrəje 5:12

Seḭ gə́ sije keneŋ kàr bèe nḛ seḭ asjekəm ndooje mar síje né ləw ba mba̰, nɛ ɓasinè dəw gə́ njetum sə sí kudu né lə Ala gə́ dɔtar ɓa seḭ awje ndée nja tɔɓəi. Mbà kil ɓa seḭ tel awje ndée ɓó muru gə́ kədərə kaw-kaw el.

Ǝbrəje 8:11

Dəw kára kara a ndoo maree əsé ŋgokea̰ pana: Maji kar sí gərje Mbaidɔmbaije, a pa bèe el ŋga, Mbata deḛ lai d’a gərm təsərə, Un kudee dɔ dəwje gə́ gɔ-gɔ saar teḛ ne dɔ deḛ gə́ boo-boo mbuna dee’g ya.

Ǝbrəje 8:12

Mbata məəm a koso lemsé dɔ néra dee gə́ ndɔji pɔdɔdɔ’g ləm, M’a kar məəm olé dɔ kaiyaje’g lə dee nda̰ el ləm tɔ.

1 Ja̰ 2:20

Seḭ ɓa yḛ̀, yeḛ gə́ to Njemeenda lé ɔr sí unda sí gə kəmee ndá seḭ lai lé seḭ gərje kankəmta gao tɔ.

1 Ja̰ 2:27

Kɔr gə́ yeḛ ɔr sí unda sí gə kəmee lé nai sə sí ɓəi, yee ɓa seḭ awje ne ndòo njendoo sí né dɔ maree’g el ŋga, nɛ to gə́ ndia gə́ yeḛ tɔr dɔ sí’g lé to né gə́ tɔgərɔ ɓó to né gə́ ŋgɔm el, yeḛ nja ɓa a ndoo sí néje lai lé ndá maji kar sí naije səa gə goo ta gə́ seḭ taaje mba̰ lé tɔ.

1 Ja̰ 5:20

Jeḛ n’gər gao, Ŋgon-Ala ree mba̰ ndá yeḛ ar sí kəmkàr gə mba gər ne yeḛ gə́ to gə́ Kankəm dəw lé. Jeḛ j’ɔm na̰’d gə Kankəm dəw lé ləm, j’ɔm na̰’d gə Ŋgonee gə́ Jeju Kristi lé ləm tɔ. Yeḛ nja ɓa gə́ darɔ Ala ləm, gə kəmə gə́ to gə no̰ lé ləm tɔ.

1 Samel 2:12

Ŋgalə Eli lé to njéra néje gə́ kori-kori ləm, deḛ gər Njesigənea̰ el ləm tɔ.