Jeremi 31:30 - Maktub gə́ To gə Kəmee

³⁰ Nɛ nana kara a kwəi yoo néra majel ləa-ləa, dəw gə́ rara gə́ a sɔ bəsərə nduú ndá a tɔl ŋgaŋgee-yeḛ ya.

Jeremi 31:30 ပူးပေါင်းရင်းမြစ်များ

2 Mbaije 14:6

Nɛ yeḛ ar dee tɔl ŋgalə njétɔl bɔbeeje-je lé el gə goo ta gə́ ndaŋg mee maktub godndu’g lə Moyis, loo gə́ Njesigənea̰ aree ne ndukun neelé pana: D’a kar bɔ ŋganje d’wəi mbata lə kaiya ra ŋgan deeje el ləm, ŋganje kara d’a kwəi gə mbata lə kaiya ra bɔ deeje-je el ləm tɔ, nɛ nana kara a kwəi mbata kaiya ləa-yeḛ ya.

Maktub gə́ wɔji dɔ Jɔb 21:20

To kəm karee yeḛ nja oo tuji ləa gə kəmee ləm, To ta ləa-yeḛ nja gə mba karee ai oŋg lə Bao-siŋgamoŋ ləm tɔ.

Esai 3:11

Nɛ meeko̰ a koso dɔ njémeeyèrje’g. D’a si dan majel’g Mbata d’a kiŋga né gə goo kandə néraje Gə́ ji dee ra lé tɔ.

Ejekel 18:20

Dəw gə́ ra kaiya ndá yeḛ nja ɓa a kwəi. Ta néra gə́ kori-kori lə bɔ ŋgonje lé ŋgon a kuba pəree el ləm, ta néra gə́ kori-kori lə ŋgon lé bɔbeeje a kuba pəree el ləm tɔ. Néra gə́ gə dɔ najee lə njera né gə́ gə dɔ najee lé a kwɔji dəa-yeḛ nja ləm, néra meeyèr lə njemeeyèr a kwɔji dəa-yeḛ nja ləm tɔ.

Ejekel 18:4

Aa ooje, dəwje lai to kamaje, ŋgon əsé bɔ ŋgon kara to kamaje joo bɔr, dəw gə́ ra kaiya lé ya ɓa a kwəi.

Ejekel 3:24

Ndil andə məəm’g am m’ḭ m’aar tar dɔ gɔlm’g. Ndá Njesigənea̰ ulam pana: Maji kam m’ɔd m’aw mee kəi’g ləm m’udu rəw dɔm’g.

Ejekel 33:13

Loo gə́ neḛ m’pana: Njera né gə́ gə dɔnajee a si kəmba ɓa ɓó lé yeḛ ɔm mée dɔ néra gə́ gə dɔ najee’g ləa tel ra né kori-kori ndá n’a kar mee neḛ wəi dɔ néra gə́ gə dɔ najee’g ləa lé ndá yeḛ a kwəi mbata néra kori-kori gə́ yeḛ ra lé.

Ejekel 33:18

Ɓó lé njera né gə́ gə dɔ najee uba goo néra gə́ gə dɔ najee ləa ya̰ tel ra né gə́ kori-kori ndá yeḛ a kwəi gə mbəa ya.

Ejekel 33:8

Loo gə́ n’ula njemeeyèr m’pana: I njemeeyèr lé i a kwəi! Ɓó lə ma m’pata mba kar njemeeyèr uba ne goo rəw néra meeyèr ləa ya̰ el ndá njemeeyèr neelé a kwəi dan néra kori-kori’g ləa ya nɛ ta məsee a kwa dɔm kar neḛ n’dəjim gée.

Njé gə́ Galati 6:5

Mbata nana kara a kun nékodo gə́ wɔi gə́ wɔji dəa-dəa ya.

Tel tura Godndu 24:16

D’a kar bɔ ŋganje d’wəi mbata kaiya ra ŋgan deeje el ləm, d’a kar ŋganje d’wəi gə mbata kaiya ra lə bɔ deeje el ləm tɔ, d’a kar nana kara wəi gə mbata kaiya ləa-ləa ya.

Maktub gə́ Jak ula ne ar ngan-Allaje 1:15

Tɔɓəi malee lé a keskèm ɓa a koji kaiya ɓəi. Kaiya lé loo gə́ tɔg as lée mba̰ ndá oji yoo tɔ.