Jeremi 31:21 - Maktub gə́ To gə Kəmee

²¹ Seḭ Israɛlje gə́ toje asəna gə ŋgoma̰də lé Maji kar sí telje Undaje nétɔji kuru loo lə sí ləm, Urje kag-tɔji rəwje lə sí ləm tɔ, Undaje kəmkàr dɔ rəw’d Gə́ to kila-rəwkaw sí’g Telje reeje mee ɓee-booje’d Gə́ neelé gə́ to ka̰ sí!

Jeremi 31:21 ပူးပေါင်းရင်းမြစ်များ

1 Sôrta Gḭka-Israɛlje 29:3

Né gə́ raŋg ya ɓəi, larlɔr gə larnda gə́ to kama ya doŋgɔ kara ma m’ar gə mbata kəi Ala ləm lé, m’ar gə meenoji mbata kəi Ala ləm lé lelm yaa̰. Néje gə́ m’ar m’aree orè dɔ né gə́ m’wa dɔ gɔlee mbata kəi gə́ to gə kəmee doi lé ɓa nee:

2 Sôrta Gḭka Israɛlje 11:16

Deḛ lai gə́ mbuna ginkoji’g lə Israɛlje gə́ ndiŋga rɔ dee gə mba kwa Njesigənea̰, Ala lə Israɛlje meḛ dee’g lé d’aw goo Ləbije’g Jerusalem gə mba kinja nékinjanéməsje kar Njesigənea̰ Ala lə bɔ deeje-je.

2 Sôrta Gḭka Israɛlje 20:3

Ɓəl unda Josapat badə gaŋgee aree wɔji mée’g gə mba dəji Njesigənea̰ ta ndá yeḛ ila mber ta kɔg-mee-ɓoo mee ɓee gə́ Juda’g lai.

Pakɔsje 62:10

Oiyo, dəwje lé to né gə́ əḭ el. Dəwje lé to néŋgɔm to! Ɓó lé orè dee na̰’d wɔji kwɔi lə dee dɔ nékwɔji-kwɔi lə néje ndá D’wɔilɔ pélé-pélé unda lel gə́ tó pu bèe ba ya.

Pakɔsje 84:5

Deḛ gə́ d’isi mee kəi’g ləi lé rɔlel nai sə dee ya, D’askəm pidi ya ɓəi.

Gosota-Kəmkàrje 24:32

Né gə́ m’oo lé m’ə̰ji ginee məəm’g Ndá m’iŋga ne tandoo keneŋ ya.

Esai 48:20

Undaje loo mee ɓee gə́ Babilɔn teḛje ləm, Ḭje dan Kaldeje’g aḭje ləm tɔ! Paje gə ndu kalrɔ, ilaje ne mberee Ar deḛje gə́ d’isi gwɔi naŋg’d d’oo taree Pajena: Njesigənea̰ uga dɔ kura ləa Jakob!

Esai 57:14

D’a pana: Wɔije, wɔije, gɔlje rəw, Tɔrje néje lai gə́ ila kag rəw-kaw koso-dəwje’g ləm.

Esai 62:10

Teḛje, teḛje tarəwkɔgje’d gə́ raga ləm, Gɔlje rəw mbata koso-dəwje ləm ləm, Wɔije, wɔije rəw, tɔrje kɔr mbalje ləma, Unje nétɔji lə sí gə́ tar gə́ rɔ koso-dəwje’g ləm tɔ!

Jeremi 3:12

Ɔd aw ila mber ar njé gə́ dɔgel d’oo taje nee pana: Israɛlje, seḭ gə́ toje majikojije el lé Tel reeje rɔm’g, Njesigənea̰ ɓa pa bèe. M’a kaa sí gə kəm dɔbee el Mbata ma m’to njemeekoso lemsé Ɓó ma m’ŋgəm oŋg ləm saar-saar el.

Jeremi 3:14

Gə́ tel reeje, seḭ njékɔsta-rəwje, Njesigənea̰ ɓa pa bèe, mbata ma m’to ɓée síje. M’a kun sí mee ɓee-boo gə́ kára ləm, m’a kodo sí joo dan njémeekəije gə́ kára ləm tɔ. Ndá m’a kaw sə sí Sio̰.

Jeremi 31:4

M’a tel gɔl sí gogo ndá Seḭ a kaarje njaŋg, Seḭ Israɛlje gə́ toje asəna gə ŋgoma̰də Gə́ gər ŋgaw el! Seḭ a teḛje gə mbarèje lə sí Ndamje ne gə rɔlel gə njéboa-ndamje lə sí.

Jeremi 46:11

Aw mee ɓee gə́ Galaad Taa no̰-kag gə́ ra gə kuma̰, I Ejiptə gə́ to asəna gə ŋgoma̰də bèe. I taa kuma̰je bula gə́ kédé-kédé kari ba Ɓó a kaji ne rɔi el.

Jeremi 50:5

D’a dəji rəw gə́ aw gə́ Sio̰ ləm, D’a tel kəm dee gə́ keneŋ ləm tɔ. Gə́ reeje ɔmje na̰’d gə Njesigənea̰ Gə manrɔ gə́ to gə no̰ Gə́ mee dəw a kwəi dɔ’g nda̰ el.

Jeremi 51:50

Seḭ gə́ teḛje ta yoo-kiambas’g lé Awje ɓó ɔsje gɔl sí naŋg gèŋ el! Loo gə́ seḭ síje dɔ naŋg gə́ əw lé Arje meḛ sí olé dɔ Njesigənea̰’g ləm, Arje meḛ sí to dɔ Jerusalem’g bururu ləm tɔ.

Jeremi 51:6

Ḭje Babilɔn aḭje ləm, Maji kar nana kara taa rəa ta yoo’g ləm tɔ Nà banelə seḭ a tujije səa na̰’d! Mbata to kàr dalba̰ lə Njesigənea̰, Yeḛ a ra səa né gə goo kula reaje.

Jeremi 6:16

Njesigənea̰ pa togə́bè pana: Undaje rɔ sí rəwje’g aaje loo ooje. Dəjije kila-rəwje gə́ ləw ooje, See rəw gə́ ra ɓa maji wa. Bèe ndá njaaje keneŋ Ndá seḭ a kiŋgaje loo-kwa-rɔ sí keneŋ! Nɛ deḛ d’ilá keneŋ pana: Jeḛ j’a njaaje keneŋ el.

Ejekel 40:4

Dəw neelé ulam pana: I ŋgon-dəw lé maji kari aa loo gə kəmi ləm, tuga mbii oo ne ta ləm tɔ! I orè kəmi sḭ dɔ néje lai gə́ m’a gə tɔjii’g mbata deḛ ree səi loo gə́ nee’g mba karm m’tɔjii néje neelé. Néje lai gə́ a gə koo lé maji kari tegginee ar gel-bɔje lə Israɛl lai d’oo.

Ajee 1:5

Ɓasinè Njesigənea̰ gə́ njeboo-néje pa togə́bè pana: Maji kar sí sije gèŋ ə̰jije ta dɔ néje gə́ sí ra sí lé ooje.

Jakari 10:9

N’a sané dee mbuna koso-dəwje’g Ndá loo gə́ d’isi əw lé meḛ dee a kolé dɔ neḛ’g, D’a si kəmba gə ŋgan deeje na̰’d ndá d’a tel ree.

Tel tura Godndu 32:46

Yeḛ ula dee pana: Taje lai gə́ m’a man sí ne ɓogənè lé maji kar sí waje dɔɓəŋgərə sí’g mba ndoo ŋgan síje gə mba kar dee d’aa ne dɔ taje lai gə́ to mee godndu’g neelé mba ra née.