Jeremi 31:18 - Maktub gə́ To gə Kəmee

¹⁸ M’oo ndu no̰ lə Eprayimje gə́ pana: I wɔji sí kəmkàr ndá jeḛ j’ooje ya Asəna gə ŋgon maŋg Gə́ ndée né bèe. Maji kari ar sí n’tel n’reeje Ndá j’a tel reeje ya. Mbata i nja to Ala lə sí gə́ Njesigənea̰.

Jeremi 31:18 ပူးပေါင်းရင်းမြစ်များ

Maktub gə́ wɔji dɔ Jɔb 5:17

Rɔlel nai gə dəw gə́ Ala wɔjee kəmkàr, Maji kari ɔs takwɔji-kəmkàr lə Bao-siŋgamoŋ rəw el.

Pakɔsje 118:18

Njesigənea̰ ar bo̰ néram ɔs tam’g ya, Nɛ kya̰ ɓa ya̰’m ta yoo’g el tɔ.

Pakɔsje 119:67

Loo gə́ d’am m’oso kul el ɓəi ndá M’ndəm rəw ya, Nɛ ɓasinè lé m’orè kəm sḭ dɔ ta’g ləi.

Pakɔsje 119:75

Ǝi Njesigənea̰, ma m’gər gao Rəwta-gaŋgje ləi lé to gə dɔ najee ya. Meenda londoŋ lé ɓa i am m’oso ne kul.

Pakɔsje 31:15

Nɛ i nja ɓa m’ɔm məəm dɔi’g, əi Njesigənea̰! Ma m’pana: I to Ala ləm.

Pakɔsje 32:9

Maji kar sí toje mbəje asəna gə kundaje əsé kundaje-mulayḛ̀jeje el, Deḛ lé d’wa ta dee gə kéŋgəlé gə aljem Gə mba kar dee ra səi né el.

Pakɔsje 80:19

Nɛ jeḛ lé j’a kundaje rɔ sí rɔi’g ŋgərəŋ el ŋga, Maji kari ar sí n’tel j’isije kəmba gogo Ndá j’a ɓar ne rii ya tɔ.

Pakɔsje 80:3

No̰ Eprayimje gə Bḛjamije gə Manasəje’g lé Maji kari riba dɔ siŋgamoŋ’g ləi ləm, Gə́ ree la ne sə sí ya ləm tɔ.

Pakɔsje 80:7

I ar sí n’toje nétḭ-na̰ lə njéboataɓeeje lə sí ləm, Njéba̰je lə sí lé kara lul sí ne u-u-u ləm tɔ.

Pakɔsje 85:4

I lé rəm gə boo-oŋg ləi ləm, Oŋg-boo ləi gə́ ḭ səi jugugu lé kara I aree wəi bèm ləm tɔ.

Pakɔsje 94:12

Ǝi Njesigənea̰, rɔlel nai gə dəw gə́ i wɔjee kəmkàr lé ləm, Gə yeḛ gə́ i nja ndée godndui lé ləm tɔ.

Gosota-Kəmkàrje 26:3

Kéŋgəlé wɔji dɔ kunda ləm, Ndəi gə́ o̰ mas wɔji dɔ mulayḛ̀je ləma, Ndəi to mbata gir mbə-dəw ləm tɔ.

Gosota-Kəmkàrje 29:1

Dəw gə́ kəm kar dee ndaŋgee nɛ yeḛ uba gwɔbkelkwɔi lé A təd njigi-njigi gə́ léegəneeya kar loo gɔlee a godo.

Gosota-Kəmkàrje 3:11

Ŋgonəm, maji kari ə̰ji takwɔji-kəmkàr Le Njesigənea̰ lé bəḭ-bəḭ el ləm, Ar məəi ila kas bilim Loo gə́ yeḛ ndaŋgi dɔ néraije’g el ləm tɔ .

Esai 1:5

Loo gə́ kɔs ta rəw lə sí ḭ dɔ maree’d gə́ kédé-kédé lé See bo̰ néra sí gə́ sigi Gə́ ra ɓa kəm karee ɔs ta sí’g wa. Rɔko̰ ta dɔ sí bura pəl-pəl ləm, Meḛ sí bura kara tila ŋgaḭla-ŋgaḭla ləm tɔ.

Esai 51:20

Siŋga ŋgan síje lai godo Ar dee to gə mba̰-rəwje rib-rib Asəna gə da-kalje gə́ d’wa dee gə ba̰də bèe, Oŋg-boo lə Njesigənea̰ wa dɔ dee Gə goo tɔji ji lə Njesigənea̰, Ala lə sí.

Esai 53:7

Deḛ ra səa majel d’ula ne kəmee ndòo Nɛ yeḛ teḛ təa ja̰ el, Asəna gə ŋgon badə gə́ d’ɔree D’aw səa gə́ loo-tɔlee’g ləm, Asəna gə ko̰ badə gə́ təa to gə́ loo ndèmee No̰ deḛ gə́ d’inja bḭyee’g bèe ləm tɔ lé Yeḛ teḛ təa ja̰ el .

Esai 63:16

Lée togə́bè kara i ɓa to bɔ síje Mbata Abrakam gər sí el ləm, Israɛl kara gər sí el ləm tɔ. I Njesigənea̰ ɓa to bɔ síje Un kudee ləw-ləw ba lé Rii lə njekoga dɔ sí.

Esai 9:13

Bèe ɓa, mee ndɔ gə́ kára ba ya Njesigənea̰ a gaŋg dɔ Israɛlje gə ɓoŋ dee ləm, A gaŋg barkəm kag-tumbur gə twatɔg ləm tɔ.

Jeremi 17:14

Njesigənea̰, maji kari ajim Ndá m’a si kəmba ləm, Taam ta yoo’g ndá m’a kaji ləm tɔ, Mbata i ɓa to rɔnduba ləm.

Jeremi 2:30

Ma m’kunda ŋgan síje kara M’kunda dee pi, Deḛ d’oo ta gɔl ləm gə́ m’gɔl dee lé gə́ né el, Seḭ gaŋgje njéteggintaje lə sí gə kiambas Asəna gə toboḭ gə́ njetuji né bèe.

Jeremi 3:25

Jeḛ lé n’toje naŋg dan rɔkul’g ləm, Rɔkul gə́ boo ɓa gə́ néko̰ dɔ sí ləm tɔ, Mbata jeḛ n’raje kaiya j’ɔsje ne ta lə Njesigənea̰, Ala lə sí rəw Jeḛ gə bɔ síje-je Un kudee loo gə́ jeḛ nai ne basa ɓəi Saar teḛ ɓogənè ləm, Jeḛ j’oo ndu Njesigənea̰, Ala lə sí gə́ né el ləm tɔ.

Jeremi 31:6

Mbata ndɔ gə́ a gə ree lé Njéŋgəmlooje d’a ra né wəl Dɔ mbal gə́ Eprayim pana: Ḭje tar ar sí j’awje Sio̰ Rɔ Njesigənea̰ Ala’g lə sí!

Jeremi 31:9

Deḛ ree gə mán-no̰ kəm dee’g Ndá ma m’ɔr no̰ dee Dan no̰ ndòo’g lə dee, Ma m’aw sə dee Par gə́ kəm-rəw-manje gə́ ula yal-yal, Gə rəw gə́ kára ba bərəŋ Gə́ né tuga gɔl dee keneŋ el, Mbata ma m’to gə́ bɔ-Israɛlje ləm, Eprayimje to ŋgondərm ləm tɔ.

Jeremi 5:3

Njesigənea̰, see kəmi oo kankəmta el wa. I kunda dee nɛ rɔ dee to dee el saar, I tuji dee nɛ deḛ d’ɔs tandooje ləi rəw, D’ar ŋgono̰ dee kədərə unda kɔr mbal ləm, Deḛ mbad kɔs badm tel gə́ rɔi’g ləm tɔ.

Nɔ̰-ndôo gə́ wɔji dɔ Jerusalem 5:21

Ǝi Njesigənea̰, tel wa sí gə́ rɔi’g ya Ndá j’a kaw rɔi’g ya tɔ! Ar sí ndɔje to gə́ njé gə́ kédé gə́ ləw lé ya!

Ejekel 20:43

Lée neelé ɓa meḛ sí a kolé dɔ panjaa’g lə sí ləm, gə dɔ néje lai gə́ seḭ raje arje rɔ sí mina̰ ne ləm tɔ. Seḭ nja kara a kooje rɔ sí gə́ né gə́ to kḛji mbata néje lai gə́ mina̰ gə́ seḭ raje lé.

Loo gə́ killa rea kəm Daniel’g 9:13

Tuji-boo neelé teḛ dɔ sí’g gə goo taree gə́ ndaŋg mee maktub godndu Moyis’g ya. Nɛ jeḛ n’toje ta Njesigənea̰, Ala’g lə sí pəgə-pəgə el ləm, j’ubaje goo néra kori-korije lə sí j’ya̰ el ləma, jeḛ n’tugaje mbi sí mba koo ne kankəmta ləi el ləm tɔ.

Ojee 10:11

Eprayimje to d’asəna gə ŋgon maŋg Gə́ ndigi njaa dɔ kó’g mba tal ka̰dee bèe. Nɛ m’a rəm pər gə́ gina gwɔsee’g, M’a kila néməməna̰ gwɔs Eprayimje’g ləm, Judaje d’a ndɔ-ndɔ ndá Njé’g lə Jakob d’a gɔl dɔ naŋgee ləm tɔ.

Ojee 4:16

Mbata Israɛlje d’al ta to gə́ ko̰ maŋg gə́ ndigi kar dee d’ila néməməna̰ gwɔbee’g el bèe. Ɓasinè lé see Njesigənea̰ a kar dee d’ulee to gə́ ŋgon badə gə́ d’ulee ndag-loo ko̰ mu’g bèe wa.

Ojee 5:15

M’a kɔd kaw ləm, m’a tel ree si loo-sim’g ləm tɔ Saar kar dee d’wa ndoo rɔ dee dɔ ta gə́ wa dɔ dee’g ləm D’a tel saŋgəm mba koo kəm-ma ɓa ləm tɔ. Loo gə́ d’a si dan néurti’g ndá D’a kɔs badm tel ree rɔm-ma’g ya.

Junas 3:10

Ala oo to gə́ deḛ ra togə́bè ləm, deḛ tel d’ya̰ goo rəw néra gə́ majel lə dee ləm tɔ. Togə́bè ɓa Ala tel ne gə ndia ar goo takə̰ji gə́ wɔji dɔ né gə́ majel gə́ yeḛ wɔji-kwɔji ra sə dee lé yɔr ne ləm, yeḛ ra ne née el ləm tɔ.

Soponi 3:2

Yeḛ oo ta lə dəw kára kara el ləm, Oo takwɔji-kəmkàr gə́ né el ləm, Ɔm mée dɔ Njesigənea̰’g el ləma, Yeḛ rəm pər gə́ rɔ Ala’g ləa el ləm tɔ.

Malasi 3:16

Gelee gə́ ne ɓa deḛ gə́ ɓəl Njesigənea̰ lé d’ula na̰ ta gə́ yo gə́ nee. Njesigənea̰ lé tuga mbia oo ne ta lə dee ndá deḛ ndaŋg maktub gə́ ka̰ kolé mee Njesigənea̰ nea̰’g mbata lə deḛ gə́ ɓəl Njesigənea̰ ləm, d’ila riɓar dɔ ria’g ləm tɔ.

Bula lə Israɛlje 2:18

Par gə́ dɔ-gó lé njé’g lə Eprayim gə kudu njérɔje lə dee d’a si gel nékɔr gin dee’g ya. Lée neelé ɓa Elisama gə́ ŋgolə Amiud gə́ to mbai dɔ ŋgalə Eprayimje,

Lugu 1:17

Yeḛ a kaw no̰ Ala’g gə goo ndil gə siŋgamoŋ gə́ ka̰ Eli mba gɔl ne meḛ bɔ ŋganje kar dee d’wa ne ŋgan deeje gə́ rɔ dee’g ləm, mba gɔl ne meḛ njékaltaje kar dee taa ne kəmkàr lə njémeekarabasurje lé ləm tɔ. Togə́bè ɓa, yeḛ a gɔl dəwje gə mba kar dee to majikojije kar Mbaidɔmbaije ya.

Lugu 15:20

Yeḛ uba naŋg ḭ mba kaw ɓee lə bɔbeeje lé. Nɛ loo gə́ yeḛ nai əw ya ɓəi ndá bɔbeeje aa loo ée ŋga mee bɔbeeje tɔsee gə no̰ mbigi-mbigi aree aiŋgwɔd aw tée tub wá kaaree’g sud.

Néra Njékaḭkulaje 3:26

Ala ɔr kura ləa aree aw rɔ sí-seḭ’g ya dɔtar mba karee tɔr ndia dɔ sí’g mba kar nana kara mbuna sí’g sa rəa dɔ néra gə́ ndɔji pɔdɔdɔ’g ya.

Njé gə́ Pilibə 2:13

Mbata to Ala nja ra kula meḛ sí’g ar sí ndigije raje togə́bè ləm, yeḛ ar rɔ sí wɔilɔ keneŋ gə mba ra tɔl bém ɓó gə taa ne kəmee ləm tɔ.

Ǝbrəje 12:5

Seḭ arje meḛ sí wəi dɔ ta gə́ deḛ ndəji sí bər-bər to gə́ ŋgankojije bèe pana: Ŋgonəm, loo gə́ Mbaidɔmbaije ulai kəmkàr dɔ nérai’g ndá ula ne sul dəa’g el ləm, Loo gə́ yeḛ ndəjii bər-bər ndá ar məəi ila kas bilim el ləm tɔ.

Loo gə́ killa rea kəm Ja̰’g 3:19

Ma lé dəwje gə́ m’unda dee dan kəm’g ndá m’wɔji dee kəmkàr ləm tɔ. Bèe ndá ḭ gə rɔi rad, wa ndòo rɔi dɔ kaiya’g ləi.