Jeremi 30:14 - Maktub gə́ To gə Kəmee

¹⁴ Deḛ lai gə́ d’undai dan kəm dee’g lé Meḛ dee wəi sel dɔi’g. Dəw kára kara ə̰ji dɔi’g el, Mbata m’a kundai to gə́ njeba̰ bèe ləm, Kəmkàr gə́ m’wɔjii lé kədərə ləm tɔ, Gə mbata néra kori-korije ləi Gə́ ɔs dɔ na̰-na̰ ləm, Mbata kaiya raije gə́ bula dum tura ləm tɔ.

Jeremi 30:14 ပူးပေါင်းရင်းမြစ်များ

Maktub gə́ wɔji dɔ Jɔb 16:9

Yeḛ tim mbidi-mbidi ləm, yeḛ kɔrm gə meekḭ jugugu ləa ləm, Yeḛ sɔ ŋgaŋgee dɔm’g pəgərə-pəgərə ləma, Yeḛ rɔ səm ar kəmee ɔsm jɔgɔgɔ ləm tɔ.

Maktub gə́ wɔji dɔ Jɔb 19:11

Oŋg ləa ḭ səa to gə́ pər bèe dɔm’g. Yeḛ ra səm to gə́ dəw gə́ kára mbuna njéba̰je’g ləa bèe.

Maktub gə́ wɔji dɔ Jɔb 30:21

I tel ra səm kədərə ləm, I rɔ səm gə jii gə́ ɓar mèr-mèr ləm tɔ.

Pakɔsje 107:17

Mbə-dəwje lé panjaa dee ɓa ar ta wa ne dɔ dee ləm, Néra kori-korije lə dee lé Ar dee tel to ne njénékəmndooje ləm tɔ.

Esai 57:13

Loo gə́ seḭ a no̰je wəl lé See boo-magpoleje lə sí d’a taa sí kila sí tar wa. Lel gə́ ula lé a kodo deḛ lai kaw sə dee ləm, Kəmə gə́ kila pugudu lé a kodo dee ləm tɔ. Nɛ yeḛ gə́ ɔm mée dɔm’g ndá A kiŋga ɓee lé gə́ né kea̰ ləm, A kiŋga mbal ləm gə́ to gə kəmee gə́ né kea̰ ləm tɔ.

Jeremi 14:17

Aa oo, ta gə́ kəm kari ula dee ɓa to nee: Man-no̰ ndəi kəm neḛ’g dan kàrá Gə loondul’g, ɓó əw el, Mbata koso-dəwje lə neḛ Gə́ to d’asəna Gə ŋgoma̰də gə́ gər ŋgaw el lé Neḛ n’ar tuji-boo teḛ dɔ dee’g, To doo gə́ a kər el.

Jeremi 2:36

See gelee ban ɓa seḭ ulaje rɔ sí ndubu Mba kar rəw-kaw sí tel ɓəd wa. Rɔkul a kḭ Ejiptə dəb dɔ sí’g To gə́ ḭ ne Asiri dəb dɔ sí’g bèe tɔ.

Jeremi 22:20

Ubaje dɔ sém mbal gə́ Liba̰ Raje ne né wəl ləm, Paje gə ndu sí gə́ tar ɓəgəgə Arje loo gə́ Basan ləma, Arje ndu sí ɓar dɔ sém loo Gə́ Abarim ləm tɔ! Mbata deḛ lai gə́ d’unda sí dan kəm dee’g lé Tuji pugudu.

Jeremi 22:22

Njékul síje lai lé Lel a kɔr dee kaw sə dee əw ləm, Deḛ gə́ d’unda sí dan kəm dee’g kara D’a kaw ɓee-ɓər’g ləm tɔ. Yen ŋga rɔkul a dəb dɔ sí’g Kar sɔḭ wa kəm sí Mbata néra meeyèrje lə sí lai.

Jeremi 30:15

See ban ɓa i no̰ njim-njim Mbata doo gə́ i iŋga ləm, Gə to gə́ tooi əw el ləm tɔ lé wa. To mbata néra kori-kori ləi Gə́ ɔs dɔ na̰-na̰ lé ləm, Mbata kaiya raije gə́ bula Dum tura lé ləm tɔ, Ɓa ma m’ra ne səi néje neelé gə mbəa.

Jeremi 32:29

Kaldeje gə́ rɔ gə ɓee-boo neelé d’a kandə keneŋ ndá d’a kila pər dɔ’g mba roo ne ɓee-boo neelé na̰’d gə kəije gə́ deḛ tuu né gə́ ə̰də sululu dɔ’g d’ar magə Baal ləm, gə́ deḛ saga nékar naŋg keneŋ d’ar magəje gə mba kar oŋg ḭ ne səm pu lé ləm tɔ.

Jeremi 32:30

Mbata Israɛlje gə Judaje lé un kudee gə basa dee ya, né gə́ majel ɓa deḛ ra kəm’g, Israɛlje lé d’ar məəm ḭ səm pu gə né gə́ ji dee ɓa ra. Njesigənea̰ ɓa pa bèe.

Jeremi 32:34

Deḛ d’unda magəje lə dee gə́ to kḛji mee kəi gə́ rim ɓar dɔ’g gə mba kar kəi neelé mina̰ ne.

Jeremi 32:35

Deḛ d’uba dɔ looje gə́ ndəw d’ar magə-Baal mee wəl-loo gə́ Ben-Hinom gə mba roo ŋgan deeje gə́ diŋgam gə njé gə́ dené keneŋ kar magə-Molok. Yee ɓa to né gə́ ma m’un ndum dɔ’g m’ar dee nda̰ el. Kar dee ra néje gə́ to kḛji togə́bè mba kar Judaje ra ne kaiya lé takə̰jee ree dɔm’g nda̰ el.

Jeremi 38:22

D’a kaw gə denéje lai gə́ nai mee kəi’g lə mbai gə́ Juda kar ŋgan-mbaije lə mbai gə́ Babilɔn, ndá denéje neelé d’a pa pana: Deḛ gə́ d’ila mber meekulɔm d’ari lé Deḛ su kəmi dum ne dɔi, Nɛ loo gə́ i ula gɔli bɔrɔ-dubu’g Ndá deḛ sa rɔ dee.

Jeremi 4:30

Nɛ seḭje gə́ Jerusalem lé See ɗi ɓa a raje wa. Seḭ a kulaje kubu gə́ kas njir-njir rɔ sí’g ləm, Seḭ a ɗɔije rɔ sí gə néɗɔi-rɔje Gə́ ra gə larlɔr ləma, Seḭ a ndəmje pɔrɔ kəm sí’g ləm tɔ. Nɛ seḭ a ɗɔije rɔ sí pi. Deḛ gə́ njéndigi síje lé D’a kḛji sí bəḭ-bəḭ ləm, D’a ndigi kar sí wəije ləm tɔ.

Jeremi 44:22

Njesigənea̰ askəm kila mée gə́ kédé-kédé el mbata néra meeyèrje lə sí ləm, gə mbata néraje gə́ mina̰ gə́ seḭ raje lé ləm tɔ. Yee ɓa ɓee lə sí tuji ne pugudu ləm, tel to ne dɔ nduba ləma, tel to ne nékila ndɔl dɔ’g ləm tɔ, to gə́ dəwje lai d’oo ne ɓogənè lé.

Jeremi 5:5

M’a kaw rɔ dəwje gə́ boo-boo’g Ndá m’a kula dee ta, Mbata deḛ lé gər rəw lə Njesigənea̰ ləm, Gə torndu Ala lə dee ləm tɔ. Nɛ deḛ lai kara təd néməməna̰ gwɔs dee’g ləm, Deḛ gaŋg kúla rɔ dee’g ləm tɔ.

Jeremi 5:6

Gelee gə́ nee ɓa Toboḭ gə́ mee kag-kɔr’g tɔl dee ne ləm, Jagmjər gə́ dɔdilaloo’g tuji dee ne ləma, Kàgje d’iya ne rɔ dee no̰ ɓee-booje’g lə dee ləm tɔ, Deḛ lai gə́ d’a kunda loo mee ɓee’g nee teḛ ndá D’a ti dee mbidi-mbidi, Mbata nékal godndu lə dee to yaa̰ ləm, Néra majikojielje lə dee ḭ dɔ maree’d Gə́ kédé-kédé ləm tɔ.

Jeremi 50:42

Deḛ d’odo ɓandaŋgje Gə ŋgan niŋgaje, Deḛ to njémeemajelje ləm, D’oo kəmtondoo el ləm tɔ. Deḛ tuba kundaje, Deḛ d’isi pèrèrè gə mba rɔ To gə́ dəw gə́ kára ba bèe, D’a gə rɔ sə sí-seḭ gə́ Babilɔn Gə́ toje asəna gə ŋgoma̰də!

Jeremi 6:23

Deḛ d’odo ɓandaŋgje Gə ko̰ niŋgaje ləm, Deḛ to njémeemajelje Ɓó d’oo kəmtondoo el ləma, Ndu dee ɓar asəna gə baa-boo-kad bèe ləm tɔ. Deḛ d’uba kundaje D’isi pèrèrè gə mba rɔ To gə́ dəw gə́ kára ba bèe, Mba rɔ sə sí-seḭ gə́ síje Sio̰!

Nɔ̰-ndôo gə́ wɔji dɔ Jerusalem 1:19

Ma m’ɓar baokuraje ləm Nɛ deḛ d’ərm gə́ kər ɓa. Njékinjanéməsje ləm gə ŋgatɔgje ləm kara D’wəi mee ɓee-boo’g Loo gə́ d’aw saŋg nésɔ mba kul ne rɔ dee.

Nɔ̰-ndôo gə́ wɔji dɔ Jerusalem 1:2

Yee no̰ loondul’g Ar mán-no̰ tɔ kəmee wə-wə, Nɛ mbuna deḛ gə́ ndigee’g kédé lé Dəw kára bèe gə́ njegɔl mée godo, Baokuraje ləa lai tel d’ubá d’yá̰ Ndá deḛ tel to njéba̰je ləa.

Nɔ̰-ndôo gə́ wɔji dɔ Jerusalem 2:1

Ɗi togə́bè wa. Ɓa Njesigənea̰ ar oŋg ḭ səa pu Ɓa dəb ne rigim dɔ ŋgoma̰də gə́ Sio̰’g lé wa. Boo-nérɔnduba lə Israɛl gə́ ndɔḭ wər-wər lé Yeḛ ḭ səa dara ɔsee piriŋ ilá naŋg! Yeḛ ar mée wəi dɔ nétura-gɔl-kɔm’g ləa Mee ndɔ oŋg’d ləa lé tɔ.

Ejekel 23:22

Gelee gə́ nee ɓa Oholiba, Mbaidɔmbaije gə́ Njesigənea̰ pa togə́bè pana: Aa oo, n’a gə kɔs kudu njéto seije kar dee d’ḭ səi, deḛ gə́ i tel ndigi dee el lé ndá n’a kar dee d’ḭ gə looje ɓəd-ɓəd ree rɔ səi,

Ejekel 23:9

Gelee gə́ nee ɓa neḛ n’ubá n’yá̰ ne meḛ ji njéto səaje’g, meḛ ji Asirije’g deḛ gə́ yeḛ ar mal dee o̰ mée lèm-lèm lé ya.

Loo gə́ killa rea kəm Daniel’g 9:11

Israɛlje lai d’al ta ta godnduije’g ləm, deḛ d’uba rəw ləi d’ya̰ d’oo ne ndui el ləm tɔ. Togə́bè ɓa ta ndɔlje gə ndu manje gə́ ndaŋg taree mee maktub godndu Moyis’g, kura lə Ala wa ne dɔ sí gə mbəa, mbata jeḛ n’raje kaiya, j’ɔsje ne ta lə Ala rəw.

Loo gə́ killa rea kəm Daniel’g 9:13

Tuji-boo neelé teḛ dɔ sí’g gə goo taree gə́ ndaŋg mee maktub godndu Moyis’g ya. Nɛ jeḛ n’toje ta Njesigənea̰, Ala’g lə sí pəgə-pəgə el ləm, j’ubaje goo néra kori-korije lə sí j’ya̰ el ləma, jeḛ n’tugaje mbi sí mba koo ne kankəmta ləi el ləm tɔ.

Loo gə́ killa rea kəm Daniel’g 9:5

Jeḛ n’raje kaiya ləm, jeḛ n’raje néraje gə́ kori-kori ləm, jeḛ n’toje njémeeyèrje gə njékaltaje ləma, godnduije gə tornduije lé j’uba dee j’ya̰ dee ləm tɔ.

Ojee 2:5

Ɓó lé bèe el ndá n’a tɔr kubu rəa’g, Kyán kudee dum to gə́ ndɔ kojee’g bèe ləm, N’a karee to asəna gə dɔdilaloo gə́ tudu kurum-kurum bèe ləma, N’a karee wəi yoo-kunda-mán ləm tɔ.

Ojee 5:14

Eprayimje lé m’a ra sə dee né Asəna gə toboḭ bèe ləm, Judaje kara m’a ra sə dee né Asəna gə kura toboḭ ləm tɔ. M’a ti dee mbidi-mbidi ɓa m’a kɔd kaw ɓəi. M’a kodo dee kaw ne Ndá dəw kára kara a taa dee jim’g el.

Abdias 1:7

Deḛ lai gə́ d’ɔm sə sí na̰’d lé Deḛ korə sí njal Teḛ sə sí rəw-nim-ɓee’g ləm, Baokuraje lə sí kara Su kəm sí dum ne dɔ sí ləma, Deḛ gə́ d’o̰ muru lə sí kara D’iya gumje no̰ sí’g ləm tɔ Nɛ kəm sí inja dɔ’g ar sí gərje el ya saar.