Jeremi 3:12 - Maktub gə́ To gə Kəmee

¹² Ɔd aw ila mber ar njé gə́ dɔgel d’oo taje nee pana: Israɛlje, seḭ gə́ toje majikojije el lé Tel reeje rɔm’g, Njesigənea̰ ɓa pa bèe. M’a kaa sí gə kəm dɔbee el Mbata ma m’to njemeekoso lemsé Ɓó ma m’ŋgəm oŋg ləm saar-saar el.

Jeremi 3:12 ပူးပေါင်းရင်းမြစ်များ

Gḭ-Néje 4:7

Tɔgərɔ ya, ɓó lé i ra maji ndá i a kun dɔi tar gogo ɓəi. Nɛ ɓó lé i ra majel ndá kaiya to takəi’g ləi, yee ndiŋga rəa gə mba kwai nɛ i lé maji kari dum dəa ɓa.

2 Mbaije 15:29

Mee ndəa’g lə Péka, mbai gə́ Israɛl lé Tiglat-Pileser, mbai gə́ Asiri ree taa Ijo̰ ləm, gə Abel-Bet-Maaka ləm, gə Janoa ləm, gə Kedes ləm, gə Asɔr ləm, gə Galaad ləm, gə Galile ləma, gə ɓeeje lai gə́ Neptali ləm tɔ ndá yeḛ wa dəwje gə́ keneŋ gə́ ɓər aw sə dee Asiri.

2 Mbaije 17:23

saar loo gə́ Njesigənea̰ tuba Israɛlje nea̰’g ɔm dee əw, to gə́ yeḛ pa ne gə ndu kuraje ləa lai gə́ to njéteggintaje lé. Gelee gə́ nee ɓa d’wa ne Israɛlje ɓər d’aw ne sə dee əw mee ɓee gə́ Asiri ar dee d’isi lée’g neelé saar teḛ ne mee ndəa gən.

2 Mbaije 17:6

Loo gə́ ləb ko̰ɓee lə Ojee as jinaikara ndá mbai gə́ Asiri taa ɓee gə́ Samari, tɔɓəi yeḛ wa Israɛlje ɓər aw sə dee Asiri. Yeḛ ar dee d’isi Halah ləm, gə mbɔr Habor, baa gə́ Gosan’g ləma, gə mee ɓee-booje’g lə Medəje ləm tɔ.

2 Mbaije 18:1

Mee ləb ko̰ɓee’g lə Ojee, ŋgolə Ela, mbai gə́ Israɛl gə́ njekɔm’g munda lé ɓa Ejekias, ŋgolə Akas, mbai gə́ Juda un kudu ko̰ɓee keneŋ.

2 Sôrta Gḭka Israɛlje 29:10

Gelee gə́ nee ɓa m’wɔji gə mba kar síjeḛ gə Njesigənea̰, Ala lə Israɛlje manrɔ sí j’ar na̰ gə mba kar oŋg ləa gə́ o̰ to gə́ pər bèe lé wəi ne dɔ sí’g bèm ya.

2 Sôrta Gḭka Israɛlje 30:9

Ɓó lé seḭ ɔsje badm telje gə́ rɔ Njesigənea̰’g ndá deḛ gə́ d’wa ŋgako̰ síje gə ŋgan síje d’aw sə dee ɓee-ɓər’g lé d’a koo kəmtondoo lə dee kar dee tel ree mee ɓee’g neelé gogo tɔ, mbata Njesigənea̰, Ala lə sí to njemeekoso lemsé gə njékoo kəmtondoo ndá yeḛ a kun kəmee dɔ sí’g rəw loo gə́ seḭ reeje rəa’g lé el.

Pakɔsje 103:17

Nɛ meemaji lə Njesigənea̰ lé to saar-saar Mbata lə njéɓəleeje ləm, Meekɔrjol ləa lé to saar-saar Mbata lə ŋgan meḛ ŋgan deeje ya ləm,

Pakɔsje 103:8

Njesigənea̰ lé to njemeekɔrjol gə njekoo kəmtondoo lə dəwje ləm, Yeḛ ila mée dɔ oŋg’g ləa ləma, Yeḛ to bao-meemaji ləm tɔ.

Pakɔsje 103:9

Yeḛ to njendaŋ dəwje gə́ kédé-kédé el ləm, Oŋg ləa kara yeḛ wa mée’g saar-saar el ləm tɔ.

Pakɔsje 145:8

Njesigənea̰ lé to njemeekɔrjol ləm, Gə njemeekaw taḭ-taḭ ləm tɔ, Oŋg ḭ səa kalaŋ el ləm, Meemaji ɓa yeḛ to babee ləm tɔ.

Pakɔsje 79:5

Njesigənea̰, see ndɔ gə́ ra ɓa a kunda ŋgaŋ meekḭ jugugu ləi ɓəi wa. See ndɔ gə́ ra ɓa oŋg ləi gə́ taa pər bilim-bilim lé a kwəi bèm wa.

Pakɔsje 86:15

Nɛ i Mbaidɔmbaije lé I to Ala gə́ njemeekoso lemsé ləm, Gə njekookəmto̰doo ləm tɔ, Oŋg ḭ səi kalaŋ el ləm, Meemaji gə meenda londoŋ lé ɓa I to babee ya ləm tɔ.

Pakɔsje 86:5

Mbaidɔmbaije, i to njemeemaji ləm, Gə njemeekoso lemsé ləm tɔ. Deḛ lai gə́ ɓar rii lé I unda dee dan kəmi’g.

Gosota-Kəmkàrje 28:13

Dəw gə́ iya dɔ nékaltaje ləa lé a teḛkɔr el, Nɛ yeḛ gə́ tegginee gə́ raga ləm uba ya̰ ləm tɔ ndá Iŋga meekoso lemsé.

Esai 31:6

Seḭ Israɛlje lé maji kar sí telje gə́ rɔ yeḛ gə́ seḭ ubáje yag yá̰je lé!

Esai 44:22

Ma m’bɔr nékaltaje lə sí mbɔji Asəna gə kil-lə-ndi gə́ dəs bèe ləm, M’bɔr kaiyaje lə sí mbɔji Asəna gə mum gə́ sané bèe ləm tɔ, Gə́ telje reeje rɔm’g Mbata ma m’uga dɔ sí mba̰.

Jeremi 11:6

Njesigənea̰ ulam pana: Taje lai neelé maji kam m’ila mberee mee ɓee-boo gə́ Juda ləm, gə mba̰-rəwje lai gə́ Jerusalem ləm tɔ m’pana: Ooje taje lə manrɔ neelé ndá raje née.

Jeremi 12:15

Nɛ gée’g gogo loo gə́ n’ɔr dee mba̰ ndá n’a tel koo kəmtondoo lə dee gogo ləm, n’a tel gə nana kara gə́ dɔ nédɔji’g ləa-ləa, kar nana kara aw mee ɓee’g ləa-ləa ləm tɔ.

Jeremi 23:8

Nɛ d’a pana: Njesigənea̰ to Njesikəmba, yeḛ gə́ ar ŋgaka gel-bɔje lə Israɛl d’ḭ mee ɓee gə́ dɔgel ləm, gə ɓeeje lai gə́ neḛ n’tuba dee n’ɔm dee keneŋ kédé ləm, gə n’tel sə dee n’ree sə dee mee ɓee’g lə dee ləm tɔ. Ndá d’isi mee ɓee’g lə dee ya.

Jeremi 3:1

Njesigənea̰ pana: Ɓó lé diŋgam tuba dené ləa Ɓa dené neelé ubá yá̰ Tel to dené lə dəw gə́ raŋg lé See diŋgam neelé a tel kaw rəa’g ɓəi wa. See ɓee neelé a tel mina̰ gə mbəa el wa. Nɛ seḭ lé seḭ toje asəna Gə kaiya-denéje kəm njéndigi síje gə́ bula lé Ɓa seḭ a gə tel reeje rɔm’g ɓəi! Njesigənea̰ ɓa pa bèe.

Jeremi 3:14

Gə́ tel reeje, seḭ njékɔsta-rəwje, Njesigənea̰ ɓa pa bèe, mbata ma m’to ɓée síje. M’a kun sí mee ɓee-boo gə́ kára ləm, m’a kodo sí joo dan njémeekəije gə́ kára ləm tɔ. Ndá m’a kaw sə sí Sio̰.

Jeremi 3:18

Mee ndəaje’g neelé gel-bɔje lə Juda d’a kɔm na̰’d gə gel-bɔje lə Israɛl, d’a kḭ na̰’d mee ɓee gə́ dɔgel kaw mee ɓee gə́ ma m’ar bɔ deeje-je gə́ né ka̰ dee lé.

Jeremi 3:22

Gə́ tel reeje, seḭ njékɔsta-rəwje, M’a kar məəm oso lemsé Dɔ nékaltaje’g lə sí. Aa oo, yḛ̀ j’aarje nee, jeḛ n’reeje rɔi’g Mbata i to Njesigənea̰ gə́ to Ala lə sí.

Jeremi 3:5

See yeḛ a kar oŋg ləa to saar wa. See yeḛ a ŋgəm oŋg lé mée’g saar-saar gə no̰ wa. Aa ooje, seḭ paje ta nee ya Nɛ seḭ raje majel kəm sí gə́ kédé-kédé ləm, Seḭ gərje gao ləm tɔ.

Jeremi 3:7

Ndá ma m’pana: Gə goo néje nee lai lé deḛ d’a tel ree rɔm’g ɓəi. Nɛ deḛ tel ree rɔm’g el. Tɔɓəi ŋgako̰ deeje gə́ dené gə́ to Judaje gə́ to njéhulaije lé kara d’oo njai ya tɔ.

Jeremi 30:11

Mbata Njesigənea̰ pana: Ma m’nai səi gə mba kɔri kilai tar, Ginkoji dəwje gə raŋg lai Gə́ ma m’tubai m’ilai mbuna dee’g lé M’a tuji dee pugudu-pugudu, Nɛ i lé ndá m’a tujii pugudu el, M’a kar bo̰ nérai ɔs tai’g gə goo rəbee Ɓó ma m’askəm kya̰’i Lal kwɔjii kəmkàr el!

Jeremi 31:20

Njesigənea̰ ɓa pa bèe pana: See Eprayimje to ŋganəmje Gə́ m’a m’ndigi dee ləm, To ŋganəmje gə́ m’unda dee dan kəm’g ləm tɔ ya wa. Mbata loo gə́ ma m’pata yaa̰ M’wɔji ne dɔ dee lé Meem olé dɔ dee’g unda njé gə́ kédé ya tɔ. Yee ɓa məəm aw ne taḭ-taḭ mbata lə dee gə mbəa, Tɔgərɔ m’a koo kəmtondoo lə dee ya.

Jeremi 31:21

Seḭ Israɛlje gə́ toje asəna gə ŋgoma̰də lé Maji kar sí telje Undaje nétɔji kuru loo lə sí ləm, Urje kag-tɔji rəwje lə sí ləm tɔ, Undaje kəmkàr dɔ rəw’d Gə́ to kila-rəwkaw sí’g Telje reeje mee ɓee-booje’d Gə́ neelé gə́ to ka̰ sí!

Jeremi 31:8

A ooje, ma m’ar dee D’ḭ ɓee gə́ dɔgel tel ree ləm, Deḛ gə́ d’isi gwɔi naŋg lé kara M’a mbo̰ dee dɔ na̰’d ləm tɔ, Njékəmtɔje, gə njémədje, gə denéje Gə́ d’aw gə kèm Gə njé gə́ d’isi gə ndóo to mbuna dee’g, To dəwje gə́ bula digi-digi Ɓa tel ree lée’g neelé.

Jeremi 33:26

ma m’a kuba ŋgaka Jakob, gə ŋgaka kura ləm Dabid kya̰ dee togə́bè ləm, mbuna ŋgakeaje’g lé m’a kɔr deḛ gə́ d’a gə ko̰ dɔ ŋgaka Abrakam, gə ka̰ Isaak, gə ka̰ Jakob el ŋga ləm tɔ. Mbata m’a kar njé’g lə dee gə́ d’aw ɓee-ɓər’g tel ree ɓée ləm, m’a koo kəmtondoo lə dee ləm tɔ.

Jeremi 4:1

Seḭ Israɛlje, ɓó lé seḭ telje Seḭ tel reeje rɔm’g, Njesigənea̰ ɓa pa bèe. Ɓó lé seḭ tɔrje néje gə́ mina̰ nɔm’g Ndá seḭ a kilaje tar mbir-mbir el ŋga.

Nɔ̰-ndôo gə́ wɔji dɔ Jerusalem 3:22

Némeemajije lə Njesigənea̰ lé Rudu dee godo ləm, Némeekaw taḭ-taḭje ləa kara D’unda ŋgaŋ dee el ləm tɔ.

Ejekel 11:17

Gelee gə́ nee ɓa m’a kula dee pana: Mbaidɔmbaije gə́ Njesigənea̰ pa togə́bè pana: N’a kḭ sə sí mbuna ginkoji dəwje gə raŋg’g mbo̰ sí dɔ na̰’d ləm, n’a kar sí undaje loo mee ɓeeje ɓəd-ɓəd gə́ neḛ n’sané sí keneŋ lé teḛje reeje ləm tɔ ndá n’a kar sí dɔ naŋg gə́ Israɛl gə́ néka̰ sí ya.

Ejekel 33:11

Maji kam m’ula dee m’pana: Neḛ n’to njesikəmba! Mbaidɔmbaije gə́ Njesigənea̰ ɓa pa bèe, né gə́ wa mee neḛ lé to mba kar njemeeyèr wəi ɓa el nɛ karee un panjaa gə́ sigi si ne kəmba ɓa wa mee neḛ. Ɔsje badm telje, ubaje goo rəw néra gə́ majel lə sí ya̰je, see a kwəije mba ɗi tɔɓəi wa, seḭ gel-bɔje lə Israɛl.

Ejekel 39:25

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Ɓasinè n’a tel gə njé’g lə Jakob gə́ d’aw sə dee ɓee-ɓər’g lé ree sə dee ləm, n’a koo kəmtondoo lə gel-bɔje lə Israɛl lai ləma, n’a kaḭ bada dɔ ri neḛ gə́ to gə kəmee lé ləm tɔ.

Ojee 6:1

Yen ŋga seḭ pajena: Gə́ reeje ar sí n’telje gə́ rɔ Njesigənea̰’g! Mbata yeḛ nja ar sí doo, Nɛ yeḛ nja a karee ər kəmsə ɓəi. Yeḛ nja unda sí, Nɛ yeḛ nja a tɔ ta dooje lə sí ɓəi tɔ.

Ləbije 26:40

Nɛ d’a teggin néra kori-korije lə dee-deḛ gə ka̰ bɔ deeje-je gə́ raga ləm, gə kuba gə́ d’ubam d’ya̰’m lé ləma, gə kɔs gə́ deḛ d’ɔsm rəw lé ləm tɔ,

Jakari 1:4

Maji kar sí toje asjena gə ka síje-je gə́ njéteggintaje gə́ dɔtar d’ula dee ta pana: Njesigənea̰ gə́ njeboo-néje pa togə́bè pana: Maji kar sí ubaje goo panjaa sí gə néra sí gə́ majel lé ya̰je. Nɛ dee d’oo el ləm, dee d’ur mbi dee gə́ dɔ ta’g lə neḛ el ləm tɔ. Njesigənea̰ ɓa pa bèe.

Tel tura Godndu 30:2

ɓó lé seḭ telje reeje rɔ Njesigənea̰ Ala’g lə sí ləm, ɓó lé seḭ tədje kag torndia dɔɓəŋgərə sí’g gə kankəmrɔ sí bura, seḭ ləm gə ŋgan síje-je gə goo néje lai gə́ ma m’ndaŋg taree m’ar sí ɓogənè ləm tɔ ndá,