Jeremi 27:15 - Maktub gə́ To gə Kəmee

¹⁵ Njesigənea̰ pana: Ma m’ula dee el, nɛ deḛ teggin taŋgɔm gə rim gə mba kam m’tuba sí ne, seḭ gə njéteggintaje gə́ tegginta d’ar sí lé kar sí uduje ne.

Jeremi 27:15 ပူးပေါင်းရင်းမြစ်များ

2 Sôrta Gḭka Israɛlje 25:16

Loo gə́ yeḛ aar pata bèe ɓəi ndá Amasia ulá pana: See jeḛ j’undai gə́ njekwɔji-takəmkar lə mbai wa. Ɔd tam’g! See gelee ban ɓa i ndigi kar dee tɔli wa. Njetegginta lé ɔd təa’g ndá pana: Ma m’gər gao Ala wɔji-kwɔji tujii mbata né gə́ i ra neelé ləm, mbata i ndigi koo takwɔji-kəmkàr ləm el ləm tɔ.

Jeremi 14:14

Ndá Njesigənea̰ ulam pana: Taŋgɔm ɓa njéteggintaje lé teg ne ginta gə ri neḛ, neḛ n’ula dee el ləm, n’un ndu neḛ n’ar dee el ləma, m’pata n’ar dee el ləm tɔ. Némḭdije gə́ ŋgɔm ləm, gə ginta néje gə́ d’a ree gə́ pa kari ba ləma, gə ta sukəmlooje gə́ d’ḭ ne meḛ dee’g ləm tɔ ɓa deḛ tegginee d’ar sí.

Jeremi 20:6

Tɔɓəi i Pasur gə njémeekəije ləi lai, seḭ a kawje ɓee-ɓər gə́ Babilɔn, ndá lée neelé ɓa i a kwəi keneŋ ndá d’a dubi keneŋ tɔ, i ləm gə baokuraje ləi lai gə́ i tegginta gə́ ŋgɔm ar dee lé ləm tɔ.

Jeremi 23:15

Gelee gə́ nee ɓa Njesigənea̰ gə́ njeboo-néje pa ne ta togə́bè Dɔ njéteggintaje’g pana: Aa ooje, n’a kar dee d’usɔ kam kag-táaje ləm, N’a kar dee d’ai mán gə́ kuma̰-yoo to keneŋ ləm tɔ. Mbata njéteggintaje gə́ Jerusalem lé D’ar kɔs ta lə Ala rəw Taa loo mee ɓee’g pəl-pəl.

Jeremi 23:21

Neḛ n’ula njéteggintaje neelé el Nɛ deḛ d’aḭ d’aw, Neḛ m’pata n’ar dee el Nɛ deḛ tegginta.

Jeremi 23:25

Neḛ n’oo ta gə́ njéteggintaje pa teg ne ginta gə taŋgɔm gə ri neḛ pana: Ma m’ni, ma m’ni.

Jeremi 27:10

Mbata deḛ teggin taŋgɔm ɓa d’ar sí gə mba kam m’tuba sí ne mee ɓee’g lə sí m’ɔm sí əw ləm, gə mba kar sí uduje ne ləm tɔ.

Jeremi 29:8

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: Maji kar sí ya̰je loo arje njéteggintaje lə sí, gə njénékooje lə sí gə́ d’isi mbuna sí’g lé su kəm sí el. Ɔmje meḛ sí dɔ njekɔr gel nije gə́ d’aw d’ɔr gel nije lə sí lé el ləm tɔ.

Jeremi 29:9

Mbata taŋgɔmje ɓa deḛ tegginee gə ri neḛ d’ar sí. Neḛ ɓa n’ula dee el. Njesigənea̰ ɓa pa bèe.

Jeremi 38:22

D’a kaw gə denéje lai gə́ nai mee kəi’g lə mbai gə́ Juda kar ŋgan-mbaije lə mbai gə́ Babilɔn, ndá denéje neelé d’a pa pana: Deḛ gə́ d’ila mber meekulɔm d’ari lé Deḛ su kəmi dum ne dɔi, Nɛ loo gə́ i ula gɔli bɔrɔ-dubu’g Ndá deḛ sa rɔ dee.

Matiyo 15:14

Maji kar sí ya̰ deeje. Deḛ to njékəmtɔje gə́ d’ula kag ji na̰’d. Ɓó lé njekəmtɔ a ndɔr njekəmtɔ maree ndá deḛ joo bɔr d’a koso godə-bwa’g ya.

Matiyo 24:24

Mbata njéndaji Kristije gə njétegginta gə́ ŋgɔmje d’a kuba na̰ kḭ gə mba ra nékɔbje gə némɔrije gə mba su ne kəm dəwje saar deḛ gə́ d’ɔr dee d’unda dee gə kəmee lé ya kara d’a koso keneŋ ləm tɔ.

Loo gə́ killa rea kəm Ja̰’g 19:20

Deḛ d’wa da lé gə njéteggintaje gə́ ŋgɔm lé na̰’d, deḛ gə́ ra nékɔbje nea̰’g su ne kəm dəwje gə́ deḛ tɔs nétorji lə da lé ŋgo no̰ dee’g ləm, deḛ pole ne néndajirea lé ləm tɔ. Deḛ joo bɔr lé d’ɔm dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir.