Jeremi 26:4 - Maktub gə́ To gə Kəmee

⁴ A kula dee pana: Njesigənea̰ pa togə́bè pana: Ɓó lé seḭ ooje ta ləm gə mba njaa gə goo godndum gə́ m’unda no̰ sí’g el ləm,

Jeremi 26:4 ပူးပေါင်းရင်းမြစ်များ

1 Mbaije 9:6

Nɛ ɓó lé seḭ ubamje ya̰’mje, seḭ əsé ŋgan síje ləm, ɓó lé seḭ aaje dɔ godndumje gə torndumje gə́ ma m’un m’ar sí lé el ləm, ɓó lé seḭ aw poleje magəje ləma, gə undaje barmba no̰ dee’g ləm tɔ ndá,

Esai 1:20

Nɛ ɓó lé seḭ mbadje ləm, Ɓó lé seḭ ɔsje ta rəw ləm tɔ ndá D’a tuji sí gə kiambas Mbata yee ɓa gə́ né gə́ Njesigənea̰ pa njaŋg ya.

Jeremi 17:27

Nɛ loo gə́ m’un ndum m’ar sí mba kar sí undaje ndɔ-kwa-rɔ gə kəmee ləm, kar sí odoje nékodo gə́ wɔi a̰dje ne tarəwkɔgje’d gə́ Jerusalem mee ndɔ-kwa-rɔ’g el ləm tɔ lé ɓó lé seḭ unje mbi sí rəw dɔ’g ndá m’a kila pər tarəwkɔgje’g lə ɓee-boo karee roo kəi-mbaije gə́ Jerusalem dula-dula kar pəree wəi nda̰ el.

Jeremi 22:5

Nɛ ɓó lé seḭ unje mbi sí rəw dɔ taje’g neelé ndá Njesigənea̰ pana: Neḛ manrɔ neḛ bər-bər mba kar kəi-mbai neelé tel to dɔ nduba.

Jeremi 32:23

Deḛ ree keneŋ, deḛ taa gə́ né ka̰ dee. Nɛ deḛ d’ila ŋgonkoji dɔ tapai’g el ləm, deḛ d’aa dɔ godnduije kər-kər el ləma, deḛ ra néje lai gə́ i un ndui dɔ’g mba kar dee ra lé el ləm tɔ. Yee gə́ bèe ɓa i ar nékəmndooje lai neelé teḛ ne dɔ dee’g gə mbəa.

Jeremi 44:10

Saar ɓogənè lé deḛ d’ula dɔ dee el ləm, deḛ ɓəl el ləma, deḛ ra godndum gə torndum gə́ m’unda no̰ sí’g gə no̰ bɔ síje-je’g lé el ləm tɔ.

Jeremi 44:23

Mbata seḭ tuuje né gə́ ə̰də sululu raje ne kaiya ɔsje ne ta lə Njesigənea̰ rəw ləm, mbata seḭ unje mbi sí rəw dɔ ta’g lə Njesigənea̰ ləma, seḭ aaje dɔ godndiaje, gə ndukunje ləa, gə torndiaje el ləm tɔ, gelee gə́ nee ɓa némeekonje nee teḛ ne dɔ sí’g to gə́ d’oo ne ɓogənè lé tɔ.

Jeremi 7:14

kəi gə́ rim ɓar dɔ’g gə́ seḭ ɔmje meḛ sí dɔ’g lé ləm, gə loo gə́ m’ar sí-seḭ gə bɔ síje-je ləm tɔ lé m’a ra sə dee né to gə́ ma m’ra ne gə Silo bèe ya tɔ.

Tel tura Godndu 11:32

Godnduje gə ndukunje lai gə́ ma m’un m’ar sí ɓogənè lé seḭ a kaaje dɔ dee kər-kər gə mba raje née ya.

Tel tura Godndu 31:20

Mbata m’a gə kaw gə dəwje neelé mee ɓee gə́ ma man ne rɔm m’ar bɔ deeje-je gə mba kar dee ya, to ɓee gə́ mbà gə ubu tə̰ji to keneŋ yaa̰, deḛ d’a sɔ né karee as dee nag-nag ləm, gə d’a kər ne ndɔl-ndɔl ləm tɔ. Yen ŋga d’a gə tel rɔ dee rɔ magəje gə́ raŋg’d gə mba pole dee ləm, d’a kḛjim bəḭ-bəḭ kal ne dɔ manrɔ ləm ləm tɔ,

Tel tura Godndu 4:44

Tornduje, gə godnduje, gə ndukunje gə́ Moyis unda no̰ Israɛlje’g ɓa nee ləm,

Tel tura Godndu 4:8

Esé see ginkoji dəwje gə́ boo gə́ ra ɓa d’aw gə godnduje gə ndukunje gə́ gəd-gəd to gə́ godnduje nee lai gə́ ma m’unda no̰ sí’g ɓogənè lé wa.

Ǝbrəje 6:18

mba kar mbɔl dɔ ndu gə́ gel joo gə́ to njaŋg gə́ Ala a koo loo mba pəl ta dɔ’g el lé ɓa jeḛ nja j’iŋga ta gə́ ula diŋgam meḛ sí’g jugugu-jugugu ləm, jeḛ n’taa ta neelé sagm j’unda ne meḛ sí yel dɔ’g ləm tɔ ndá j’uru ne njo̰loo’g pḛ́ tɔ.