Jeremi 26:2 - Maktub gə́ To gə Kəmee

² Njesigənea̰ pa togə́bè pana: Aw aar tar gad-kəi’g lə Njesigənea̰’g ndá ula deḛ gə́ d’ḭ ɓee-booje lai gə́ Juda ree d’unda barmba mee kəi’g lə Njesigənea̰ lé taje lai gə́ m’un ndum mba kari ula dee lé, a kya̰ rɔta kára kara el.

Jeremi 26:2 ပူးပေါင်းရင်းမြစ်များ

Jeremi 1:17

Nɛ i lé maji kari ḭta ɔm mina̰ wuri’g Ula dee ta néje lai gə́ m’a gə kulai lé. Unda bala no̰ dee’g el Nà ma nja m’a kari unda bala no̰ dee’g

Jeremi 1:7

Ndá Njesigənea̰ ilam keneŋ pana: Maji kari pana: M’nai ŋgon bèe lé el, Mbata a kaw rɔ deḛ lai Gə́ m’a kulai rɔ dee’g ləm, A pata néje lai gə́ m’un ndum dɔ’g m’ari lé ləm tɔ.

Jeremi 19:14

Jeremi ḭ Topet, loo gə́ Njesigənea̰ ulá aree aw tegginta keneŋ lé tel ree ɓée. Tɔɓəi yeḛ aw aar mee gad-kəi’g lə Njesigənea̰ ndá yeḛ ula koso-dəwje lai pana:

Jeremi 23:28

Njetegginta gə́ ni ndá maji karee ndaji ta ni neelé ləm, ɓó lé yeḛ oo ta lə neḛ ndá maji karee pa gə goo rəbee ləm tɔ. See gelee ban ɓa oreeje kandə kó Gə kandə mu na̰’d wa. Njesigənea̰ ɓa pa bèe.

Jeremi 25:2

Jeremi pata neelé no̰ koso-dəwje lai gə́ Juda ləm, gə no̰ njé gə́ Jerusalem ləm tɔ pana:

Jeremi 28:5

Jeremi, njetegginta ila Hanania, njetegginta’g kəm njékinjanéməsje’g ləm, gə kəm koso-dəwje’g lai gə́ d’aar mee kəi’g lə Njesigənea̰ lé ləm tɔ pana:

Jeremi 36:10

Bèe ɓa Baruk tura taje lə Jeremi gə́ to mee maktub gə́ kə́ na̰’d lé no̰ koso-dəwje’g mee kəi’g lə Njesigənea̰. Ŋgon kəi gə́ yeḛ tura taree keneŋ lé to ka̰ Gemaria, ŋgolə Sapan, gə́ to njendaji-maktub gə́ to mee gadloo gə́ boo gə́ to mbɔr takəi’g lə Njesigənea̰ gə́ ria lə Takəi gə́ Sigi lé.

Jeremi 42:4

Jeremi njetegginta ula dee pana: M’oo ta lə sí ya. Aa ooje, m’a ra tamaji ta Njesigənea̰, Ala’g lə sí gə goo tadəji lə sí. M’a kar sí ooje taje lai gə́ Njesigənea̰ a kila sí keneŋ ɓó m’a kiya sə sí dɔ né kára kara el.

Jeremi 7:2

Aar takəi’g lə Njesigənea̰ ndá ila mber ta neelé keneŋ pana: Ooje ta lə Njesigənea̰, seḭ Judaje lai gə́ a̰dje gə tarəwje neelé gə mba kunda barmba no̰ Njesigənea̰’g lé.

Jeremi 7:27

Jeremi, ɓó lé i ula dee néje lai neelé ndá deḛ d’a kun mbi dee rəw dɔ’g, ɓó lé i ɓar dee gə ndui wəl ya kara d’a kilai keneŋ el ləm tɔ.

Ejekel 3:10

Yeḛ ulam pana: Ma ŋgon-dəw lé maji kam m’tuga mbim m’oo ne taje lai gə́ n’a gə kulam ləm, maji kam m’taa gə məəm ləm tɔ.

Ejekel 33:7

Ma ŋgon-dəw lé neḛ n’undam gə́ njeŋgəmloo mbata gel-bɔje lə Israɛl. M’a koo ta gə́ ḭ ta neḛ’g ndá m’a ndəji dee kar neḛ.

Ejekel 40:4

Dəw neelé ulam pana: I ŋgon-dəw lé maji kari aa loo gə kəmi ləm, tuga mbii oo ne ta ləm tɔ! I orè kəmi sḭ dɔ néje lai gə́ m’a gə tɔjii’g mbata deḛ ree səi loo gə́ nee’g mba karm m’tɔjii néje neelé. Néje lai gə́ a gə koo lé maji kari tegginee ar gel-bɔje lə Israɛl lai d’oo.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Lugu 19:47

Yeḛ ndoo dee ta mee kəi-Ala’g gə ndəa-ndəa. Nɛ mbai dɔ njékinjanéməsje-je ləm, gə njéndaji-maktubje ləma, gə ŋgatɔgje lə dəwje ləm tɔ lé saŋg loo gə mba karee udu ne bo̰.

Tagə́maji gə́ Ja̰ ndang 18:20

Jeju ilá keneŋ pana: Tapam to kəm dəwje’g raga pai-pai. Ma m’ndoo dee ta mee kəi-kwa-dɔ-na̰je’g gə mee kəi-Ala’g loo gə́ Jibje lai mbo̰ dɔ na̰ keneŋ ɓó m’ula dee ta gə goo ŋgəḭ kára kara el.

Tagə́maji gə́ Ja̰ ndang 8:2

Nɛ teḛ gə ndɔ rad lé yeḛ tel aw mee kəi-Ala’g ndá boo-dəwje mbo̰ na̰ kəmlə-kəmlə ree rəa’g. Yeḛ təd loo si naŋg un kudu ndoo dee ta.

Néra Njékaḭkulaje 20:20

Seḭ gərje gao ma m’lɔm sə sí dɔ né gə́ njekorè sí més loo-kula’g lé el ləm, ma m’ɓəl ndəji sí əsé ndoo sí né raga kəm dəwje’g əsé mee kəije’g el ləm tɔ.

Néra Njékaḭkulaje 20:27

Mbata torndu Ala lai lé ma m’wɔji sí ɓó m’kusu dəa kára kara bèe el.

Néra Njékaḭkulaje 5:25

Yen ŋga dəw kára teḛ dɔ dee’g ula dee pana: Aa ooje, dəwje gə́ seḭ ɔm deeje daŋgai’g lé yḛ̀ d’isi kəi-Ala’g d’isi ndoo koso-dəwje ta keneŋ d’isi’n.

Néra Njékaḭkulaje 5:42

Mee kəi-Ala’g ləm, gə mee kəije’g lə dəwje ləm tɔ lé gə ndɔ dee ndɔ dee, d’əw rɔ dee ndoo dəwje ta əsé kula dəwje tagə́maji lə Jeju Kristi keneŋ el.

Tel tura Godndu 12:5

Nɛ seḭ a sa̰geeje loo-siée’g loo gə́ Ala lə sí gə́ Njesigənea̰ a mbər mbuna ginkojije’g lə sí lai gə mba kunda ria dɔ’g lé ləm tɔ.

Tel tura Godndu 4:2

Seḭ a kilaje ta gə́ raŋg kára kara dɔ ta gə́ ma m’un ne ndum m’ar sí nee lé el ləm, seḭ a kɔrje ta kára kara keneŋ el ləm tɔ, nɛ seḭ a kaaje dɔ godndu Ala lə sí gə́ Njesigənea̰ kər-kər gə mba karee to gə goo taree gə́ m’ndaŋg ne m’ar sí lé ya.

Jujé 8:35

Taje lai gə́ Moyis un ndia dɔ’g lé Juje tura kəm koso-dəwje gə́ Israɛl lai, kəm denéje, gə ŋganje, gə dəw-dɔ-ɓeeje’d gə́ njaa mbuna dee’g ləm tɔ lé ɓó ta kára kara gə́ yeḛ lal tura lé godo ya.

Loo gə́ killa rea kəm Ja̰’g 22:19

Ɓó lé nana ɓa tuji ta gə́ a gə teḛ gə goo ta gə́ to mee maktub’g neelé ndá Ala a kɔgee dɔ kandə kag kəmə’g neelé gə́ wɔji dəa ləm, a kɔgee loo-siée mee ɓee gə́ to gə kəmee gə́ d’ɔr goo taree mee maktub’g neelé ya ləm tɔ.