Jeremi 25:34 - Maktub gə́ To gə Kəmee

³⁴ Seḭ njékul dəwje, Ɔrje ndu sí gə́ tar no̰je ne! Seḭ njékɔrno̰ koso-dəwje, Rogoje dan buu’g! Mbata ndɔje gə́ ka̰ kar dee Gaŋ gwɔb sí teḛ mba̰. N’a tɔ sí pɔs-pɔs asəna gə jo-gɔr bèe.

Jeremi 25:34 ပူးပေါင်းရင်းမြစ်များ

2 Sôrta Gḭka Israɛlje 36:10

Ləb gə́ gogo ndá mbai Nebukadnesar wá ləm, yeḛ odo nékulaje gə́ gad dee to yaa̰ gə́ to mee kəi’g lə Njesigənea̰ ləm tɔ lé aw ne Babilɔn.

Pakɔsje 2:9

M’a təd dee rém-rém gə kag-lar ləm, M’a tɔ dee pɔs-pɔs to gə́ tɔ ne jo lə njékubajoje bèe ləm tɔ.

Esai 10:12

Nɛ loo gə́ Mbaidɔmbaije a tɔl ŋgaŋ kula ləa bém dɔ mbal gə́ Sio̰ gə dɔ njé gə́ Jerusalem ndá yeḛ a kar bo̰ néra mbai gə́ Asiri ɔs təa’g mbata né beelé gə́ to dɔɓəŋgəree’g ləm, gə kəsta gə́ yeḛ ti ne rəa mugugu-mugugu ləm tɔ.

Esai 2:16

Gə mba karee gaŋgta dɔ batoje lai gə́ Tarsis ləm, Gə dɔ néje lai gə́ maji koo gə kəm ləm tɔ.

Esai 30:14

Ndògo-bɔrɔ neelé d’a tɔ pɔs-pɔs To gə́ tɔ ne jo lə njekubajo Gə́ deḛ tɔ d’ar gailá nai el ləm, Esé a kiŋga əb keneŋ Gə mba kun ne pər mee pil’g el ləma, Esé d’a kɔr ne mán ɓul-mán’g bèe el ləm tɔ.

Esai 33:1

Meeko̰ a koso dɔi-i gə́ njetujilooje lai’g Nɛ deḛ tujii el ɓəi ləm, I gə́ njekun dɔ loo Nɛ deḛ d’un dɔi el ɓəi ləm tɔ! Loo gə́ i a kunda ŋgaŋ tuji looje lai ndá D’a tujii ləm, Loo gə́ i a kunda ŋgaŋ kun dɔ loo lé ndá D’a kun dɔi ləm tɔ!

Esai 34:6

Kiambas lə Njesigənea̰ lé məs gə ubu wa keneŋ mbəgə-mbəgə, To məs ŋgan badje gə bàl bya̰je ləm, To ubu gə́ wa reŋ bàl badje ləm tɔ, Mbata nékinjaməs lə Njesigənea̰ To mee ɓee-boo gə́ Bosra ləm, Yoo-dəwje to naŋg rib-rib mee ɓee gə́ Edɔm ləm tɔ.

Esai 34:7

Dadɔgje toso na̰’d Gə maŋgje gə bɔ maŋgje tɔ, Dɔ naŋg ai məs dee ləm, Nduji naŋg o̰ ubu dee ləm tɔ.

Jeremi 18:22

Ar ndu kii ɓar mee kəije’g lə dee Loo gə́ i a kar gayim-dəwje D’uba dee naŋg bus rɔ sə dee! Mbata deḛ d’uru bwa gə mba kwam ne ləm, Deḛ d’ila ba̰dəje kila gɔlm’g ləm tɔ.

Jeremi 22:28

See Jekonia to jo gə́ tɔ gə́ d’ə̰jee bəḭ-bəḭ wa. See yeḛ to né gə́ dəw kára kara oo gə́ né el ɓəi wa. See gelee ban ɓa d’unee-yeḛ gə ŋgakeaje d’aw d’ɔm dee dɔ ɓee’d gə́ deḛ gər el lé wa.

Jeremi 23:1

Njesigənea̰ pana: Meeko̰ a koso dɔ njékul dəwje gə́ tuji nékulje gə́ d’aar loo-ko̰-mu’g lə neḛ ləm, gə́ sané dee kad-kad ləm tɔ.

Jeremi 25:12

Nɛ loo gə́ rudu ləbje gə́ rɔ-siri lé a kun ɗiao mba̰ ndá n’a kar mbo̰ néra mbai gə́ Babilɔn gə ginkoji dəwje neelé ɔs ta dee’g gə mbata néra deeje gə́ yèr. Tɔɓəi n’a kar bo̰ néra Kaldeje ɔs ta dee’g ndá n’a kar ɓee lə dee tel to dɔ nduba saar gə no̰. Njesigənea̰ ɓa pa bèe.

Jeremi 25:23

M’ar Dedanje ləm, gə Temaje ləm, gə Busje ləma, gə deḛ lai gə́ to njéndisa kil mbaita deeje ləm tɔ lé d’ai.

Jeremi 25:36

Ooje ndu no̰ lə njékul dəwje gə́ ɓar ləm, Gə ndu tuma̰ rɔ lə njékɔrno̰ koso-dəwje gə́ ɓar ləm tɔ, Mbata Njesigənea̰ tuji loo-ko̰-mu lə koso-dəwje lə dee.

Jeremi 27:7

Ginkoji dəwje gə raŋg lai d’a ra né karee-yeḛ ləm, gə ŋgonee ləma, gə ŋgokea ləm tɔ saar kar ndɔ gə́ wɔji dɔ ɓee ləa teḛ kar ginkoji dəwje gə raŋg gə́ to njésiŋgamoŋje, gə mbaije gə́ boo-boo dum ne dɔ ɓee ləa.

Jeremi 3:19

Ma m’dəji rɔm m’pana: M’a ra ba̰ gə mba kɔm sí mbuna ŋganəmje’g Mba kar sí ɓee gə́ majidum Gə́ nédɔji sí gə́ a to néɗɔi-rɔ Le ginkoji dəwje gə raŋg Gə́ ur dɔ loo lé wa. Ndá ma m’ula pana: Seḭ a ɓarmje bɔ síje ləm, Seḭ a kubamje kya̰’mje el ləm tɔ.

Jeremi 48:26

Areeje ai kido saar aree tɔlee, mbata yeḛ oo rəa gə́ njekur dɔ Njesigənea̰’g! Maji kar Moab rogo dan tɔmé’g ləa ləm, maji karee tel to nékula sul dɔ’g ləm tɔ.

Jeremi 48:38

Dɔ kəije gə́ Moab lai gə mee ndaa-looje’g ləa lé ndu no̰ sii mbigi-mbigi ya kára ba ɓar keneŋ mbata ma m’tɔ Moab pɔs-pɔs to gə́ dəw tɔ ne jo gə́ yeḛ ndigi el bèe. Njesigənea̰ ɓa pa bèe.

Jeremi 50:27

Maji kar sí tɔlje bɔ maŋgje lə deḛ lai, Awje sə dee loo-tḭja-gwɔs dee’g. Meeko̰ oso dɔ dee’g Mbata ndɔ lə dee teḛ mba̰, To kàr kar bo̰ néra dee ɔs ta dee’g.

Jeremi 6:26

Seḭ koso-dəwje ləm, Ulaje kubu-kwa-ndòo rɔ sí’g Rogoje ne babur’g, Waje ne ndòo to gə́ dəw Gə́ wa ne ndòo ŋgon kára bèe ləm, No̰je gə mán kəm sí’g Siije ne mbigi-mbigi ləm tɔ, Mbata njetujiloo a gə kuba sí naŋg bus.

Nɔ̰-ndôo gə́ wɔji dɔ Jerusalem 4:21

Maji kari al rɔi gə meendakaḭ I ŋgoma̰də gə́ Edɔm gə́ si mee ɓee gə́ Uts lé Mbata bai-oŋg neelé a teḛ rɔi’g ya, I a kai karee tɔli ndá i a kaw kudi dum tɔ.

Ejekel 34:20

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, n’a gə gaŋg rəwta mbuna badə gə́ rəa to ndəb-ndəb gə badə gə́ əŋ kəŋ-kəŋ’d.

Loo gə́ killa rea kəm Daniel’g 11:8

Yeḛ a kodo magəje lə dee ləm, gə néndajije lə dee gə́ léḛ gə larndul ləma, gə némajije lə dee gə́ ra gə larnda gə larlɔr ləm tɔ ndá a kaw ne sə dee Ejiptə gə́ nébanrɔ. Tɔɓəi mee ləbje gə́ na̰je yeḛ a si əw gə mbai gə́ dɔgel lé.

Ojee 8:8

Israɛlje d’udu guduru! Ɓasinè deḛ d’isi mbuna ginkoji dəwje gə raŋg’g Asəna gə jo-har bèe.

Amɔs 5:11

Bèe ndá to gə́ seḭ tubaje njéndooje naŋg ləm, Seḭ waje koje lə dee taaje ləma, Seḭ undaje kəije gə mbalje gə́ tɔl dee ləm tɔ Nɛ seḭ a síje keneŋ el, Seḭ waje ndɔ-nduúje gə́ maji yaa̰ Nɛ seḭ a kaije mán dee el tɔ.

Jakari 10:3

Oŋg ḭ sə neḛ pu dɔ deḛ gə́ to njékulbadje’g, N’a kar bo̰ néra bàl bya̰je lé ɔs ta dee’g, Mbata Njesigənea̰ gə́ njeboo-néje aw tən koso-nékulje ləa Gə́ to gel-bɔje lə Juda lé, Ndá yeḛ a riŋga dee asəna gə kunda rɔnduba ləa loo-rɔ’g bèe.

Jakari 11:3

Njékulbadje d’ɔr ndu dee wəl no̰ ne sii mbigi-mbigi Mbata boo-ronduba lə dee tuji mba̰, Ŋgan toboḭje d’inja miḭ hər-hər Mbata néti-rɔ lə Jurdɛ̰ lé unda naŋg ndəs.

Maktub gə́ Jak ula ne ar ngan-Allaje 5:5

Seḭ sije ga̰daŋ dɔ naŋg nee dan nérɔlel gə́ wɔji dɔ darɔ sí-seḭ ləm, seḭ sije gə meendan ndɔ ndum mburug-mburug lə dəwje ya ləm tɔ.