Jeremi 25:33 - Maktub gə́ To gə Kəmee

³³ Deḛ gə́ Njesigənea̰ a tɔl dee mee ndəa’g neelé d’a to naŋg rib-rib un kudee dəb naŋg gə́ kel kára’g saar teḛ ne debee gə́ kel gə́ raŋg’d. D’a no̰ dee el ləm, d’a kodo yoo dee el ləma, d’a dubu dee el ləm tɔ. D’a to asəna gə siḭ néje gə́ dɔ naŋg’d bèe.

Jeremi 25:33 ပူးပေါင်းရင်းမြစ်များ

2 Mbaije 9:37

Ndá nin Jejabel a to mee ndɔ gə́ Jisreel to gə́ siḭ néje gə́ to dɔ naŋg’d bèe gə mba kar dəw pana: Jejabel ɓa to’n el tɔ.

Pakɔsje 79:3

Deḛ d’ɔm məs dee naŋg asəna gə mán bèe ya Gugu ne dɔ ɓee gə́ Jerusalem lé sub Ar dəw kára bèe gə́ njedubu dee godo.

Pakɔsje 83:10

Maji kari ra sə dee to gə́ i ra gə Madian gə Sisera Gə Jabḭ mbɔr mán gə́ Kiso̰’g bèe ya.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Esai 66:16

Pər ɓa Njesigənea̰ gaŋg ne rəw-taje ləa ləm, Kiambas ləa ɓa yeḛ ar bo̰ néra dəwje ɔs ne ta dee’g ləm tɔ. Deḛ gə́ Njesigənea̰ a tɔl dee lé D’a bula digi-digi.

Jeremi 8:2

D’a naji dee kəm kàr’g, gə kəm naḭ’g, gə kəm nékundaje gə́ dará gə́ deḛ d’unda dee dan kəm dee’g pole dee ne ləm, gə́ d’un rəw goo dee’g ləm, gə deḛ saŋg dee ləma, gə d’unda barmba no̰ dee’g ləm tɔ. Dəw a mbo̰ dee dɔ na̰’d el ləm, d’a dubu dee el ləm tɔ nɛ d’a to kasəna gə ɓiri-ɓisi gə́ to dɔ naŋg’d bèe.

Ejekel 21:11

I ŋgon-dəw lé gə́ tuma̰ ŋgururu-ŋgururu ya, ar ɓəri tɔ kɔrəm ləm, tuma̰ ŋgururu-ŋgururu kəm dee’g gə meekad mbag-mbag ləm tɔ.

Ejekel 29:4

N’a tuga ki ka tai’g ləm, n’a kar ka̰jije gə́ baa-boo’g ləi d’ul na̰ ŋgwɔii’g ləm tɔ ndá n’a ndɔri dan baa-boo’g ləi teḛ səi raga na̰’d gə ka̰jije gə́ keneŋ lai gə́ d’ul na̰ ŋgwɔii’g lé.

Ejekel 29:5

N’a rɔgi piriŋ kilai dɔdilaloo’g, i gə ka̰jije lai gə́ dan baa-boo’g ləi. I a koso mee ndɔje’g nɛ dəw a kuni kundai tar el ləm, a dubi el ləm tɔ. N’a kari tel to nésɔ lə daje gə yelje.

Soponi 2:12

Seḭ Etiopije kara N’a kar sí wəije yoo-kiambas tɔ.

Loo gə́ killa rea kəm Ja̰’g 11:9

Koso-dəwje ləm, gə gelɓee dəwje-dəwje ləm, gə ginkoji dəwje gə raŋg ləma, gə deḛ gə́ tapa dee to gə ria-ria ləm tɔ, deḛ nja d’a koo yoo njékɔrgootaje lé ndɔ dee munda gə gesee, deḛ gə́ yoo dee a to tar lal dubu lé.