Jeremi 25:32 - Maktub gə́ To gə Kəmee

³² Njesigənea̰ gə́ njeboo-néje pata togə́bè pana: Némeeko̰-boo ḭ aw gə́ kédé-kédé Mbuna ginkoji dəwje gə raŋg’g ləm, Lel-boo ḭ gigigi gwɔi naŋg’d ləm tɔ.

Jeremi 25:32 ပူးပေါင်းရင်းမြစ်များ

2 Sôrta Gḭka Israɛlje 15:6

ginkoji dəwje gə raŋg tuji na̰ ləm, njé gə́ ɓee-boo gə́ kára tuji njé gə́ ɓee-boo gə́ raŋg ləm tɔ mbata Ala ar néurtije ɓəd-ɓəd jɔg dee.

Esai 30:30

Yen ŋga Njesigənea̰ a kar dee d’oo ndia gə́ ka̰ boo-ronduba gə́ ɓar wəl, Tɔɓəi yeḛ a tɔji dee jia gə́ to pèrèrè gə mba kunda dee ne Dan boo-oŋg’d ləa gə́ nuŋga kəd-kəd ləm, Gə dan ko̰ ndi gə́ ər bai-bai’g ləma, Gə dan lel-boo gə ndi kwɔji gə́ taa loo yəŋgəm-yəŋgəm ləm tɔ.

Esai 34:2

Mbata oŋg lə Njesigənea̰ a gə kɔm dɔ ginkoji dəwje gə raŋg’g lai Ndá oŋg-boo ləa a kɔm dɔ njérɔje’g lə deḛ lai tɔ. Yeḛ wɔji mba kar dee d’udu guduru ləm, Yeḛ ɔm dee ta yoo’g rib-rib ləm tɔ.

Esai 5:28

Ndo̰ kandə ɓandaŋgje lə dee d’adə njal-njal ləm, D’wa kag ɓandaŋgje lə deḛ lai pèrèrè ləm tɔ. Ŋgo gɔl kundaje lə dee to asəna gə kɔri-ərje ləm, Gɔl pusu-rɔje lə dee to d’asəna gə lel-mal bèe ləm tɔ.

Esai 66:18

Ma m’gər kula ra dee gə takə̰jije lə dee tɔ. Ndɔ mbo̰ ginkoji dəwje gə raŋg lai gə takɔji dəwje lai dɔ na̰’d teḛ mba̰ ndá d’a ree koo rɔnduba ləm,

Jeremi 23:19

Aa ooje, lel-boo lə Njesigənea̰ Gə́ to oŋg-boo ləa nduba rəa ləm, Ndi bura-boo aw gə́ nee ləm tɔ Ndá jura dɔ njémeeyèrje’g.

Jeremi 30:23

Lel-boo lə Njesigənea̰ Gə́ to oŋg-boo ləa nduba rəa ləm, Ndi bura-boo aw gə́ nee ləm tɔ Ndá jura dɔ njémeeyèrje’g.

Jeremi 6:22

Njesigənea̰ pa togə́bè pana: Aa ooje, koso-dəwje D’ḭ par gə́ ɓee gə́ dɔgel bèe ree ləm, Boo-ginkoji dəwje d’ḭ rudu naŋg’d nee lai ləm tɔ.

Jeremi 6:23

Deḛ d’odo ɓandaŋgje Gə ko̰ niŋgaje ləm, Deḛ to njémeemajelje Ɓó d’oo kəmtondoo el ləma, Ndu dee ɓar asəna gə baa-boo-kad bèe ləm tɔ. Deḛ d’uba kundaje D’isi pèrèrè gə mba rɔ To gə́ dəw gə́ kára ba bèe, Mba rɔ sə sí-seḭ gə́ síje Sio̰!

Soponi 3:8

Njesigənea̰ pa togə́bè pana: Maji kar sí ŋginaje neḛ saar Ndɔ gə́ n’a kḭ taa nébanrɔ ɓa, Mbata neḛ n’wɔji mee neḛ’g njaŋg Gə mba mbo̰ ginkoji dəwje gə raŋg ləm, Gə ɓeeko̰je ləm tɔ Gə mba kɔm oŋg lə neḛ lé dɔ dee’g Boo-oŋg lə neḛ gə́ to asəna gə pər bèe Mbata pər boo-oŋg lə neḛ a roo naŋg nee lai dula-dula ya.

Lugu 21:10

Yeḛ ula dee tɔɓəi pana: Ginkoji dəwje gə́ kára d’a kḭ gə ginkoji dəwje gə́ loo gə́ raŋg’d ləm, ɓeeko̰ gə́ kára a kḭ gə ɓeeko̰ gə́ loo gə́ raŋg’d ləm tɔ.

Lugu 21:25

Néje a teḛ dan kəm kàr’g ləm, gə dan kəm naḭ’g ləma, gə dan kéréméje’g ləm tɔ. Dɔ naŋg neelé néɓəŋgərəti a ra ginkoji dəwje gə raŋg loo gə́ baa-boo gə paŋgəm mán d’a no̰ mbiao̰-mbiao̰ ndá deḛ lé d’a gər né gə́ kəm ra lé el.