Jeremi 25:29 - Maktub gə́ To gə Kəmee

²⁹ Mbata aa ooje, ɓee-boo gə́ ri neḛ ɓar dɔ’g lé n’un kudu ra né gə́ majel keneŋ. Ŋga see seḭ a síje lal karee tibi mbɔr sí wa! A lal tibi mbɔr sí el. Mbata n’a ɓar kiambas karee ree dɔ dəwje lai gə́ d’isi dɔ naŋg nee. Njesigənea̰ gə́ njeboo-néje ɓa pa bèe.

Jeremi 25:29 ပူးပေါင်းရင်းမြစ်များ

1 Mbaije 8:43

maji kari oo ndia mee dara’g loo-sii’g ndá ar dəw-dɔ-ɓee neelé néje lai gə́ yeḛ a dəjii, mba kar koso-dəwje lai gə́ dɔ naŋg nee gər rii gə mba ɓəli ne, to gə́ koso-dəwje ləi gə́ Israɛl bèe, bèe ɓa d’a gər to gə́ rii ɓar mee kəi gə́ ma m’unda neelé ya.

Gosota-Kəmkàrje 11:21

Tɔgərɔ ya, njemeeyèr lé Si lal kar bo̰ nérea ɔs təa’g el, Nɛ ŋgaka njémeekarabasurje lé D’a kɔr ta dɔ dee’g.

Gosota-Kəmkàrje 11:31

Aa oo, njemeekarabasur lé Iŋga nékoga-dɔ-jia dɔ naŋg nee ya, Njemeeyèr gə njekaiya lé kara D’a kiŋga ka̰ dee-deḛ gə́ wɔji dɔ dee ya tɔ.

Gosota-Kəmkàrje 17:5

Yeḛ gə́ ula sul dɔ njendoo’g lé Ila rɔkul gə́ boo dɔ njekṵdá’g, Yeḛ gə́ al rəa dɔ njenékəmndoo’g lé Bo̰ nérea a lal kɔs təa’g pai godo.

Esai 10:12

Nɛ loo gə́ Mbaidɔmbaije a tɔl ŋgaŋ kula ləa bém dɔ mbal gə́ Sio̰ gə dɔ njé gə́ Jerusalem ndá yeḛ a kar bo̰ néra mbai gə́ Asiri ɔs təa’g mbata né beelé gə́ to dɔɓəŋgəree’g ləm, gə kəsta gə́ yeḛ ti ne rəa mugugu-mugugu ləm tɔ.

Jeremi 13:13

Yen ŋga m’a kula dee pana: Njesigənea̰ pa togə́bè pana: Aa ooje, dəw-mee-ɓeeje ləm, gə mbaije gə́ d’isi dɔ kalimbai’g lə Dabid ləm, gə njékinjanéməsje ləm, gə njéteggintaje ləma, gə deḛ lai gə́ d’isi Jerusalem ləm tɔ lé n’a kar dɔ dee tel wagəsa asəna gə dəw gə́ mán-nduú gə́ mḭ rəa bèe.

Jeremi 19:3

M’a pana: Seḭ mbaije gə́ Juda gə dəwje gə́ Jerusalem, ooje ta lə Njesigənea̰! Njesigənea̰ gə́ njeboo-néje, Ala lə Israɛlje pa togə́bè pana: Aa ooje, m’a gə kar némeeko̰ ree lée’g neelé ndá nana ɓa gə́ taree a koso mbia’g ndá mbia a kudu jigi karee aar giŋ.

Jeremi 30:11

Mbata Njesigənea̰ pana: Ma m’nai səi gə mba kɔri kilai tar, Ginkoji dəwje gə raŋg lai Gə́ ma m’tubai m’ilai mbuna dee’g lé M’a tuji dee pugudu-pugudu, Nɛ i lé ndá m’a tujii pugudu el, M’a kar bo̰ nérai ɔs tai’g gə goo rəbee Ɓó ma m’askəm kya̰’i Lal kwɔjii kəmkàr el!

Jeremi 46:28

I kura ləm Jakob, maji kari ɓəl el. Njesigənea̰ ɓa pa bèe, Mbata m’a nai səi. M’a tuji ginkoji dəwje gə raŋg lai Gə́ m’sani mbuna dee’g lé pugudu, Nɛ i ndá m’a tujii pugudu el, M’a kar bo̰ nérai ɔs tai’g Nɛ gə goo rəbee ya Ɓó m’as kya̰’i lal kwɔjii kəmkàr el.

Jeremi 49:12

Mbata Njesigənea̰ pa togə́bè pana: Aa ooje, deḛ gə́ kəm kar dee d’ai né mee bai-oŋg’d nee el lé d’a kai ya. Ŋga seḭ lé see bo̰ néra sí a lal kɔs ta sí’g wa! Seḭ a naije lal kar bo̰ néra sí ɔs ta sí’g el, né gə́ mee bai-oŋg’d neelé seḭ a kaije ya.

Ejekel 14:17

Esé ɓó lé neḛ n’ree gə kiambas n’wɔji ne dɔ ɓee neelé ləm, lé m’pana: Maji kar kiambas ta̰ mbuna ɓee neelé ləma, ɓó lé neḛ n’tuji dəwje gə daje mee ɓee’g neelé pugudu-pugudu ləm tɔ

Ejekel 14:21

Bèe ya Mbaidɔmbaije gə́ Njesigənea̰ pa togə́bè pana: Lée n’ula gə nékwɔji-kəmkàrje lə neḛ gə́ sɔ gə́ to ɓəl kədm-kədm gə́ to kiambas ləm, gə ɓoo-boo ləm, gə daje gə́ majel ləma, gə yoo-koso ləm tɔ lé mba kar bo̰ néra njé gə́ Jerusalem ɔs ta dee’g mba tuji ne dəwje gə daje keneŋ pugudu-pugudu lé

Ejekel 38:21

Mbaidɔmbaije gə́ Njesigənea̰ ɓa pa pana: N’a ɓar rɔ gə́ dəa’g dɔ mbalje’g lə neḛ lai, bèe ɓa nana kara a tel ta kiambas gə́ dɔ ŋgokea̰’g-ŋgokea̰’g.

Ejekel 9:6

Tɔlje ɓugaje, gə basaje, gə ŋgama̰dje, gə ŋganje, gə denéje ar deeje d’udu guduru. Nɛ maji kar sí tibije mbɔr nana kara gə́ d’ɔs né ŋgonea̰’g el, unje kudee loo’g lə neḛ gə́ to gə kəmee lé. Deḛ d’un kudee dɔ ŋgatɔgje gə́ d’isi takəi’g lé.

Abdias 1:16

Mbata kai gə́ seḭ aije né dɔ mbal’g ləm Gə́ to gə kəmee lé Ginkoji dəwje lai kara d’a kai né togə́bè saar-saar ya tɔ, D’a kai ləm, d’a turu meḛ dee’g ləm tɔ ndá D’a godo asəna gə deḛ gə́ d’isi kəmba kédé el,

Jakari 13:7

Njesigənea̰ gə́ njeboo-néje ɓa pa togə́bè pana: Kiambas, maji kari ḭta rɔ gə njekulbadje ləm ləm Gə yeḛ gə́ to njeboalookaw ləm ləm tɔ. Maji kari tɔl njekulbadje ar badje d’aḭ sané na̰ kad-kad. Bèe ɓa n’a tel gə ji neḛ par gə́ rɔ dee gə́ siŋga dee godo’g lé.

Lugu 23:31

Mbata ɓó lé deḛ ra néje gə́ togə́bè gə kag gə́ təb ŋga see ɗi ɓa d’a ra gə kag gə́ tudu lé wa.

1 Piɛrə 4:17

Rəwta-gaŋg lé ndəa teḛ mba̰ ndá d’a kun kudee mee kəi’g lə Ala ya. Nɛ ɓó lé d’un kudee ɓee lə síjeḛ ŋga, see deḛ gə́ d’ila koji dɔ Tagə́maji’g lə Ala el lé see ndɔ gə́ rudu lə dee-deḛ lé a to né gə́ ban dɔ dee’g wa.