Jeremi 25:24 - Maktub gə́ To gə Kəmee

²⁴ M’ar mbaije lai gə́ Arabi ləm, gə mbaije lə Arabə lai gə́ d’isi dɔdilaloo’g ləm tɔ lé d’ai.

Jeremi 25:24 ပူးပေါင်းရင်းမြစ်များ

1 Mbaije 10:15

ur dɔ larlɔr gə́ yeḛ taa ji njéndogo-néje’g gə njételkəmlarje’g ləm, gə mbaije lai gə́ to njégelɓeeje gə́ Arabi ləma, gə njéguburuɓeeje gə́ wɔji dɔ ɓeeko̰ ləm tɔ.

2 Sôrta Gḭka Israɛlje 9:14

Yeḛ taa larlɔr gə́ raŋg ji njéra rəw néndogoje’g ləm, gə ji njételkəmlarje gə́ ree ne d’aree ləm, gə ji mbaije gə́ Arabi ləma, gə ji njéguburuɓeeje gə́ wɔji dɔ ɓeeko̰ gə́ deḛ ree gə larlɔr gə larnda d’ar Salomo̰ lé ləm tɔ.

Esai 21:13

Ndərta gə́ wɔji dɔ Arabi. Mee kag-kɔr gə́ Arabi ɓa Seḭ a toje keneŋ til’g nee Seḭ gə́ toje njékaw gə loo rab néndogoje gə́ ḭje Dedan lé.

Jeremi 25:20

M’ar Arabi bura ləm, gə mbaije lai gə́ ɓee gə́ Uts ləma, gə mbaije lə Pilistije lai gə́ d’isi Askalo̰ gə Gaja gə Ekro̰ gə ges loo gə́ Asdod gə́ nai ləm tɔ lé d’ai.

Jeremi 50:37

Ɔrje kiambas wɔji ne Kundaje lə dee gə pusu-rɔje lə dee! Wɔjije ne dəwje gə́ gə gel dee gel dee Gə́ d’isi mbuna dee’g! Maji kar dee tel to d’asəna gə denéje! Ɔrje kiambas wɔjije ne nébaoje lə dee! Maji kar dee d’odo dee mbad-mbad Gə́ nébanrɔ ya!

Ejekel 27:21

Arabi bura gə mbaije lai gə́ njékaa dɔ dəb ɓeeko̰je gə́ Kedar lé seḭ sə deeje toje njéndogo gə na̰ néje. Deḛ ndogo səi né gə ŋgan badje gə bàl badje, gə bàl bya̰je.

Ejekel 30:5

Etiopije gə Putje gə Ludje gə Arabi bura gə Kubje gə njéɓeeje gə́ manrɔ dee d’ar na̰ lé d’a kwəi yoo-kiambas sə dee na̰’d.