Jeremi 25:15 - Maktub gə́ To gə Kəmee

¹⁵ Mbata Njesigənea̰ Ala lə Israɛlje ulam ta togə́bè pana: Maji kam m’taa bai mán-nduú oŋg lə neḛ gə́ rusu lé ji neḛ’g ndá m’ar ginkoji dəwje gə raŋg lai gə́ n’a gə kulam rɔ dee’g lé d’ai.

Jeremi 25:15 ပူးပေါင်းရင်းမြစ်များ

Maktub gə́ wɔji dɔ Jɔb 21:20

To kəm karee yeḛ nja oo tuji ləa gə kəmee ləm, To ta ləa-yeḛ nja gə mba karee ai oŋg lə Bao-siŋgamoŋ ləm tɔ.

Pakɔsje 11:6

Njesigənea̰ ar kɔr pər, gə pər, gə kṵji pər gə́ teḛ bilim-bilim lé Er dɔ njémeeyèrje’g to gə́ ndi bèe ləm, Lel-mal gə́ nuŋga gə́ ɓir lé Yee ɓa gə́ né gə́ wɔji dɔ dee ya ləm tɔ.

Pakɔsje 60:3

Ǝi Ala, i nja ɔs sí rəw ar sí n’sané ne kad I nja ar oŋg ləi ḭ səi, Maji kari tel un sí ur sí tar gogo!

Pakɔsje 75:8

Nɛ Ala nja ɓa to gə́ njegaŋ-rəbee ya. Yeḛ nja ar yeḛ gə́ nee ula dəa naŋg ləm, Ar yeḛ gə́ yo unda dəa tar ya ləm tɔ.

Pakɔsje 75:9

Bai gə́ mán-nduú gə́ ḭ njem-njem Gə́ podé na̰’d gə nduji néje gə́ lel lé To ji Njesigənea̰’g, Yeḛ ɔm néje neelé dɔ naŋg nee ya. Njémeeyèrje lai gə́ dɔ naŋg neelé d’ai manee sɔd Saar njibi gwɔiyee ya.

Esai 14:26

Aa ooje, yee ɓa gə́ né gə́ m’wɔji-kwɔji ra Gə njé gə́ naŋg nee lai ləm, Aa ooje, yee ɓa gə́ jim gə́ m’tɔji ginkoji dəwje gə raŋg lai dɔ naŋg nee ləm tɔ.

Esai 34:2

Mbata oŋg lə Njesigənea̰ a gə kɔm dɔ ginkoji dəwje gə raŋg’g lai Ndá oŋg-boo ləa a kɔm dɔ njérɔje’g lə deḛ lai tɔ. Yeḛ wɔji mba kar dee d’udu guduru ləm, Yeḛ ɔm dee ta yoo’g rib-rib ləm tɔ.

Esai 51:17

Teḛje kəm sí, seḭ gə́ Jerusalem, Teḛje kəm sí ndá ḭje tar! Seḭ gə́ aije oŋg gə́ to mee bai gə́ to ji Njesigənea̰’g, Seḭ gə́ aije njibije nja̰-nja̰ Saar arje dɔ sí ila mbir-mbir lé!

Esai 51:22

Mbaidɔmbaije gə́ Njesigənea̰ lə sí, Ala lə sí gə́ aḭ bada dɔ koso-dəwje’g ləa pa togə́bè pana: Aa ooje, ma m’taa bai gə́ nékai gə́ ar dɔ dəw ila mbir-mbir to keneŋ ji sí’g To bai oŋg ləm, Seḭ a kaije gogo el ŋga!

Esai 51:23

M’a kulá ji deḛ gə́ to njékula kəm sí ndooje’g, Deḛ gə́ d’ula sí kédé pana: Rogoje naŋg ar sí njaaje dɔ sí’g! Seḭ a telje gir sí kaareeje To asəna gə naŋg bèe ləm, Asəna gə kila-rəw gə́ dəwje njaa keneŋ bèe ləm tɔ.

Jeremi 1:5

Loo gə́ i nai dan məs’g mee kɔinje’g ya ɓəi lé Ma m’gəri, Kédé ɓa gə mba kar dee d’oji ɓəi lé Ma m’undai gə kəmee ləm, Ma m’undai gə́ njetegginta lə ginkoji dəwje gə raŋg ləm tɔ.

Jeremi 36:2

Un maktub gə́ kə́ na̰’d ndá ndaŋg taje lai gə́ ma m’ulai wɔji ne dɔ Israɛlje, gə Judaje, gə ginkoji dəwje gə raŋg lai un kudee mee ndɔ gə́ ma m’pata m’ari’g mee ndəa’g lə Jojias saar teḛ ɓogənè lé.

Jeremi 43:11

Yeḛ a ree rɔ ɓee gə́ Ejiptə. Deḛ gə́ d’wɔji dɔ kwəi ndá kwəi ya d’a kwəi ləm, deḛ gə́ d’wɔji dɔ kaw ɓər ndá ɓər ya d’a kaw ləma, deḛ gə́ d’wɔji dɔ kiambas ndá kiambas ya d’a kwəi ne ləm tɔ.

Jeremi 45:5

Ŋga i lé see i a saŋg néje gə́ boi-boi wa. Maji kari saŋg dee el! Mbata aa oo, M’a kar némeeko̰ teḛ dɔ dəwje’g lai. Njesigənea̰ ɓa pa bèe, Mee looje lai gə́ i a kaw keneŋ lé Si kəmba ləi ɓa m’a kari gə́ nékiŋga ləi ya.

Jeremi 46:1

Ta gə́ Njesigənea̰ ula Jeremi, njetegginta wɔji ne dɔ ginkoji dəwje gə raŋg.

Jeremi 48:26

Areeje ai kido saar aree tɔlee, mbata yeḛ oo rəa gə́ njekur dɔ Njesigənea̰’g! Maji kar Moab rogo dan tɔmé’g ləa ləm, maji karee tel to nékula sul dɔ’g ləm tɔ.

Jeremi 49:12

Mbata Njesigənea̰ pa togə́bè pana: Aa ooje, deḛ gə́ kəm kar dee d’ai né mee bai-oŋg’d nee el lé d’a kai ya. Ŋga seḭ lé see bo̰ néra sí a lal kɔs ta sí’g wa! Seḭ a naije lal kar bo̰ néra sí ɔs ta sí’g el, né gə́ mee bai-oŋg’d neelé seḭ a kaije ya.

Jeremi 51:7

Kédé lé Babilɔn To gə́ bai-larlɔr ji Njesigənea̰’g, Né gə́ mee bai’g neelé Ra dəwje lai dɔ naŋg nee, Ginkoji dəwje gə raŋg D’ai mán-nduú gə́ mḭ gə́ to mée’g lé. Gelee gə́ nee ɓa Ginkoji dəwje gə raŋg tel to ne mbəje.

Ejekel 23:32

Mbaidɔmbaije gə́ Njesigənea̰ pa togə́bè pana: I a kai né gə́ to mee bai’g lé To gə́ ŋgokɔḭ gə́ dené bèe ya, To bai gə́ mée tad ləm, ur ləm tɔ, I a tel to nékogo gə nédəjindu, Bai lé néje gə́ keneŋ to yaa̰.

Ejekel 23:33

I a kai karee tɔli to gə́ kido bèe ləm, Kar kəmi to ne ndòo ləm tɔ, To bai gə́ ka̰ ɓəl ləm, gə ka̰ tuji loo ləm tɔ, To bai gə́ wɔji dɔ Samari gə́ to ŋgokɔḭ gə́ dené lé.

Ejekel 29:12

N’a kar ɓee gə́ Ejiptə tel to dɔ nduba mbuna ɓeeje gə́ tuji pugudu-pugudu’g ləm, ɓee-booje ləa d’a kwa ŋgɔ njag-njag mbuna ɓee-booje gə́ wa ŋgɔ njag-njag ləm tɔ as ləb rɔ-sɔ. N’a tila Ejiptəje mbuna ginkoji dəwje gə raŋg’g ləm, n’a sané dee kad-kad mee ɓeeje’g ɓəd-ɓəd ləm tɔ.

Ejekel 36:5

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Tɔgərɔ ya, dan pər oŋg’g lə neḛ lé neḛ m’pata n’ila dɔ ginkoji dəwje gə raŋg gə́ raŋg ləm, gə dɔ Edɔmje’g lai ləm tɔ, deḛ gə́ kai na̰ ɓee lə neḛ d’aree to gə́ né ka̰ dee-deḛ gə rɔlel gə́ taa meḛ dee pəl-pəl ləm, gə kḛji loo bəḭ-bəḭ lə dee ləm tɔ mba kodo ne nékiŋgaje lə dee gə́ nébanrɔ lé.

Abdias 1:16

Mbata kai gə́ seḭ aije né dɔ mbal’g ləm Gə́ to gə kəmee lé Ginkoji dəwje lai kara d’a kai né togə́bè saar-saar ya tɔ, D’a kai ləm, d’a turu meḛ dee’g ləm tɔ ndá D’a godo asəna gə deḛ gə́ d’isi kəmba kédé el,

Habakuk 2:16

Seḭ nja arje rɔkul boo tur dɔ sí pubug, Seḭ nja kara aije ndá ribaje ne dɔ nérɔkul lə sí gə́ raga ya to! Njesigənea̰ a kar sí aije bai-oŋg ləa sɔd ya Ndá nérɔkul lé a kar rɔnduba lə sí tel to né gə́ mina̰.

Loo gə́ killa rea kəm Ja̰’g 14:10

ndá yeḛ kara boo-oŋg lə Ala a rəa to gə́ dəw gə́ ai kido bèe, a to kido gə́ mḭ yaa̰ gə́ d’a ndusu mee bai’g gə goo kára ba ya. Yeḛ neelé a si dan néurti dan pər’g ləm, gə dan kṵji pər gə́ teḛ sa gi-gi’g ləm tɔ kəm kuraje gə́ dara gə́ to gə kəmee ləm, gə kəm Ŋgonbad’g lé ləm tɔ.

Loo gə́ killa rea kəm Ja̰’g 14:19

Kura gə́ dara lé ila marm ləa gə mbɔree dɔ naŋg nee. Yeḛ tḭja ne kul nduúje lai ɔm mee loo-mbula-Kandə-nduú’g gə́ to loo-oŋg lə Ala.