Jeremi 25:10 - Maktub gə́ To gə Kəmee

¹⁰ N’a kar ndu rɔlel gə ndu pa kalrɔ ləm, gə pakɔs lə njedené-sigi gə pakɔs lə njeŋgao-sigi ləm, gə kaa mbal-kusu-kó ləma, gə ndogó lə pərŋgel ləm tɔ d’a godo mbuna dee’g.

Jeremi 25:10 ပူးပေါင်းရင်းမြစ်များ

Este 3:13

Maktub lé d’ula ne njékaḭkulaje mee dəb ɓeeko̰je’g lə mbai lé lai, gə mba kar dee tɔl ne Jibje lai, basaje gə ɓugaje ləm, ŋganje gə denéje ləm tɔ, d’ar dee d’udu guduru, mee ndɔ gə́ kára ba ya, mee ndɔ gə́ njekɔm’g dɔg-giree-munda, lə naḭ gə́ njekɔm’g dɔg-giree-joo gə́ to naḭ Adar ləm, gə mba kar dee d’unda némajije lə dee banrɔ ləm tɔ.

Este 7:4

Mbata deḛ ndogo sí, ma jeḛ gə dəwje ləm gə mba kar dee tuji sí ləm, gə mba kar dee tḭja gwɔb sí ləma, gə mba kar sí j’udu guduru ləm tɔ. Ɓó lé deḛ ndogo sí gə mba kar sí n’to ɓərje gə́ diŋgam gə njé gə́ dené ndá m’a kila tam maree’g ndag ya. Nɛ né gə́ to gə goo rəbee el gə́ njeba̰ wɔji-kwɔji ra lé kəm kwɔji gadee kar mbai el.

Este 8:11

Mee maktubje’g neelé deḛ ndaŋg ta keneŋ pana: Mbai ya̰ rəw ar Jibje mee ɓee-booje gə́ rara kara mba kar dee mbo̰ dɔ na̰ gə mba kaa ne dɔ rɔ dee, gə mba kar dəwje gə́ rara əsé deḛ gə́ d’ḭ dəb ɓeeko̰ gə́ rara gə́ d’a ree mba rɔ sə dee lé deḛ d’a tuji dee ləm, d’a tɔl dee ləma, d’a kar dee d’udu guduru gə ŋgan deeje gə denéje lə dee na̰’d ləma, d’a kunda némajije lə dee banrɔ ləm tɔ.

Esai 47:2

Un mbal-kusu-kó, usu ne kó, Ɔr ta kubu gə́ dɔi’g ləm, Kə kubu ləi gə́ ŋgal yududu gə́ tar ləma, Ya̰ gɔli ur ne mán baaje ləm tɔ!

Jeremi 16:9

Mbata Njesigənea̰ gə́ njeboo-néje, Ala lə Israɛlje pa togə́bè pana: Aa ooje, lé neelé n’a kunda ŋgaŋ ndu kii rɔlel gə boo-rɔkal gə ndu paje lə njedené-sigi gə ka̰ njeŋgao-sigi kəm sí’g mee ndəaje’g lə sí.

Jeremi 48:33

Rɔlel gə kalrɔ sané pá Mee loo-ndɔ kagje’g ləm, Gə mee ɓee gə́ Moab ləm tɔ, Ma m’ar mán-nduú Yi mee dura-mbula’g tə-tə, Dəwje mbula nduú gə ndu pa rɔlel Loo-mbula’g el ŋga, Ndu kó-rɔ ɓa ɓar ɓó ndu rɔlel ɓar el.

Jeremi 7:34

Mee ɓee-booje gə́ Juda gə mba̰-rəwje gə́ Jerusalem lé m’a kar ndu rɔlel gə ndu kalrɔ, gə pakɔs lə njedené-sigi gə pakɔs lə njeŋgao-sigi d’a godo keneŋ, mbata ɓee a tel to dɔ nduba ya.

Nɔ̰-ndôo gə́ wɔji dɔ Jerusalem 5:15

Rɔlel godo meḛ sí’g ləm, No̰ ndòo-yoo ya taa tor ndam lə sí ləm tɔ.

Ejekel 26:13

N’a kar ndu paje lə njé’g ləi ɓar el ŋga ləm, d’a koo ndu kṵdu-kagje ləi el ŋga ləm tɔ.

Ojee 2:11

Gelee gə́ nee ɓa n’a tel taa kó lə neḛ mee ndɔ kḭjá’g ləm, Gə mán-nduú mee naḭyee’g ləma, N’a kɔr kubu lə neḛ gə́ bḭ-maji Gə kubu gə́ d’ṵji gə kúla palégal Gə́ yeḛ o̰ ne kudee lé rəa’g ləm tɔ.