Jeremi 23:29 - Maktub gə́ To gə Kəmee

²⁹ Njesigənea̰ pana: See ta lə neḛ to asəna gə pər Esé mo̰ gə́ tɔ ne kɔr mbal bèe el wa.

Jeremi 23:29 ပူးပေါင်းရင်းမြစ်များ

Jeremi 20:9

Ɓó lé m’pa məəm’g pana: M’a pata ləa el ŋga ləm, M’a pata ləa gə ria el ŋga ləm tɔ ndá Ta ləa o̰ məəm to gə́ pər bèe Mbuna siŋgarɔmje’g. Ma m’wa rɔm kɔgərɔ Gə mba kudee məəm’g nɛ lé godo.

Jeremi 5:14

Gelee gə́ nee ɓa Njesigənea̰ Gə́ njeboo-néje gə́ dara pa ne pana: Mbata ta gə́ seḭ paje neelé Aa ooje, ma m’ndigi kar ta ləm To to gə́ pər bèe tam’g ləm, Ma m’ndigi kar koso-dəwje neelé To to gə́ kir gə mba kar pər neelé roo dee ləm tɔ.

Ojee 6:5

Gelee gə́ nee ɓa Gə ta gə́ teḛ ta njéteggintaje’g lé M’a m’kunda dee ne ləm, Gə ta gə́ teḛ tam’g lé M’a m’tɔl dee ne ləm tɔ. Rəwta gaŋgje ləm d’a nduba rɔ dee to gə́ loo gə́ àr bèe.

Lugu 24:32

Deḛ d’ula na̰ pana: Loo gə́ yeḛ teḛ dɔ sí’g rəbə wɔji sə sí ta ɔr ne gin maktub gə́ to gə kəmee ar sí lé see j’isi dan rɔlelee’g el wa.

Tagə́maji gə́ Ja̰ ndang 6:63

Ndil ɓa gə́ njekula kəmə meḛ dəwje’g ɓó dakasrɔ lé askəm ra né el. Taje gə́ ma m’ula sí lé to ta gə́ ka̰ ndil lé ləm, gə ka̰ kəmə lé ləm tɔ.

Néra Njékaḭkulaje 2:3

Yen ŋga ndo̰ néje asəna gə ndo̰ pər teḛ kəm dee’g təsərə-təsərə kai na̰ d’aar dɔ dee’g kára-kára lai.

Néra Njékaḭkulaje 2:37

Loo gə́ deḛ d’oo ta neelé ndá ɓəŋgərə dee ti dus ar dee dəji Piɛrə gə njékaḭkulaje gə́ raŋg pana: Ŋgako̰ síjeḛ gə́ dəwje see j’a ra banwa.

2 Njé gə́ Kɔrḭtə 2:16

Njé gə́ na̰je lé baḭ neelé to baḭ ka̰ yoo gə́ wɔji dɔ yoo dee ya nɛ njé gə́ raŋg lé to baḭ ka̰ kəmə gə́ a kar dee d’isi ne kəmba tɔ. See na̰ ɓa askəm ra kula gə́ togə́bè wa.

Ǝbrəje 4:12

Mbata ta lə Ala lé to ta gə́ kəmba gə́ ɓar mḭ yaa̰, adə yaa̰ unda kiambas gə́ rara gə́ ŋgaŋgee joo ndá yee ta̰ mbuna kankəmrɔ gə ndil ləm, mbuna siŋga gə ubee mée’g ləm tɔ, yee teg takə̰ji lə dəw gə́ mée’g tɔ.

Loo gə́ killa rea kəm Ja̰’g 11:5

Ɓó lé nana ɓa ndigi ra sə dee némeeyèr ndá pər a teḛ ta dee’g roo ne njéba̰je lə dee. Ɓó lé nana ɓa gə́ ndigi ra sə dee némeeyèr ndá yoo-pər neelé ɓa gə́ kuma̰ yoo dee ya.