Jeremi 23:24 - Maktub gə́ To gə Kəmee

²⁴ Njesigənea̰ pana: See dəw a kiya rəa njo̰loo’g Lal kar neḛ n’ée wa. See neḛ ya ɓa n’un loo mee dara’g Gə dɔ naŋg nee lad el wa. Njesigənea̰ ɓa pa bèe.

Jeremi 23:24 ပူးပေါင်းရင်းမြစ်များ

Gḭ-Néje 16:13

Agar lé ɓar ri Njesigənea̰ gə́ njekwɔji səa ta lé pana: El-rɔi, kɔr gelee pana: Ala gə́ njekoom. Mbata yeḛ pana: Loo gə́ yeḛ oom mba̰ lé see m’oo né kára loo gə́ nee ya ɓəi wa.

1 Mbaije 8:27

Nɛ see Ala a si dɔ naŋg nee tɔgərɔ ya wa. Aa oo, dara gə́ to dɔ na̰’d dɔ na̰’d lé kara d’asi el nɛ ɓəd ɓa see kəi gə́ m’ra m’ari nee ɓa a k’asi ɓəi wa.

2 Sôrta Gḭka Israɛlje 2:6

Maji kari ula gə dəw kára gə́ gər goso ra kula gə larlɔr, gə larnda, gə larkas, gə larndul, gə dɔ kubuje gə́ ndiri dee ndul piro-piro ləm, gə kas gəḭ ləma, gə to bədələ ləm tɔ, yeḛ a to njegər goso tɔl néje mba karee ra kula gə mba kar dee ra kula na̰’d gə njégər goso kulaje gə́ d’isi rɔm’g Juda gə Jerusalem gə́ bɔm Dabid mbər dee lé tɔ.

2 Sôrta Gḭka Israɛlje 6:18

Nɛ see Ala a si na̰’d gə dəwje gə́ dɔ naŋg nee tɔgərɔ ya wa. Aa oo, dara gə́ tad rəg-rəg lé asi el, nɛ ɓəd ɓəi ɓa kəi gə́ m’ra nee wa.

Maktub gə́ wɔji dɔ Jɔb 34:21

Mbata kəm Ala oo panjaa dəwje lai ləm, Yeḛ gər kila gɔl nana kara ləm tɔ.

Maktub gə́ wɔji dɔ Jɔb 34:22

Loo gə́ ndul njudu-njudu gə́ dəb bigim Gə́ njéra né kori-korije d’askəm k’iya rɔ dee keneŋ lé godo.

Pakɔsje 10:11

Yeḛ ə̰ji ta mée’g pana: Mee Ala wəi dɔ néra neḛ’g. Kəm Ala libi dɔ’g ɓó yeḛ oo nda̰ el.

Pakɔsje 139:7

See loo gə́ ra ɓa m’a kaw əw keneŋ Lal kar ndili oom wa. See loo gə́ ra ɓa m’a kaḭ-i kaw əw, Lal kar kəmi oso dɔm’g keneŋ wa.

Pakɔsje 139:8

Ɓó lé m’a kḭ kaw mee dara’g ndá I si keneŋ gən ya, Ɓó lé m’a to mbuna njé gə́ d’wəi’g kara I si gən ya tɔ.

Pakɔsje 148:13

Maji kar sí-seḭ lai pidije ri Njesigənea̰ ya Mbata ria-yeḛ ya kára ba to ri gə́ maji dum ləm, Boo-ronduba ləa ur dɔ naŋg nee gə dara ləm tɔ.

Pakɔsje 90:8

I unda néra kori-korije lə sí nɔḭ’g ləm, Néra sí gə́ majel gə́ jeḛ n’raje loo-ŋgəḭ’g lé Lookàr ləi riba dəa təsərə gə́ raga nɔḭ’g ləm tɔ.

Gosota-Kəmkàrje 15:3

Kəm Njesigənea̰ un loo lad-lad, Aree oo ne njémeeyèrje gə njémeemajije gao.

Esai 29:15

Meeko̰ a koso dɔ deḛ Gə́ d’iya néje gə́ d’wɔji-kwɔji ra lé Mba kar Njesigənea̰ oo el, Néra deeje lé deḛ ra loondul’g Ndá deḛ pana: See na̰ ɓa oo neḛje wa. See na̰ ɓa gər neḛje wa.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 66:1

Mbaidɔmbaije pa togə́bè pana: Dara to kalimbai ləm ləm, Dɔ naŋg nee to nétura-gɔl-kɔm ləm ləm tɔ. See kəi gə́ ban ɓa seḭ a kasjekəm raje kamje wa. See loo gə́ ra ɓa a kamje m’wa rɔm keneŋ wa .

Jeremi 16:17

Mbata kəm wəi siḭ dɔ rəw-kaw deeje’g lai ɓó deḛ d’iya rɔ dee kəm’g el ləm, néra kori-korije lə dee kara d’iya rɔ dee kəm’g el ləm tɔ.

Jeremi 32:19

I to njemajidum dɔ rəw kwɔji nékəmra’g ləm, i to njesiŋgamoŋ dɔ kula rai’g ləm tɔ. Kəmi oo panjaa dəwje lai gə mba kar nana kara iŋga né gə́ wɔji gə goo panjaa ləa-ləa ləm, gə goo kula rəa-rəa ləm tɔ.

Jeremi 49:10

Mbata m’a kɔr néje lai rɔ ŋgaka Esawu’g, M’a kar loo-kiya-rɔje lə dee to raga ndəgəsə, Ndá d’a kaskəm kiya rɔ dee el, Ŋgan deeje gə ŋgaka deeje Gə njéboataɓeeje lə dee d’a tuji Ndá deḛ kara d’a godo tɔ.

Ejekel 8:12

Ndá yeḛ dəjim pana: Ma ŋgon-dəw lé see m’oo né gə́ ŋgatɔgje lə gel-bɔje lə Israɛl d’aw ra loondul’g, nana kara mee kəi’g ləa-ləa gə́ néndajije taa ne loo pəl-pəl lé wa. Mbata deḛ pana: Njesigənea̰ oo sí el, Njesigənea̰ uba ɓee lé ya̰ gə kya̰.

Ejekel 9:9

Yeḛ tel ilam keneŋ pana: Néra kori-kori lə gel-bɔje lə Israɛl gə Juda al dɔ loo sula. Kila məs taa mee ɓee pəl-pəl ləm, néra gə́ lal najee rusu ɓee-boo tub-tub ləm tɔ. Mbata deḛ pana: Njesigənea̰ uba ɓee ya̰ ləm, Njesigənea̰ oo né kára kara keneŋ el ləm tɔ.

Loo gə́ killa rea kəm Daniel’g 2:22

Ta gə́ ginee uru yaa̰ gə né gə́ to loo-kiya’g lé Yeḛ riba dəa gə́ raga ləm, Yeḛ gər né gə́ loondul dəb dɔ’g ləma, Lookàr to rəa’g ləm tɔ.

Njé gə́ Epesə 1:23

Eglisə gə́ to darəa-yeḛ nja lé un kubururɔ yeḛ gə́ njekun loo lad-lad lé lad ya.

Ǝbrəje 4:13

Nékunda ləa gə́ rara kara a kiya rəa nea̰’g el, nɛ néje lai to raga ndəgəsə kəm yeḛ gə́ j’a kaar nea̰’g mba tura goo néra sí karee.