Jeremi 23:17 - Maktub gə́ To gə Kəmee

¹⁷ Deḛ d’ula njékḛji neḛ bəḭ-bəḭje pana: Njesigənea̰ pana: Seḭ a kiŋgaje meelɔm, Tɔɓəi deḛ d’ula Njé njaa gə goo takə̰ji gə́ meḛ dee’gje pana: Némajel kára kara a teḛ dɔ sí’g el.

Jeremi 23:17 ပူးပေါင်းရင်းမြစ်များ

2 Samel 12:10

Ɓasinè kiambas a kya̰ goo ŋgakaije gə goo ŋgalee el ya saar mbata i ə̰ji neḛ bəḭ-bəḭ ləm, i taa dené lə Uri, dəw gə́ Het lé aree tel to dené ləi ləm tɔ.

Esai 30:10

Deḛ d’ula njénékooje pana: Maji kar sí toje njénékooje el! Tɔɓəi d’ula njéteggintaje pana: Tegje gintaje gə́ tɔgərɔ ar síje el tɔ. Nɛ taje gə́ ka̰ su kəm loo ɓa ula síje ləm, Tegje gintaje gə́ rii ar síje ləm tɔ!

Esai 57:21

Meekulɔm godo mbata lə njémeeyèrje, Ala ləm pa bèe.

Jeremi 13:10

Koso-dəwje nee gə́ to njémeeyèrje gə́ mbad koo taje lə neḛ ləm, gə́ ndolè goo takə̰jije gə́ meḛ dee’g ləma, gə ndolè goo magəje gə mba pole dee kunda ne barmba dəb kəm dee naŋg no̰ dee’g ləm tɔ lé maji kar dee tel to d’asəna gə ndar neelé gə́ to kəm ra ne né kára el ŋga lé tɔ.

Jeremi 18:12

Nɛ deḛ d’ilam keneŋ pana: To ta gə́ kari ba! Mbata jeḛ lé j’a ndolè goo takə̰jije lə sí ləm, nana kara mbuna sí’g a ra né gə goo meemajel ləa ləm tɔ.

Jeremi 18:18

Yen ŋga deḛ pana: Gə́ reeje ar sí j’o̰je njuma̰ Jeremi! Mbata lé njékinjanéməsje godo ya kara godndu lé a kudu el ləm, lé njékwɔji ta kəmkàrje godo kara ta kəmkàr a kudu el ləma, lé njéteggintaje godo kara tegginta a kudu el ya ləm tɔ. Bèe ndá gə́ reeje ar sí n’rɔje səa gə ta gə́ ta sí’g ɓó ar sí n’taaje tapeaje el.

Jeremi 3:17

Mee ndəa’g neelé d’a ɓar Jerusalem kalimbai lə Njesigənea̰. Ginkoji dəwje gə raŋg lai d’a mbo̰ dɔ na̰ Jerusalem gə ri Njesigənea̰. Ndá d’a ndolè goo takə̰jije gə́ majel gə́ to meḛ dee’g el ŋga.

Jeremi 4:10

Ma m’pana: Ǝi Mbaidɔmbaije gə́ Njesigənea̰! Kédé i su kəm koso-dəwje nee Gə ɓee gə́ Jerusalem ya pana: D’a si dan meelɔm’g. Nɛ d’isi ta yoo-kiambas’g.

Jeremi 5:12

Deḛ maḭta lə Njesigənea̰ D’oo taŋgɔm pa ne pana: Godo! Némeeko̰ a ree dɔ neḛje’g el ləm, N’a kooje kiambas əsé ɓoo-boo el ləm tɔ.

Jeremi 6:14

Deḛ tɔ ta doo lə koso-dəwje ləm Gə goo rəbee el Ndá pana: Meelɔm! Meelɔm! Nɛ meelɔm godo,

Jeremi 7:24

Nɛ deḛ d’un mbi dee rəw dɔ ta’g ləm, d’ur mbi dee gèŋ dɔ’g el ləm tɔ. Deḛ njaa gə goo takə̰jije lə dee ləm, gə meeyèr gə́ meḛ dee’g ləm tɔ, deḛ tel gir dee ɓa d’ila d’am ɓó tel kəm dee gə́ rɔm’g el.

Jeremi 8:11

Deḛ tɔ ta doo lə koso-dəwje ləm Gə goo rəbee el Ndá deḛ pana: Meelɔm! Meelɔm! Nɛ meelɔm godo.

Jeremi 9:14

Gelee gə́ bèe ɓa Njesigənea̰ gə́ njeboo-néje, Ala lə Israɛlje pa ne togə́bè pana: Aa ooje, m’a kul dəwje neelé gə nésɔ gə́ adə mbag-mbag ləm, m’a kar dee d’ai mán gə́ kuma̰ yoo to keneŋ ləm tɔ.

Nɔ̰-ndôo gə́ wɔji dɔ Jerusalem 2:14

Némḭdije gə́ njéteggintaje ləi d’oo lé To néje gə́ kari ba ləm, Gə néje gə́ ŋgɔm ləm tɔ, Mbata deḛ teggin kaiya raije gə́ raga Mba kɔr ne ta ɓər dɔi’g el, Deḛ d’ula sí ta némḭdije gə́ ŋgɔm ləm, Gə sukəmloo ləm tɔ.

Ejekel 13:10

Néje neelé a teḛ mbata deḛ d’ar koso-dəwje lə neḛ ndəm. Loo gə́ meelɔm godo ɓəi kara deḛ pana: Meelɔm, meelɔm! Koso-dəwje lə neḛ d’ila ndògo-bɔrɔ nɛ deḛ lé rḛdə bɔrɔ gə́ majel keneŋ.

Ejekel 13:19

Seḭ ulaje sul dɔ neḛ’g rɔ koso-dəwje’g ləm, tɔlje ne dəwje gə́ kəm kar dee d’wəi el ɓəi ləm, nɛ ya̰je dəwje gə́ kəm kar dee d’isi kəmba el lé kəmba ləm tɔ mba kiŋga ne nduji kó-blé as ŋgo ji dəwje ləm, gə goŋ muruje ba ya ləm tɔ. Bèe ɓa seḭ ərje ne kəm koso-dəwje lə neḛ ar deeje tuga ne mbi dee gə́ dɔ taŋgɔm’g.

Ejekel 13:22

Mbata seḭ arje mee njemeekarabasur pélé wəs-wəs gə taŋgɔmje loo gə́ neḛ nja n’ula kəmee ndòo el ləm, mbata seḭ arje ji njemeeyèr ɓar mèr-mèr mba kɔgee ne loo kuba rəw néra ləa gə́ majel kya̰ mba si ne kəmba ləm tɔ.

Amɔs 9:10

Njékaiyaje lai mbuna koso-dəwje’g lə neḛ lé D’a kwəi yoo-kiambas, Deḛ gə́ pa pana: Némajel a tibi mbɔr neḛje el ləm, A teḛ dɔ neḛje’g el ləm tɔ lé.

Misee 2:11

Ɓó lé dəw aiŋgwɔd goo lel’g ləm, Un kudu pa taŋgɔmje ləm tɔ pana: Neḛ ndigi tegginta gə́ wɔji dɔ mán-nduú ləm, Gə nékaije gə́ mḭ yaa̰ ləm tɔ! Ndá koso-dəwje d’a koo debee neelé gə́ njetegginta ya.

Misee 3:11

Njégaŋ-rəwtaje lə dee gaŋg rəwta Mbata lə néndogo-gel ləm, Njékinjanéməsje lə dee ndoo dəwje né Mbata ne k’uga dɔ ji dee ləma, Njéteggintaje lə dee pata néje gə́ d’a gə ree Taa ne lar ləm tɔ. Deḛ nduna rɔ dee rɔ Njesigənea̰’g pa ne pana: See Njesigənea̰ si mbuna neḛje’g el wa. Némeeko̰ kára kara a tibi mbɔr neḛje el.

Misee 3:5

Ta gə́ Njesigənea̰ pa Dɔ njéteggintaje gə́ d’ar koso-dəwje lə neḛ ndəm lé ɓa nee: Loo gə́ nésɔ to ŋgaŋ dee’g mba kar deḛ to̰ ndá D’ila mber meekulɔm Nɛ loo gə́ nésɔ godo ta dee’g ndá Mber rɔ ɓa d’ila tɔ.

Soponi 1:12

Mee ndəa’g neelé n’a tən loo mee ɓee gə́ Jerusalem soo-soo gə pərndɔje lə neḛ ləm, Dəwje gə́ d’isi lɔm to gə́ ɓi mán-nduú gə́ oso gelee’g bèe Gə́ pa meḛ dee’g pana: Njesigənea̰ lé ra né gə́ maji əsé né gə́ majel bèe el lé N’a kar bo̰ néra dee ɔs ta dee’g ləm tɔ.

Jakari 10:2

Mbata magəje lé pa taje gə́ kari ba ləm, Njénékooje lé teggin taŋgɔm ləma, Nije gə́ d’ɔr gée lé to néje gə́ ŋgɔm Gə́ gɔl ne meḛ dəwje gə ta gə́ kari ba ləm tɔ. Gelee gə́ nee ɓa d’ila ne mbir-mbir to gə́ koso-badje bèe ləm, D’isi ne dan nékəmndoo’g Mbata njekul dee godo ləm tɔ.

Malasi 1:6

Ŋgon lé ila koji dɔ bɔbeeje’g ləm, ŋgonjelookisi kara ila koji dɔ ɓéeje’g ləm tɔ. Ɓó lé ma m’to gə́ bɔ dəwje ndá see koji gə́ wɔji dɔ’m lé to ra wa. Ɓó lé ma m’to gə́ ɓée deeje ndá see loo gə́ ra ɓa deḛ ɓəlm keneŋ wa. Njesigənea̰ gə́ njeboo-néje lé pa bèe ar sí-seḭ njékinjanéməsje, seḭ gə́ ə̰jije rim bəḭ-bəḭ lé. Tɔɓəi seḭ pajena: See loo gə́ ra ɓa seḭ ə̰jije rim bəḭ-bəḭ keneŋ wa.

Bula lə Israɛlje 11:20

nɛ seḭ a sɔje as naḭ kára doŋgɔ, saar a teḛ baḭ əm sí’g karee tel lel sí el ŋga mbata seḭ mbadje Njesigənea̰ gə́ si mbuna sí’g ləm, mbata seḭ no̰je no̰ yoo dəa’g pajena: See ban ɓa ar síjeḛ j’undaje loo mee ɓee gə́ Ejiptə n’teḛje ləm tɔ wa.

Lugu 10:16

Yeḛ gə́ oo ta lə sí ndá yeḛ oo ta ləm-ma ya tɔɓəi yeḛ gə́ ɔs sí-seḭ rəw lé ndá yeḛ ɔsm-ma rəw ya tɔ. Dəw gə́ ɔsm-ma rəw lé ndá yeḛ ɔs dəw gə́ njekulam lé rəw ya tɔ.

Tel tura Godndu 29:18

Ta manrɔ gə́ pa gə rɔkubu neelé maji kar dəw kára kara oo taree ɓa ti ne rəa mée’g pana: Lé ma m’ndolè goo né gə́ məəm ndigi ləm, ma m’ai ne kido m’aree tɔl kunda ləm tɔ kara m’a si ne lɔm ya lé, maji karee pa bèe el.

Tel tura Godndu 29:19

Njesigənea̰ a ndigi səa mba kar mée oso lemsé dəa’g el. Nɛ oŋg gə kəmkəḭ lə Njesigənea̰ a kḭ səa pu dɔ diŋgam’g neelé kar ndɔlje lai gə́ ndaŋg taree mee maktub’g neelé a nai dəa’g ləm, Njesigənea̰ a tuji ria gin dara’g ləm tɔ.

1 Njé gə́ Tesalonikə 4:8

Gelee gə́ nee ɓa, yeḛ gə́ ɔs ta ndoo neelé rəw ndá Ala gə́ njekar Ndil gə́ to gə kəmee to meḛ sí’g ɓa yeḛ ɔsee rəw kən ɓó dəw gə́ kari ba el.

1 Samel 2:30

Gelee gə́ nee ɓa aa oo, ta gə́ Njesigənea̰, Ala lə Israɛlje pa pana: Kédé lé ma m’pa njaŋg m’pana: Njémeekəije ləi gə gel bɔbije lé d’a njaa no̰m’g saar gə no̰. Nɛ ɓasinè Njesigənea̰ pana: Neḛ n’godo keneŋ ŋga! Mbata yeḛ gə́ ila riɓar dɔ neḛ’g lé n’a kila riɓar dəa’g tɔ. Nɛ deḛ gə́ d’ə̰ji neḛ gə́ kḛji lé d’a kḛji dee gə́ kḛji tɔ.