Jeremi 22:29 - Maktub gə́ To gə Kəmee

²⁹ Ǝi ɓee ləm, ɓee ləm, ɓee ləm, maji kari oo ta lə Njesigənea̰!

Jeremi 22:29 ပူးပေါင်းရင်းမြစ်များ

Esai 34:1

Seḭ ginkoji dəwje gə raŋg lé reeje pər gə́ nee ooje! Seḭ koso-dəwje lé lelje mbi sí! Maji kar dɔ naŋg gə néje lai gə́ keneŋ ləm, Dəwje lai gə́ dɔ naŋg nee gə néje lai gə́ ḭ keneŋ ləm tɔ lé d’oo ta ya!

Jeremi 6:19

I dɔ naŋg neelé maji kari oo ta, Aa oo, m’a gə kar némeeko̰ ree Dɔ koso-dəwje’g neelé Gə goo kandə takə̰jije lə dee, Mbata deḛ d’ur mbi dee Dɔ taje’g ləm el ləm, Deḛ d’ə̰ji godndum bəḭ-bəḭ ləm tɔ.

Ejekel 37:4

Yeḛ ulam pana: Maji kam m’tegginta m’wɔji ne dɔ siŋgaje neelé ndá m’a kula dee pana: Seḭ siŋgaje gə́ tuduje ndaje sál-sál lé ooje ta lə Njesigənea̰!

Misee 1:2

Seḭ koso-dəwje lai lé ooje ta nee! Naŋg gə dəwje lai gə́ d’isi keneŋ lé Urje mbi sí gèŋ! Maji kar Njesigənea̰ Mbaidɔmbaije ɔr ta ila dɔ sí’g Mbaidɔmbaije, yeḛ gə́ si mee kəi-mbai’g ləa Gə́ to gə kəmee lé!

Tel tura Godndu 31:19

Ɓasinè maji kar sí ndaŋgje pakɔs neelé. I a ndoo Israɛlje taree ləm, a kɔm taree ta dee’g ləm tɔ ndá maji kar pakɔs neelé ɔr goo ta ləm ila dɔ Israɛlje’g.

Tel tura Godndu 32:1

I dara lé, kɔd mbii ila tag ndá m’a kulai ta, I naŋg lé ur mbii oo ne taje tam’g.

Tel tura Godndu 4:26

Ɓogənè ma m’ɓar dara gə naŋg nee gə mba kar dee to njékɔrgootaje ləm: ɓó lé seḭ raje kaiya gə́ togə́bè ndá yoo a ree gə tɔgee ya kar sí saneje ne kad mee ɓee gə́ seḭ a kaw taaje gə́ né ka̰ sí gir baa gə́ Jurdɛ̰’g nu lé, seḭ a síje keneŋ kuru sí əw el mbata seḭ a tujije ya.