Jeremi 2:6 - Maktub gə́ To gə Kəmee

⁶ Deḛ dəji ta nee pana: See Njesigənea̰ gə́ ar sí j’undaje loo Mee ɓee gə́ Ejiptə n’teḛje ləm, Yeḛ gə́ ɔr no̰ sí dɔdilaloo’g Gə́ to dɔ naŋg’d gə́ tudu kurum-kurum Gə́ bwaje taa pəl-pəl ləm, Gə́ dɔ naŋg gə́ loo-tudu Gə yoo d’o̰ ɓee keneŋ ləm, Gə́ dɔ naŋg gə́ dəw kára kara Dəs keneŋ el ləma, Dəw kára kara ra ɓee keneŋ el ləm tɔ lé See si ra bèe wa.

Jeremi 2:6 ပူးပေါင်းရင်းမြစ်များ

2 Mbaije 2:14

Yeḛ un kubu lə Eli gə́ boi yul gə́ yeḛ ɔr ila aree lé ndá yeḛ unda ne dɔ mán ndá yeḛ pana: See Njesigənea̰ Ala lə Eli əd ra wa. Tɔɓəi yeḛ tel unda mán lé gogo ɓəi ndá mán kai rəa dana gə́ yo gə́ nee ar Elije dəs aw ne.

Maktub gə́ wɔji dɔ Jɔb 3:5

Maji kar loo gə́ ndul njudu-njudu təa lai gə́ kea̰-yeḛ ləm, Maji kar mum on dəa ləma, Maji kar néɓəl gə́ on kəm kàr lé aree ɓəl ndəb pəd-pəd ləm tɔ.

Maktub gə́ wɔji dɔ Jɔb 35:10

Nɛ dəw kára kara pana: See Ala gə́ njekunda neḛ si ra wa. See yeḛ gə́ nje kar neḛ n’ɔs pa rɔlelje loondul’g si ra wa.

Pakɔsje 23:4

Loo gə́ m’njaa mee wəl-yoo gə́ ndul’g lé ndá M’a ɓəl némajel kára kara keneŋ el Mbata i nja nai səm, Ɗuguru-kag gə kag-ɗugu gə́ to jii’g lé Ar məəm oso ne naŋg po̰.

Pakɔsje 77:5

I lé wa dɔ kəm rəw gə́ tar Ndá məəm pélé ne wəs-wəs am m’pata el.

Teḛ-Raga 20:2

Ma m’to Njesigənea̰ Ala lə sí gə́ m’ar sí undaje loo mee ɓee gə́ Ejiptə teḛje mee kəi kula ɓər’g lé.

Esai 63:9

Dan nékəmndooje’g lə deḛ lai lé D’isi lal njela sə dee el, Kura ləa gə́ dara gə́ aar nea̰’g lé To njekaji dee, Dan meenoji gə kookəmtondoo’g ləa lé Yeḛ nja uga ne dɔ dee. Ta-ta mee ndɔje gə́ ləw lé Yeḛ gəd dee ləm, Yeḛ odo dee ləm tɔ.

Esai 64:7

Lé bèe kara əi Njesigənea̰, I to bɔ síje ya, Jeḛ n’toje gə́ a̰ji Nɛ i ɓa gə́ njekuba sí, Jeḛ n’toje kula gə́ jii ɓa ra.

Jeremi 13:16

Ulaje rɔnduba dɔ Njesigənea̰, Ala’g lə sí Kédé ɓa gə mba karee ar loondul teḛ ɓəi ləm, Kédé ɓa gə mba kar sí tugaje gɔl sí mbalje gə́ loondul dəb dɔ dee’g ləm tɔ, Seḭ ŋginaje lookàr, Nɛ yeḛ telee gə́ loondul ləm, Yeḛ aree tel to loondul gə́ ndul njudu-njudu ləm tɔ.

Jeremi 2:2

Aw ila ta nee mbi njé gə́ Jerusalem’g togə́bè pana: Njesigənea̰ pa togə́bè pana: Ma m’ar məəm olé dɔ meenoji’g lə sí Loo gə́ seḭ naije ne gə ma̰də sí ba ləm, Loo gə́ seḭ ṵdamje ne dan kəm sí’g Asəna gə njemɔr ləm bèe ləma, Loo gə́ seḭ ndolèje goom dɔdilaloo’g Gə́ dəw dubu né keneŋ el lé ləm tɔ.

Jeremi 2:8

Njékinjanéməsje kara dəji ta bèe pana: See Njesigənea̰ si ra wa el ləm, Njégər gin godnduje gərm el ləm, Njékɔrno̰ dəwje to majikojije el ləm, Njéteggintaje tegginta gə ri magə-Baal ləma, Deḛ d’aw goo deḛ gə́ D’askəm la sə dee el ləm tɔ.

Jeremi 5:12

Deḛ maḭta lə Njesigənea̰ D’oo taŋgɔm pa ne pana: Godo! Némeeko̰ a ree dɔ neḛje’g el ləm, N’a kooje kiambas əsé ɓoo-boo el ləm tɔ.

Jeremi 5:2

Ɓó lé deḛ pa pana: Njesigənea̰ si kəmba kara To taŋgɔm ɓa deḛ pa Ndo̰ ne naji d’ubu ne rɔ dee.

Jeremi 51:43

Ɓee-booje ləa tuji pugudu-pugudu ləm, Naŋg tudu kurum-kurum to dɔdilaloo ləm tɔ. To ɓee gə́ dəw kára kara si keneŋ el ləm, Dəw kára kara dəs keneŋ el ləm tɔ.

Ojee 12:13

Jakob aḭ aw ɓee gə́ Aram ləm, Israɛl ra kula mba taa ne dené Gə mba taa ne dené lé ɓa Yeḛ ul ne koso-nékulje.

Ojee 13:4

Ma Njesigənea̰ ma m’to Ala lə sí Un kudee mee ndəa gə́ seḭ undaje ne loo mee ɓee gə́ Ejiptə teḛje lé. Ma Ala lə sí gə́ kára ba ɓa Seḭ a koomje gə́ Ala lə sí ya Ɓó yeḛ gə́ raŋg godo. Njekaji gə́ raŋg to gə́ ma bèe lé godo.

Amɔs 2:10

Nɛ neḛ lé kédé neḛ n’ar sí undaje loo mee ɓee gə́ Ejiptə teḛje ləm, N’ɔr no̰ sí dɔdilaloo’g as ləb rɔ-sɔ Gə mba kar sí taaje dɔ naŋg ɓee lə Amɔrje gə́ né ka̰ sí-seḭ ləm tɔ.

Matiyo 4:16

Dəwje neelé gə́ d’isi dan loondul’g lé Deḛ nja d’oo loo gə́ ndogó wər-wər ləm, Deḛ neelé gə́ ndil yoo dəb dɔ dee’g bigim lé Loo un kudu ndogó dɔ dee’g ləm tɔ.

Tel tura Godndu 1:19

Jeḛ j’ḭje Orɛb ndá n’dəsje j’undaje dɔdilaloo gə́ tad rəg-rəg ləm, gə́ to ɓəl ləm tɔ gə́ seḭ ooje neelé dana n’gaŋgje, jeḛ j’unje rəw gə aw par gə́ dɔ mbal’g lə Amɔrje, to gə́ Ala lə sí gə́ Njesigənea̰ un ne ndəa ar sí ɓa jeḛ n’teḛje Kades-Barnea ɓəi.

Tel tura Godndu 32:10

Yeḛ iŋga dee dɔdilaloo’g, Dan ndu no̰’g lə daje gə́ wala gə́ to ɓəl, Yeḛ aḭ bada dɔ dee’g ləm Yeḛ aa dɔ dee kər-kər ləm tɔ, Yeḛ tɔs kəmee dɔ dee’g Asəna gə ŋgonkəmee bèe,

Tel tura Godndu 8:2

Arje meḛ sí olé dɔ rəwje lai gə́ Njesigənea̰ Ala ar sí njaaje keneŋ as ləb rɔ-sɔ dɔdilaloo’g, gə mba kar sí osoje ne kul ləm, gə mba kaḭ ne meḛ sí koo ne taje gə́ to meḛ sí’g, see seḭ a kaaje dɔ tornduje neḛ əsé a kaaje dɔ dee el wa.

Njéga̰g-Rəwtaje 6:13

Gedeo̰ ulá pana: Ǝi mbai ləm, ɓó lé Njesigənea̰ nai sə sí ndá see gelee ban ɓa néje lai neelé teḛ dɔ sí’g bèe ɓəi wa. Esé see némɔrije lai gə́ bɔ síje-je d’ɔr soree d’ar sí lé see d’əd ra ɓəi wa. See d’ula sí pana: Njesigənea̰ ya ɓa ar sí j’unda loo mee ɓee gə́ Ejiptə n’teḛje lé see deḛ pa bèe el wa. Nɛ ɓasinè Njesigənea̰ uba sí ya̰ sí ləm, yeḛ ɔm sí ji Madianje’g ləm tɔ.