Jeremi 18:23 - Maktub gə́ To gə Kəmee

²³ Nɛ i Njesigənea̰ lé I gər né gə́ d’wɔji gə mba ra səm Kam m’wəi ne lé gao ya. Ar məəi oso lemsé dɔ néra Kori-korije’g lə dee el ləm, Ɔr kaiya lə dee gə́ to nɔḭ’g lé el ləm tɔ! Unda dee naŋg rə̰dəŋ-rə̰dəŋ nɔḭ’g Ra né ḭ ne sə dee mee ndɔ oŋg’d ləi lé.

Jeremi 18:23 ပူးပေါင်းရင်းမြစ်များ

Pakɔsje 119:126

Kàree as gə mba kar Njesigənea̰ ra né ya, Mbata deḛ d’al ta ta godndui’g.

Pakɔsje 35:4

Deḛ gə́ ndigi kam m’udu lé Maji kar dee d’aw go̰gyo̰-go̰gyo̰ gə rɔkul dɔ dee’g ləm, Deḛ gə́ d’ḛjim bəḭ-bəḭ mba karm m’tuji lé Maji kar dee rəm gogo gə rɔkul dɔ dee’g ya ləm tɔ.

Pakɔsje 56:8

Deḛ d’ə̰ji ta meḛ dee’g pana: Mbɔl dɔ néra gə́ kori-korije lə neḛje ɓa N’a teḛje ne ta yoo’g: Ǝi Ala, maji kari jura koso-dəwje neelé naŋg gə goo oŋg ləi.

Pakɔsje 59:5

Lée ta wa dɔm el kara D’aiŋgwɔd d’wa dɔ gɔl rɔ dee. Maji kari teḛ kəmi ree tila kəm oo dee ne!

Esai 10:3

See ɗi ɓa seḭ a raje gə rɔ sí Ndɔ gə́ bo̰ néra sí a kɔs ta sí’g Kar tuji gə́ a kḭ əw ree dɔ sí’g lé wa. See a kḭje kawje ra ɓa Gə mba kiŋga njela sə sí wa. See loo gə́ ra ɓa seḭ a kaw kɔmje nékiŋgaje lə sí keneŋ wa.

Esai 2:9

Gelee gə́ nee ɓa dəwje gə́ kari ba d’a kula dɔ dee ləm, Njé gə́ boo-boo d’a koso kul ləm tɔ, I a kar məəi oso lemsé dɔ dee’g nda̰ el.

Jeremi 11:23

Dəw kára kara mbuna dee’g a nai el, mbata m’a kar némeeko̰ oso dɔ dəwje gə́ Anatot mee ləb gə́ m’a gə kar bo̰ néra dee ɔs ta dee’g lé.

Jeremi 15:15

Ǝi Njesigənea̰, I gər néje lai, Ar məəi olé dɔm’g ɓó Ar məəi wəi dɔm’g el. Maji kari dal ba̰ ləm Dɔ njékula kəmndooje’g! Maji kari ɔrm el, i gə́ oŋg ḭ səi kalaŋ el lé. Maji kari gər gao, Rɔkul gə́ d’ila dɔm’g mbata ləi lé M’isi keneŋ lɔm ya.

Jeremi 17:18

Maji kar njékula kəm ndooje nai gə rɔkul Ɓó kam ma ɓa m’nai gə rɔkul el. Maji kar dee d’unda bala tigi-tigi, Ɓó kam ma ɓa m’unda bala tigi-tigi el! Ar ndɔ némeeko̰ teḛ dɔ dee’g ləm, Ar tuji ɔs dɔ na̰ dɔ dee’g gɔl joo ləm tɔ.

Jeremi 17:4

Seḭ a kubaje nédɔji lə sí Gə́ n’ar sí kédé lé kya̰je Mbata néramajelje lə sí Ndá n’a kar sí raje kula ɓər Kar njéba̰je lə sí Mee ɓee gə́ seḭ gərje kédé el, Mbata seḭ arje pər oŋg lə neḛ o̰, To pər gə́ a ko̰ saar gə no̰.

Jeremi 18:18

Yen ŋga deḛ pana: Gə́ reeje ar sí j’o̰je njuma̰ Jeremi! Mbata lé njékinjanéməsje godo ya kara godndu lé a kudu el ləm, lé njékwɔji ta kəmkàrje godo kara ta kəmkàr a kudu el ləma, lé njéteggintaje godo kara tegginta a kudu el ya ləm tɔ. Bèe ndá gə́ reeje ar sí n’rɔje səa gə ta gə́ ta sí’g ɓó ar sí n’taaje tapeaje el.

Jeremi 26:11

Yen ŋga njékinjanéməsje gə njéteggintaje pata togə́bè d’ar ŋgan-mbaije gə koso-dəwje lai pana: Dəw neelé kəm karee wəi ya, mbata yeḛ tegginta ila dɔ ɓee-boo’g neelé to gə́ seḭ ooje gə mbi sí lé ya.

Jeremi 26:8

Loo gə́ Jeremi pata gə́ Njesigənea̰ ulá gə mba karee pa ar koso-dəwje lai ila naŋg ɗəgərə ndá njékinjanéməsje gə njéteggintaje gə koso-dəwje lai d’ubá d’wá pana: I a kwəi ya!

Jeremi 37:15

Meḛ ŋgan-mbaije lé ḭ sə dee jugugu dɔ Jeremi’g ar dee kundá tɔɓəi d’ilá kəi-daŋgai’d gə́ to mee kəi’g lə Jonatan njendaji-maktub lé mbata deḛ d’ar kəi ləa to kəi-daŋgai tɔ.

Jeremi 38:4

Bèe ɓa ŋgan-mbaije d’ula mbai pana: Dəw neelé kəm karee wəi mbata yeḛ ila mber togə́bè ar meḛ dəwje gə́ njérɔje gə́ nai mee ɓee-boo’g neelé ləm, gə koso-dəwje lai ləm tɔ ila kas bilim. Dəw neelé saŋg maji lə koso-dəwje el nɛ meeko̰ lə dee ɓa.

Jeremi 6:15

D’a si gə rɔkul Mbata deḛ ra né gə́ mina̰, Rɔkul ra dee el ləm, sɔḭ wa kəm dee el ləm tɔ, Gelee gə́ nee ɓa d’a koso na̰’d Gə deḛ gə́ d’oso lé ləm, M’a tɔs dee tila dee Loo gə́ m’a kar bo̰ néra dee ɔs ta dee’g ləm tɔ, Njesigənea̰ ɓa pa bèe.

Jeremi 6:21

Gelee gə́ nee ɓa Njesigənea̰ pa ne pana: Aa ooje, m’a kar kɔr mbalje To no̰ koso-dəwje’g neelé Gə́ nétuga gɔl dee ya, Ndá bɔ ŋganje gə ŋgan deeje gə́ diŋgam ləm, Njéboataɓeeje gə baokuraje lə dee ləm D’a tuga gɔl dee keneŋ Ndá d’a kudu ne guduru.

Jeremi 7:20

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, m’a kar oŋg ləm gə oŋg-boo ləm taa loo gə́ neelé yal-yal. A kɔm dɔ dəwje’g, gə dɔ daje’g, gə dɔ kagje gə́ mee ndɔje’g, gə dɔ kandə néje gə́ naŋg nee tɔ, oŋg neelé a ko̰ to gə́ pər bèe ndá a kwəi nda̰ el.

Jeremi 8:12

D’a si gə rɔkul mbata deḛ ra néje gə́ mina̰, Rɔkul ra dee el ləm, sɔḭ wa kəm dee el ləm tɔ. Gelee gə́ nee ɓa d’a koso na̰’d Gə deḛ gə́ d’oso lé ləm, N’a tɔs dee tila dee Loo gə́ n’a kar bo̰ néra dee ɔs ta dee’g ləm tɔ. Njesigənea̰ ɓa pa bèe.

Nɔ̰-ndôo gə́ wɔji dɔ Jerusalem 3:60

I oo né dalba̰ gə́ deḛ ra səm ləm, Gə njuma̰je lai gə́ d’ula meḛ na̰’d dɔm’g ləm tɔ.

Nɔ̰-ndôo gə́ wɔji dɔ Jerusalem 3:61

Njesigənea̰, ndɔl gə́ d’ila dɔm’g lé I oo gao lem, Njuma̰je lai gə́ d’ula meḛ na̰’d dɔm’g lé kara I oo ya ləm tɔ.

Lugu 21:22

Mbata ndəaje neelé a to ndɔ dal ba̰ mba kar ta gə́ ndaŋg mee maktub’g lé aw ne lée’g béréré ya.

Njé gə́ Rɔmə 2:5

Dɔkədərə ləi gə meendər dɔ kaiya’g ləi yee ɓa ar Ala turu ne oŋg ləa mée’g saar ndɔ kinja gin oŋg lé gə́ Ala a gaŋg ne ta dɔi’g gə goo rəbee.