Jeremi 17:27 - Maktub gə́ To gə Kəmee

²⁷ Nɛ loo gə́ m’un ndum m’ar sí mba kar sí undaje ndɔ-kwa-rɔ gə kəmee ləm, kar sí odoje nékodo gə́ wɔi a̰dje ne tarəwkɔgje’d gə́ Jerusalem mee ndɔ-kwa-rɔ’g el ləm tɔ lé ɓó lé seḭ unje mbi sí rəw dɔ’g ndá m’a kila pər tarəwkɔgje’g lə ɓee-boo karee roo kəi-mbaije gə́ Jerusalem dula-dula kar pəree wəi nda̰ el.

Jeremi 17:27 ပူးပေါင်းရင်းမြစ်များ

2 Mbaije 22:17

Mbata deḛ d’uba nee d’ya̰ neḛ ləm, deḛ roo néje gə́ ə̰də sululu d’ar magəje ləm tɔ gə mba kar oŋg ḭ ne sə neḛ mbata néje lai gə́ deḛ ra gə ji dee lé, yee ɓa oŋg lə neḛ gə́ to asəna gə pər gə́ a kwəi nda̰ el bèe lé to dɔ looje’g neelé gə mbəa.

2 Mbaije 25:9

Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ.

2 Sôrta Gḭka Israɛlje 36:19

Deḛ roo kəi-Ala ləm, deḛ təd ndògo-bɔrɔje gə́ Jerusalem ləm, deḛ tila pər dɔ kəi-mbaije’g ləma, deḛ tuji néje gə́ gad dee to yaa̰ pugudu-pugudu ləm tɔ.

Pakɔsje 122:7

Maji kar loo to lɔm mee gad ndògo-bɔrɔ’g ləi ləm, Maji kar loo to lɔm mee kəi-mbaije’g ləi ləm tɔ.

Esai 1:20

Nɛ ɓó lé seḭ mbadje ləm, Ɓó lé seḭ ɔsje ta rəw ləm tɔ ndá D’a tuji sí gə kiambas Mbata yee ɓa gə́ né gə́ Njesigənea̰ pa njaŋg ya.

Esai 1:31

Dəw gə́ njesiŋgamoŋ a tel kasəna gə bḭ kúla bèe ləm, Kula rəa a to kasəna gə ndao-pər bèe ləm tɔ, Deḛ joo bɔr d’a roo dula-dula Ndá dəw gə́ njetɔl pəree a godo.

Jeremi 17:24

Njesigənea̰ pana: Ɓó lé seḭ ooje ta lə neḛ ləm, ɓó lé mee ndɔ-kwa-rɔ’g lé seḭ a̰dje gə nékodo gə́ wɔi tarəwkɔgje’g lə ɓee-boo neelé el ləm, ɓó lé seḭ ɔrje ndɔ-kwa-rɔ lé undaje gə kəmee ləma, raje kula kára kara keneŋ el ləm tɔ ndá

Jeremi 17:4

Seḭ a kubaje nédɔji lə sí Gə́ n’ar sí kédé lé kya̰je Mbata néramajelje lə sí Ndá n’a kar sí raje kula ɓər Kar njéba̰je lə sí Mee ɓee gə́ seḭ gərje kédé el, Mbata seḭ arje pər oŋg lə neḛ o̰, To pər gə́ a ko̰ saar gə no̰.

Jeremi 18:1

Njesigənea̰ ula Jeremi ta gə rɔtaje nee pana:

Jeremi 21:12

Seḭ gel-bɔje lə Dabid! Njesigənea̰ pa togə́bè pana: Un kudee gə ndɔ rad saar lé Maji kar sí gaŋgje rəwta gə́ gə goo rəbee ləm, Taaje dɔ deḛ gə́ d’ula kəm dee ndòo Ji njekula kəm loo ndòo’g ləm tɔ. Nà oŋg-boo lə neḛ a mbudu ko̰ To gə́ pər bèe Kar dəw gə́ njetɔl pəree godo Mbata néra meeyèrje lə sí lé.

Jeremi 21:14

Njesigənea̰ pana: N’a kwɔji sí kəmkàr Gə goo kandə néra síje, N’a kila pər mee kag-kɔr’g lə sí Ndá yee a roo looje lai gə́ gugu dəa.

Jeremi 22:5

Nɛ ɓó lé seḭ unje mbi sí rəw dɔ taje’g neelé ndá Njesigənea̰ pana: Neḛ manrɔ neḛ bər-bər mba kar kəi-mbai neelé tel to dɔ nduba.

Jeremi 32:29

Kaldeje gə́ rɔ gə ɓee-boo neelé d’a kandə keneŋ ndá d’a kila pər dɔ’g mba roo ne ɓee-boo neelé na̰’d gə kəije gə́ deḛ tuu né gə́ ə̰də sululu dɔ’g d’ar magə Baal ləm, gə́ deḛ saga nékar naŋg keneŋ d’ar magəje gə mba kar oŋg ḭ ne səm pu lé ləm tɔ.

Jeremi 39:8

Kaldeje roo kəi lə mbai gə kəije lə koso-dəwje ləm, deḛ təd ndògo-bɔrɔ gə́ Jerusalem kərm-kərm ləm tɔ.

Jeremi 44:16

Jeḛ j’a kila koji dɔ ta kára kara gə́ i ula sí gə ri Njesigənea̰ lé el.

Jeremi 49:27

M’a kila pər mee ɓee-boo gə́ Damas karee roo kəi-mbaije lə Ben-Adad dula-dula.

Jeremi 52:13

Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ.

Jeremi 6:17

M’unda njéŋgəmlooje mbɔr sí’g dəb, Urje mbi sí gèŋ gə mba kooje ne ndu to̰to̰! Nɛ deḛ d’ilá keneŋ pana: Jeḛ j’a kurje mbi sí el.

Jeremi 7:20

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, m’a kar oŋg ləm gə oŋg-boo ləm taa loo gə́ neelé yal-yal. A kɔm dɔ dəwje’g, gə dɔ daje’g, gə dɔ kagje gə́ mee ndɔje’g, gə dɔ kandə néje gə́ naŋg nee tɔ, oŋg neelé a ko̰ to gə́ pər bèe ndá a kwəi nda̰ el.

Nɔ̰-ndôo gə́ wɔji dɔ Jerusalem 2:6

Yeḛ wa ndògo-bɔrɔ gə́ gugu dɔ ɓee-boo ləa Gə́ to gə kəmee unda naŋg rab-rab ləm, Loo-kwa-dɔ-na̰ ləa kara yeḛ tuji pugudu-pugudu ya ləm tɔ. Njesigənea̰ ar meḛ njé gə́ Sio̰ wəi Dɔ ndɔ ra naḭje’g ləm, Gə dɔ ndɔ-kwa-rɔje’g ləm tɔ. Dan oŋg-boo’g ləa lé Yeḛ un kəmee rəw dɔ mbai’g ləm, Gə dɔ njekinjanéməs’g ləm tɔ.

Nɔ̰-ndôo gə́ wɔji dɔ Jerusalem 4:11

Njesigənea̰ ɔr suna meekḭ jugugu ləa, Yeḛ ɓugu oŋg ləa gə́ nuŋga kəd-kəd lé tɔ. Yeḛ ula pər mee ɓee gə́ Sio̰’g Aree roo gin ɓee lé dula-dula.

Ejekel 16:41

d’a roo kəije ləi ləm, d’a gaŋgta dɔi’g kəm denéje gə́ bula digi-digi’g ləm tɔ. Togə́bè ɓa n’a kari ɔs bo̰ kaiya raije ndá i a kar dəw nékoga-dɔ-jia gogo el ŋga.

Ejekel 21:15

D’ɔlee d’aree adə làm-làm Mba tɔl ne dəwje mburug-mburug ləm, D’usu mba karee ndɔḭ lèd-lèd ləm tɔ. See jeḛ j’a kalje ne rɔ sí wa. Kag-mbai lə ŋgon neḛ ə̰ji kagje gə́ raŋg lai bəḭ-bəḭ.

Ejekel 21:3

M’a kula kag-kɔr gə́ dɔkɔl pana: Maji kari oo ta lə Njesigənea̰! Mbaidɔmbaije gə́ Njesigənea̰ pa togə́bè pana: N’a gə kila pər dɔi’g ndá a roo kagje lai gə́ to təb gə kagje lai gə́ tudu tɔ. Kṵji pər gə́ teḛ bilim-bilim lé a kwəi nda̰ el ləm, kəm dee-deḛ lai gə́ dɔkɔl saar teḛ dɔgel lé a nəd kurum-kurum ləm tɔ.

Ejekel 22:8

D’ə̰ji looje lə neḛ gə́ to gə kəmee bəḭ-bəḭ ləm, d’ila ndɔl dɔ ndɔ-kwa-rɔje’g lə neḛ ləm tɔ.

Ejekel 23:38

Aa ooje, né gə́ deḛ ra sə neḛ tɔɓəi: Mee ndəa’g nee ya d’ar loo lə neḛ gə́ to gə kəmee lé mina̰ ləm, deḛ d’ila ndɔl dɔ ndɔ-kwa-rɔje’g lə neḛ ləm tɔ.

Ojee 8:14

Israɛlje d’ar meḛ dee wəi dɔ yeḛ gə́ njekunda dee’g Ndá deḛ d’unda kəi-mbaije ləm, Judaje kara d’ar ɓee-booje gə́ gə siŋga dee lé D’ḭ dɔ maree’d gə́ kédé-kédé ləm tɔ. Nɛ m’a kar pər roo ɓee-booje lə dee ləm, A roo kəi-mbaije lə dee ləm tɔ.

Amɔs 1:10

N’a kula gə pər dɔ ndògo-bɔrɔ gə́ Tir Karee roo kəi-mbaije dula-dula ya.

Amɔs 1:12

N’a kula gə pər dɔ Temanje’g Karee roo kəi-mbaije gə́ Bosra dula-dula ya.

Amɔs 1:14

Mee kàree gə́ lul njérɔje ɓar loo-rɔ’g ləm, Dan lel-mal gə́ ḭ mee ndəa gən ɓir lé bèe ləm tɔ lé N’a kula gə pər dɔ ndògo-bɔrɔ’d gə́ Raba Karee roo kəi-mbaije dula-dula.

Amɔs 1:4

N’a kula gə pər karee oso dɔ kəi’g lə Ajael Karee roo kəi-mbaije lə Ben-Adad dula-dula ya tɔ.

Amɔs 1:7

N’a kula gə pər dɔ ndògo-bɔrɔ gə́ Gaja Karee roo kəi-mbaije lé dula-dula.

Amɔs 2:2

N’a kula gə pər mee ɓee gə́ Moab Karee roo kəi-mbaije gə́ to Kerijot, Moabje lé d’a kwəi loo gə́ d’a kaw dɔ na̰’d pum-pum ləm, Gə dan lul’g lə njérɔje ləma, Gə dan ndu to̰to̰je gə́ ɓar lé ləm tɔ.

Tel tura Godndu 32:22

Mbata pər oŋg ləm mbudu o̰ ndá A ko̰ saar teḛ rudu loo-si njé gə́ d’wəi’g A roo naŋg nee gə kandə néje gə́ d’uba keneŋ ləm, A kaw saar teḛ gel mbalje’g naŋg ləm tɔ.

Ǝbrəje 12:25

Meḛ sí dɔ rɔ sí’g! Yeḛ gə́ ula sí ta lé uduje mbi sí dɔ ta’g ləa el. Mbata deḛ gə́ d’udu mbi dee dɔ ta’g lə yeḛ gə́ ndəji dee dɔ naŋg neelé deḛ teḛ ne ta yoo’g el, nɛ ɓəd ɓa see jeḛ gə́ j’udu mbi sí dɔ ta’g lə yeḛ gə́ si dara lé see j’a teḛ ta yoo’g loo gə́ ra wa.