Jeremi 14:21 - Maktub gə́ To gə Kəmee

²¹ Mbɔl dɔ rii ɓa Maji kari ə̰ji ne kalimbai-ronduba ləi bəḭ-bəḭ el ləm, Maji kari ula ne sul dɔ’g el ləm tɔ. Ar məəi olé dɔ’g ɓó Gaŋ kúla manrɔ ləi Gə́ i man ar sí lé el!

Jeremi 14:21 ပူးပေါင်းရင်းမြစ်များ

Pakɔsje 106:40

Oŋg lə Njesigənea̰ lé mbudu o̰ to gə́ pər dɔ koso-dəwje’g ləa Ar nédɔji ləa tel to né gə́ to kḛji kəmee’g.

Pakɔsje 106:45

Yeḛ ar mée olé dɔ manrɔ’g ləa Oo ne kəmtondoo lə dee gə goo bao-meemaji ləa lé ləm,

Pakɔsje 145:11

D’a pata rɔnduba gə́ ka̰ ko̰ɓee ləi lé ləm, D’a kila mber ta siŋgamoŋ ləi lé ləm tɔ

Pakɔsje 25:11

Ǝi Njesigənea̰, mbɔl dɔ rii lé ɓa I ar məəi ti ne mbidi dɔ néra kori-kori’g ləm, Mbata to né gə́ boo ya.

Pakɔsje 51:11

Maji kari un kəmi dɔ kaiya ramje’g rəw ləm, Tuji néra kori-korije ləm lai ləm tɔ.

Teḛ-Raga 32:13

Ar məəi olé dɔ Abrakam’g ləm, gə dɔ Isaak’g ləma, gə dɔ Israɛl’g ləm tɔ, deḛ kuraje ləi, gə́ i nja mán rɔi gə rii-i ar dee pana: M’a kar ŋgaka síje d’a bula kasəna gə kéréméje gə́ dara ləm, m’a kar ŋgaka síje dɔ naŋg neelé gə́ m’un ndum gə mba k’ar dee lé, karee to ka̰ dee-deḛ saar gə no̰.

Esai 62:6

I ɓee gə́ Jerusalem, ma m’unda njéŋgəmlooje dɔ ndògo-bɔrɔje’g ləi, D’a si dɔ mundu dan kàrá əsé loondul’g el, Seḭ gə́ arje mee Njesigənea̰ olé dɔ Jerusalem’g lé Loo-kwa-rɔ lə sí godo!

Jeremi 14:19

Njesigənea̰, See i uba Juda yá̰ ŋga wa. See i ə̰ji Sio̰ bəḭ-bəḭ wa. See gelee ban ɓa i ula kəm sí ndòo Ar sí j’iŋgaje doo gə́ lal kər wa. Jeḛ j’undaje meḛ sí yel Dɔ kiŋga meelɔm’g Nɛ aa oo, nérɔlel kára kara Teḛ keneŋ el ləm, Meḛ sí to yel mba kaji Nɛ aa oo, ɓəl-boo ɓa teḛ ləm tɔ.

Jeremi 14:7

Ɓó lé néraje gə́ kori-kori lə koso-dəwje lə sí D’ɔr ta d’ɔm dɔ sí’g kara Ǝi Njesigənea̰, maji kari ra né Mbata lə sí gə mbata lə rii. Mbata kaltaje lə sí bula yaa̰ ləm, Jeḛ n’raje kaiya j’ɔs ne ta ləi rəw ləm tɔ.

Jeremi 17:12

Kalimbai rɔnduba gə́ d’ɔree d’unda ɗaŋg kédé gə́ dɔtar lé to keneŋ, Yee ɓa to loo gə́ kəi lə sí gə́ to gə kəmee to keneŋ.

Jeremi 3:17

Mee ndəa’g neelé d’a ɓar Jerusalem kalimbai lə Njesigənea̰. Ginkoji dəwje gə raŋg lai d’a mbo̰ dɔ na̰ Jerusalem gə ri Njesigənea̰. Ndá d’a ndolè goo takə̰jije gə́ majel gə́ to meḛ dee’g el ŋga.

Nɔ̰-ndôo gə́ wɔji dɔ Jerusalem 1:10

Njékula kəm dee ndooje lé Saa némajije lə dee Gə́ to ŋgonkəm dee lé lai-lai ya, Deḛ d’oo ginkoji dəwje gə raŋg Gə́ d’andə mee kəi’g lə deḛ gə́ to gə kəmee Nɛ deḛje neelé kédé lé i un ndui Ɔg dee ne loo kila gɔl dee Loo mbo̰ dɔ na̰’d ləi el lé.

Nɔ̰-ndôo gə́ wɔji dɔ Jerusalem 2:20

Njesigənea̰, aa loo oo, See na̰ ɓa i ra səa né togə́bè lé wa! See kəm kar denéje d’usɔ ŋgan deeje Gə́ d’ḭ meḛ dee’g Gə́ d’unda dee dan kəm dee’g lé wa. See kəm kar dee tɔl njékinjanéməsje gə njéteggintaje Mee kəi-si Njesigənea̰ gə́ to gə kəmee’g lé wa.

Ejekel 20:22

Lée togə́bè kara neḛ n’rəm gə ji neḛ dɔ dee’g ɓó n’ra né gə mbata lə ri neḛ gə mba kar ndɔl wa dɔ ri neḛ kəm ginkoji dəwje gə raŋg gə́ neḛ n’ar dee d’unda loo mee ɓee gə́ Ejiptə kəm dee’g teḛ lé el.

Ejekel 24:21

Maji kam m’ula gel-bɔje lə Israɛl m’pana: Mbaidɔmbaije gə́ Njesigənea̰ pa togə́bè pana: Aa ooje, n’a gə kila ndɔl dɔ loo lə neḛ gə́ to gə kəmee gə́ to néti-rɔ dɔ siŋgamoŋ’d lə sí ləm, gə to ŋgonkəm sí ləma, gə né gə́ seḭ undaje dan kəm sí’g ləm tɔ. Ŋgan síje gə́ diŋgam gə njé gə́ dené gə́ seḭ ya̰ deeje lé d’a kwəi yoo-kiambas tɔ.

Ejekel 39:25

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Ɓasinè n’a tel gə njé’g lə Jakob gə́ d’aw sə dee ɓee-ɓər’g lé ree sə dee ləm, n’a koo kəmtondoo lə gel-bɔje lə Israɛl lai ləma, n’a kaḭ bada dɔ ri neḛ gə́ to gə kəmee lé ləm tɔ.

Ejekel 43:7

Yeḛ ulam pana: Ma ŋgon-dəw lé loo gə́ neelé to loo kunda kalimbai lə neḛ keneŋ ləm, lée neelé n’a kila dabla gɔl neḛ keneŋ ləm tɔ, n’a si keneŋ mbuna Israɛlje’g saar-saar gə no̰. Gel-bɔje lə Israɛl gə mbaije lə dee d’a kula sul dɔ ri neḛ gə́ to gə kəmee gə néra dee gə́ mina̰ gə nin mbaije lə dee gə́ dubu dee dɔ looje gə́ ndəw’g el ŋga.

Loo gə́ killa rea kəm Daniel’g 9:7

Ǝi Mbaidɔmbaije, néra gə́ to gə dɔ najee to kaḭ ya, jeḛ ɓa rɔkul wa kəm sí mee ndəa’g nee ya, jeḛ dəwje gə́ Juda ləm, gə deḛ gə́ d’isi Jerusalem ləma, gə Israɛlje lai ləm tɔ, deḛ gə́ d’isi dəb əsé deḛ gə́ d’isi ŋgərəŋ mee ɓeeje lai gə́ i tuba dee keneŋ mbata kalta gə́ d’al tai’g d’ar taree wa dɔ dee kəmi’g lé.

Ləbije 26:11

M’a kar kəi-sim to mbuna sí’g ləm, m’a tel girm kila kar sí el ləm tɔ.

Amɔs 6:8

Mbaidɔmbaije gə́ Njesigənea̰ lé Maa̰ rəa gə ria-yeḛ nja, Njesigənea̰, Ala gə́ njeboo-néje lé ɓa pa bèe pana: Beelé lə Jakob lé to kḛji kəm neḛ’g ləm, Kəi-mbaije ləa kara neḛ n’ə̰ji bəḭ-bəḭ ləm tɔ, Togə́bè ɓa n’a kila ɓee neelé Gə néje lai gə́ to keneŋ lé ji njéba̰je’g lə dee tɔ.

Lugu 1:72

Togə́bè ɓa yeḛ teggin némeekɔrjol ləa gə́ yeḛ ra ar ka síjeḛ lé ləm, Yeḛ ar mée olé dɔ manrɔ’g ləa gə́ to gə kəmee ləm tɔ.

Lugu 21:24

D’a gaŋg dee gə ta kiambas kɔm dee naŋg ləm, d’a kwa dee ɓər kaw sə dee mbuna ginkoji dəwje gə raŋg’g lai ləma, tɔɓəi ginkoji dəwje d’a tuba Jerusalem gə gɔl dee mbajila-mbajila ləm tɔ saar kar ndəa ka̰ ginkoji dəwje gə raŋg a kun ɗiao.

Njé gə́ Epesə 2:7

Meemaji gə́ yeḛ ra sə síjeḛ gə́ j’ɔm na̰’d gə Jeju Kristi lé yeḛ nduba ne noji ləa gə́ dum dɔ loo gə́ raga, gə ləbee-ləbee saar gə no̰.

Tel tura Godndu 32:19

Njesigənea̰ oo né neelé ndá Rea lelee el ləm Mée ḭ səa jugugu dɔ ŋganeeje gə́ diŋgam Gə njé gə́ dené’g ləm tɔ.

Loo gə́ killa rea kəm Ja̰’g 11:2

Nɛ maji kam m’ya̰ dan mee ndògo gə́ raga ɓó m’wɔjee el, mbata to loo-kaar lə ginkoji dəwje gə raŋg ndá ɓee gə́ to gə kəmee doi lé d’a gə tuba naŋg mbaji-mbaji as naḭ rɔ-sɔ-giree-joo.

1 Samel 12:22

Njesigənea̰ lé a kuba koso-dəwje ləa kya̰ dee el mbata lə boo-riɓar ləa gə́ ɓar yaa̰ lé mbata Njesigənea̰ wɔji mée’g njaŋg mba kar sí toje koso-dəwje ləa ya.