Jeremi 13:25 - Maktub gə́ To gə Kəmee

²⁵ Njesigənea̰ pana: Aa ooje, yee ɓa gə́ nédɔji ləi Gə né gə́ wɔji dɔi Mbata i ar məəi wəi dɔ neḛ’g ləm, Taŋgɔm ɓa i ɔm məəi dɔ’g ləm tɔ.

Jeremi 13:25 ပူးပေါင်းရင်းမြစ်များ

Maktub gə́ wɔji dɔ Jɔb 20:29

Yee ɓa gə́ né gə́ Ala unda kul wɔji ne dɔ njemeeyèr ləm, Yee ɓa gə́ nédɔji gə́ Ala wɔji ne dəa ləm tɔ.

Pakɔsje 11:6

Njesigənea̰ ar kɔr pər, gə pər, gə kṵji pər gə́ teḛ bilim-bilim lé Er dɔ njémeeyèrje’g to gə́ ndi bèe ləm, Lel-mal gə́ nuŋga gə́ ɓir lé Yee ɓa gə́ né gə́ wɔji dɔ dee ya ləm tɔ.

Pakɔsje 9:17

Njesigənea̰ riba dɔ rəa gaŋg ne rəwta gə́ gə dɔ najee, Yeḛ ar gum néra majel lə njémeeyèrje tel wa dee.

Esai 17:4

Mee ndəa’g neelé rɔnduba lə Jakob a tel keḭ el ləm, Dakasrea gə́ ər ndɔl-ndɔl lé a tel kəŋ kəŋ-kəŋ ləm tɔ.

Esai 28:15

Seḭ pajena: Jeḛ manje rɔ sí j’ar yoo ləm, Jeḛ j’ɔmje ta lə sí na̰’d gə ɓee lə njé gə́ d’wəi ləm tɔ, Loo gə́ néyoo gə́ a kun loo lad-lad a dəs Ndá a teḛ dɔ sí’g el, Mbata taŋgɔmje ɓa gə́ njo̰loo-kula-dɔ lə sí ləm, Néra gə́ gə goo rəbee el ɓa gə́ né gə́ o̰ dɔ sí ləm tɔ.

Esai 34:17

Yeḛ ra nékwɔji-loo kaiyee mbata lə dee Ndá jia-yeḛ nja ɓa a kai dee dɔ naŋg neelé gə kúla, D’a taa gə́ né ka̰ dee-deḛ saar gə no̰ ləm, D’a si keneŋ gə ləb dee ləb dee gə no̰ ləm tɔ.

Esai 65:7

Njesigənea̰ pana: Gə goo néra majelje lə sí ləm, Gə ka̰ bɔ síje-je ləm tɔ lé Deḛ gə́ roo néje gə́ ə̰də sululu dɔ mbalje’g ləm, D’ula sul dɔm’g dɔdərlooje’g ləm tɔ lé M’a kwɔji nékoga-dɔ-ji kula ra dee gə́ deḛ ra kédé lé kar dee.

Jeremi 10:14

Dəw gə́ rara kara Négər ləa aree tel mbə ləm, Njelḛ̀ né gə́ rara kara rəa kul Mbata lə né gə́ yeḛ ndaji ləm tɔ, Mbata magəje ləa to néŋgɔmje ləm, Kəmə godo meḛ dee’g ləm tɔ.

Jeremi 18:15

Nɛ koso-dəwje lə neḛ lé d’ar meḛ dee wəi dɔ neḛ’g ləm, Deḛ tuu né gə́ ə̰də sululu d’ar magəje ba, Deḛ d’unda ndolè dɔ rəw-kaw deeje’g ləm, Deḛ d’uba ne kila-rəwje gə́ ləw lé d’ya̰ Gə mba kun kila-rəwje Gə ŋgan rəwje gə́ lal kwɔi.

Jeremi 2:13

Mbata koso-dəwje ləm ra kaiyaje joo: Deḛ d’ubam-ma gə́ m’to Kəm-rəw-mán-kaji lé d’ya̰’m ləm, D’uru bwa-manje Gə́ to bwa-manje gə́ tɔr wuyum-wuyum Gə́ mán askəm kaar keneŋ el ləm tɔ.

Jeremi 2:32

See mee ŋgoma̰də wəi dɔ néndam’g ləa Esé mee njeŋgao-sigi wəi dɔ mər’g ləa wa. Nɛ koso-dəwje ləm d’ar meḛ dee wəi dɔm’g Ləw ba as ndɔje bula dum tura.

Jeremi 3:21

Ndu ɓar dɔdərlooje gə́ ndəw’g, To ndu no̰ gə ndu kwɔi lə Israɛlje. Mbata deḛ d’un rəwje Gə́ nduni koŋ-koŋ ləm, D’ar meḛ dee wəi ne dɔ Njesigənea̰, Ala’g lə dee lé ləm tɔ.

Ejekel 23:35

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: To gə́ i ar məəi wəi dɔ neḛ’g ləm, to gə́ i uba neḛ ya̰ neḛ gooi’g ləm tɔ lé ndá i kara maji kari uba pər kaiyaje ləi gə néra kaiyaje ləi lé togə́bè tɔ.

Misee 3:11

Njégaŋ-rəwtaje lə dee gaŋg rəwta Mbata lə néndogo-gel ləm, Njékinjanéməsje lə dee ndoo dəwje né Mbata ne k’uga dɔ ji dee ləma, Njéteggintaje lə dee pata néje gə́ d’a gə ree Taa ne lar ləm tɔ. Deḛ nduna rɔ dee rɔ Njesigənea̰’g pa ne pana: See Njesigənea̰ si mbuna neḛje’g el wa. Némeeko̰ kára kara a tibi mbɔr neḛje el.

Soponi 3:2

Yeḛ oo ta lə dəw kára kara el ləm, Oo takwɔji-kəmkàr gə́ né el ləm, Ɔm mée dɔ Njesigənea̰’g el ləma, Yeḛ rəm pər gə́ rɔ Ala’g ləa el ləm tɔ.

Matiyo 24:51

Mbai lé a kḭ kuru dəa’g kundá gə ndəi gaŋg rəa təgərə-təgərə ləm, a korè gə njéhulaije na̰’d məs ləm tɔ. Lée neelé to loo gə́ d’a no̰ gə mán-no̰ kəm dee’g keneŋ ləm, gə d’a sɔ ŋgaŋ dee keneŋ pəgərə-pəgərə ləm tɔ.

Njé gə́ Rɔmə 1:25

Deḛ lé tel kankəmta lə Ala lé gə́ taŋgɔm ləm, d’wa nékunda lə Ala meḛ dee’g d’ula ne rɔ dee ndòo d’aree ur dɔ Njekunda néje lai gə́ si gə dɔkaisəgərə gə ləbee-ləbee saar gə no̰ lé ləm tɔ. Amen.