Jeremi 1:2 - Maktub gə́ To gə Kəmee

² Njesigənea̰ ulá ta mee ndəa’g lə Jojias, ŋgolə Amo̰, mbai gə́ Juda mee ləb ko̰ɓee ləa gə́ njekɔm’g dɔg-giree-munda ləm,

Jeremi 1:2 ပူးပေါင်းရင်းမြစ်များ

1 Mbaije 13:2

Yeḛ pata gə ndia gə́ boi wəl ila ne ndɔl dɔ loo-nékinjaməs’g lé gə goo ta gə́ Njesigənea̰ pa lé pana: Loo-nékinjaməs! Loo-nékinjaməs! Njesigənea̰ pa togə́bè pana: Aa ooje, d’a koji ŋgon gə́ diŋgam mee kəi’g lə Dabid, d’a kunda ria lə Jojias, yeḛ a tɔl njékinjanéməsje gə́ wɔji dɔ looje gə́ ndəw dɔi’g, deḛ gə́ d’aw roo néje gə́ ə̰də sululu dɔi’g lé tɔɓəi siŋga dəwje kara d’a roo dɔi’g tɔ.

1 Mbaije 13:20

Loo gə́ d’isi ta ka-nésɔ’g ndá Njesigənea̰ ula njetegginta gə́ ar maree tel səa lé ta.

2 Mbaije 21:18

Manasə wəi ndá deḛ dubee mee gadloo ma̰a kagje gə́ to mbɔr kəi’g ləa gə́ to gadloo ma̰a kagje’g lə Uja. Ndá ŋgonee Amo̰ ɓa o̰ ɓee toree’g tɔ.

2 Mbaije 21:24

Nɛ koso-dəwje gə́ mee ɓee’g tɔl deḛ lai gə́ d’o̰ njuma̰ mbai Amo̰ lé, ndá koso-dəwje gə́ mee ɓee’g lé tel d’unda ŋgonee Jojias ɓa gə́ mbai toree’g tɔ.

2 Mbaije 22:3

Ləb ko̰ɓee lə Jojias, mbai gə́ njekɔm’g dɔg-giree-jinaijoo lé mbai ula Sapan gə́ to ŋgolə Asalia, gə́ to ŋgoka Mesulam, gə́ to njendaji-maktub mee kəi’g lə Njesigənea̰.

Jeremi 1:11

Njesigənea̰ dəjim ta gə rɔtaje nee pana: Jeremi, see ɗi ɓa oo wa. M’tel m’ilá keneŋ m’pana: M’oo barkəm kag gə́ ɓaree ama̰də.

Jeremi 1:4

Njesigənea̰ ulam ta gə rɔtaje nee pana:

Jeremi 25:3

Un kudee mee ləb gə́ njekɔm’g dɔg-giree-munda gə́ Jojias, ŋgolə Amo̰, mbai gə́ Juda o̰ ne ɓee saar ɓogənè lé Njesigənea̰ ulam ta as ləb rɔ-joo-giree-munda ŋga. Ma m’ula sí taree, m’ula sí taree ya teḛ gə́ ndɔ rad nɛ seḭ unje mbi sí rəw dɔ ta’g ləm.

Jeremi 28:12

Nɛ gée gə́ gogo loo gə́ Hanania, njetegginta təd néməməna̰ gə́ gwɔb Jeremi, njetegginta’g lé mba̰ ndá Njesigənea̰ un ndia ar Jeremi gə rɔtaje nee pana:

Jeremi 3:6

Njesigənea̰ ulam ta mee ndəa gə́ Jojias to ne mbai lé pana: See i oo né gə́ Israɛlje gə́ to majikojije el lé ra wa. Deḛ d’aw dɔ mbalje gə́ ndəw’g ləm, gə gel kagje lai gə́ to təb ləm tɔ ndá lée neelé deḛ ra né asəna gə néra kaiya-dené bèe keneŋ.

Jeremi 36:2

Un maktub gə́ kə́ na̰’d ndá ndaŋg taje lai gə́ ma m’ulai wɔji ne dɔ Israɛlje, gə Judaje, gə ginkoji dəwje gə raŋg lai un kudee mee ndɔ gə́ ma m’pata m’ari’g mee ndəa’g lə Jojias saar teḛ ɓogənè lé.

Ojee 1:1

Ta gə́ Njesigənea̰ ula Ojee, ŋgolə Beeri, mee ləb ko̰ɓee’g lə Ojias, gə Jotam, gə Ahas, gə Ejekias, mbaije gə́ Juda ləm, gə Jeroboam, ŋgolə Joas, mbai gə́ Israɛl lé ləm tɔ.

Joɛl 1:1

Ta gə́ Njesigənea̰ ula Joɛl, ŋgolə Petuel.

Junas 1:1

Njesigənea̰ ula Junas, ŋgolə Amitai pana:

Misee 1:1

Njesigənea̰ ula Mise, dəw gə́ Moreset ta mee ndəaje gə́ Jotam gə Ahas gə Ejekias, to ne mbaije gə́ Juda lé. To ta gə́ wɔji dɔ Samari gə Jerusalem gə́ yeḛ oo gə némḭdi lé.

Soponi 1:1

Ta gə́ Njesigənea̰ ula Soponi, ŋgolə Kusi, gə́ to ŋgolə Gedalia, gə́ to ŋgolə Amaria, gə́ to ŋgolə Ejekias, mee ləb gə́ Jojias, ŋgolə Amo̰ to ne mbai gə́ Juda lé.