Maktub gə́ Jak ula ne ar ngan-Allaje 5:8 - Maktub gə́ To gə Kəmee

⁸ Seḭ nja kara ilaje meḛ sí dɔ maree’g ləm, aije meḛ sí sam-sam mbata ndɔ ree lə Mbaidɔmbaije nai ŋgwɔi bèe.

Maktub gə́ Jak ula ne ar ngan-Allaje 5:8 ပူးပေါင်းရင်းမြစ်များ

Gḭ-Néje 49:18

Ǝi Njesigənea̰, ma m’ŋgina kaji ləi!

Pakɔsje 130:5

M’unda məəm yel gə́ dɔ Njesigənea̰’g ləm, M’unda məəm yel dəa’g gə ŋgaw məəm bura ləm tɔ, Ndá m’ŋgina ne ndukun ləa lé.

Pakɔsje 27:14

Maji kari ar məəi to yel gə́ dɔ Njesigənea̰’g! Maji kari wa diŋgam məəi’g ɓó gə wa məəi kɔgərɔ! Maji kari ar məəi to yel gə́ dɔ Njesigənea̰’g ya.

Pakɔsje 37:7

Maji kari si mundu no̰ Njesigənea̰’g Ɓó gə unda ne məəi yel dəa’g ya, Yeḛ gə́ teḛkɔr rəw-kabeeje’g lé Ar məəi ḭ səi pu dəa’g el ləm, Yeḛ gə́ néra majelje gə́ yeḛ wɔji-kwɔji ra lé d’ɔr njal kara Ar məəi ḭ səi pu dəa’g el ləm tɔ.

Ejekel 7:12

Kàree si ree ləm, ndəa si aw gə́ nee dəb ləm tɔ! Maji kar njendogo né al rəa el ləm, maji kar kəm njerab-né to ndòo el ləm tɔ! Mbata oŋg lé nduba dɔ koso-dəwje’g lə deḛ lai gə́ bula digi-digi lé.

Misee 7:7

Ma ndá m’a tel kəm par gə́ rɔ Njesigənea̰’g ləm, M’a kunda məəm yel gə́ dɔ Ala gə́ to njekajim ləm tɔ, Ala ləm a koo ndum ya.

Habakuk 2:3

Mbata ndərta neelé ta gə́ wɔji ndəa to njaŋg mba̰. Ta neelé aw gə́ loo tɔl ŋgaŋgee’g ya ndá Taŋgɔm a godo keneŋ, Ɓó lé yee tila gə́ tila ɓəi kara maji kam ŋgina ya Mbata yee a kaw lée’g ya, A kaw lée’g béréré tɔgərɔ ya.

Lugu 21:19

Meekai sam-sam lə sí ɓa seḭ a kajije ne ya.

Tagə́maji gə́ Ja̰ ndang 21:22

Jeju ilá keneŋ pana: Ɓó lé ma m’ndigi karee si bèe saar mba karm m’tel m’iŋgá kara see ta ɗi ləi ɓa to keneŋ wa. I nja ɔd gə́ goom’g nee.

Njé gə́ Rɔmə 8:25

Nɛ ɓó lé jeḛ j’unda meḛ sí yel gə́ dɔ né gə́ jeḛ j’oo el ɓəi ndá j’ila ne meḛ sí po̰-po̰ ŋgina ne ya.

Njé gə́ Galati 5:22

Nɛ kandə né gə́ ka̰ Ndil lé ɓa to nee ya: Meenoji ləm, gə rɔlel ləm, gə meekulɔm ləm, gə meekai sam-sam ləm, gə to gə́ dəw-noji ləm, gə meemaji ləm, gə to gə́ ŋgonkoji ləm, gə kaw yururu ləma, gə kunda-kəmkàr-dɔ-rɔ’g ləm tɔ lé

Njé gə́ Pilibə 4:5

Maji kar dəwje lai gər sí loo kaw yururu’g lə sí gao ya. Mbaidɔmbaije si aw gə́ nee dəb ŋga.

1 Njé gə́ Tesalonikə 1:10

Yee ɓa, seḭ ŋginaje ne Ŋgonee gə́ a gə kḭ dara lé yee ɓa to Jeju gə́ Ala aree unda loo teḛ dan njé gə́ d’wəi’g ləm, yeḛ gə́ ɔr sí dan oŋg gə́ a gə ree lé ləm tɔ.

1 Njé gə́ Tesalonikə 2:19

See na̰ ɓəi ɓa gə́ nékunda-mee-yel dɔ’g lə sí əsé nérɔlel lə sí əsé dɔgugu gə́ j’a kal ne rɔ sí wa. See a to seḭ nja no̰ Mbaidɔmbaije’g lə sí Jeju ndɔ ree’g ləa el wa.

1 Njé gə́ Tesalonikə 3:13

Maji karee ar meḛ sí to kɔgərɔ mba kar sí toje dəwje gə́ to gə kəmee gə́ ta kára kara wa dɔ sí no̰ Ala Bɔ síje’g el mee ndəa gə́ Jeju Mbaidɔmbaije a ree gə dəwje ləa lai gə́ to gə kəmee lé.

2 Njé gə́ Tesalonikə 3:5

Maji kar Mbaidɔmbaije ɔr no̰ sí dan meenoji’g lə Ala ləm, ar meekai sam-sam lə Kristi taa meḛ sí pəl-pəl ləm tɔ.

Maktub gə́ Jak ula ne ar ngan-Allaje 5:3

Larlɔr lə sí gə larnda lə sí d’wɔməs, məs gə́ wɔ néje lə sí lé a kḭ kila ta dɔ sí’g ləm, a bɔr darɔ sí mbuji-mbuji asəna gə doo-pər bèe ləm tɔ. Seḭ mbo̰je nébaoje lə sí mee ndɔje gə́ to ndɔje gə́ rudu lé.

Maktub gə́ Jak ula ne ar ngan-Allaje 5:9

Ŋgakɔmje, imje na̰ el mba kar dəw gaŋgta dɔ sí-seḭ’g el tɔ. Aa ooje, njegaŋ-rəwta aar takəi’g pèrèrè mba̰.

1 Piɛrə 4:7

Ndɔ kun rudu néje lai nai dəb ba. Bèe ndá undaje kəmkàr dɔ sí’g sije ne kəmba loo ra tamaji’g lə sí.

Loo gə́ killa rea kəm Ja̰’g 22:20

Yeḛ gə́ ɔr goo ta nee ar sí lé pana: Oiyo, waga ɓa m’a teḛ wai ɓəi. Amen! Mbaidɔmbaije Jeju, maji kari ree ya kɔgərɔ kari.