Maktub gə́ Jak ula ne ar ngan-Allaje 5:4 - Maktub gə́ To gə Kəmee

⁴ Aa ooje, njékulaje gə́ d’inja kó mee ndɔje’g lə sí gə́ seḭ bəŋgərə deeje nɛ lar kuga ji dee lé ɓaŋgee ɓar yor-yor, ndu kii no̰ lə njékulaje kara oso mbi Mbaidɔmbaije gə́ njeboo-néje gə́ dara lé tɔ.

Maktub gə́ Jak ula ne ar ngan-Allaje 5:4 ပူးပေါင်းရင်းမြစ်များ

Gḭ-Néje 4:10

Ala dəjee pana: See ɗi ɓa i ra bèe wa. Kaa məs ŋgokɔḭ gə́ ɓar naŋg lé aw njal teḛ rɔm’g ya.

Maktub gə́ wɔji dɔ Jɔb 34:28

Deḛ d’ar ndu no̰ lə njendoo aw saar oso mbi Ala’g lé ləm, Deḛ d’aree oo ndu no̰ lə njénékəmndooje ya ləm tɔ.

Maktub gə́ wɔji dɔ Jɔb 7:2

To gə́ ɓər lé ndiŋga ndil kwa rəa keneŋ ləm, To gə́ njekula lar unda mée yel dɔ nékoga dɔ jia’g ləm tɔ lé

Pakɔsje 9:12

Maji kar sí ɔsje pa arje Njesigənea̰ gə́ si Sio̰ lé, Néreaje gə́ dum dɔ loo lé Maji kar sí ilaje mberee mbuna koso-dəwje’g,

Teḛ-Raga 22:27

Seḭ a tajije Ala el ləm, seḭ a tajije mbai dɔ koso-dəwje lə sí el ləm tɔ.

Teḛ-Raga 3:9

Aa oo, ndu no̰ lə Israɛlje lé oso mbim’g pad ya, kəm dee gə́ njé gə́ Ejiptə d’ula ndòo lé kara ma m’oo gao ya tɔ.

Esai 1:9

Ɓó lé Ala gə́ njeboo-néje Ya̰ kó ginka sí gə́ nai jəbərə ba el ndá Kàr bèe nḛ jeḛ n’telje J’asəna gə njé gə́ Sɔdɔm ləm, Jeḛ n’telje n’tana gə njé gə́ Gɔmɔr bèe ləm tɔ.

Esai 5:7

Ndɔ-nduú lə Njesigənea̰ gə́ njeboo-néje lé Yee ɓa to gel-bɔje lə Israɛl. Dəwje gə́ Juda lé To gə́ loo ndɔ gə́ yeḛ unda dan kəmee’g. Yeḛ unda mée yel gə mba koo ne néra gə́ danasur rɔ dee’g Nɛ aa ooje, məs ɓa d’ila! Yeḛ unda mée yel gə mba koo ne néra gə́ gə dɔ najee Nɛ aa ooje, ndu kii no̰ ndòo ɓa oo keneŋ!

Esai 5:9

Aa ooje né gə́ Njesigənea̰ gə́ njeboo-néje am m’oo lé ɓa nee: Tɔgərɔ ya, kəije gə́ bula neelé D’a to nduba piu-piu ləm, Kəije gə́ boo-boo gə́ kura yaa̰ neelé Dəwje d’a si keneŋ el ləm tɔ.

Jeremi 22:13

Meeko̰ a koso dɔ yeḛ Gə́ tum gin kəi ləa Gə goo néra gə́ gə dɔ najee el ləm, Gə rɔd ŋgan kəije dɔ na̰’d-na̰’d Gə goo néra gə́ gə goo rəbee el ləma, Gə ar maree ra kula aree kari ba Lal kuga dɔ jia ləm tɔ.

Ləbije 19:13

Seḭ a buguruje mar síje el ləm, a ɓogo deeje el ləm tɔ. Njékulaje lə sí kara seḭ a ŋgəmje nékoga dɔ ji dee saar teḛ bèlè el tɔ.

Habakuk 2:11

Mbata kɔr mbal gə́ mee ndògo-bɔrɔ’g ra né wəl ləm, Kagje gə́ tɔ ne kag dɔ kəi’g na̰’d kara d’ilá ta’g ləm tɔ.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Matiyo 9:37

Yeḛ ula njékwakiláje pana: Ko gə́ kəm kinja to yaa̰ nɛ njékḭjaje ti el.

Lugu 18:7

See Ala lé a ra rəwta lə dəwje ləa gə́ yeḛ ɔr dee unda dee gə kəmee gə́ to təa’g pəgə-pəgə dan kàrá gə loondul’g lé bel wa. See yeḛ a tila gə́ tila dɔ dee’g wa.

Njé gə́ Rɔmə 9:29

To gə́ Esai pa taree kédé pana: Ɓó lé Mbaidɔmbaije gə́ njeboo-néje gə́ dara ya̰ kó ginka sí gə́ nai jebəre el Ndá kàr bèe nḛ lé jeḛ n’tel j’asəna gə njé gə́ Sɔdɔm ləm, Jeḛ n’tel n’to tana gə njé gə́ Gɔmɔr ləm tɔ.

Tel tura Godndu 15:9

Undaje kəmkàr dɔ rɔ sí’g nà meeyèr a taa meḛ sí kar sí pajena: Ləb gə́ njekɔm’g siri gə́ to ləb kɔr ɓaŋg lé sí ree dəb ŋga! Undaje kəmkàr dɔ rɔ sí’g nà a kulaje kəm sí na̰’d sir dɔ ŋgoko̰ sí’d gə́ njendoo lé gə mba kɔgee ne né. Yeḛ a no̰ rəa dɔ sí’g no̰ Njesigənea̰’g ndá ta a kwa dɔ sí.

Njé gə́ Kolosə 4:1

Seḭ ɓé-njékulaje, maji kar sí ugaje dɔ ji njékulaje lə sí gə goo rəbee mbata seḭ gərje gao, ɓée sí-seḭje kara si dara tɔ.