Maktub gə́ Jak ula ne ar ngan-Allaje 5:16 - Maktub gə́ To gə Kəmee

¹⁶ Tegje gin kaiya lə sí gə́ raga arje na̰ ləm, raje tamaji mbata lə na̰ ləm tɔ mba kar kəm sí tuga ne sib. Tamaji gə́ rara gə́ njemeekarabasur ra gə́ ɓar mḭ ndá to tamaji gə́ mḭ ya.

Maktub gə́ Jak ula ne ar ngan-Allaje 5:16 ပူးပေါင်းရင်းမြစ်များ

Gḭ-Néje 19:29

Togə́bè loo gə́ Ala tuji ɓee-booje gə́ to ndag-loo’g ndá yeḛ ar mée olé dɔ Abrakam’g ɓa yeḛ ar Lɔt teḛ ne dan tuji gə́ boo gə́ yeḛ ɓugu ne ɓee-booje lé naŋg, loo gə́ Lɔt ra ɓee ləa si keneŋ kédé lé tɔ.

Gḭ-Néje 20:17

Abrakam ra tamaji ta Ala’g lé ndá Ala ɔr rɔko̰ rɔ Abimelek’g gə rɔ dené’g ləa gə rɔ ŋganjélookisije’g ləa gə́ dené tɔ ndá yeḛ ar dee tel d’oji ŋganje ŋga.

Gḭ-Néje 20:7

Ɓasinè, maji kari tel gə dené lə diŋgam neelé aree gogo. Mbata yeḛ to njetegginta ndá yeḛ a ra tamaji mbata ləi, tɔɓəi i a si ne kəmba. Nɛ ɓó lé i a tel səa karee el ndá maji kari gər gao to gə́ i a kwəi ləm, i seḭ gə njé’g ləi bura ya ləm tɔ.

Gḭ-Néje 32:28

Yeḛ dəjee pana: See rii lə nawa. Jakob ilá keneŋ pana: Rim lə Jakob.

2 Samel 19:19

Too gə́ boi gə́ deḛ gɔlee mbata lə mbai lé d’odo ne njémeekəije ləa mba gaŋg ne baa. Loo gə́ mbai a gə gaŋg baa gə́ Jurdɛ̰ ndá léegəneeya Simei, ŋgolə Gera unda barmba nea̰’g.

1 Mbaije 13:6

Yen ŋga mbai lé un ta ula dəw lə Ala pana: Kɔgərɔ kari, maji kari ra ndòo rɔ Njesigənea̰, Ala’g lé ləi gə mbata ləm, gə mba kam m’wa jim gə́ rɔm’g ya kari. Bèe ɓa dəw lə Ala ra ndòo rɔ Njesigənea̰’g ndá mbai lé wa jia gə́ rəa’g aree tel to to gə́ kédé lé tɔ.

2 Sôrta Gḭka Israɛlje 30:20

Njesigənea̰ oo ndu Ejekias ndá yeḛ ar mée oso lemsé dɔ koso-dəwje’g lé tɔ.

Maktub gə́ wɔji dɔ Jɔb 42:8

Maji kar sí twaje bɔ maŋgje siri ləm, gə bàl badje siri ləm tɔ, awje ne rɔ kura’g ləm Jɔb gə́ nékinjaməs gə́ ka̰ roo gə mbata lə sí-seḭ ya. Ndá kura ləm Jɔb a ra tamaji mbata lə sí mbata mbɔl dɔ Jɔb lé ɓa m’a ra ne sə sí gə goo némbə lə sí lé el. Mbata seḭ paje ta ləm gə goo rəbee to gə́ kura ləm Jɔb pa lé el.

Pakɔsje 34:15

Maji kari unda rɔi ɓad dɔ néra gə́ majel’g ndá Ra né gə́ maji ləm, Maji kari saŋg meelɔm ai ne məəi sam-sam keneŋ ləm tɔ.

Teḛ-Raga 17:11

Loo gə́ Moyis un jia gə́ tar ndá siŋga Israɛlje to yaa̰ ur dɔ ka̰ Amalekje’g, nɛ loo gə́ yeḛ rəm gə jia gə́ naŋg ndá siŋga Amalekje to yaa̰ ur dɔ ka̰ Israɛlje’g tɔ.

Teḛ-Raga 9:33

Moyis unda loo mee kəi’g lə Parao̰ teḛ mba kaw raga gir ɓee-boo’g ndá yeḛ odo jia par gə́ rɔ Njesigənea̰’g, bèe ɓa ndi əw ne rəa ndaŋg ləm, ndi kwɔji kara gaŋg ne ŋgəji ləma, ndi oso ne naŋg teŋ el ŋga ləm tɔ.

Gosota-Kəmkàrje 15:29

Njesigənea̰ unda rəa ɓad rɔ njémeeyèrje’g, Nɛ yeḛ oo tamaji lə njémeekarabasurje.

Gosota-Kəmkàrje 15:8

Nékinjaməs lə njemeeyèr lé To né gə́ mina̰ kəm Njesigənea̰’g, Nɛ tamaji lə njéra né danaje ɓa lelee.

Gosota-Kəmkàrje 28:9

Ɓó lé dəw kára un mbia rəw dɔ godndu’g ndá Tamaji ləa kara to né gə́ mina̰ tɔ.

Jeremi 15:1

Njesigənea̰ ulam togə́bè pana: Lée Moyis gə Samel ya d’aar no̰ neḛ’g mba ra rəwta lə koso-dəwje neelé kara n’a koo kəmtondoo lə deḛje neelé el. Tuba dəwje neelé no̰m’g ɔm dee əw mba kar dee d’ɔd d’aw.

Jeremi 33:3

Ɓarm ndá m’a kilai keneŋ ndá m’a kulai boo-néje gə néje gə́ to loo-kiya’d gə́ i gər el lé.

Jeremi 42:2

d’ula Jeremi, njetegginta pana: Maji kar ndòo raje lə sí taa kəmi rəgm ya. Ra mbai ta Njesigənea̰, Ala’g lé ləi mbata lə síjeḛ dəwje lai gə́ naije mbata jeḛ m’bula yaa̰ kédé nɛ jeḛ naije jebəre ba to gə́ i oo gə kəmi nee lé.

Bula lə Israɛlje 11:2

Koso-dəwje no̰ gə́ rɔ Moyis’g. Bèe ɓa Moyis ra tamaji ta Njesigənea̰’g ndá pər lé wəi bèm.

Matiyo 21:22

Né gə́ rara ɓa seḭ a dəjije gə meekun gə ndukwɔi lə sí ndá kara seḭ a kiŋgaje née ya.

Matiyo 3:6

D’aree ra dee batɛm dan baa gə́ Jurdɛ̰’g.

Mark 1:5

Ndəa neelé dəwje gə́ Jude ləm, gə njé gə́ Jerusalem ləm tɔ d’aw rəa’g riba dɔ kaiya ra dee təsərə gə́ raga ɓa yeḛ ra dee batɛm ta baa gə́ Jurdɛ̰’g ɓəi.

Lugu 9:6

Deḛ d’ɔd d’aw gə kudu ɓee kudu ɓee d’ila mber tagə́maji lé keneŋ ləm, d’ɔr rɔko̰ rɔ njérɔko̰je’g ləm tɔ.

Tagə́maji gə́ Ja̰ ndang 9:31

Jeḛ n’gər gao, Ala udu mbia dɔ tamaji lə njékaiyaje ya, nɛ nana ɓa ɓó lé yeḛ ila ne riɓar dəa’g ləm, ra torndia ləm tɔ ndá yeḛ taa ta ləa rəgm ya.

Néra Njékaḭkulaje 10:38

Seḭ gərje gao, Ala lé ar siŋgamoŋ lə Ndilmeenda ɔm dɔ Jeju gə́ Najaret’g lé aree aw gə loo-loo ra ne néje gə́ maji ləm, aree aji ne deḛ lai gə́ d’isi gin ɓee’g lə njekurai’g lé ləm tɔ mbata Ala lé nai səa ya.

Néra Njékaḭkulaje 19:18

Njé gə́ na̰je bula mbuna deḛ gə́ d’un meḛ dee lé deḛ ree teggin néra dee təsərə.

Néra Njékaḭkulaje 8:24

Simo̰ tel ila dee keneŋ pana: Raje ndòo rɔ Mbaidɔmbaije’g mbata ləm mba kar ta gə́ seḭ paje səm neelé a teḛ dɔm’g togə́bè el.

Njé gə́ Rɔmə 3:10

to gə́ ndaŋg taree mee maktub’g pana: Dəw gə́ njemeekarabasur kára kara godo ləm,

Njé gə́ Rɔmə 5:19

Mbata to gə́ ndɔjita lə dəw kára ba ɓa ar dəwje bula tel to ne njékaiyaje ɓəi lé togə́bè ɓa ŋgonkoji lə dəw kára ba ya a kar dəwje bula tel to ne njémeekarabasurje ɓəi tɔ.

Njé gə́ Kolosə 1:9

Gelee nee ɓa, jeḛ kara un kudee mee ndəa gə́ taree oso mbi sí’g lé jeḛ n’lal ra tamaji ta Ala’g lé mbata lə sí el. Jeḛ n’kwɔiee mba kar sí gərje né gə́ mée ɓa wɔji lé kɔrje ne suna njal gə goo kəmkàr gə gosonégər gə́ ka̰ ndil gə́ rusu meḛ sí njḭ-njḭ lé.

1 Njé gə́ Tesalonikə 5:17

raje tamaji ta-ta ləma,

1 Njé gə́ Tesalonikə 5:23

Maji kar Ala nja gə́ njeyelko meelɔm lé ɔr sí unda sí gə kəmee ləm, maji karee ŋgəm sí bura, ndil sí ləm, gə kankəmrɔ sí ləma, gə darɔ sí ləm tɔ, mba kar ndɔ gə́ Mbaidɔmbaije lə sí Jeju Kristi a tel ree lé ndá ta kára kara a kwa dɔ sí el.

1 Njé gə́ Tesalonikə 5:25

Ŋgako̰ síje, raje tamaji mbata lə sí.

Ǝbrəje 11:4

Meekun lé ɓa Abel inja nékinjaməs gə́ ur dɔ ka̰ Kaḭ’g ar Ala. Meekun lé Ala ée ne gə́ njemeekarabasur mbata né gə́ yeḛ un ar Ala lé taa ne kəmee rəgm. Abel lé wəi mba̰ nɛ mbɔl dɔ meekun ləa lé yeḛ pata ar sí ɓəi.

Ǝbrəje 11:7

Meekun lé ɓa Noe ra ne bato aji ne njémeekəije ləa. Ala aree oo néje gə́ dəwje d’oo el ɓəi, taa ne tapea wá mée’g sud. Togə́bè meekun lé ɓa yeḛ ila ne ta dɔ dəwje gə́ dɔ naŋg nee, tel ne ŋgon nduba iŋga ne meekarabasur gə́ dəw iŋga gə goo meekun lé.

Ǝbrəje 12:13

Ɔmje gɔl sí rəwje gə́ dana’g mba kar yeḛ gə́ to njemədə lé gɔlee a kɔs ne rəw lal el, nɛ gɔlee a ŋgəŋ ne ŋgəŋ-ŋgəŋ ɓa.

Ǝbrəje 13:18

Raje tamaji mbata lə sí, ta gə́ meḛ sí lé ar meḛ sí oso naŋg po̰, mbata jeḛ ndiŋga rɔ sí mba ra néje lai gə goo rəbee.

Jujé 10:12

Mee ndəa gə́ Njesigənea̰ ɔm Amɔrje ji Israɛlje’g lé Juje ula Njesigənea̰ ta kəm Israɛlje’g pana: I kàr lé aar naŋg dɔ ɓee gə́ Gabao̰ bèe ɓa ləm, I naḭ kara aar naŋg wəl-loo gə́ Ajalon bèe ləm tɔ.

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.

1 Ja̰ 3:22

Né gə́ rara ɓa gə́ jeḛ dəjee kara jeḛ n’taa jia’g ya mbata jeḛ j’aa dɔ godndia kər-kər ləm, jeḛ n’ra né gə́ taa kəmee rəgm ləm tɔ.

1 Samel 1:12

Loo gə́ yeḛ ra tamaji ta Njesigənea̰’g ar kuree əw lé ndá Eli aa təa gərərə.

1 Samel 12:17

See jeḛ j’isije naḭ kinja koje’g ŋga el wa. M’a dəji Njesigənea̰ ndá yeḛ a k’ar ndi ndaŋg ləm, gə ndi a kər ləm tɔ. Maji kar sí gərje, maji kar sí ooje to gə́ dəji gə́ seḭ dəjije mbai lé to né gə́ kəm ra kəm Njesigənea̰’g el.

1 Samel 12:18

Samel dəji Njesigənea̰ ndá Njesigənea̰ ar ndi ndaŋg ləm, gə ndi ər ləm tɔ mee ndəa gən ya. Koso-dəwje lai ɓəl Njesigənea̰ gə Samel kədm-kədm.