Maktub gə́ Jak ula ne ar ngan-Allaje 4:6 - Maktub gə́ To gə Kəmee

⁶ Nɛ Ala lé wa sə sí noji gə́ maji unda nje gə́ kédé, gelee gə́ nee ɓa maktub gə́ to gə kəmee lé pa ya tɔɓəi pana: Ala ɔs njébeeleje rəw nɛ yeḛ wa noji gə njékula dɔ deeje.

Maktub gə́ Jak ula ne ar ngan-Allaje 4:6 ပူးပေါင်းရင်းမြစ်များ

2 Sôrta Gḭka Israɛlje 32:26

Yen ŋga goo beelé’g lə Ejekias lé yeḛ gə njé gə́ Jerusalem lai tel d’oso ne kul, gelee gə́ nee ɓa oŋg lə Njesigənea̰ oso ne dɔ dee’g mee ndəa gə́ Ejekias si ne kəmba lé el tɔ.

2 Sôrta Gḭka Israɛlje 33:12

Loo gə́ yeḛ si dan némeeko̰’g ndá yeḛ ra ndòo rɔ Njesigənea̰ Ala’g ləa, tɔɓəi yeḛ oso kul riba dɔ rəa pərəg no̰ Ala’g lé lə bɔbeeje-je.

2 Sôrta Gḭka Israɛlje 33:19

Tamaji ra ləa gə tel gə́ Ala tel ilá keneŋ, gə kaiyaje ləa gə kaltaje ləa, gə dɔ looje gə́ ndəw gə́ yeḛ unda dee ar magəje gə néndajije gə́ tɔl dee kédé ɓa yeḛ oso ne kul ɓəi lé ndaŋg taree mee maktub’g lə Hojai.

2 Sôrta Gḭka Israɛlje 33:23

Yeḛ oso kul no̰ Njesigənea̰’g to gə́ bɔbeeje Manasə oso bèe el mbata Amo̰ lé ar ta wa ne dəa gə́ kédé-kédé.

2 Sôrta Gḭka Israɛlje 34:27

Mbata ɓəŋgəri ti dus ləm, mbata i wa ndòo no̰ Ala’g lé dɔ ta gə́ pa dɔ loo gə́ nee’g gə dɔ dəwje gə́ d’isi keneŋ ləm, mbata i oso kul no̰m’g ləma, mbata i til kubuje ləi rɔi’g no̰m’g ləm tɔ ndá ma kara m’oo ndui ya tɔ. Njesigənea̰ ɓa pa bèe.

Maktub gə́ wɔji dɔ Jɔb 22:29

Ɓó lé d’ari ula dɔi ndá I a dəjee gə mba kɔr dɔi gə́ tar, Mbata Ala la gə dəw gə́ ula dəa.

Pakɔsje 138:6

Njesigənea̰ lé si tar sab, Nɛ yeḛ ila kəmee oo ne deḛ gə́ d’ula dɔ dee ləm, Deḛ gə́ to gə́ njébeeleje lé loo gə́ deḛ nai əw ya ɓəi ndá Yeḛ gər dee gao ya ləm tɔ.

Pakɔsje 9:12

Maji kar sí ɔsje pa arje Njesigənea̰ gə́ si Sio̰ lé, Néreaje gə́ dum dɔ loo lé Maji kar sí ilaje mberee mbuna koso-dəwje’g,

Teḛ-Raga 18:11

Ɓasinè, ma m’gər gao to gə́ Njesigənea̰ lé ur dɔ magəje’g lai, mbata némeeyèr lə njé gə́ Ejiptə lé tel oso dɔ dee-deḛ’g ya.

Gosota-Kəmkàrje 15:33

Ɓəl Njesigənea̰ ɓa ndoo dəw kəmkàr, Tɔɓəi kula dɔ kédé ɓa rɔnduba orè gée ɓəi.

Gosota-Kəmkàrje 18:12

Kédé ɓa kar tuji gə́ boo teḛ ɓəi lé Dəw ti rəa mée’g, Nɛ kula dɔ kédé ɓa rɔnduba orè gée ɓəi.

Gosota-Kəmkàrje 22:4

Kandə kula-dɔ ləm gə ɓəl Njesigənea̰ ləm tɔ lé To nébao ləm gə rɔnduba ləma gə kəmə ləm tɔ.

Gosota-Kəmkàrje 29:23

Beelé lə dəw lé aree oso kul, Nɛ yeḛ gə́ ula dəa aw yururu ndá iŋga rɔnduba.

Gosota-Kəmkàrje 3:34

Yeḛ ula sul dɔ njékula sul dɔ mar deeje’g Nɛ yeḛ wa noji gə njékula dɔ deeje.

Esai 2:17

Dəw gə́ njebeelé lé d’a karee oso kul ləm, Yeḛ gə́ njeti rəa kara d’a karee ula dəa ləm tɔ. Mee ndəa’g neelé dɔ Njesigənea̰ ya kára ba a to tar.

Esai 54:7

Ma m’uba sí m’ya̰ sí, waga ba ya Nɛ gə goo boo-meenoji ləm lé M’a tel kwa sí gə́ rɔm’g.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Matiyo 13:12

Mbata dəw gə́ si gə né jia’g ɓa d’a kɔm maree dɔ’g mba karee si danee’g pubag. Nɛ dəw gə́ si gə né ɓa iŋga maree dɔ’g el ndá d’a kwá taa yee gə́ jia’g lé.

Matiyo 23:12

Nana ɓa gə́ unda dəa gə́ tar ndá d’a karee ula dəa ya. Nɛ nana ɓa gə́ ula dəa lé ndá d’a karee unda dəa gə́ tar ya tɔ.

Lugu 1:52

Yeḛ wa deḛ gə́ ti rɔ dee dɔ kalimbaije’g lə dee, ɓugu dee naŋg. Nɛ yeḛ wa dəwje gə́ d’ula dɔ dee, ar dee d’unda dɔ dee gə́ tar.

Lugu 14:11

Mbata nana ɓa gə́ unda dəa gə́ tar ndá d’a karee ula dəa ya, nɛ nana ɓa gə́ ula dəa lé ndá d’a karee unda dəa gə́ tar tɔ.

Lugu 18:14

Ma m’ula sí təsərə, njetaa lar-gədɓee neelé aw gə́ kəi ləa ndá ta godo dəa’g, nɛ yeḛ gə́ raŋg lé ta nai dəa’g ɓəi. Mbata nana ɓa gə́ unda dəa gə́ tar ndá d’a karee ula dəa ya, nɛ nana ɓa gə́ ula dəa ndá d’a karee unda dəa gə́ tar tɔ.

Maktub gə́ Jak ula ne ar ngan-Allaje 4:10

Osoje kul no̰ Mbaidɔmbaije’g ndá yeḛ nja a kun sí kuru sí tar jigiri ɓəi.

1 Piɛrə 5:5

Seḭ basaje kara osoje kul no̰ ŋgatɔgje’g lə sí. Seḭ lai lé ulaje dɔ sí arje na̰, mbata Ala lé ɔs njébeeleje rəw, Nɛ yeḛ wa noji gə njekula dɔ deeje.

1 Samel 2:3

Paje ta beelé bèe el ləm, Maji kar ta kəsta teḛ ta sí’g el ləm tɔ Mbata Njesigənea̰ to Ala Gə́ njegər néje lai ləm, Yeḛ nja wɔji kwɔi lə néra dəwje lai ləm tɔ.