Maktub gə́ Jak ula ne ar ngan-Allaje 4:5 - Maktub gə́ To gə Kəmee

⁵ See seḭ ə̰jije meḛ sí’g to gə́ maktub gə́ to gə kəmee lé pa gə mḭdé ba wa. Maktub neelé pana: Ala aḭ bada dɔ Ndil gə́ yeḛ ula meḛ sí’g.

Maktub gə́ Jak ula ne ar ngan-Allaje 4:5 ပူးပေါင်းရင်းမြစ်များ

Gḭ-Néje 26:14

Nékulje ləa gə́ lam-lam bula ləm, nékulje ləa gə́ boi-boi bula ləma, ŋganjélookisije ləa kara bula yaa̰ ləm tɔ. Bèe ɓa Pilistije ra kəmkəḭ dɔ Isaak’d.

Gḭ-Néje 30:1

Loo gə́ Rasel oo to gə́ yeḛ as koji ŋgon gə Jakob el ndá yeḛ ra kəmkəḭ dɔ ŋgokea̰ gə́ dené’g ndá yeḛ ula Jakob pana: Am ŋganje nà m’a kwəi!

Gḭ-Néje 37:11

Ŋgakea̰je lé ra kəmkəḭ dəa’g nɛ bɔbeeje ɓa ŋgəm ta neelé mée’g.

Gḭ-Néje 38:9

Nɛ Onan lé gər gao to gə́ ŋganje neelé d’a to kea̰ yeḛ-je el ndá loo gə́ yeḛ to gə dené lə ŋgokea̰ lé ndá yeḛ sané mán rəa naŋg kad mba karee oji ŋgon tor ŋgokea̰’g lé el.

Gḭ-Néje 6:5

Njesigənea̰ oo to gə́ meeyèr lə dəwje gə́ dɔ naŋg nee to yaa̰ ləm, takə̰jije gə́ meḛ dee’g lai lé wɔji dɔ né gə́ majel ya goo kára ba gə ndɔ dee ndɔ dee ləm tɔ.

Gḭ-Néje 8:21

Njesigənea̰ taa baḭ né gə́ ə̰də lel ndá yeḛ pa mée’g pana: M’a Man naŋg neelé gə mbata lə dəw lé gogo el ŋga, mbata dəw lé un kudee gə́ kasee ba saar gə́ kédé-kédé lé takə̰ji gə́ mée’g majel ya, tɔɓəi m’a tel tuji néje lai gə́ d’aw kəmba lé to gə́ m’ra kédé lé el ŋga tɔ.

Pakɔsje 106:16

Loo-si dee lé deḛ ra kəmkəḭ dɔ Moyis’g Gə dɔ Aaro̰ gə́ Njesigənea̰ ɔr dee unda dee gə kəmee lé.

Pakɔsje 37:1

Pa lə Dabid Maji kari ar məəi ḭ səi pu dɔ njémeeyèrje’g el ləm, Ra kəmkəḭ dɔ deḛ gə́ to njéra némajelje’g lé el ləm tɔ,

Gosota-Kəmkàrje 21:10

Dəw gə́ njemeeyèr lé ndiŋga néra gə́ majel, Lée’d kuramaree ya kara yeḛ oo kəmtondoo ləa el.

Njekillamber 4:4

Ma m’oo to gə́ kula gə́ rara gə goso kula gə́ rara lé Ar kəm njeboatakəi lə debee neelé əḭ dəa’g. Yee nee kara to né gə́ gə mḭdé ba ya ləm To gə́ ŋgwɔd gə́ kaḭ goo lel’g ləm tɔ.

Esai 11:13

Kəmkəḭ lə Eprayimje a godo ləm, Njéba̰je lə dee gə́ d’isi Juda lé D’a tuji pugudu-pugudu ləm tɔ, Eprayimje d’a ra kəmkəḭ dɔ Judaje’g el ŋga ləm, Judaje kara d’a to njéba̰je lə Eprayimje el ŋga ləm tɔ.

Bula lə Israɛlje 11:29

Moyis ilá keneŋ pana: See i ra kəmkəḭ dɔ dee’g mbata ləm-ma wa. Né gə́ m’ndiŋga lé to mba kar koso-dəwje lə Njesigənea̰ lai ya to gə́ njéteggintaje ɓa, maji kar Njesigənea̰ ɔm Ndilee dɔ dee’g ya!

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.

Tagə́maji gə́ Ja̰ ndang 10:35

Ɓó lé godndu lé ɓar deḛ gə́ ta lə Ala lé oso mbi dee’g gar-Alaje ləm, ɓó lé godndu lé ta kára kara gə́ to keneŋ a kudu el ləm tɔ

Tagə́maji gə́ Ja̰ ndang 19:37

Tɔɓəi maktub gə́ to gə kəmee lé ɔr ta gə́ raŋg wɔji ne dəa to pana: D’a kila kəm dee gə́ rɔ yeḛ gə́ d’ɔsee gə niŋga lé ya.

Tagə́maji gə́ Ja̰ ndang 7:42

Maktub gə́ to gə kəmee lé see pana: Kristi lé a kḭ ginka’g lə Dabid’g ləm, gə ŋgon ɓee gə́ Betlehem gə́ to ɓee-si Dabid ləm tɔ lé see pa bèe el wa.

Néra Njékaḭkulaje 7:9

Deḛ gin ka síje lé kəm dee əḭ dɔ Jisəb’g ar dee d’wá ndogee gə mba kar dee d’aw səa Ejiptə,

Njé gə́ Rɔmə 1:29

Deḛ d’ar néra gə dɔ najee el ləm, gə néra majelje ɓəd-ɓəd ləm, gə néra gə́ yèr ləma, gə meeyèr ləm tɔ lé taa meḛ dee pəl-pəl. Kəmkəḭ ləm, gə tɔl dəw ləm, gə kɔl na̰ ləm, gə kərgoso ləma, gə kəm ŋgununu ləm tɔ lé rusu meḛ dee tɔ.

Njé gə́ Rɔmə 9:17

Maktub gə́ to gə kəmee lé kara pata ar Parao̰ pana: Aa oo, neḛ n’ɔri gə mba kar dee d’oo loo siŋgamoŋ lə neḛ rɔi’g ləm, mba kar ri neḛ oso gə loo mbidi-mbidi ləm tɔ.

1 Njé gə́ Kɔrḭtə 6:19

See seḭ gərje to gə́ darɔ sí to kəi-si Ndilmeenda gə́ Ala nja aree ree sí keneŋ meḛ sí’g el wa. Bèe ndá seḭ toje dəw dɔ rɔ sí el.

2 Njé gə́ Kɔrḭtə 6:16

See kəi-Ala gə ka̰ magə-poleje yḛ̀, d’a kula dee na̰’d loo gə́ ra wa. Mbata jeḛ lé n’to kəi-Ala gə́ njesikəmba to gə́ Ala nja pa pana: N’a sí keneŋ ləm, n’a njaa mbuna dee’g ləm tɔ, N’a to Ala lə dee ləm, deḛ nja kara d’a to koso-dəwje lə neḛ ləm tɔ.

Njé gə́ Galati 3:8

Tɔɓəi maktub gə́ to gə kəmee lé wɔji lée kédé oo to gə́ Ala a gə kar njétareeje tel to gə́ njémeekarabasurje gə goo meekun ndá ɔr ne goo tagə́maji neelé ar Abrakam kédé pana: Ginkoji dəwje gə raŋg lai d’a kiŋga dɔkaisəgərə ginee’g ya.

Titə 3:3

Mbata kédé lé jeḛ kara jeḛ n’to mbəje ləm, gə njékaltaje ləma, gə njḛ́dəmje ləm tɔ. Jeḛ n’to ɓərje lə mal néje gə́ ɓəd-ɓəd gə kaiyaje ɓəd-ɓəd ləm, néra gə́ yèr gə kəmkəḭ ɓa j’isi danee’g ləm, mar síje d’wa sí gə meḛ dee ləma, jeḛ kara j’wa dee gə meḛ sí ləm tɔ.