Maktub gə́ Jak ula ne ar ngan-Allaje 4:11 - Maktub gə́ To gə Kəmee

¹¹ Ŋgakɔmje, paje gə na̰ ta gə́ majel el. Yeḛ gə́ pata gə́ majel ila dɔ ŋgokea̰’g əsé un dəa dɔ nérea’g ndá yeḛ pata gə́ majel ila dɔ godndu’g lé ləm, yeḛ to njegaŋ-rəwta dəa’g ləm tɔ. Ɓó lé i gaŋg rəwta dɔ godndu’g ndá i to njera née el nɛ i to njegaŋ-rəwta dəa’g.

Maktub gə́ Jak ula ne ar ngan-Allaje 4:11 ပူးပေါင်းရင်းမြစ်များ

Pakɔsje 140:11

Maji kar kɔr pər gə́ taa pər gəgəgə ya ɓugu dɔ dee’g wɔlɔg ləm, Maji karee ɓugu dee dan pər’g Gə dan bwa-wəlje gə́ d’a kḭ keneŋ teḛ raga gogo el ləm tɔ.

Lugu 6:37

Gaŋje ta dɔ mar síje’g el ndá Ala kara a gaŋgta dɔ sí’g el tɔ, ilaje ta dɔ mar síje’g el ndá Ala a kila ta dɔ sí’g el tɔ, ɔrje ta dɔ mar síje’g ndá Ala a kɔr ta dɔ sí’g tɔ.

Njé gə́ Rɔmə 2:1

I dəw gə́ ban-ban kara gə́ wa rɔi gə́ njegaŋ-rəwta dɔ marije’g lé loo kari taa ne dɔi godo. Mbata loo gə́ i gaŋg rəwta dɔ dee’g lé i nja kara ila ne ta dɔ rɔi’g ya to mbata i gə́ njegaŋ-rəwta dɔ dee’g lé i nja kara to gə́ njera néje neelé to gə́ deḛ bèe tɔ.

Njé gə́ Rɔmə 2:13

Tɔgərɔ ya, deḛ gə́ d’oo ta godndu gə mbi dee lé ɓa to njémeekarabasurje no̰ Ala’g el, nɛ deḛ gə́ ra née ɓa Ala ɔr ne ta dɔ dee’g.

Njé gə́ Rɔmə 7:7

See j’a pa ban tɔɓəi wa. See godndu lé to kaiya wa. Wah! bèe el. Né ɓó lé godndu godo ndá kəm a kinja dɔ kaiya’g el. Mbata ɓó lé godndu pana: I a ra kəmkəḭ dɔ né’g lə mari el, ndá m’a koo loo gər nékəmkəḭ el tɔ.

1 Njé gə́ Kɔrḭtə 4:5

Togə́bè ɓa maji kar sí gaŋgje ta dɔ mar síje’g kédé el. Ŋginaje saar ndɔ ree lə Mbaidɔmbaije, yeḛ gə́ a riba dɔ néje lai gə́ loondul dəb dɔ’g bigim lé ləm, a kila takə̰ji lə dəwje kɔd-kɔd gə́ raga ləm tɔ. Ndəa neelé nana kara a kiŋga pidi gə́ goso dəa gə́ a kḭ rɔ Ala’g ya.

2 Njé gə́ Kɔrḭtə 12:20

Mbata məəm to kərm mbata m’ə̰ji məəm’g m’pana: Loo gə́ m’a gə teḛ dɔ sí’g ndá m’a kiŋga sí to gə́ məəm wɔji lé el ləm, seḭje kara seḭ a kiŋgamje to gə́ meḛ sí-seḭ wɔji lé el ləm tɔ. Meem to kərm nà banelə m’a kiŋga takɔl ləm, gə kəmkəḭ ləm, gə ba̰ ta ləm, gə ta tḭ-na̰ ləm, gə kunda nani ləm, gə kunda ta ta na̰’g ləm, gə kəsta ləma, gə panjaa gə́ kori-kori gə́ ɓəd-ɓəd ləm tɔ lé mbuna sí’g.

Njé gə́ Epesə 4:31

Meekad ləm, gə ba̰ gə́ gə ria-ria ləm, gə oŋg ləm, gə kɔl na̰ gə oŋg ləm, gə tajikil ləma, gə meeyèr gə́ gə ria-ria ləm tɔ lé saneeje dan sí’g kɔ ya.

1 Timote 3:11

Maji kar denéje lə dee kara to gə́ njémeekaraje ləm, gə njékaw yururuje ləma, d’a to ŋgonkoji dɔ néje’g lai ləm tɔ ɓó d’a to njékɔs dɔ dəw gə tarje el.

2 Timote 3:3

D’a to njémeekədərəje ləm, gə njélal koo kəmtondoo lə mar deeje ləm, gə njétədtaŋgɔm kunda ta mar deeje’g ləm, gə njékwaŋgaŋ rɔ deeje el ləm, gə njéra nékərm-kərmje ləma, gə njéba̰je lə dəwje gə́ njéra néje gə́ maji ləm tɔ.

Titə 2:3

Maji kula denéje gə́ tɔg lé mba kar néra dee inja paw gə meenda ləm, kar dee d’unda nani el ləm, kar dee d’wa rɔ dee gə́ ɓərje lə kido el ləma, kar dee ndoo ne dəwje ta gə́ maji ləm tɔ.

Maktub gə́ Jak ula ne ar ngan-Allaje 1:16

Ŋgakɔmje gə́ m’unda sí dan kəm’g, maji kar sí ərje kəm rɔ sí el.

Maktub gə́ Jak ula ne ar ngan-Allaje 1:19

Ŋgakɔmje gə́ m’unda sí dan kəm’g, maji kar sí gərje ta nee gao ya. Tɔɓəi maji kar dəw gə́ rara kara orè mbia ndəŋ dɔ ta gə́ yeḛ oo ɓó ḭ rad mba pata pəd el ləm, əsé ar oŋg ḭ səa jugugu el ləm tɔ,

Maktub gə́ Jak ula ne ar ngan-Allaje 1:25

Nɛ nana ɓa gə́ tən ta godndu gə́ maji ɔr njoroŋ gə́ ɔr ne ɓər dəa’g, ɓó lé yeḛ ai mée sam-sam ɓó un kəmee dɔ’g el ləm, ra née ləm tɔ ndá né gə́ yeḛ ra lé a kɔr dɔ ya.

Maktub gə́ Jak ula ne ar ngan-Allaje 2:8

Ɓó lé, seḭ raje torndu gə́ maji dum areeje ɔr rɔd gə goo ta gə́ to mee maktub’g pana: Seḭ a kundaje mar síje dan kəm sí’g to gə́ seḭ ra gə rɔ sí bèe lé ndá seḭ raje maji ya.

Maktub gə́ Jak ula ne ar ngan-Allaje 5:10

Ŋgakɔmje, njéteggintaje gə́ pa gə ri Mbaidɔmbaije ləm, d’ai meḛ dee sam-sam dan némeeko̰ gə́ ra dee’g ləm tɔ lé maji kar sí wa deeje wɔjije ne mareeje lə sí.

Maktub gə́ Jak ula ne ar ngan-Allaje 5:7

Ŋgakɔmje, ilaje meḛ sí dɔ maree’g saar ndɔ ree lə Mbaidɔmbaije. Aa ooje, njendɔ ndɔ lé ila mée po̰ ŋgina ne ndi gə́ doŋgɔr ləm, gə ŋgaŋ ndi gə́ gogo ləm tɔ ɓa mba kiŋga ne dɔ kó gə́ maji gə́ a teḛ mbi ɓəi.

Maktub gə́ Jak ula ne ar ngan-Allaje 5:9

Ŋgakɔmje, imje na̰ el mba kar dəw gaŋgta dɔ sí-seḭ’g el tɔ. Aa ooje, njegaŋ-rəwta aar takəi’g pèrèrè mba̰.

1 Piɛrə 2:1

Bèe ndá meeyèrje gə́ ɓəd-ɓəd ləm, gə gosɔyèr gə́ ɓəd-ɓəd ləm, gə meekas gə́ ria-ria ləm, gə kəmkəḭ ləma, gə ta gə́ tədje ləm tɔ lé uba deeje ya̰ deeje.