Maktub gə́ Jak ula ne ar ngan-Allaje 3:9 - Maktub gə́ To gə Kəmee

⁹ Ndo̰ sí ɓa jeḛ m’pidi ne Mbaidɔmbaije Bɔ síje’g ləm, ndo̰ sí ɓa jeḛ j’ɔr ne gə dəwje gə́ to nékundaje lə Ala lé gə́ tana səa pai-pai lé ləm tɔ.

Maktub gə́ Jak ula ne ar ngan-Allaje 3:9 ပူးပေါင်းရင်းမြစ်များ

Gḭ-Néje 5:1

Aa ooje, maktub gə́ wɔji dɔ ŋgaka Adam lé ɓa nee. Loo gə́ Ala unda dəw lé yeḛ rəa aree to tana gə Ala ya pai-pai.

Gḭ-Néje 9:6

Dəw gə́ rara ɓa ila məs dəw maree naŋg lé Maree kara a kila məsee-yeḛ naŋg ya tɔ, Mbata Ala ra dəw aree to tana səa pai-pai ya.

2 Samel 16:5

Dabid ree saar ta ɓee gə́ Bahurim ndá, aa oo, dəw kára gə́ to gə́ ginkoji’g lə njémeekəije lə Sawul ria lə Simei, ŋgolə Gera unda loo mee ɓee’g teḛ. Yeḛ aw pər gə́ rɔ Dabid’g pa taje ila ne ndɔl dəa’g ləm,

2 Samel 19:21

Mbata kura ləi gər kaiya ləa gao ya. Nɛ aa oo, ma nja m’ree ɓogənè gə́ doŋgɔr lə gel-bɔje lə Jisəb lai mba tila kəm mbai ya.

1 Sôrta Gḭka-Israɛlje 29:10

Dabid pidi Njesigənea̰ kəm koso-dəwje’g lai. Yeḛ pana: I Njesigənea̰, Ala lə bɔ síje Israɛl lé maji kar dɔi ai səgərə gə ləbi-ləbi saar-saar gə no̰ ya.

1 Sôrta Gḭka-Israɛlje 29:20

Dabid ula koso-dəwje lai pana: Pidije Njesigənea̰, Ala lə sí. Ndá koso-dəwje lai lé pidi Njesigənea̰, Ala lə bɔ deeje-je ya tɔ. Tɔɓəi deḛ d’unda barmba dəb kəm dee naŋg no̰ Njesigənea̰’g ləm, gə no̰ mbai’g ləm tɔ.

Pakɔsje 10:7

Tajikil ləm, gə ta sukəmloo ləma, gə kərgoso ləm tɔ rusu təa tub-tub, Ta lèbè kəm dəwje gə ta néra gə́ kori-kori rusu gel ndəa̰ tɔ.

Pakɔsje 108:1

Pakɔs lə Dabid.

Pakɔsje 145:1

Pakɔs pidi lə Dabid. Ǝi Ala ləm, i gə́ to mbai ləm lé, M’a kula rɔnduba dɔi’g ləm, M’a kar dɔ rii ai səgərə ta-ta saar gə no̰ ya ləm tɔ.

Pakɔsje 145:21

Maji kar tam teḛ pidi ne Njesigənea̰ ləm, Maji kar dəwje lai d’ar dɔ ria ai səgərə saar-saar gə no̰ ya ləm tɔ.

Pakɔsje 16:9

Gelee gə́ nee ɓa m’isi ne dan rɔlel’g ləm, Ndiləm al ne rəa gə boo-rɔkal ləma, Darɔm kara si ne maji lɔm Am m’unda ne məəm yel gə́ dɔi’g ləm tɔ.

Pakɔsje 30:12

Ndu no̰je ləm lé I nja tel dee gə́ ndu kalrɔ ləm, I ɔr kubu-kwa-ndòo ləm tel ula ka̰ rɔlel rɔm’g

Pakɔsje 34:1

Pa lə Dabid loo gə́ yeḛ ra ne rəa gə́ m bə no̰ Abimelek’g aree tubá ne lé.

Pakɔsje 35:28

M’a kɔs gaji meekarabasur ləi ləm, M’a pidii gə ndɔm-ndɔm ya ləm tɔ.

Pakɔsje 51:14

Maji kari am m’tel m’ra rɔlel dɔ kaji’g ləi gogo ləm, Ar ndili am m’ndiŋga rɔm gə mba ra né gə́ maji ləm tɔ.

Pakɔsje 57:8

Ǝi Ala, m’wa məəm kɔgərɔ, Ma m’wa məəm kɔgərɔ ya, M’a kɔs pa ləm, M’a kim nékimje ləm ləm tɔ.

Pakɔsje 59:12

Maji kari tɔl dee el nà banelə dəwje ləm lé D’a kar meḛ dee wəi dɔ’g sel, Ra dee ar dee d’ila tar mbir-mbir Gə goo siŋgamoŋ ləi lé ar dee tal toso ne ya Mbaidɔmbaije, i gə́ to dər-rɔ lə sí lé ya.

Pakɔsje 62:4

See ndɔ gə́ ra ɓa seḭ a kəwje kḭ kɔmje na̰ dɔ dəw’g lé wa. See ndɔ gə́ ra ɓa seḭ lai a kəwje kḭ saŋgje loo mbata kṵdáje Kareje to asəna gə ndògo-bɔrɔ gə́ to podé lé Esé asəna gə ŋgalaŋ gə́ unda naŋg bèe lé wa.

Pakɔsje 63:4

Mbata meemaji ləi lé maji yaa̰ unda kisi gə́ m’isi ne kəmba lé, Tam ɓa ma m’pidii ne ya.

Pakɔsje 71:24

Tam a teḛ kila ne mbər meekarabasur ləi lé gə ndɔje kára-kára lai ya Mbata deḛ gə́ saŋg loo karm m’udu lé Nai ne gə rɔkul ləm, kəm sɔḭ wa ne kəm dee ləm tɔ.

Njekillamber 7:22

Mbata i gər məəi’g gao, To gə́ gɔl bula lé i nja kara ila ndɔl Dɔ njé gə́ raŋg’d tɔ.

Esai 29:13

Mbaidɔmbaije pana: Loo gə́ koso-dəwje nee ŋgəs pər gə́ rɔm’g ndá Taje gə́ ta dee’g ɓa d’ila ne riɓar dɔm’g Nɛ meḛ dee nai səm əw ləm, Ɓəl gə́ deḛ ɓəlm lé To gə goo torndu gə́ wɔji dɔ néjiɓee lə dəwje ba ləm tɔ.

Matiyo 26:74

Yen ŋga Piɛrə ndo̰ naji ubu ne rəa pana: Dəw neelé kəm nja kara m’ila dəa’g bèe el ɓəi.

Matiyo 5:44

Nɛ ma nja m’ula sí, undaje njéba̰je lə sí dan kəm sí’g ləm, tɔrje ndu sí dɔ deḛ gə́ d’ɔr sə sí ləm, raje meemaji gə deḛ gə́ d’wa sí gə meḛ dee ləma, raje tamaji mbata lə deḛ gə́ d’ula kəm sí ndòo ləm tɔ.

Néra Njékaḭkulaje 2:26

Gelee gə́ nee ɓa n’isi ne dan rɔlel’g ləm, Ndo̰ neḛ si ne dan boo-rɔkal’g ləma, Darɔ neḛ kara a si ne lɔm, kar neḛ n’unda mee neḛ yel gə́ dɔi’g ya ləm tɔ.

Njé gə́ Rɔmə 3:14

Tajikil gə ta meekad rusu ta dee tub-tub.

1 Njé gə́ Kɔrḭtə 11:7

Diŋgam lé a kon dəa gə né el mbata yeḛ ɔr rɔ Ala ləm, yeḛ to njekula rɔnduba dəa’g ləm tɔ. Dené lé yeḛ to gə́ njekula rɔnduba dɔ diŋgam’g.

Njé gə́ Epesə 1:3

Maji kar dɔ Ala Bɔ Mbaidɔmbaije lə sí Jeju Kristi lé ai səgərə, mbɔl dɔ Kristi ɓa yeḛ tɔr ne ndia dɔ sí’g ar sí j’isi ne gə nénojije ɓəd-ɓəd gə́ ka̰ Ndil lé mee dara’g.

Maktub gə́ Jak ula ne ar ngan-Allaje 1:27

Tədkag Ala gə́ to kankəm né gə́ taa kəm Ala Ɓɔsíje lé yee ɓa nee: Aw la gə ŋganalje gə njékəisiŋgaje dan némeeko̰’g lə dee ləm, ar majel gə́ dɔ naŋg nee tibi mbɔri el ləm tɔ.

Maktub gə́ Jak ula ne ar ngan-Allaje 3:10

Ta sí kára ba ya teḛ gə ndu tɔr ləm, gə yoo-kɔr ləm tɔ. Ŋgakɔmje, maji karee to togə́bè el.

1 Piɛrə 1:3

Maji kar dɔ ri Ala Bɔ Jeju Kristi Mbaidɔmbaije lə sí lé ai səgərə. Yeḛ ar mée oso lemsé dɔ sí’g oji sí ne sigi, tɔɓəi teḛ gə́ yeḛ ar Jeju Kristi teḛ dan njé gə́ d’wəi’g lé ar meekundayel lə sí to ne kəmba tɔ.

Njéga̰g-Rəwtaje 9:27

Deḛ teḛ d’aw ndá tḭja kandə nduúje lə dee ləm, mbula manee ləma, deḛ d’al ne rɔ dee ləm tɔ, ndá deḛ d’andə d’aw mee kəi-magə’d lə dee ləm, d’usɔ gə d’ai ləma, d’ila ne ndɔl dɔ Abimelek’g ləm tɔ.