Maktub gə́ Jak ula ne ar ngan-Allaje 3:8 - Maktub gə́ To gə Kəmee

⁸ Nɛ ndo̰ dəw lé dəw kára kara a kaskəm kwa təa el, to né gə́ majel gə́ aw tar léŋgé-léŋgé, dəw kára kara a kɔgee el tɔ. Masee gə́ majel gə́ tɔl dəwje lé rusu mée tub.

Maktub gə́ Jak ula ne ar ngan-Allaje 3:8 ပူးပေါင်းရင်းမြစ်များ

Pakɔsje 140:3

Deḛ la̰ji tor néra gə́ majel meḛ dee’g ləm, D’isi ne dɔ gɔl dee’g kəgəgə gə mba kḭ rɔ ne ləm tɔ.

Pakɔsje 55:21

Yeḛ ula jia ndiŋ Mba kunda deḛ gə́ d’isi səa lɔm kédé ləm, Ndu manrɔ ləa kara yeḛ un kəmee dɔ’g rəw ya ləm tɔ.

Pakɔsje 57:4

Yeḛ a kar né gə́ a gə la səm ḭ dara ree am m’aji ne, Loo gə́ njekula kəm ndòo ɔsm ɓɔḭ-ɓɔḭ lé, Ala a kula gə meemaji ləa gə ŋgonkoji ləa kam m’oo.

Pakɔsje 58:4

Njémeeyèrje lé d’aw kori-kori Un kudee mee ndəa gə́ deḛ to ne ta mbà ko̰ deeje’g, Njétaŋgɔmje lé kara ndəm rəw Un kudee mee ndəa gə́ deḛ teḛ ne mee ko̰ deeje’g pərəŋ lé ya ləm tɔ.

Pakɔsje 59:7

Kàrkemetag gə ndɔje kára-kára lai lé deḛ tel ree Deḛ ra né meḛ dee’g ŋgɔg-ŋgɔg to gə́ bisije bèe Gugu ne dɔ ɓee-boo lé sub ya.

Gosota-Kəmkàrje 17:20

Dəw gə́ mée majel lé iŋga né gə́ maji el ləm, Ndo̰ njera né kori-kori lé aree oso dan némeeko̰’g ləm tɔ.

Njekillamber 10:11

Ɓó lé li to̰ dəw gə mbata lə goso kulee gə́ godo ndá see maji lə goso-kul-li lé to ɗi wa.

Njé gə́ Rɔmə 3:13

Rəw gwɔs dee to gə́ bwa-dɔɓar gə́ to tag ləm, D’ula ndo̰ dee gə kər dəwje ləma, Gel ndo̰ dee to asəna gə mas pir ləm tɔ.

Tel tura Godndu 32:33

Man-nduúje lə dee gə́ mḭ To to gə́ mas lije gə́ boi bèe ləm, To asəna gə mas li-meewaije Gə́ tɔl dəw bèe ləm tɔ.

Maktub gə́ Jak ula ne ar ngan-Allaje 3:6

Ndo̰ sí kara to pər tɔ. Yee to njekul kó néra gə́ kori-kori. Ndo̰ sí uba mbuna barkəmrɔ sí’g ar yiro uba barkəmrɔ sí’g bo̰-bo̰ ləm, ula pər meḛ sí’g biriri-biriri ləm tɔ. Pər gə́ yee ula meḛ sí’g lé ḭ gehene.

Maktub gə́ Jak ula ne ar ngan-Allaje 3:7

Daje gə yelje gə néje gə́ d’ag naŋg gə daje gə́ mán gə́ gə ri dee ri dee lé dəwje ɓa d’wa ta dee ləm, d’ul dee gə́ kédé-kédé ləm tɔ.

Loo gə́ killa rea kəm Ja̰’g 12:9

Deḛ tuba dakɔb gə́ ria lə li-gə́-ləw gə Njekurai, yeḛ gə́ su kəm dəwje lai dɔ naŋg nee su-su lé deḛ d’wá d’ilá dɔ naŋg nee na̰’d gə kuraje ləa tɔ.