Maktub gə́ Jak ula ne ar ngan-Allaje 3:5 - Maktub gə́ To gə Kəmee

⁵ Ndo̰ sí kara to barkəmrɔ sí gə́ reao̰ ba to nɛ yeḛ əsta gə́ dum. Aa ooje, to gə́ kɔr pər to gə́ jḛ̀ ba o̰ loo mbudu o̰ mbo-boo.

Maktub gə́ Jak ula ne ar ngan-Allaje 3:5 ပူးပေါင်းရင်းမြစ်များ

Maktub gə́ wɔji dɔ Jɔb 22:17

Deḛ d’ula Ala pana: Maji karee ɔr rəa rɔ neḛje’g. See ɗi ɓa Bao-siŋgamoŋ askəm ra kar neḛje wa.

Pakɔsje 10:3

Njemeeyèr lé ti rəa dɔ mal né gə́ rəa’g, Njekəmkəḭ ila ndɔl dɔ Njesigənea̰’g ləm, Ǝ̰jee bəḭ-bəḭ ləm tɔ.

Pakɔsje 17:10

Deḛ d’oo kəm lootondoo’g el ləm, Kesta ɓa rusu ta dee tub-tub ləm tɔ.

Pakɔsje 39:1

Pa lə Dabid gə́ ar bao-pa gə́ ria lə Jedutun karee ɔs sə dee lé

Teḛ-Raga 15:9

Njéba̰je lé pana: N’a tubaje goo dee, n’a kwa deeje garəm, N’a kunda deeje banrɔ tɔ, Dal ba̰ lə neḛje kara n’a raje karee as lée’g ya, N’a kɔrje kiambas haar ndá Ji neḛje ɓa n’a tuji deeje ne.

Teḛ-Raga 5:2

Parao̰ ila dee keneŋ pana: See Njesigənea̰ to gə́ na̰ ɓa m’a kila ŋgonkoji dɔ tapea’g mba kya̰ ne Israɛlje kar dee d’aw wa. Njesigənea̰ lé ma m’gəree el ləm, m’a kya̰ Israɛlje kar dee d’aw bèe el ləm tɔ.

Gosota-Kəmkàrje 12:18

Dəw gə́ pata gə́ gə mḭdé ba lé Ar dəw doo to gə́ kiambas bèe, Nɛ ndo̰ njékəmkàrje lé Ar doo lé ər kəmsə.

Gosota-Kəmkàrje 15:2

Ndo̰ njékəmkàrje ar mal gər né ra dəwje, Nɛ ta mbə-dəwje teḛ gə néra mbə gə́ raga-raga.

Gosota-Kəmkàrje 18:21

Kandə ta gə́ teḛ ta dəw’g lé Askəm tel to nésikəmba ləa ləm gə gel yée ləm tɔ, Yeḛ gə́ ndigi ta yaa̰ lé a koo keán tɔ.

Gosota-Kəmkàrje 26:20

Kir gə́ godo ɓa ar pər wəi ne, Bèe ɓa loo gə́ njekunda nani godo ndá takɔl wəi bèm bèe tɔ.

Jeremi 18:18

Yen ŋga deḛ pana: Gə́ reeje ar sí j’o̰je njuma̰ Jeremi! Mbata lé njékinjanéməsje godo ya kara godndu lé a kudu el ləm, lé njékwɔji ta kəmkàrje godo kara ta kəmkàr a kudu el ləma, lé njéteggintaje godo kara tegginta a kudu el ya ləm tɔ. Bèe ndá gə́ reeje ar sí n’rɔje səa gə ta gə́ ta sí’g ɓó ar sí n’taaje tapeaje el.

Ejekel 28:2

I ŋgon-dəw lé, ula mbai gə́ njeko̰ dəb ɓeeko̰ gə́ Tir pana: Mbaidɔmbaije gə́ Njesigənea̰ pana: I beelé məəi’g pana: I to Ala. I si dɔ kalimbai’g lə Ala ŋgaw dan baa-boo-kadje’g! Nɛ i lé to dəw ɓó to Ala el. I un né gə́ məəi ndigi aree taa tor né gə́ mee Ala ndigi.

Ejekel 29:3

Maji kari pa pana: Mbaidɔmbaije gə́ Njesigənea̰ pa togə́bè pana: Aa oo, i Parao̰, mbai gə́ Ejiptə lé n’aw səi gə ta, i ɓəgərə-mar gə́ aw to mee baa-boo’g ləi lé i pana: Baa-boo ləi to kaḭ-i ya, i nja ɓa gə́ njerea lé!

Loo gə́ killa rea kəm Daniel’g 3:15

Ɓasinè lé, meḛ sí dɔ rɔ sí’g ar loo gə́ seḭ a kooje ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləm, gə nékɔspa ləma, gə nékimje ɓəd-ɓəd ləm tɔ ndá seḭ a kundaje barmba ləm, seḭ a kwaje néndaji gə́ m’ra lé meḛ sí’g ləm tɔ. Ɓó lé seḭ a kwáje meḛ sí’g el ndá léegəneeya d’a kwa sí kɔm sí mee bwa pər gə́ o̰ bilim-bilim’g. Ŋga see magə gə́ ra ɓa a kɔr sí jim’g kɔm sí tar wa.

Loo gə́ killa rea kəm Daniel’g 4:30

Léegəneeya, ta gə́ pa dɔ Nebukadnesar’g lé aw lée’g béréré. Deḛ d’ɔsee mbuna dəwje’g tubá ləm, yeḛ sɔ mu to gə́ bɔ maŋgje bèe ləma, mán tàl tən rəa’g ləm tɔ saar ar yiŋga dəa ḭ ŋgal to gə́ bèl niŋgatə̰də ləm, yel jiaje gə yel gɔleeje d’uba ŋgal to gə́ ka̰ yelje bèe ləm tɔ.

Maktub gə́ Jak ula ne ar ngan-Allaje 3:4

Aa ooje, batoje gə́ boi yul-yul kara lel-boo ula mbḭ-mbḭ ɔs dee jururu nɛ ɓoŋ dee gə́ reao̰ ba njekwa ɓoŋ dee tel dee ne to gə́ mée ndigi.

2 Piɛrə 2:18

Deḛ d’un ta beeléje pa ne ta gə goo kaiya ra dee gə́ ula pər meḛ dee’g ɓa su ne kəm deḛ gə́ d’unda loo rad dan dəwje gə́ d’isi ndəm lé teḛ ya.

Jude 1:16

Deḛje neelé deḛ to njémeekadje gə́ d’unda ndu d’im ne rɔ dee jim-jim ləm, d’ar mal néje gə́ ra dee ula pər meḛ dee’g ləm, kəsta ɓa ubu na̰ ta dee’g pur-pur ləma, deḛ to njélèbè kəm mar deeje gə nojimeekas ləm tɔ.