Maktub gə́ Jak ula ne ar ngan-Allaje 3:17 - Maktub gə́ To gə Kəmee

¹⁷ Kəmkàr gə́ ḭ dara lé njea a to dəw gə́ àr ləm, mée a kul lɔm ləm, yeḛ a kaw yururu ləm, a kɔm na̰’d gə mareeje ləm, meemaji a taa mée pəl-pəl ləma, a kinja gə ka̰dee gə́ maji gə́ raga ləm tɔ. Mée a tɔ joo el ləm, a to gə́ njehulai el ləm tɔ.

Maktub gə́ Jak ula ne ar ngan-Allaje 3:17 ပူးပေါင်းရင်းမြစ်များ

1 Mbaije 3:12

aa oo, m’a ra né gə goo ta gə́ teḛ tai’g lé ya. M’a kula ta kəmkàr gə gosonégər məəi’g yaa̰ gə mba kar dəw oo gari gə́ togə́bè kédé nɔḭ’g el ləm, dəw gə́ a kas səi gə́ a korè gooi kara a koo el ləm tɔ.

1 Mbaije 3:28

Dəwje gə́ Israɛl lai, loo gə́ d’oo ta gə́ mbai gaŋg lé ndá deḛ ɓəl mbai lé mbata deḛ d’oo ne kəmkàr gə́ Ala aree gə mba gaŋg ne rəw-taje ya.

1 Mbaije 3:9

Bèe ndá maji kari ula gosonégər mee kura’g ləi gə mba karee gaŋg ne rəwta lə koso-dəwje ləi ləm, gə mba gər kɔr ne kəm né gə́ maji gə né gə́ majel ləm tɔ. Mbata see na̰ ɓa a kaskəm gaŋg rəwta lə koso-dəwje ləi gə́ to dəwje gə́ bula digi-digi neelé gə dɔrea wa.

1 Sôrta Gḭka-Israɛlje 22:12

Maji kar Njesigənea̰ ari kəmkàr gə gosonégər ləm, ari o̰ ɓee dɔ Israɛlje’g aa ne dɔ godndu Njesigənea̰, Ala ləi kər-kər ləm tɔ.

1 Sôrta Gḭka-Israɛlje 22:9

Yeḛ ulam tɔɓəi pana: I a koji ŋgon gə́ diŋgam ndá yeḛ a to dəw gə́ njesi lɔm, yeḛ ɓa m’a karee loo-kwa-rɔ loo gə́ m’a kɔree ne ji njéba̰je’g ləa gə́ gugu dəa sub lé, mbata Salomo̰ ɓa a to ria ndá m’a kar Israɛlje d’isi ne dan maji’g ləm, loo a to lɔm ləm tɔ ləb si kəmba’g ləa lé.

Maktub gə́ wɔji dɔ Jɔb 28:12

Nɛ kəmkàr lé see iŋga loo gə́ ra wa. Esé gosonégər lé see si ra wa.

Maktub gə́ wɔji dɔ Jɔb 28:23

To Ala ya kára ba ɓa gər rəbee ləm, Yeḛ nja kára ba gər loo-siée ləm tɔ.

Maktub gə́ wɔji dɔ Jɔb 28:28

Tɔɓəi yeḛ ula dəw pana: Aa oo, ɓəl Mbaidɔmbaije ɓa to kəmkàr, Kunda rɔi ɓad dɔ néra gə́ majel’g ɓa gə́ gosonégər tɔ.

Teḛ-Raga 36:2

Moyis ɓar Besalel gə Oholiab gə diŋgamje lai gə́ to njégosokulaje lé deḛ gə́ Njesigənea̰ ar gosonégər to meḛ dee’g ləm, deḛ lai gə́ d’ḭ gə meḛ dee gə mba ra kula neelé ləm tɔ.

Gosota-Kəmkàrje 2:6

Mbata Njesigənea̰ ɓa Ar dəw kəmkàr, Tea-yeḛ nja ɓa négər Gə gosonégər d’ḭ keneŋ,

Esai 2:4

Yeḛ a to njegaŋ-rəwta dɔ ginkoji dəwje gə raŋg’g ləm, Yeḛ a to njekaar-dana mbuna koso-dəwje’g bula ləm, Kiambasje lə dee ɓa d’a tel kila gə́ kwɔs-paŋgmje ləma, Niŋga-ndəije lə dee ɓa d’a tel ra gə́ marmje ləm tɔ. Ginkoji dəwje gə́ gel kára d’a kun kiambas Rɔ ne gə ginkoji dəwje gə́ raŋg el ləm, D’a ndoo loo-rɔ el ləm tɔ.

Esai 32:6

Mbata mbə-dəw lé ta mbə ɓa teḛ təa’g ləm, Takə̰ji né gə́ majel ɓa wa mée ləm tɔ Gə mba karee ila ndɔl dɔ loo’g ləm, Gə mba karee pa ne taŋgɔmje dɔ Njesigənea̰’g ləm, Mba kar mee dəw gə́ ɓó rəa lé to wəl ləma, Mba kɔg dəw gə́ kṵdaman tɔlee loo-kai-ma̰ ləm tɔ.

Esai 40:11

Yeḛ a kul koso-nékulje ləa to gə́ njekulbadje bèe, Yeḛ a kodo ŋgan badje gə kag jia ləm, Yeḛ a kwa dee kaaree’g ləm tɔ, Yeḛ a kɔn ko̰ badje gə́ ŋgan deeje d’il mbà dee tɔ.

Loo gə́ killa rea kəm Daniel’g 1:17

Basaje gə́ sɔ neelé Ala nja ar kəm dee inja dɔ négər’g ləm, ar dee to ne njégosonégərje gə́ wɔji dɔ maktubje gə dɔ kəmkàr’g ləm tɔ, Daniel kara askəm gər gin némḭdije gə nénije lai tɔ.

Malasi 2:9

Bèe ndá ma lé m’a kar sí tel toje dəwje gə́ to kḛji ləm, gə dəwje gə́ əḭ el ləm tɔ kəm dəwje’g lai mbata seḭ njaaje gə goo rəwje ləm el ləm, loo gə́ seḭ tegje gin godndu lé ndá seḭ ɔrje ne kəm dəwje keneŋ ləm tɔ.

Malasi 3:3

Yeḛ a si naŋg ndá a léḛ larnda gə mba kar siḭyee teḛ. Yeḛ a togo ŋgaka Ləbije kɔr ne néje gə́ mina̰ gə́ meḛ dee’g ndɔs-ndɔs to gə́ deḛ togo ne larlɔr gə larnda bèe tɔ. Bèe ɓa d’a kun nékarje kar Njesigənea̰ gə goo rəbee ɓəi.

Matiyo 23:28

Seḭje kara seḭ undaje rɔ sí raga asəna gə njémeekarabasurje nɛ meḛ sí gə́ kəi lé hulai gə kaw kori-kori ɓa taa loo keneŋ pəl-pəl.

Matiyo 5:8

Deḛ gə́ meḛ dee àr raŋg-raŋg lé rɔ dee lel dee, Mbata d’a koo Ala gə kəm dee nda̰-nda̰ ya.

Matiyo 5:9

Deḛ gə́ gɔl mar deeje d’ɔm dee na̰’d lé rɔ dee lel dee, Mbata d’a ɓar dee ŋgan-Alaje.

Lugu 21:15

Mbata ma nja m’a kula ta ta sí’g ləm, m’a kula kəmkàr meḛ sí’g ɓəi ləm tɔ ndá njéba̰je lə sí d’a koo loo kɔs ta sí’g rəw el ləm, d’a dum sí gə tamaḭ el ləm tɔ.

Lugu 6:36

Arje meḛ sí oso lemsé dɔ mar síje’g to gə́ bɔ síje ar mée oso lemsé dɔ sí-seḭ’g nja tɔ.

Tagə́maji gə́ Ja̰ ndang 1:14

TA lé tel to darɔ dəw ndá yeḛ ree si mbuna sí’g. Noji gə kankəmta taa rəa pəl-pəl. Jeḛ lé j’oo rɔnduba ləa gə́ ka̰ ŋgon gə́ gəd-gəd gə́ to darɔ Bɔbee lé ya.

Tagə́maji gə́ Ja̰ ndang 1:47

Jeju oo Natanaɛl gə́ si aw gə́ rəa’g ndá yeḛ pata gə́ wɔji dəa pana: Aa ooje, yeḛ lé to kankəm dəw gə́ Israɛl gə́ nésukəmloo kára kara godo rəa’g.

Néra Njékaḭkulaje 11:24

Mbata Barnabas lé to majikoji ləm, Ndilmeenda taa mée pəl-pəl ləma, yeḛ to njemeekun gə́ dum dɔ loo ləm tɔ. Togə́bè ɓa boo-dəwje bula nam ne kaar Mbaidɔmbaije’g lé.

Néra Njékaḭkulaje 9:36

Dené kára bèe mbuna njékwakilaje gə́ d’isi Jope lé ria lə Tabida nɛ gin ria lə Dɔrkas, yeḛ to gə́ dəw-noji gə́ wa noji gə njéndooje yaa̰.

Njé gə́ Rɔmə 12:18

Ɓó lé ooje lée gə́ kəm ra ndá sije lɔm mbuna dəwje’g lai.

Njé gə́ Rɔmə 12:9

Maji kar meenoji lə sí to meenoji gə́ gəd ya. Undaje né gə́ majel ɓad gə́ raŋg nɛ rḛ́je dɔ néra gə́ maji’g rḛ́-rḛ́.

Njé gə́ Rɔmə 15:14

Ŋgakɔmje, ta gə́ wɔji dɔ sí-seḭ lé ma m’gər gao, meemaji taa meḛ sí yal-yal ləm, gosonégər lə sí ɔr dɔ njal ləma, seḭ asjekəm ndooje ne na̰ ya ləm tɔ.

1 Njé gə́ Kɔrḭtə 12:8

Tɔgərɔ ya, Ndil ɓa ar kəmkàr rusu mee dəw kára njḭ-njḭ. Ndil nja ɓa ar dəw gə́ raŋg pata gosonégər tɔ.

2 Njé gə́ Kɔrḭtə 10:1

Ma Pool lé ma m’ra ndòo rɔ sí’g gə goo kaw yururu gə meemaji lə Kristi lé, ma lé loo gə́ m’isi mbuna sí’g ndá m’əḭ kəm sí’g el nɛ loo gə́ m’isi ŋgərəŋ ndá m’tɔg sí pir.

2 Njé gə́ Kɔrḭtə 6:6

Néra sí riba dɔ sí ar dee d’oo sí gə́ kuraje lə Ala n’to ne dəwje gə́ àr ləm, jeḛ j’inja paw ləm, j’ila meḛ sí dɔ maree’g po̰-po̰ ləm, jeḛ n’to njémeemajije ləm, Ndilmeenda to meḛ sí’g ləm, jeḛ j’unda dəwje dan kəm sí’g ləm,

2 Njé gə́ Kɔrḭtə 7:11

Aa ooje, nékəmndoo nee gə́ gə goo rəw gə́ Ala wɔji lé see ar sí ɔsje ne rɔ sí ɓad el wa. Seḭ ɔsje rɔ sí ɓad gə mba kɔr ne naji dɔ sí’g ləm, seḭ osoje gə oŋg biriŋ ləm, seḭ síje gə meekaarkərm ləm, mal koo kəm ra sí ŋgwɔd-ŋgwɔd ləm, seḭ ula rɔ sí ndubu mba gɔl ta ləma, seḭ arje bo̰ néra dəw lé ɔs təa’g ləm tɔ. Seḭ amje m’oo to gə́ ta neelé né kára kara taŋ sí keneŋ el.

2 Njé gə́ Kɔrḭtə 9:10

Yeḛ gə́ njekun kó né kar njedubee ləm, aree nésəa ləm tɔ lé yeḛ nja a kar sí né gə́ seḭ awje ndée ləm, a kar kó né lə sí ɔs dɔ maree-maree ləma, yeḛ a kar kandə meekarabasur lə sí lé ḭ dɔ maree’g maree’g ləm tɔ.

Njé gə́ Epesə 5:9

Mbata meemaji gə́ gə ria-ria ləm, gə meekarabasur ləma, gə kankəmta ləm tɔ lé yee ɓa gə́ kandə lookàr ya.

Njé gə́ Pilibə 1:11

Togə́bè ɓa, kandə meekarabasur gə́ ḭ rɔ Jeju Kristi’g a daa na̰ rɔ sí’g, yee ɓa seḭ a kulaje ne rɔnduba dɔ Ala’g ləm, ria a ɓar ne ləm tɔ.

Njé gə́ Pilibə 4:8

Ŋgakɔmje, ges ta gə́ nai lé ɓa nee: Ta gə́ rara gə́ to gə́ kankəmta ləm, əsé riɓar gə́ maji gə́ rara ləm, əsé né gə́ rara gə́ to gə dɔ najee ləm, əsé né gə́ rara gə́ àr ŋgad-ŋgad ləm, əsé né gə́ rara gə́ taa kəm dəwje ləm, əsé né gə́ rara gə́ kəm ndigi sə dee dɔ’g ləma, əsé néje lai gə́ maji dum gə́ kəm kiŋga pidi ləm tɔ lé maji kar sí waje meḛ sí dɔ’g bururu ya.

Njé gə́ Kolosə 1:10

Togə́bè ɓa, seḭ a njaaje mba kar néra sí wa bua ka̰ Mbaidɔmbaije taa ne kəmee rəgm ləm, mba kar néra maji lə sí gə́ gə ria-ria oji maree gə́ kédé-kédé ləma, mba kar négər gə́ wɔji dɔ ndaa Ala kara a kɔs dɔ maree’g gə́ kédé-kédé meḛ sí’g ləm tɔ.

1 Njé gə́ Tesalonikə 2:7

J’aw mbuna sí’g lɔm asəna gə ko̰ ŋganje gə́ odo ŋgantədje ləa bèe.

1 Timote 5:21

Ma m’tɔgi no̰ Ala’g ləm, gə no̰ Jeju Kristi’g ləma, gə no̰ kuraje lə Ala gə́ dara gə́ d’ɔr dee gə kəmee ləm tɔ mba kari aa dɔ ta ndooje neelé kər-kər gə mba ra gə ŋgaŋgee béréré-béréré ɓó a kɔr ne kəm dəw el.

2 Timote 2:24

Tɔgərɔ ya, kura lə Mbaidɔmbaije a to gə́ njḛgər ginta el, nɛ yeḛ a kwa noji gə dəwje lai ləm, a kaskəm ndoo dee né ləma, a to njemeekila ləm tɔ.

Titə 1:15

Deḛ gə́ d’àr lé d’oo néje gə́ d’àr gə́ looje lai. Deḛ gə́ mina̰ lé d’ɔs kankəmta rəw tɔ ndá néje gə́ mina̰ ɓa d’oo gə́ looje lai tɔ. Kəmkàr lə dee ləm, gə ta gə́ meḛ dee’g ləm tɔ lé mina̰ ya.

Titə 3:2

D’a kɔs dɔ dəw gə́ ta el ləm, d’a saŋg rəw mba kɔm dəwje na̰’d ləm, d’a kaw yururu ləma, d’a kula dɔ dee no̰ dəwje’g lai ləm tɔ.

Ǝbrəje 12:11

Tɔgərɔ ya, né gə́ rara gə́ deḛ ra mba kwɔji sí ne kəmkàr lé kédé to kəmndoo ya ɓó rɔlel el, nɛ gée gə́ gogo ndá deḛ gə́ deḛ ra sə dee né togə́bè lé d’a si ne gə meekarabasur gə́ meḛ dee a kul ne tɔ.

Ǝbrəje 12:14

Saŋje rəw gə mba sije gə meelɔm mbuna dəwje’g lai ləm, saŋgje gə mba to dəwje gə́ to gə kəmee ləm tɔ. Ɓó lé seḭ raje togə́bè el ndá dəw kára kara a koo Mbaidɔmbaije el tɔ.

Maktub gə́ Jak ula ne ar ngan-Allaje 1:17

Nénoji gə́ maji dum gə́ rara ləm, gə nékarnoji gə́ rara gə́ to maji ɔr njoroŋ ləm tɔ lé d’ḭ rɔ Bɔ lookàrje gə́ dara, yeḛ gə́ rəa ya̰ maree el ləm, loo gə́ ndul ɗig godo rəa’g ləm tɔ.

Maktub gə́ Jak ula ne ar ngan-Allaje 1:5

Lé nana ɓa mbuna sí’g kəmee inja njai el ɓəi ndá maji karee dəji Ala kəmkàr, yeḛ gə́ nana kara aree né gə́ kar ɓó yeḛ tura gée el, yeḛ a karee kəmkàr ya.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.

Maktub gə́ Jak ula ne ar ngan-Allaje 2:4

Ɓó lé seḭ raje togə́bè mbuna sí’g ndá see seḭ ɔrje kəm dəwje el wa. See seḭ raje gə goo takə̰ji lə sí gə́ to majel el wa.

Maktub gə́ Jak ula ne ar ngan-Allaje 3:15

Kəmkàr gə́ togə́bè lé to kəmkàr gə́ ḭ dara el. Yee to gə́ dɔ naŋg nee ləm, yee wɔji dɔ darɔ sí ləma, yee ḭ rɔ njekurai’g ləm tɔ.

Maktub gə́ Jak ula ne ar ngan-Allaje 4:8

Rəmje pər gə́ rɔ Ala’g ndá yeḛ a rəm pər gə́ rɔ sí’g tɔ. Seḭ kaiya-dəwje, togoje ji sí, seḭ gə́ meḛ sí bəŋgərə sí lé ɔrje won kaiya meḛ sí’g tɔ.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.

1 Piɛrə 2:1

Bèe ndá meeyèrje gə́ ɓəd-ɓəd ləm, gə gosɔyèr gə́ ɓəd-ɓəd ləm, gə meekas gə́ ria-ria ləm, gə kəmkəḭ ləma, gə ta gə́ tədje ləm tɔ lé uba deeje ya̰ deeje.

1 Piɛrə 2:18

Ŋganjélookisije, osoje kul no̰ ɓée síje’g, tədjekag dee, njémeemajije gə njémeekulɔmje ɓa a tədjekag dee gə kar dee el, nɛ a raje mbata lə njérɔkadje tɔ.

1 Ja̰ 3:18

Ŋganəmje, ar sí ndigije na̰ gə nojikwa gə ta sí’g kari ba el nɛ kankəm noji gə́ j’wa gə na̰ lé yee ɓa j’unda ne na̰ dan kəm na̰’d ya.

1 Ja̰ 3:3

Nana ɓa gə́ mée to yel gə́ dɔ ta’g neelé ndá a kɔr won kaiya mée’g kar mée àr ne ŋgad-ŋgad to gə́ yeḛ bèe tɔ.