Maktub gə́ Jak ula ne ar ngan-Allaje 3:15 - Maktub gə́ To gə Kəmee

¹⁵ Kəmkàr gə́ togə́bè lé to kəmkàr gə́ ḭ dara el. Yee to gə́ dɔ naŋg nee ləm, yee wɔji dɔ darɔ sí ləma, yee ḭ rɔ njekurai’g ləm tɔ.

Maktub gə́ Jak ula ne ar ngan-Allaje 3:15 ပူးပေါင်းရင်းမြစ်များ

2 Samel 13:3

Kuramar Amno̰ kára si keneŋ, ria lə Jonadab, ŋgolə Simea gə́ to ŋgoko̰ Dabidje. Jonadab lé to dəw gə́ goso ləa to yaa̰.

2 Samel 15:31

Deḛ d’ula Dabid pana: Ahitopel aw gə Absalɔm gə njéko̰ səa njuma̰je na̰’d. Yen ŋga Dabid no̰ pana: Ǝi Njesigənea̰, maji kari ar takwɔji-kəmkàr lə Ahitopel lé tel to ta gə́ kari ba ya.

2 Samel 16:23

Takwɔji-kəmkàrje lə Ahitopel gə́ mee ndəa gən lé d’oo asəna gə ta gə́ d’aw dəji ne Ala bèe. Takwɔjije lə Ahitopel lé lé to mbata lə Dabid əsé to mbata lə Absalɔm kara d’oo togə́bè ya.

Jeremi 4:22

Tɔgərɔ ya, koso-dəwje ləm tɔ mbəje, Deḛ gərm el, Deḛ to ŋganje gə́ dɔ dee godo Ar gosonégər lal dee, Kəm dee àr dɔ néra gə́ majel’g ɓa Néra gə́ maji ndá deḛ gər loo rəa el.

Lugu 16:8

Loo gə́ ɓéeje oo goso lə njekaa dɔ néje ləa gə́ to majikoji el lé yeḛ ɔree ndəŋ ɔs ne gajee. Mbata ŋganje gə́ ɓasinè lé goso lə dee gə́ deḛ ra wɔji ne dɔ mar deeje lé dum ka̰ ŋgan lookàrje ya.

Tagə́maji gə́ Ja̰ ndang 3:17

Tɔgərɔ ya, Ala ula Ŋgonee dɔ naŋg nee gə mba karee ɔr kəm ta lə dəwje el nɛ yeḛ ulá mba kar mbɔl dəa ɓa d’aji ne.

Tagə́maji gə́ Ja̰ ndang 8:44

Bausi-seḭje lé nja gə́ njekurai lé ndá né gə́ bɔ síje wɔji ɓa seḭ ndigi raje tɔlje bém. Yeḛ to njetɔ-kó-dəwje kédé gə́ dɔtar saar ɓó yeḛ wa ne bua gə kankəmta el mbata kankəmta gə́ tḛ́-tḛ́ bèe kara godo mée’g. Loo gə́ yeḛ pa taŋgɔm lé yeḛ pata gə́ wɔji dəa-yeḛ mbata taŋgɔm ɓa gə́ né gelee ya. Yeḛ to njepa taŋgɔm ləm, yeḛ to darɔ bɔ njéŋgɔmje lé ləm tɔ.

Néra Njékaḭkulaje 13:10

Yen i dəw gə́ gosɔyèr gə njuma̰ rusu məəi njḭ-njḭ ləm, i ŋgon lə njekurai gə́ njekunda ba̰, tuji ne gel néraje lai-lai gə́ ra gə dɔ najee ləm tɔ lé rəw lə Mbaidɔmbaije gə́ to danasur gə́ i wa ɗugu koŋ-koŋ lé see ndɔ gə́ ra ɓa i a kəw rɔi ra togə́bè ɓəi wa.

Njé gə́ Rɔmə 1:22

Deḛ ɓar rɔ dee njékəmkàrje nɛ deḛ tel to mbə-dəwje.

1 Njé gə́ Kɔrḭtə 1:27

Ala mbər néje gə́ gə mḭdé ba gə́ dɔ naŋg nee mba yə ne njékəmkàrje ləm, Ala mbər néje gə́ d’unda ndolè dɔ naŋg nee mba yə ne njésiŋgamoŋje ləm tɔ.

1 Njé gə́ Kɔrḭtə 2:14

Dəw gə́ ə̰ji néje gə́ ka̰ dakasrɔ mée’g ndá a taa néje gə́ ka̰ Ndil Ala lé el, to némbə kəmee’g. Yeḛ askəm gər el mbata dəw gə́ Ndil Ala to mée’g ɓa askəm gər gelee ɓəi.

1 Njé gə́ Kɔrḭtə 3:19

Mbata kəmkàr gə́ dɔ naŋg nee to gə́ némbə kəm Ala’g lé to gə́ ndaŋg taree mee maktub’g pana: Yeḛ wa ta njékəmkàrje dɔ goso’g lə dee.

1 Njé gə́ Kɔrḭtə 3:3

Tɔgərɔ ya, kəmkəḭ gə ta tḭ-na̰ to mbuna sí’g lé ndá see néra sí wɔji dɔ darɔ el wa. See panjaa sí to gə́ panjaa dəwje gə́ kari ba ɓəi el wa.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

2 Njé gə́ Kɔrḭtə 11:3

Nɛ lé bèe kara ma m’ɓəl nà banelə to gə́ li ra gosɔyèr su ne kəm Ebe su-su lé takə̰jije lə sí kara a kar sí ndəmje ne kar sí ubaje ne ta lə Kristi gə́ seḭ ndaje meḛ sí kaḭ dəa’g lé kya̰je.

Njé gə́ Pilibə 3:19

Bo̰ néra dee gə́ a kɔs ta dee’g lé yee ɓa to tuji gə́ d’a tuji ne gə no̰ ya. Golé meḛ dee ɓa gə́ Ala lə dee ləm, nérɔkul gə́ deḛ ra lé deḛ beelé dɔ’g ləma, néje gə́ dɔ naŋg ya kára ba ɓa wa meḛ dee ləm tɔ.

2 Njé gə́ Tesalonikə 2:9

Njekɔs Ala rəw lé a kunda loo teḛ gə goo siŋgamoŋ lə Njekurai ndá yeḛ a ra nékɔbje ɓəd-ɓəd ləm, gə nétɔjije ləm, gə nédumkooje gə́ ŋgɔm ləma,

1 Timote 4:1

Ndil ɓa riba dəa təsərə pana: Ndəaje gə́ rudee a gə kun ɗiao lé njé gə́ na̰je d’a tusu meekun lə dee kya̰ mba kwa goo ndilje gə́ njésutaje ləm, mba kula rɔ dee mbiriri dɔ ta’g lə ndilje gə́ yèr ləm tɔ.

Maktub gə́ Jak ula ne ar ngan-Allaje 1:17

Nénoji gə́ maji dum gə́ rara ləm, gə nékarnoji gə́ rara gə́ to maji ɔr njoroŋ ləm tɔ lé d’ḭ rɔ Bɔ lookàrje gə́ dara, yeḛ gə́ rəa ya̰ maree el ləm, loo gə́ ndul ɗig godo rəa’g ləm tɔ.

Maktub gə́ Jak ula ne ar ngan-Allaje 1:5

Lé nana ɓa mbuna sí’g kəmee inja njai el ɓəi ndá maji karee dəji Ala kəmkàr, yeḛ gə́ nana kara aree né gə́ kar ɓó yeḛ tura gée el, yeḛ a karee kəmkàr ya.

Maktub gə́ Jak ula ne ar ngan-Allaje 3:17

Kəmkàr gə́ ḭ dara lé njea a to dəw gə́ àr ləm, mée a kul lɔm ləm, yeḛ a kaw yururu ləm, a kɔm na̰’d gə mareeje ləm, meemaji a taa mée pəl-pəl ləma, a kinja gə ka̰dee gə́ maji gə́ raga ləm tɔ. Mée a tɔ joo el ləm, a to gə́ njehulai el ləm tɔ.

Jude 1:19

Deḛ nja ɓa d’ula sí na̰’d d’ar ta tḭ-na̰ oso ne ləm, deḛ ndolè goo néra gə́ ka̰ darɔ ɓó Ndil godo meḛ dee’g ləm tɔ.

Loo gə́ killa rea kəm Ja̰’g 12:9

Deḛ tuba dakɔb gə́ ria lə li-gə́-ləw gə Njekurai, yeḛ gə́ su kəm dəwje lai dɔ naŋg nee su-su lé deḛ d’wá d’ilá dɔ naŋg nee na̰’d gə kuraje ləa tɔ.

Loo gə́ killa rea kəm Ja̰’g 2:24

Seḭ dəwje gə́ raŋg gə́ sije Tiatirə lé seḭ gə́ taaje tandoo neelé el ləm, seḭ gə́ naaje meekuru lə Njekurai gə goo ta gə́ deḛ nja pa el ləm tɔ lé ma nja m’ula sí təsərə m’pana: M’a kunda nékodo gə́ wɔi gə́ raŋg dɔ sí’g el.

Loo gə́ killa rea kəm Ja̰’g 9:11

Mbai dɔ dee to kura gə́ njebwa-wəl gə́ suna godo gə́ d’unda ria gə́ ta Ǝbrə pana: Abadon tɔɓəi d’unda ria gə ta Grek pana: Apolyo̰.