Maktub gə́ Jak ula ne ar ngan-Allaje 3:10 - Maktub gə́ To gə Kəmee

¹⁰ Ta sí kára ba ya teḛ gə ndu tɔr ləm, gə yoo-kɔr ləm tɔ. Ŋgakɔmje, maji karee to togə́bè el.

Maktub gə́ Jak ula ne ar ngan-Allaje 3:10 ပူးပေါင်းရင်းမြစ်များ

Gḭ-Néje 20:9

Abimelek ɓar Abrakam dəjee pana: See ɗi ɓa i ra sə sí bèe wa. See némajel ɗi ɓa ma m’ra səi ɓa i ar ndɔl kaiya gə́ boi oso ne dɔm-ma gə dɔ ɓeeko̰’g ləm lai bèe wa. I ra səm né gə́ kəm kar dəw ra gə maree el.

2 Samel 13:12

Yeḛ ilá keneŋ pana: Wah, ŋgokɔm, togə́bè el, maji kari ra səm nérɔkul gə́ togə́bè el mbata né gə́ togə́bè lé dəw ra mbuna Israɛlje’g el, to né gə́ kəm ra el.

Misee 3:11

Njégaŋ-rəwtaje lə dee gaŋg rəwta Mbata lə néndogo-gel ləm, Njékinjanéməsje lə dee ndoo dəwje né Mbata ne k’uga dɔ ji dee ləma, Njéteggintaje lə dee pata néje gə́ d’a gə ree Taa ne lar ləm tɔ. Deḛ nduna rɔ dee rɔ Njesigənea̰’g pa ne pana: See Njesigənea̰ si mbuna neḛje’g el wa. Némeeko̰ kára kara a tibi mbɔr neḛje el.

Njé gə́ Rɔmə 12:14

Deḛ gə́ d’ula kəm sí ndòo lé tɔrje ndu sí dɔ dee’g gə́ tɔr ɓó ɔrje sə dee el.

1 Njé gə́ Kɔrḭtə 3:3

Tɔgərɔ ya, kəmkəḭ gə ta tḭ-na̰ to mbuna sí’g lé ndá see néra sí wɔji dɔ darɔ el wa. See panjaa sí to gə́ panjaa dəwje gə́ kari ba ɓəi el wa.

1 Timote 5:13

Kila tar ɓa gə́ néra dee gə karee el, nɛ deḛ to njékwɔjitaje ləm, gə njékun dɔ mar deeje gə loo-loo pa ne ta gə́ kəm pa el ləm tɔ.

Maktub gə́ Jak ula ne ar ngan-Allaje 1:16

Ŋgakɔmje gə́ m’unda sí dan kəm’g, maji kar sí ərje kəm rɔ sí el.

Maktub gə́ Jak ula ne ar ngan-Allaje 1:19

Ŋgakɔmje gə́ m’unda sí dan kəm’g, maji kar sí gərje ta nee gao ya. Tɔɓəi maji kar dəw gə́ rara kara orè mbia ndəŋ dɔ ta gə́ yeḛ oo ɓó ḭ rad mba pata pəd el ləm, əsé ar oŋg ḭ səa jugugu el ləm tɔ,

Maktub gə́ Jak ula ne ar ngan-Allaje 3:1

Ŋgakɔmje, maji kar dəwje bula d’ḭ mbuna sí’g gə dɔrɔ dee tel to njendoo mar deeje né el mbata seḭ gərje gao, jeḛ gə́ n’to njendoo mar síje neelé ta gə́ d’a gaŋg dɔ sí’g a kal dɔ ka̰ dee-deḛ bəŋ-bəŋ.

Maktub gə́ Jak ula ne ar ngan-Allaje 3:11

Bwa-mán lé see kəm rəbee a teḛ gə mán gə́ kul ləm, gə mán gə́ adə ləm tɔ wa.

Maktub gə́ Jak ula ne ar ngan-Allaje 3:9

Ndo̰ sí ɓa jeḛ m’pidi ne Mbaidɔmbaije Bɔ síje’g ləm, ndo̰ sí ɓa jeḛ j’ɔr ne gə dəwje gə́ to nékundaje lə Ala lé gə́ tana səa pai-pai lé ləm tɔ.

1 Piɛrə 3:9

Ɓó lé mar síje ra sə sí majel ndá tel raje sə dee majel godə maree’g el ləm, ɓó lé deḛ taji sí kara taji deeje godə maree’g el ləm tɔ. Néra gə́ kɔl ɓa nee: Tɔrje ndu sí dɔ deḛ gə́ ra sə sí majel mbata yee gə́ bèe ɓa, Ala ɓar sí ne gə mbəa mba kar sí iŋgaje ndu tɔr gə́ yeḛ a tɔr ne ndia dɔ sí’g kar dɔ sí ai ne səgərə.