Maktub gə́ Jak ula ne ar ngan-Allaje 2:8 - Maktub gə́ To gə Kəmee

⁸ Ɓó lé, seḭ raje torndu gə́ maji dum areeje ɔr rɔd gə goo ta gə́ to mee maktub’g pana: Seḭ a kundaje mar síje dan kəm sí’g to gə́ seḭ ra gə rɔ sí bèe lé ndá seḭ raje maji ya.

Maktub gə́ Jak ula ne ar ngan-Allaje 2:8 ပူးပေါင်းရင်းမြစ်များ

1 Mbaije 8:18

Nɛ Njesigənea̰ ula bɔm Dabid lé pana: To gə́ i wɔji məəi’d gə mba ra kəi kar rim ɓar dɔ’g lé to néra gə́ maji gə́ i wɔji gə mba ra ya.

2 Mbaije 7:9

Nɛ deḛ d’ula na̰ ta yo gə́ nee pana: Néra sí to lée’g el! Ɓogənè to ndɔ koo sorta né gə́ maji, ɓó lé jeḛ m’paje taree el, ŋginaje saar j’arje loo àr dɔ sí’g ndá bo̰ néra sí a kɔs ta sí’g. Bèe ndá maji kar sí gə́ reeje ar sí j’awje j’aw m’paje taree j’ar njémeekəije lə mbai ɓa.

Ləbije 19:18

Seḭ a dalje ba̰ lə sí el ləm, seḭ a kwaje gə oŋg lə sí gə́ kédé-kédé dɔ ŋgan meḛ dəwje’g lə sí el ləm tɔ. Seḭ a kundaje mar síje dan kəm sí’g to gə́ seḭ raje ne gə darɔ sí bèe ya. Ma m’to Njesigənea̰.

Ləbije 19:34

Dəw-dɔ-ɓee gə́ si mbuna sí’g lé seḭ a kéeje asəna gə kojiɓee mbuna sí’g bèe ya, seḭ a kṵdáje dan kəm sí’g to gə́ seḭ raje ne gə rɔ sí bèe mbata kédé lé seḭje kara toje gə́ dəw-dɔ-ɓeeje mee ɓee gə́ Ejiptə tɔ. Ma m’to Njesigənea̰, Ala lə sí.

Junas 4:4

Njesigənea̰ dəjee pana: Oŋg ra ləi lé see to né gə́ maji ya wa.

Junas 4:9

Ala dəji Junas pana: See oŋg gə́ i ra wɔji ne dɔ roŋ neelé i oo gə́ né gə́ maji ya wa. Yeḛ tel ilá keneŋ pana: Oŋg gə́ m’ra lé m’ra gə goo rəbee ya saar a kas yoom.

Matiyo 22:39

Aa oo, yeḛ gə́ njekɔm’g joo lé as səa tɔ. I a kunda mari dan kəmi’g to gə́ i ra gə darɔi bèe tɔ.

Matiyo 25:21

Mbai ləa tel ulá pana: Maji ya, i to kura gə́ gəd gə́ majikoji ya. Né gə́ lam ba ya gə́ to jii’g nɛ i ila ne koji dɔm’g ndá ɓasinè m’a kɔm né yaa̰ jii’g ŋga. Ɔd ree uru dan rɔlel’g lə ɓéije ya.

Matiyo 25:23

Mbai ləa tel ulá pana, Maji ya, i to kura gə́ gəd gə́ to majikoji ya. Né gə́ lam ba ya gə́ to jii’g nɛ i ila ne koji dɔm’g ndá ɓasinè m’a kɔm né yaa̰ jii’g ŋga. Ɔd ree uru dan rɔlel’g lə ɓéije ya.

Matiyo 7:12

Néje lai gə́ seḭ wɔjije mba kar mar síje ra d’ar sí lé ndá maji kar sí-seḭ nja raje sə dee kédé, yee ɓa gə́ gin godndu ka̰ Ala lé ləm, gə gin ta lə njéteggintaje ləm tɔ.

Njé gə́ Rɔmə 13:10

Dəw gə́ njemeenoji lé a tel ra majel gə maree el, bèe ndá meenoji lé ɓa dəw a ra ne godndu lé karee ɔr rɔd ya.

Njé gə́ Galati 5:14

Mbata ta godndu lé deḛ mbo̰ lai d’ɔm gin ta gə́ kára ba’g ya, yee ɓa nee: Seḭ a kundaje mar síje dan kəm sí’g to gə́ seḭ raje gə darɔ sí bèe tɔ.

Njé gə́ Galati 6:2

Taaje nékodo gə́ wɔi dɔ na̰’g, bèe ɓa seḭ a kunje ne godndu Kristi lé lad ya.

Njé gə́ Pilibə 4:14

Nɛ la gə́ seḭ laje səm dan néurti’g ləm lé yee ɓa maji ya.

1 Njé gə́ Tesalonikə 4:9

Ta gə́ wɔji dɔ kunda ŋgako̰ síje dan kəm sí’g lé to né gə́ seḭ awje ndòo maktubee el, mbata Ala nja ndoo sí ar sí gərje loo kunda na̰ dan kəm na̰’d mba̰ ya.

Maktub gə́ Jak ula ne ar ngan-Allaje 1:25

Nɛ nana ɓa gə́ tən ta godndu gə́ maji ɔr njoroŋ gə́ ɔr ne ɓər dəa’g, ɓó lé yeḛ ai mée sam-sam ɓó un kəmee dɔ’g el ləm, ra née ləm tɔ ndá né gə́ yeḛ ra lé a kɔr dɔ ya.

Maktub gə́ Jak ula ne ar ngan-Allaje 2:12

Lé riri gə́ seḭ paje əsé seḭ raje lé ndá ə̰jije ooje godndu gə́ wɔji dɔ ŋgankojije ɓa a gaŋg rəwta dɔ sí’g.

Maktub gə́ Jak ula ne ar ngan-Allaje 2:19

I ə̰ji məəi’g pana: Ala kára ba kiao, yee ɓa i ra maji, nɛ ndilje gə́ majel kara d’ə̰ji meḛ dee’g togə́bè tɔ ndá dee ndəb ne pəd-pəd.

Maktub gə́ Jak ula ne ar ngan-Allaje 4:11

Ŋgakɔmje, paje gə na̰ ta gə́ majel el. Yeḛ gə́ pata gə́ majel ila dɔ ŋgokea̰’g əsé un dəa dɔ nérea’g ndá yeḛ pata gə́ majel ila dɔ godndu’g lé ləm, yeḛ to njegaŋ-rəwta dəa’g ləm tɔ. Ɓó lé i gaŋg rəwta dɔ godndu’g ndá i to njera née el nɛ i to njegaŋ-rəwta dəa’g.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.