Maktub gə́ Jak ula ne ar ngan-Allaje 2:6 - Maktub gə́ To gə Kəmee

⁶ Seḭ nja, seḭ ilaje rɔkul dɔ njendoo’g. See baoje lé d’ula busu dɔ sí’g el wa. See to deḛ nja ɓa ndɔr sí d’ɔm sí loo-gaŋg-rəwtaje’g lé el wa.

Maktub gə́ Jak ula ne ar ngan-Allaje 2:6 ပူးပေါင်းရင်းမြစ်များ

Maktub gə́ wɔji dɔ Jɔb 20:19

Mbata yeḛ ra kədərə gə njéndooje ya̰ dee dan nékəmndoo’g ləm, Yeḛ taa kəije gə́ yeḛ ra el gə siŋgamoŋ ləm tɔ.

Pakɔsje 10:10

Yeḛ udu dunee ŋguji ɓa rəm naŋg ndá Njénékəmndooje d’oso meḛ jia’g.

Pakɔsje 10:14

Nɛ i Njesigənea̰ i oo gao ya Mbata i oo néurti gə né gə́ too gə́ ra dəwje lé Gə mba kari oso ne gel dee’g, Bèe ɓa njénékəmndooje nduna ne rɔ dee kaari’g ləm, I nja ɓa to njela gə ŋganalje ləm tɔ.

Pakɔsje 10:2

Ti gə́ njemeeyèr ti rəa lé Aree tuba ne goo deḛ gə́ nékəmndoo teḛ dɔ dee’g, Gosɔyèr gə́ yeḛ wɔji-kwɔji gə mba tuji dee ne lé wa dee ne ya.

Pakɔsje 10:8

Yeḛ um loo gir ɓee’g ləm, Yeḛ gə́ ta wa dəa el lé Yeḛ tɔlee ŋgaŋ looje gə́ raga ləm tɔ, Yeḛ orè kəmee sḭ dɔ deḛ gə́ nékəmndoo teḛ dɔ dee’g.

Pakɔsje 12:5

To deḛ gə́ pana: Tapa neḛje ar neḛ n’toje njésiŋgamoŋje ləm, Ta neḛje to ka̰ neḛje ya ləm tɔ, Ŋga see na̰ ɓa a to dəw dɔ neḛje ɓəi wa.

Pakɔsje 14:6

Seḭ ɔmje rɔkul dɔ né gə́ njenékəmndoo wɔji mée’g gə mba ra Mbata Njesigənea̰ lé to gə́ njo̰loo-kula-dɔ ləa ya.

Gosota-Kəmkàrje 14:31

Yeḛ gə́ ra né gə́ kədərə gə njéndooje lé Ila rɔkul-boo dɔ njekunda dee’g, Nɛ yeḛ gə́ oo kəmtondoo lə njendoo lé Ila riɓar dəa’g.

Gosota-Kəmkàrje 17:5

Yeḛ gə́ ula sul dɔ njendoo’g lé Ila rɔkul gə́ boo dɔ njekṵdá’g, Yeḛ gə́ al rəa dɔ njenékəmndoo’g lé Bo̰ nérea a lal kɔs təa’g pai godo.

Gosota-Kəmkàrje 18:23

Njendoo lé ra ndòo ɓa kwɔi ne né, Nɛ bao lé ila ta’g gə ta gə́ kədərə.

Gosota-Kəmkàrje 22:16

Yeḛ gə́ buguru njendoo gə mba kar nékiŋgaje ləa-yeḛ nja ḭ ne dɔ maree’d gə́ kédé-kédé ləm, Gə yeḛ gə́ ar bao né ləm tɔ lé deḛ joo bɔr d’a tel si dan ndòo’g.

Gosota-Kəmkàrje 22:7

Bao lé o̰ ɓee dɔ njéndooje’g ləm, Yeḛ gə́ tona né lé tel to ɓər lə yeḛ gə́ njekaree toná né lé tɔ.

Njekillamber 5:8

Né gə́ maji mbata lə ɓee dan néje’g lai lé To gə́ mbai gə́ ula rɔnduba dɔ kula ndɔ’g.

Esai 53:3

Koso-dəwje d’ə̰jee bəḭ-bəḭ, d’ubá d’yá̰, Yeḛ to dəw gə́ rəa ndiri njigi-njigi Gə́ gər loo-si dan nékəmndooje’g, Asəna gə dəw gə́ d’un kəm dee mbaŋ dəa’g d’unda raŋg lé Jeḛ kara j’ée gə́ né el bèe tɔ.

Amɔs 4:1

Urje mbi sí ooje ta neelé, Seḭ denéje gə́ Samari gə́ toje baoje Gə́ toje asəna gə ko̰ maŋgje gə́ Basan lé Seḭ gə́ ulaje njéndooje ndubu ləm, Seḭ tubaje deḛ gə́ néje bula lal dee Naŋg mbajila-mbajila ləm tɔ lé Tɔɓəi seḭ ulaje ŋgaw síje pajena: Reeje gə nékai ar sí j’aije.

Amɔs 5:11

Bèe ndá to gə́ seḭ tubaje njéndooje naŋg ləm, Seḭ waje koje lə dee taaje ləma, Seḭ undaje kəije gə mbalje gə́ tɔl dee ləm tɔ Nɛ seḭ a síje keneŋ el, Seḭ waje ndɔ-nduúje gə́ maji yaa̰ Nɛ seḭ a kaije mán dee el tɔ.

Habakuk 3:14

I tɔs dɔ mbaije lə dee lé gə kandə ɓandaŋgje lə dee-deḛ ya mbudu Deḛ gə́ d’ḭ kalaŋ gə mba sané sí kad to gə́ lel-mal bèe ləm, Deḛ gə́ ra né gə ndu dee wəl gə rɔlel Asəna gə deḛ gə́ tuji njenékəmndooje duu-looje’g lə dee mba̰ bèe ləm tɔ.

Jakari 7:10

Ulaje kəm njékəisiŋgaje gə ŋganalje Esé njéndooje əsé mbáje ndòo el ləm, Wɔjije-kwɔji ra gə na̰ majel el ləm tɔ.

Tagə́maji gə́ Ja̰ ndang 8:49

Jeju tel ila dee keneŋ pana: Ndil gə́ yèr godo məəm’g, ma lé m’ula rɔnduba dɔ Bɔm’g nɛ seḭ ɓa seḭ ulaje sul dɔm’g ya.

Néra Njékaḭkulaje 13:50

Denéje gə́ na̰je gə́ d’wa Ala meḛ dee’g gə́ to kankəm denéje mee ɓee’g ləm, gə dəwje gə́ boo mee ɓee’g ləm tɔ lé Jibje pélé meḛ dee wəs-wəs dɔ Pool gə Barnabas’g. Deḛ d’ɔs dee mba kar dee d’ula kəm Barnabas gə Sool ndòo ndá deḛ tuba dee dɔ naŋg’g lə dee.

Néra Njékaḭkulaje 17:6

Loo gə́ d’iŋga dee el ndá d’wa Jaso̰ gə ŋgako̰ na̰je ndɔr dee d’aw sə dee no̰ njégaŋ-rəwtaje’g gə́ mee ɓee’g, ra né wəl d’ula dee pana: Dəwje neelé gə́ to njéturu dɔ dəwje lé deḛ ree loo gə́ nee’g ndá Jaso̰ wa dee gə́ rəa’g.

Néra Njékaḭkulaje 18:12

Mee ləb gə́ Galio̰ to ne njeguburuɓee gə́ Akai lé Jibje d’ḭ d’ɔm na̰’d téréré d’ḭ gə Pool d’wá d’aw səa loo-gaŋg-rəwta’g

Néra Njékaḭkulaje 8:3

Nɛ Sool lé sané Eglisə kad-kad. Yeḛ ta̰d mee kəije lə dee pḛ́-pḛ́ tɔr diŋgamje gə denéje ndad-ndad, aw ɓugu dee daŋgai’g.

1 Njé gə́ Kɔrḭtə 11:22

See kəi lə sí gə mba sɔ né gə kai né keneŋ lé godo wa. Esé see seḭ ndigije kila ndɔl dɔ Eglisə’g lə Ala lé ɓa seḭ ilaje ne rɔkul dɔ dee gə́ lal kiŋga né lé wa. See m’a pa ban kar sí ɓəi wa. See m’a pidi sí gə́ pidi wa. Wah! Né neelé m’a pidi sí dɔ’g el.

Maktub gə́ Jak ula ne ar ngan-Allaje 2:3

Seḭ ɔrje kəm yeḛ gə́ to njekubu gə́ bḭ maji lé seḭ uláje pana: I lé ree s dɔ kag sí mbai gə́ nee, nɛ seḭ ulaje njendoo lé pana: Aar tar nu, əsé ree si gin kali gə́ m’tura gɔlm m’ɔm keneŋ.

Maktub gə́ Jak ula ne ar ngan-Allaje 5:4

Aa ooje, njékulaje gə́ d’inja kó mee ndɔje’g lə sí gə́ seḭ bəŋgərə deeje nɛ lar kuga ji dee lé ɓaŋgee ɓar yor-yor, ndu kii no̰ lə njékulaje kara oso mbi Mbaidɔmbaije gə́ njeboo-néje gə́ dara lé tɔ.

Maktub gə́ Jak ula ne ar ngan-Allaje 5:6

Seḭ gə́ ilaje ta dɔ njemeekarabasur tɔleeje ne, nɛ yeḛ aar keneŋ kərərə-kərərə ɓó ɔs sí rəw el.