Maktub gə́ Jak ula ne ar ngan-Allaje 2:18 - Maktub gə́ To gə Kəmee

¹⁸ Nɛ dəw kára a pa pana: I nja to gə́ njemeekun, nɛ ma lé m’to gə́ njera née. Tɔjim meekun ləi gə́ lal ra né dɔ’g, nɛ ma lé néram gə́ maji ɓa m’a kwa kwɔji ne gin meekun ləm.

Maktub gə́ Jak ula ne ar ngan-Allaje 2:18 ပူးပေါင်းရင်းမြစ်များ

Njé gə́ Rɔmə 14:23

Nɛ yeḛ gə́ maḭ gə rəa dɔ nésɔ gə́ d’ɔr kəmee’g ɓa sɔ ndá yeḛ ila ta dɔ rəa’g, mbata yeḛ ra gə goo meekun el. Mbata néje lai gə́ ra, d’wɔji ne goo meekun el ndá yee ɓa gə́ kaiya ya.

Njé gə́ Rɔmə 3:28

Mbata jeḛ j’ə̰ji meḛ sí’g m’pana: Meekun ɓa Ala ɔr ne ta dɔ dəw’g ɓó to gə goo néraje gə́ wɔji dɔ godndu lé el.

Njé gə́ Rɔmə 4:6

Togə́bè ɓa, Dabid kara pata rɔlel lə dəw gə́ Ala ée gə́ njemeekarabasur lal tura néra gə́ maji ləa pana:

Njé gə́ Rɔmə 8:1

Bèe ndá deḛ gə́ d’ɔm na̰’d gə Jeju Kristi lé ta kára kara wa dɔ dee ɓasinè el.

Njé gə́ Rɔmə 9:19

I a kulam pana: See ban ɓa yeḛ ila ta loo’g tɔɓəi wa. See na̰ ɓa gə njekɔsee dɔ né gə́ yeḛ ə̰ji mée’g gə mba ra wa.

1 Njé gə́ Kɔrḭtə 13:2

Ɓó lé m’to gə́ njetegginta m’ɔr ne gin néje lai gə́ to loo-kiya’g ləm, əsé m’to bao-gosonégər gə m’ɔr ne gin gosɔnégərje lai ləma, əsé ma m’to gə́ njeboo-meekun m’as kɔr ne mbal gə ŋgira kunda raŋg ləm tɔ ɓa ɓó lé meenoji godo məəm’g ndá ma m’to né gə́ əḭ el.

2 Njé gə́ Kɔrḭtə 5:17

Ɓó lé dəw ɔm na̰’d gə Kristi ndá yeḛ to dəw-kunda lə Ala gə́ sigi ya. Ɓuga néje gə́ ləw lé sané kad mba̰, aa ooje, néje lai tel to néje gə́ sigi ya.

2 Njé gə́ Kɔrḭtə 7:1

Seḭ gə́ m’unda sí dan kəm’g lé to gə́ ndukunje nee gə́ yeḛ un ar sí to togə́bè ndá ar sí n’togoje néje gə́ mina̰ gə́ gə ria-ria gə́ tia̰ darɔ sí’g gə ndil sí’g ləm, ar sí m’ɓəlje Ala mba kar meenda lə sí maji ɔr njoroŋ ləm tɔ.

Njé gə́ Galati 5:6

Mbata deḛ gə́ d’ɔm gə Kristi na̰’d yəg lé kinja tamɔd əsé kinja tamɔd el kara to né el, nɛ meekun lé gə́ meenoji ɔs ginee ɓɔḭ-ɓɔḭ lé yee ɓa gə́ kankəm né ya.

1 Timote 1:5

Gin ndukun ləm lé to mba kar nojimeenda ḭ dɔ maree’g gə goo takə̰ji gə́ maji gə́ ḭ meḛ dee’g ləm, gə goo meekun gə́ gəd ləm tɔ.

Titə 2:7

Nérai gə́ maji ɓa i a tɔji dee ne loo néraje gə́ maji gə́ gə ria-ria ləm, ar ta ndoo ləi lé to ta gə́ àr ŋgad-ŋgad gə́ kəm kar dee taa ləma,

Ǝbrəje 11:31

Meekun lé ɓa Rahab gə́ to kaiya-dené tuji ne na̰’d gə njékaltaje el, mbata yeḛ ra njéŋgəmlooje mbá bur-bur.

Ǝbrəje 11:33

Meekun lé ɓa deḛ neelé d’un ne baŋga dɔ ɓeeko̰je’g ləm, d’ɔr ne kəmta lə koso-dəwje ləm, d’iŋga ne ndukun gə́ wɔji dɔ dee ləma, ndèm ne ta toboḭje sud-sud ləm tɔ.

Ǝbrəje 11:6

Tɔgərɔ ya, ɓó lé meekun godo ndá dəw kára kara askəm taa kəm Ala el. Mbata kɔm mee dɔ Ala’g kée to gə́ yeḛ si gən ləm, kée gə́ yeḛ gə́ a kar nana gə́ ndolè uba maji ləm tɔ lé yee ɓa gə́ kuma̰ kar dəw rəm ne pər gə́ rɔ Ala’g ya.

Maktub gə́ Jak ula ne ar ngan-Allaje 2:14

Ŋgakɔmje, yeḛ gə́ pana: Neḛ n’to gə́ njemeekun, nɛ nérea gə́ maji gə́ wɔji dɔ meekun ləa godo ndá see meekun ləa to né gə́ banwa. See meekun neelé askəm kajee wa.

Maktub gə́ Jak ula ne ar ngan-Allaje 3:13

See na̰ ɓa mbuna sí’g to njekəmkàr ləm, gə njegosonégər ləm tɔ wa. Maji kar panjaa ləa gə tapea gə́ kul yururu lé ɔr gin kəmkàr ləa gə́ raga ya.