Maktub gə́ Jak ula ne ar ngan-Allaje 2:13 - Maktub gə́ To gə Kəmee

¹³ Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.

Maktub gə́ Jak ula ne ar ngan-Allaje 2:13 ပူးပေါင်းရင်းမြစ်များ

Gḭ-Néje 42:21

Deḛ d’ula na̰ ta mbuna na̰’d pana: Tɔgərɔ ya, ta wa dɔ sí mbata lə ŋgoko̰ sí lé. Mbata jeḛ j’oo mée gə́ tɔsee mbigi-mbigi loo gə́ yeḛ ra ndòo rɔ sí’g lé nɛ jeḛ j’un mbi sí dɔ’g rəw! Togə́bè ɓa némeeko̰ neelé teḛ ne dɔ síjeḛ’g gə mbəa.

2 Sôrta Gḭka Israɛlje 28:11

Maji kar sí ooje ta ləm mba kya̰ ŋgako̰ síje gə́ seḭ wa deeje gə́ ɓər mbuna sí’g lé ar deeje tel d’aw, mbata boo-oŋg lə Njesigənea̰ ɔm dɔ sí’g ya.

Pakɔsje 18:25

Njesigənea̰ am né wɔji ne goo meekarabasur ləm ya, Yeḛ ra səm gə goo kàr lə jim gə́ àr ŋgad-ŋgad lé tɔ.

Pakɔsje 85:10

Oiyo, deḛ gə́ ɓəlee lé ndá Kaji ləa to mbɔr dee’g dəb ya Gə mba kar rɔnduba ləa to ne mee ɓee’g lə sí lé.

Gosota-Kəmkàrje 21:13

Yeḛ gə́ udu mbia jigi dɔ ndu no̰’g lə njendoo lé Yeḛ nja kara a no̰ ya to nɛ d’a kilá keneŋ el saar.

Gosota-Kəmkàrje 22:16

Yeḛ gə́ buguru njendoo gə mba kar nékiŋgaje ləa-yeḛ nja ḭ ne dɔ maree’d gə́ kédé-kédé ləm, Gə yeḛ gə́ ar bao né ləm tɔ lé deḛ joo bɔr d’a tel si dan ndòo’g.

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Jeremi 9:24

Njesigənea̰ pana: Aa ooje, ndɔje d’isi ree gə mba kam m’ar bo̰ néra deḛ lai gə́ d’inja tamɔd dee ɓa ɓó meḛ dee el lé ɔs ta dee’g keneŋ,

Ejekel 33:11

Maji kam m’ula dee m’pana: Neḛ n’to njesikəmba! Mbaidɔmbaije gə́ Njesigənea̰ ɓa pa bèe, né gə́ wa mee neḛ lé to mba kar njemeeyèr wəi ɓa el nɛ karee un panjaa gə́ sigi si ne kəmba ɓa wa mee neḛ. Ɔsje badm telje, ubaje goo rəw néra gə́ majel lə sí ya̰je, see a kwəije mba ɗi tɔɓəi wa, seḭ gel-bɔje lə Israɛl.

Misee 7:18

See Ala gə́ raŋg gə́ njekar mée oso lemsé dɔ néra gə́ kori-kori’g ləm, Gə njekar mée wəi dɔ kaiyaje’g Le ges dəwje gə́ to nékea̰je ləm tɔ lé ɓa ra wa. Yeḛ ŋgəm oŋg ləa saar-saar gə no̰ el Mbata meekoso lemsé ɓa taa kəmee ya.

Matiyo 5:7

Deḛ gə́ d’oo kəmtondoo lə mar deeje lé rɔ dee lel dee, Mbata d’a koo kəmtondoo lə dee-deḛ tɔ.

Matiyo 6:15

Ɓó lé meḛ sí ti mbidi dɔ meekɔsgel’g lə mar síje el ndá Bɔ síje gə́ sí dara lé kara a kar mée ti mbidi dɔ ka̰ sí-seḭ’g el tɔ.

Lugu 16:25

Abrakam ilá keneŋ pana: Ŋgonəm, ar məəi olé dɔ némajije’g ləi loo gə́ i si ne gə kəmi danee’g lé nɛ Lajarə lé loo gə́ yeḛ si gə kəmee ɓəi lé yeḛ si dan némeeko̰’g ya, ɓasinè ndá yeḛ si dan meekulɔm’g ŋga, nɛ i ɓa yḛ̀ i si dan néurti’g gə́ si ya to ŋga.

Lugu 6:37

Gaŋje ta dɔ mar síje’g el ndá Ala kara a gaŋgta dɔ sí’g el tɔ, ilaje ta dɔ mar síje’g el ndá Ala a kila ta dɔ sí’g el tɔ, ɔrje ta dɔ mar síje’g ndá Ala a kɔr ta dɔ sí’g tɔ.

Maktub gə́ Jak ula ne ar ngan-Allaje 3:17

Kəmkàr gə́ ḭ dara lé njea a to dəw gə́ àr ləm, mée a kul lɔm ləm, yeḛ a kaw yururu ləm, a kɔm na̰’d gə mareeje ləm, meemaji a taa mée pəl-pəl ləma, a kinja gə ka̰dee gə́ maji gə́ raga ləm tɔ. Mée a tɔ joo el ləm, a to gə́ njehulai el ləm tɔ.

Maktub gə́ Jak ula ne ar ngan-Allaje 5:4

Aa ooje, njékulaje gə́ d’inja kó mee ndɔje’g lə sí gə́ seḭ bəŋgərə deeje nɛ lar kuga ji dee lé ɓaŋgee ɓar yor-yor, ndu kii no̰ lə njékulaje kara oso mbi Mbaidɔmbaije gə́ njeboo-néje gə́ dara lé tɔ.

Njéga̰g-Rəwtaje 1:7

Adoni-Bejek pana: Mbaije rɔ-siri gə́ tḭja ko̰ ji deeje gə ko̰ gɔl deeje gaŋg lé d’usɔ né gə́ ɔm gel tabul’g ləm ya, bèe ɓa Ala tel ra səm né gə́ ma m’ra kédé lé tɔ. Deḛ d’aw səa Jerusalem ɓa yeḛ wəi keneŋ.

Njéga̰g-Rəwtaje 5:27

Ŋgira gɔl Jaəl’g lé yeḛ ḭ oso tul keneŋ ləm, Yeḛ oso tul to naŋg gin gɔlee’g ləm tɔ, Lé gə́ yeḛ ḭ keneŋ oso tul lé Yeḛ oso ar kaa mbia pa ɗəŋ.