Maktub gə́ Jak ula ne ar ngan-Allaje 1:9 - Maktub gə́ To gə Kəmee

⁹ Ŋgoko̰ sí gə́ njendoo lé maji karee nda mée kaḭ mbata d’unee d’unda daŋdɔ.

Maktub gə́ Jak ula ne ar ngan-Allaje 1:9 ပူးပေါင်းရင်းမြစ်များ

Pakɔsje 62:9

Seḭ koso-dəwje lé kàr gə́ rara kara Maji kar sí ɔmje meḛ sí dəa’g, Tegje ginta gə́ to meḛ sí’g areeje! Mbata Ala to njo̰loo-kula-dɔ lə sí ya.

Gosota-Kəmkàrje 17:5

Yeḛ gə́ ula sul dɔ njendoo’g lé Ila rɔkul gə́ boo dɔ njekṵdá’g, Yeḛ gə́ al rəa dɔ njenékəmndoo’g lé Bo̰ nérea a lal kɔs təa’g pai godo.

Gosota-Kəmkàrje 19:1

Njendoo gə́ njaa gə goo rəbee lé Maji unda njepa taŋgɔm gə́ to mbə-dəw.

Esai 29:19

Njénékəmndooje d’a kal rɔ dee gə́ kédé-kédé gə mbata lə Njesigənea̰ ləm, Njéndooje d’a kar Njerɔkunda lə Israɛlje to gin boo-rɔkal lə dee ləm tɔ.

Lugu 1:52

Yeḛ wa deḛ gə́ ti rɔ dee dɔ kalimbaije’g lə dee, ɓugu dee naŋg. Nɛ yeḛ wa dəwje gə́ d’ula dɔ dee, ar dee d’unda dɔ dee gə́ tar.

Lugu 10:20

Lé bèe kara raje rɔlel gə mba ndilje gə́ yèr gə́ d’oso kul no̰ sí’g lé el, nɛ raje rɔlel mbata ri sí gə́ deḛ ndaŋg mee ɓee gə́ dara lé ɓa.

Lugu 14:11

Mbata nana ɓa gə́ unda dəa gə́ tar ndá d’a karee ula dəa ya, nɛ nana ɓa gə́ ula dəa lé ndá d’a karee unda dəa gə́ tar tɔ.

Lugu 9:48

ula dee ne pana: Nana ɓa gə́ wa ŋgon gə́ nai gɔ bèe lé gə́ rəa’g gə rim ndá nai gə́ darɔm-ma nja wam gə́ rəa’g kən, tɔɓəi nana ɓa gə́ wam-ma nee nja gə́ rəa’g ndá nai gə́ dəw gə́ njekulam lé nja wá gə́ rəa’g kən tɔ. Mbata nana ɓa gə́ wa rəa’g gə́ dəw gə́ əḭ el mbuna sí’g ndá njea neelé ɓa to dəw gə́ boo mba̰ ya.

Njé gə́ Rɔmə 8:17

Ɓó lé jeḛ n’to ŋganeeje ndá jeḛ n’to njékiŋga nédɔji síje lé. Ɓó lé jeḛ j’ula rɔ sí ndubu gə Kristi na̰’d gə mba kiŋga səa rɔnduba na̰’d ndá j’a to njékiŋga nédɔjije lə Ala na̰’d gə Kristi tɔ.

2 Njé gə́ Kɔrḭtə 6:10

jeḛ lé meḛ sí lel sí ta-ta nɛ deḛ d’oo sí gə́ dəwje gə́ d’isi dan némeeko̰’g ləm, jeḛ n’to gə́ njékṵda dəwje bula maji’gje nɛ deḛ d’oo sí gə́ njéndooje ləma, jeḛ j’isi gə néje lai ji sí’g nɛ deḛ d’oo sí gə́ dəwje gə́ né godo ji dee’g ləm tɔ.

Tel tura Godndu 15:11

Daŋ’dje d’a lal mee ɓee lə sí el, gelee gə́ nee ɓa m’ar sí ne godndu gə́ nee m’pana: Seḭ a kya̰je meḛ ji sí tag karje ŋgako̰ síje ləm, gə njéndooje ləma, gə daŋ’dje ləm tɔ gə́ to mee ɓee’g lə sí lé.

Tel tura Godndu 15:7

Ɓó lé dan sí’g ɓa njendoo kára mbuna ŋgako̰ síje’g si mee ɓee-boo’g lə sí, dɔ naŋg gə́ Ala lə sí gə́ Njesigənea̰ ar sí lé ndá seḭ a kunje kəm sí rəw dɔ njéndoo’g lé el ləm a karje ji sí tɔ gag-gag dəa’g el ləm tɔ.

Tel tura Godndu 15:9

Undaje kəmkàr dɔ rɔ sí’g nà meeyèr a taa meḛ sí kar sí pajena: Ləb gə́ njekɔm’g siri gə́ to ləb kɔr ɓaŋg lé sí ree dəb ŋga! Undaje kəmkàr dɔ rɔ sí’g nà a kulaje kəm sí na̰’d sir dɔ ŋgoko̰ sí’d gə́ njendoo lé gə mba kɔgee ne né. Yeḛ a no̰ rəa dɔ sí’g no̰ Njesigənea̰’g ndá ta a kwa dɔ sí.

Njé gə́ Pilibə 3:14

nɛ ma mbudu ŋgwɔd m’aḭ m’wɔji dɔ né gə́ to nɔm’g kédé mba taa nékiŋga gə́ Ala lé wɔji mba kar deḛ gə́ d’isi gin Jeju Kristi’g tel ne rɔ dee par gə́ dara lé.

Njé gə́ Pilibə 3:3

Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.

Loo gə́ killa rea kəm Ja̰’g 2:9

Ma m’oo néurti gə́ rai ləm, gə ndòo gə́ teḛ dɔi’g ləm tɔ, nɛ i to gə́ bao ɓəi. Deḛ gə́ gaŋgta d’ɔm tai’g ləm, gə deḛ gə́ ɓar rɔ dee Jibje ɓa deḛ to gə́ Jibje el nɛ deḛ nja to gə́ kəi-kwa-dɔ-na̰ lə Njekurai ləm to lé ma m’oo dee gao ya tɔ.

1 Samel 2:8

Yeḛ ɔr njendoo dan babur’g ləm, Yeḛ ɔr njenékəmndoo dan siḭ néje’g ləm tɔ Mba kar dee d’isi gə njériɓarje na̰’d. Nénduba gə́ yeḛ ar dee lé To kalimbai ka̰ rɔnduba. Mbata gaji-ŋgɔ-kagje gə́ gəd ne naŋg neelé To ka̰ Njesigənea̰ Ndá yeḛ nja unda naŋg nee dɔ dee’g tɔ.