Maktub gə́ Jak ula ne ar ngan-Allaje 1:26 - Maktub gə́ To gə Kəmee

²⁶ Ɓó lé dəw gə́ rara ɓa, ə̰ji mée’g pana: Neḛ n’to dəw gə́ tədkag Ala, nɛ yeḛ ar təa to kwɔji el ndá yeḛ ər kəm rəa, kag Ala gə́ yeḛ pana: Neḛ təd lé to né gə́ sḭ ɓəi tɔ.

Maktub gə́ Jak ula ne ar ngan-Allaje 1:26 ပူးပေါင်းရင်းမြစ်များ

Maktub gə́ wɔji dɔ Jɔb 15:13

Kwii, to Ala ɓa i tel oŋg ləi ɔsee ne ŋgərəŋ ləm, Gə́ tai ɓar ne dɔ taje gə́ togə́bè ila dəa’g ləm tɔ.

Maktub gə́ wɔji dɔ Jɔb 30:11

Mbata Ala ula kəm ndòo ar siŋgam godo, Bèe ndá né gə́ njekɔg dee loo ra səm némajel lé godo ŋga.

Pakɔsje 141:3

Njesigənea̰, maji kari unda njeŋgəm ta tam’g ləm, Ra kəmi rakaa dɔ tam’g ya ləm tɔ.

Pakɔsje 32:9

Maji kar sí toje mbəje asəna gə kundaje əsé kundaje-mulayḛ̀jeje el, Deḛ lé d’wa ta dee gə kéŋgəlé gə aljem Gə mba kar dee ra səi né el.

Pakɔsje 34:13

See dəw gə́ ra ɓa ndigi si gə kəmə lé ləm, Ndigi kiŋga ndɔje gə́ raŋg kɔm dɔ maree’g gə mba karee al ne rəa ləm tɔ wa.

Gosota-Kəmkàrje 10:19

Dəw gə́ pata yaa̰-yaa̰ lé A lal ra kaiya el, Nɛ yeḛ gə́ ɔg təa dɔ’g lé To dəw gə́ kəmee àr.

Gosota-Kəmkàrje 10:31

Ta njemeekarabasur teḛ gə ta kəmkàr, Nɛ ndo̰ njera nékori-kori lé D’a kwa rɔd kɔr.

Gosota-Kəmkàrje 14:12

Rəwje gə́ na̰je dəw oo gə́ rəw gə́ maji, Nɛ loo kɔs bo̰ ləa to yoo.

Gosota-Kəmkàrje 15:2

Ndo̰ njékəmkàrje ar mal gər né ra dəwje, Nɛ ta mbə-dəwje teḛ gə néra mbə gə́ raga-raga.

Gosota-Kəmkàrje 16:10

Ndərta gə́ teḛ ta mbai’g lé to njaŋg, Maji karee ndəm dɔ rəwta-gaŋg’d lé el.

Gosota-Kəmkàrje 16:25

Rəw gə́ na̰je dəw oo gə́ rəw gə́ maji, Nɛ loo kɔs ko̰ ləa to yoo.

Gosota-Kəmkàrje 19:1

Njendoo gə́ njaa gə goo rəbee lé Maji unda njepa taŋgɔm gə́ to mbə-dəw.

Gosota-Kəmkàrje 21:26

Yeḛ ndiŋga néje gə́ ndiŋga ya gə ndɔ saar kàr uree naŋg jigi, Nɛ njemeekarabasur lé ar né gə́ kar ɓó ɔg el.

Esai 1:13

Nékarje gə́ gə mḭdé-mḭdé lé Ǝwje rɔ sí reeje ne, Né gə́ ə̰də sululu ləm, Gə ndɔ ra naḭje gə́ teḛ sigi ləm, Gə ndɔ-kwa-rɔ ləma, Gə loo-mbo̰-dɔ-na̰je ləm tɔ lé To kḛji kəm’g, Gə mba kar néra gə́ kori-kori ɔm na̰’d Gə loo-kwa-dɔ-na̰ gə́ to gə kəmee lé Ma m’ndigi koo el.

Esai 44:20

Yeḛ munu bu pər, Mée əree aree ndəm Ndá yeḛ askəm kaji rəa pai godo ləm, Askəm pa pana: Néŋgɔm ɓa to ji neḛ’g lé a pa bèe el ləm tɔ.

Malasi 3:14

Tapa sí ɓa nee: Ra kula kar Ala to né gə́ kari ba. Koji gə́ seḭ ilaje dɔ torndumje’g lé əsé njaa gə́ seḭ njaaje gə kəmndoo mbata lə Njesigənea̰ gə́ njeboo-néje lé see ɗi ɓa seḭ iŋgaje keneŋ wa.

Matiyo 15:9

Deḛ tədkagm gə mḭdé-mḭdé ba Ndoo dee ne ndukunje gə́ to gə́ torndu dəwje ba.

Mark 7:7

Deḛ d’wam meḛ dee gə mḭdé-mḭdé ba ləm, Deḛ ndoo dee torndu dəwje ba ləm tɔ.

Lugu 8:18

Undaje kəmkàr dɔ rɔ sí’g loo koo ta’g lé mbata yeḛ gə́ si gə né jia’g ndá d’a karee maree dɔ’g ya, nɛ yeḛ gə́ si gə né ɓa iŋga maree dɔ’g el ndá d’a kwá taa jia’g tɔ.

1 Njé gə́ Kɔrḭtə 15:15

Ɓó lé to tɔgərɔ to gə́ nje gə́ d’wəi lé d’a kunda loo teḛ el ndá jeḛ n’toje gə́ njétədta kunda ta Ala’gje, mbata jeḛ m’pana: Ala lé ar Kristi teḛ dan njé gə́ d’wəi’g.

1 Njé gə́ Kɔrḭtə 15:2

Ɓó lé seḭ undaje meḛ sí dɔ taree’g bururu to gə́ ma m’ndoo sí lé ndá mbɔl dəa ɓa seḭ a kajije ne ya. Ɓó lé bèe el ndá meekun lə sí a to né gə́ gə mḭdé ba ya.

1 Njé gə́ Kɔrḭtə 3:18

Maji kar nana kara əsta dɔ rəa’g el. Ɓó lé dəw kára ə̰ji ta mée’g pana: Neḛ n’to gə́ njekəmkàr gə goo kəmkàr lə dəwje gə́ dɔ naŋg nee ɓasinè ndá maji kar njea tel mbə ɓa gə mba tel njekəmkàr gə́ gəd ɓəi.

Njé gə́ Galati 2:6

Deḛ gə́ to gə́ njékɔrno̰ deeje lé lé deḛ to gə́ ban-ban kédé lé ma m’ɔr ne kəm dee el: mbata Ala lé ɔr kəm dəw kára kara el tɔ, deḛ gə́ to gə́ njékɔrno̰ deeje lé kara d’ila ta kára gə́ raŋg dɔm’g gə mbəa el tɔ.

Njé gə́ Galati 2:9

Bèe ɓa loo gə́ deḛ d’oo noji gə́ d’wa səm lé ndá Jak gə Képas gə Ja̰ d’oo dee gə́ ŋgaw dan Eglisə lé d’wa jikɔl síjeḛ gə Barnabas d’ɔm sí ne sə dee na̰’d mba kar síjeḛ j’aw gə́ ɓee lə njépole-magəje nɛ deḛ lé d’a kaw gə́ ɓee lə njékḭja tamɔd deeje tɔ.

Njé gə́ Galati 3:4

See néurti gə́ ra sí lé ra sí gə mḭdé ba wa. Ɓó lé a gə to gə mḭdé ɓəi lé.

Njé gə́ Galati 6:3

Ɓó lé dəw ə̰ji ta mée’g pana: Neḛ n’to gə́ dəw, nɛ yeḛ to gə́ dəw gə́ əḭ el ndá yeḛ nja kogo rəa ya.

Njé gə́ Epesə 4:29

Maji kar ta gə́ ərm teḛ ta sí’g kára kara el, ta gə́ maji gə́ kəm pa gə́ a rɔd mari kar mée nda ne kaḭ ɓa maji karee teḛ ta sí’g ar deḛ gə́ d’oo lé ya tɔ.

Njé gə́ Epesə 5:4

Ta rɔkul ləm, gə sor mbə ləma, gə kəsta kula sul dɔ na̰’g ləm tɔ lé néje gə́ mina̰ togə́bè lé to kəm to̰ tamee pai el, nɛ ta ra Ala oiyo ɓa areeje teḛ ta sí’g.

Tel tura Godndu 11:16

Undaje kəmkàr dɔ rɔ sí’g nà kəm sí a kər sí kar sí ubaje kankəm rəw gə́ maji ya̰je mba kaw pole magəje ləm, gə kundaje barmba dəbje kəm sí naŋg no̰ dee’g ləm tɔ.

Njé gə́ Kolosə 4:6

Arje tapa sí teḛ gə ndu gwɔs noji gə ndɔ sí ndɔ sí, dusuje kad gə́ rii dɔ’g tɔ, bèe ɓa seḭ a kooje loo kila nana kara ta gə́ kəm kilá keneŋ.

Maktub gə́ Jak ula ne ar ngan-Allaje 1:19

Ŋgakɔmje gə́ m’unda sí dan kəm’g, maji kar sí gərje ta nee gao ya. Tɔɓəi maji kar dəw gə́ rara kara orè mbia ndəŋ dɔ ta gə́ yeḛ oo ɓó ḭ rad mba pata pəd el ləm, əsé ar oŋg ḭ səa jugugu el ləm tɔ,

Maktub gə́ Jak ula ne ar ngan-Allaje 1:22

Kankəmta gə́ seḭ ooje lé raje née ɓó taaje gə́ sin kari el ləm, ərje kəm rɔ sí gə takə̰ji gə́ gə goo rəbee el ləm tɔ.

Maktub gə́ Jak ula ne ar ngan-Allaje 2:20

Ǝi, i dəw gə́ gə mḭdé ba lé see kəmi inja dɔ’g bərəŋ el ɓəi wa. Meekun gə́ lal ra née ndá to gə mḭdé ba tɔ.

1 Piɛrə 3:10

Tɔgərɔ ya. Yeḛ gə́ ndigi si gə kəmə lé Ɓó gə si ne rɔlel gə ndəa-ndəa Ndá maji karee ɔg ndəa̰ dɔ ta gə́ majel’g ləm, A kɔg təa dɔ taje gə́ ka̰ sukəmloo’g lé ləm tɔ.