Maktub gə́ Jak ula ne ar ngan-Allaje 1:25 - Maktub gə́ To gə Kəmee

²⁵ Nɛ nana ɓa gə́ tən ta godndu gə́ maji ɔr njoroŋ gə́ ɔr ne ɓər dəa’g, ɓó lé yeḛ ai mée sam-sam ɓó un kəmee dɔ’g el ləm, ra née ləm tɔ ndá né gə́ yeḛ ra lé a kɔr dɔ ya.

Maktub gə́ Jak ula ne ar ngan-Allaje 1:25 ပူးပေါင်းရင်းမြစ်များ

Pakɔsje 106:3

Rɔlel nai Gə deḛ gə́ d’aa dɔ godndiaje’g kər-kər ləm, Gə ra né gə dɔ najee ta-ta lé ləm tɔ.

Pakɔsje 119:32

Ma lé m’wa godnduije ɓa m’aiŋgwɔd dan dee’g Mbata i nja ar gosonégər taa məəm pəl-pəl.

Pakɔsje 119:45

Ma lé m’a njaa to gə́ məəm ndigi Mbata m’saŋg goo ndukunje ləi.

Gosota-Kəmkàrje 14:15

Dəw gə́ négər na mée tas lé Ɔm mée dɔ taje lai gə́ d’ulá’g, Nɛ dəw gə́ unda kəmkàr dɔ rəa’g lé Tɔs kəmee bao-bao dɔ panjaa’g ləa.

Esai 8:20

Gə́ telje gə́ dɔ godndu gə dɔ kɔrgoota’g lé! Ɓó lé dəw pa togə́bè el ndá kàr gə́ a gə kuba mbata lə koso-dəwje lé a godo.

Lugu 11:28

Nɛ Jeju tel ilá keneŋ pana: Deḛ gə́ d’oo ta lə Ala gə́ d’aa dəa kər-kər lé ɓa rɔlel lə dee a kal dɔ yeḛ gə́ nee ɓəi.

Tagə́maji gə́ Ja̰ ndang 13:17

Ɓó lé seḭ gərje néje neelé raje ndá rɔ sí a sa ne rəw.

Tagə́maji gə́ Ja̰ ndang 8:36

Bèe ndá ɓó lé Ŋgon lé ɓa bɔr kúla dɔ sí’g mbɔji ndá kúla a ɓar ri sí gogo el ŋga.

Néra Njékaḭkulaje 13:43

Tɔɓəi loo gə́ dəwje d’isi sanéna̰ ndá Jibje bula gə deḛ gə́ tel rɔ dee gə́ Jibje gə́ d’wa Ala meḛ dee’g lé ndɔm na̰ goo Pool gə Barnabas’g. Deḛ d’wɔji sə dee ta ləm, ndəji dee ne gə mba kar dee d’ɔm meḛ dee dɔ nojikwa’g lə Ala lé reḛ́ keneŋ rḛ́-rḛ́ ya ləm tɔ.

Néra Njékaḭkulaje 2:42

Deḛ d’wa meḛ dee kɔgərɔ dɔ ta gə́ njékaḭkulaje ndoo dee lé, d’wa sə dee dɔ na̰ ləm, deḛ d’o̰ sə dee muru ləma, deḛ ra sə dee tamaji na̰’d ləm tɔ.

Néra Njékaḭkulaje 26:22

Nɛ mbɔl dɔ la gə́ Ala lé la səm lé m’isi ne saar m’teḛ ɓogənè m’ɔr ne goo ta ləa no̰ mbaije’g ləm, gə no̰ dəwje gə́ kari ləm tɔ. Ta néje gə́ njéteggintaje ləm gə Moyis pa ləm pana: A gə ree lé yee ɓa m’aar dɔ’g ɓó m’ya̰ rəbee bèe el.

Njé gə́ Rɔmə 11:22

Meemaji lə Ala ləm, gə néra gə́ kədərə gə́ dum maree gə́ yeḛ ra ləm tɔ lé maji kari la̰ji toree məəi’g: néra gə́ kədərə gə́ dum maree gə́ yeḛ a ra gə deḛ gə́ d’oso nɛ meemaji ləa gə́ yeḛ ra səi-i ɓó lé i aar dɔ gɔli’g njaŋg gin meemaji ləa’g ya. Ɓó lé i aar dɔ gɔli’g njaŋg keneŋ el ndá yeḛ a tugai tɔ.

Njé gə́ Rɔmə 2:13

Tɔgərɔ ya, deḛ gə́ d’oo ta godndu gə mbi dee lé ɓa to njémeekarabasurje no̰ Ala’g el, nɛ deḛ gə́ ra née ɓa Ala ɔr ne ta dɔ dee’g.

Njé gə́ Rɔmə 7:12

Togə́bè ɓa godndu lé to né gə́ to gə kəmee ləm, ta godnduje lé kara to né gə́ to gə kəmee gə to gə dɔ najee gə to maji ɔr njoroŋ ləm tɔ.

Njé gə́ Rɔmə 8:15

Seḭ taaje ndil ka̰ ɓər gə mba si ne dan ɓəl’g el, nɛ seḭ taaje Ndil gə́ ka̰ ŋgon-ɓaa, yee ɓa jeḛ j’ila ne ndu sí naŋg wəl m’pana: Aba! Bai!

Njé gə́ Rɔmə 8:2

Tɔgərɔ ya, godndu ka̰ Ndil gə́ ka̰ kisi kəmba gin Jeju Kristi lé ɔr ta godndu gə́ ka̰ kaiya gə́ ka̰ yoo lé dɔm’g.

1 Njé gə́ Kɔrḭtə 15:58

Togə́bè ɓa, ŋgakɔmje gə́ m’unda sí dan kəm’g lé aarje kenḛg njaŋg ɓó ləŋje el. Raje kula lə Mbaidɔmbaije gə ŋgaŋgee béréré-béréré mbata seḭ gərje gao, kula gə́ seḭ raje ulaje rɔ sí ndubu keneŋ arje Mbaidɔmbaije lé a tel to né gə́ gə mḭdé el.

2 Njé gə́ Kɔrḭtə 13:5

Tenje meḛ sí-seḭ nja gə mba koo, see seḭ síje gə meekun nja ɓəi wa. Urje meḛ sí seḭ nja ooje. See seḭ ooje to gə́ Jeju Kristi to meḛ sí’g lé el wa. Nà mbata banelə kur gə́ seḭ urje meḛ sí lé a tel kila ne boo-rɔkul dɔ sí’g.

Njé gə́ Galati 2:4

Ta neelé oso mbata lə njé gə́ na̰je gə́ d’wa rɔ dee gə́ ŋgako̰ síje nɛ deḛ to gə́ njéhulaije gə́ d’andə mbuna sí’g gə ŋgəḭ ɓa, mba ŋgəḭ sí koo ŋgonkoji gə́ Jeju ɔm sí ne ta lé, yee ɓa deḛ ra gə mba kwa sí ne gə́ ɓər gogo ɓəi tɔ.

Njé gə́ Galati 5:1

Kristi ɔr sí dan ɓər’g mba kar sí j’isi gə́ ŋgankojije ya. Bèe ndá sije keneŋ njaŋg ɓó ar deeje tel d’ila sí pəgərə gin ɓər’g lé el ŋga.

Njé gə́ Galati 6:2

Taaje nékodo gə́ wɔi dɔ na̰’g, bèe ɓa seḭ a kunje ne godndu Kristi lé lad ya.

Njé gə́ Kolosə 1:23

Nɛ kar sí-seḭ naije dan meekun’g lə sí njaŋg, lal yəje rɔ sí keneŋ ləm, meekundayel gə́ wɔji dɔ Tagə́maji gə́ seḭ ooje mba̰ lé seḭ a tɔje pum kubaje kya̰je el ləm tɔ lé yee ɓa gə́ kuma̰. Tagə́maji neelé d’ila mberee d’ar nékundaje lə Ala lai gə́ d’isi gin dara’g d’oo ya ləm, ma Pool kara d’undam gə́ njekɔrgoo gée ya ləm tɔ.

1 Timote 2:15

Lé kalta nai dəa’g ɓəi kara ɓó lé yeḛ aw yururu ai mée sam-sam dɔ meekun’g ləm, gə dɔ meenoji’g ləma, gə dɔ meenda’g lé ləm tɔ ndá a kaji ne loo koji ŋganeeje’g ya.

1 Timote 4:16

Unda kəmkàr dɔ rɔi’g ləm, gə dɔ ta gə́ i ndoo dee’g ləm tɔ. Ai məəi sam-sam dɔ’g mbata loo gə́ i ra togə́bè ndá i a kaji ne rɔi ləm, gə deḛ gə́ taa taree tai’g ləm tɔ.

Ǝbrəje 12:15

Undaje kəmkàr dɔ rɔ sí’g mba kar dəw kára kara mbuna sí’g lal kiŋga noji lə Ala el, mba kar ŋgira meekad uba meḛ sí’g jugugu-jugugu el tɔ, nà dəwje d’a kaw ne pum-pum kunda ne mar deeje bula rəw tuji’g.

Maktub gə́ Jak ula ne ar ngan-Allaje 2:12

Lé riri gə́ seḭ paje əsé seḭ raje lé ndá ə̰jije ooje godndu gə́ wɔji dɔ ŋgankojije ɓa a gaŋg rəwta dɔ sí’g.

1 Piɛrə 2:16

Seḭ gə́ toje ŋgankojije lé arje ŋgonkoji lə sí to kubu kon dɔ némeeyèr el nɛ arje néra sí wa bua kuraje lə Ala ya.

1 Ja̰ 2:24

Seḭ lé ta gə́ seḭ ooje kédé gə́ dɔtar saar lé maji karee uru kəi meḛ sí’g ya ɓəi. Ɓó lé ta gə́ seḭ ooje kédé gə́ dɔtar lé uru kəi meḛ sí’g saar ɓəi ndá seḭ a kɔmje na̰’d sad gə Ŋgon lé ləm, gə Bɔ-dəwje lé ləm tɔ.

Loo gə́ killa rea kəm Ja̰’g 14:13

Ma m’oo ndu dəw ɓar dara pana: Maji kam m’ndaŋg ta nee mee maktub’g pana: Un kudee ɓasinè lé deḛ gə́ d’wəi gel Mbaidɔmbaije’g ndá rɔ dee a lel dee ya. Ndil lé pa bèe to pana: Oiyo, mba kar dee d’wa rɔ dee ta kula’g lə dee mbata kula ra dee gə́ maji lé orè goo dee ndəŋ.

Loo gə́ killa rea kəm Ja̰’g 22:14

Rɔlel nai gə deḛ gə́ togo kubu lə dee mba kiŋga rəw sɔ kandə kag kəmə lé ləm, əsé mba kiŋga rəw kandə ne mee ɓee’g neelé ləm tɔ.

1 Samel 12:14

Ɓó lé seḭ ɓəlje Njesigənea̰ ləm, seḭ raje né areeje ləm, seḭ ilaje koji dɔ godndiaje’g ləma, seḭ ɔsje ta lə Njesigənea̰ rəw el ləm tɔ ndá seḭ a naamje kaar Njesigənea̰, Ala’g lə sí, seḭ gə mbai gə́ njeko̰ sí lé na̰’d tɔ.