Maktub gə́ Jak ula ne ar ngan-Allaje 1:21 - Maktub gə́ To gə Kəmee

²¹ Gelee gə́ nee ɓa maji kar sí mbadje né gə́ ram gə́ rara kara ləm, gə né gə́ yèr gə́ rara kara ləm tɔ. Ta gə́ deḛ dubu meḛ sí’g lé ndá taaje gə meekul, yee ɓa seḭ a kajije ne ya.

Maktub gə́ Jak ula ne ar ngan-Allaje 1:21 ပူးပေါင်းရင်းမြစ်များ

Pakɔsje 25:9

Deḛ gə́ d’ula dɔ dee lé Yeḛ ɔr no̰ dee dan rəw gə́ danasur’g ləm, Deḛ gə́ d’ula dɔ dee lé Yeḛ ndoo dee rəw ləa ləm tɔ.

Esai 2:20

Mee ndəa’g neelé dəwje d’a kɔm magə-poleje lə dee gə́ deḛ ra dee gə larnda gə larlɔr gə mba kwa dee meḛ dee’g lé kar sḭsḭje gə dooje,

Esai 29:19

Njénékəmndooje d’a kal rɔ dee gə́ kédé-kédé gə mbata lə Njesigənea̰ ləm, Njéndooje d’a kar Njerɔkunda lə Israɛlje to gin boo-rɔkal lə dee ləm tɔ.

Esai 30:22

Larnda gə́ d’ɔr ne gir magəje lə sí lé Seḭ a kooje gə́ né gə́ mina̰, Larlɔr gə́ d’ula rɔ dee’g lé kara Seḭ a kɔmje kɔrɔ asəna gə né gə́ ndum bèe Paje ne pana: Aar raga!

Esai 61:1

Ndil Mbaidɔmbaije gə́ Njesigənea̰ dəb dɔm’g, Mbata Njesigənea̰ wa dɔm gə ubu Mba kam m’ila mber tagə́maji m’ar njénékəmndooje, Yeḛ ulam mba kam m’aji deḛ gə́ ɓəŋgərə dee ti dus ləm, Gə mba kam m’ila mber ta kɔr ɓər dɔ deḛ gə́ d’wa dee ɓər ləma, Gə ta kɔm deḛ gə́ d’udu dee duu-loo’g lé tar ləm tɔ ,

Ejekel 18:31

Kaltaje lə sí lai gə́ seḭ raje ne kaiya lé ubaje ya̰je. Maji kar meḛ sí tel to sigi ləm, kar takə̰jije lə sí tel to sigi ləm tɔ. Seḭ gel-bɔje lə Israɛl lé see gelee ban ɓa seḭ ndigi kwəije wa.

Ejekel 36:25

N’a saga mán gə́ àr yal-yal dɔ sí’g ndá seḭ a kàrje ne ŋgad-ŋgad. Rɔ mina̰je lə sí lai gə magəje lə sí lai lé n’a kɔr dee rɔ sí’g kar sí àrje ne ŋgad-ŋgad.

Soponi 2:3

Seḭ njékula dɔ síje lai gə́ dɔ naŋg neelé Maji kar sí saŋgje Njesigənea̰, Seḭ lai gə́ raje né gə́ ndukunje ləa wɔji lé! Maji kar sí ndolèje goo meekarabasur ləm, Gə saŋgje loo kula dɔ sí ləm tɔ. Banelə Njesigənea̰ a kya̰ sí ndɔ oŋg’d ləa.

Matiyo 5:5

Deḛ gə́ d’aw yururu lé rɔ dee lel dee, Mbata d’a kiŋga dɔ naŋg gə́ nékwanduba lə dee ya.

Tagə́maji gə́ Ja̰ ndang 6:63

Ndil ɓa gə́ njekula kəmə meḛ dəwje’g ɓó dakasrɔ lé askəm ra né el. Taje gə́ ma m’ula sí lé to ta gə́ ka̰ ndil lé ləm, gə ka̰ kəmə lé ləm tɔ.

Tagə́maji gə́ Ja̰ ndang 6:68

Simo̰ Piɛrə ilá keneŋ pana: Mbaidɔmbaije, see jeḛ j’a kawje gə́ rɔ na̰’g to wa. I nja si gə ta gə́ ar sí j’isi ne gə kəməgə́ gə no̰ lé.

Néra Njékaḭkulaje 10:33

Léegəneeya ma m’ula-kula m’ɓari ndá i ra maji ɔd ree tɔ. Ɓasinè lé jeḛ lai j’isi no̰ Ala’g gə mba koo né gə́ Mbaidɔmbaije un ndia ari gə mba kari ula sí lé ŋga.

Néra Njékaḭkulaje 13:26

Ŋgakɔmje gə́ dəwje gə́ toje ŋgaka Abrakam ləm, gə seḭ gə́ ɓəlje Ala lé ləm tɔ lé ta kaji neelé d’ula ne d’ar sí-seḭ ya.

Njé gə́ Rɔmə 1:16

Mbata m’ra kəmkul dɔ Tagə́maji’g lé el: yee to siŋgamoŋ lə Ala gə mba kaji nana ɓa gə́ ɔm mée dɔ’g lé Jibje kédé ɓa Grekje keneŋ ɓəi.

Njé gə́ Rɔmə 11:17

Kag-koiyo lé ɓó lé deḛ tuga barkəmeeje gə́ na̰je nɛ i gə́ to gə́ koiyo gə́ mee kɔr’g lé deḛ d’ḭjai ree kɔdé kəm kagɓee d’ulai tor barkəmeeje gə́ tuga lé mba kari orè na̰ gə kagɓee dɔ ŋgira’g ləm, gə dɔ bodee’g ləm tɔ

Njé gə́ Rɔmə 6:17

Maji kar dɔkaisəgərə nai gə Ala ya mbata kédé seḭ toje ɓərje lə kaiya nɛ ɓasinè seḭ ḭje gə meḛ sí ilaje ne ŋgonkoji dɔ ta gə́ d’ar sí gə́ né ndɔji sí dana par-par.

1 Njé gə́ Kɔrḭtə 15:2

Ɓó lé seḭ undaje meḛ sí dɔ taree’g bururu to gə́ ma m’ndoo sí lé ndá mbɔl dəa ɓa seḭ a kajije ne ya. Ɓó lé bèe el ndá meekun lə sí a to né gə́ gə mḭdé ba ya.

2 Njé gə́ Kɔrḭtə 7:1

Seḭ gə́ m’unda sí dan kəm’g lé to gə́ ndukunje nee gə́ yeḛ un ar sí to togə́bè ndá ar sí n’togoje néje gə́ mina̰ gə́ gə ria-ria gə́ tia̰ darɔ sí’g gə ndil sí’g ləm, ar sí m’ɓəlje Ala mba kar meenda lə sí maji ɔr njoroŋ ləm tɔ.

Njé gə́ Epesə 1:13

Seḭje kara loo gə́ seḭ ooje ta gə́ tɔgərɔ lé to Tagə́maji gə́ seḭ ajije ne, seḭ ɔmje ne meḛ sí dəa’g ndá yeḛ ar sí Ndilmeenda gə́ Ala un ndia gə mba kar sí lé unda sí ne gə dɔ jia.

Njé gə́ Epesə 4:22

mba kar sí bɔrje dɔ sí mbɔji, ɔrje rɔ dəw gə́ ləw gə ndum néreaje lai gə́ su ne kəm sí lé

Njé gə́ Epesə 4:25

Gelee gə́ nee ɓa, maji kar sí ɔgje ta sí dɔ taŋgɔm’g. Nɛ kankəmta ɓa, maji kar nana kara aree teḛ təa’g ar maree, mbata jeḛ lai jeḛ n’toje barkəmrɔ na̰.

Njé gə́ Epesə 5:4

Ta rɔkul ləm, gə sor mbə ləma, gə kəsta kula sul dɔ na̰’g ləm tɔ lé néje gə́ mina̰ togə́bè lé to kəm to̰ tamee pai el, nɛ ta ra Ala oiyo ɓa areeje teḛ ta sí’g.

1 Njé gə́ Tesalonikə 1:5

Mbata tagə́maji lə sí lé j’ila mberee j’ar sí gə ta gə́ teḛ ta sí’g gə karee el nɛ Ndilmeenda ɓa nai sə sí keneŋ ar sí j’ula ta meḛ sí’g gə siŋgamoŋ ləa-yeḛ ləm, ar sí gərje ta lə sí gə́ kankəmta ləm tɔ. Tɔgərɔ ya seḭ ooje né gə́ jeḛ n’ra mbuna sí’g lé to togə́bè mbata lə sí ya.

1 Njé gə́ Tesalonikə 2:13

Gelee gə́ nee ɓa, jeḛ n’ra ne Ala oiyo ɓó j’əw ne rɔ sí el mbata loo gə́ seḭ taaje ta lə Ala gə́ jeḛ j’ula sí lé seḭ taaje gə meḛ sí, ooje gə́ kankəmta lə Ala gə́ ra kula meḛ sí-seḭ gə́ ɔmje meḛ sí dəa’g ɓó seḭ ooje gə́ tapa dəwje gə́ kari ba el.

Titə 2:11

Tɔgərɔ ya, noji lə Ala lé kila rəa gə́ raga ndəgəsə mba kar dəwje lai d’aji ne kədərə.

Ǝbrəje 12:1

Jeḛ kara njékoo sə sí géeje gə́ d’aḭ dɔ sí sub lé d’isi ɗəŋ-ɗeŋ. Bèe ndá né gə́ ar rɔ sí wɔi ndiŋ-ndiŋ ləm, gə kaiya gə́ biri sí ləm tɔ lé ar sí j’ɔmje kɔrɔ ləm, ar sí j’aḭje gə meekai sam-sam gə kankəm rəw gə́ to tag no̰ sí’g ləm tɔ.

Ǝbrəje 2:3

ndá ɓó lé jeḛ ndoo bao dɔ boo-kaji gə́ Mbaidɔmbaije ila mberee kédé ləm, deḛ gə́ d’oo ta ləa təa’g d’ɔr ginee d’ar sí j’oo ləm tɔ ndá see j’a kiya rɔ sí ra ɓa mba kar ta wa dɔ sí el wa.

Ǝbrəje 4:2

Mbata Tagə́maji gə́ d’ula sí lé d’ula dee-deḛ tɔ, nɛ deḛ lé ta gə́ d’ula dee tel to gə́ sin mbata deḛ d’oo ya, nɛ d’ɔm meḛ dee dɔ’g el.

Maktub gə́ Jak ula ne ar ngan-Allaje 4:8

Rəmje pər gə́ rɔ Ala’g ndá yeḛ a rəm pər gə́ rɔ sí’g tɔ. Seḭ kaiya-dəwje, togoje ji sí, seḭ gə́ meḛ sí bəŋgərə sí lé ɔrje won kaiya meḛ sí’g tɔ.

Maktub gə́ Jak ula ne ar ngan-Allaje 5:20

yeḛ kara maji karee gər gao, yeḛ gə́ njekɔr njekaiya rəw ndəm’g lé to njetaa maree ta yoo’g o̰ ne dɔ kaiyaje bula ləm tɔ.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.

1 Piɛrə 1:9

Kaji gə́ d’a kaji sí lé yee ɓa gə́ néngwɔd gə́ seḭ aḭje gə meekun lə sí gə mba kiŋgá ya.

1 Piɛrə 2:1

Bèe ndá meeyèrje gə́ ɓəd-ɓəd ləm, gə gosɔyèr gə́ ɓəd-ɓəd ləm, gə meekas gə́ ria-ria ləm, gə kəmkəḭ ləma, gə ta gə́ tədje ləm tɔ lé uba deeje ya̰ deeje.

1 Piɛrə 2:11

Seḭ gə́ ma m’unda sí dan kəm’g gə́ awje dɔ naŋg nee asəna gə mbáje ləm, gə njédə̰tarje ləm tɔ lé ma m’ndəji sí mba kar sí ɔgje rɔ sí dɔ mal né gə́ ka̰ darɔ gə́ rɔ gə meḛ sí lé.