Maktub gə́ Jak ula ne ar ngan-Allaje 1:19 - Maktub gə́ To gə Kəmee

¹⁹ Ŋgakɔmje gə́ m’unda sí dan kəm’g, maji kar sí gərje ta nee gao ya. Tɔɓəi maji kar dəw gə́ rara kara orè mbia ndəŋ dɔ ta gə́ yeḛ oo ɓó ḭ rad mba pata pəd el ləm, əsé ar oŋg ḭ səa jugugu el ləm tɔ,

Maktub gə́ Jak ula ne ar ngan-Allaje 1:19 ပူးပေါင်းရင်းမြစ်များ

Nehemi 8:18

Deḛ tura maktub godndu Ala gə ndɔje kára-kára lai, un kudee ndɔ gə́ dɔtar ya saar teḛ ne rudu ndɔ’g. Deḛ ra naḭ as ndɔ dee siri ndá deḛ ra loo-mbo̰-dɔ-na̰ gə́ to gə kəmee mee ndɔ gə́ njekɔm’g jinaijoo’g to gə́ ndukun wɔji lé tɔ.

Nehemi 9:17

Deḛ mbad kula dɔ dee ləma, Deḛ d’ar meḛ dee wəi dɔ néraije gə́ dumkoo’g Gə́ i ra mbata maji lə dee ləm tɔ. Deḛ d’uba gwɔbkelkwɔi, Gə goo kɔs ta rəw lə dee lé Ndá deḛ ra dɔ-kədərə Mba tel dɔ kula ɓər’g gogo. Nɛ i to Ala gə́ si pèrèrè Gə mba kar məəi oso lemsé ləm, I to njemeekaw taḭ-taḭ Gə njemeekɔrjol ləm tɔ, Oŋg ḭ səi kalaŋ el ləm, I to bao-meemaji ləm tɔ Ndá i uba dee ya̰ dee el.

Nehemi 9:3

Loo gə́ deḛ d’aar loo-kaar dee’g mba̰ ndá deḛ tura maktub godndu Njesigənea̰, Ala lə dee as kàr munda mee ndəa’g lé ləm, deḛ teggin kaiyaje lə dee as kàr munda gə́ raŋg ləm tɔ ndá deḛ d’unda ne barmba no̰ Njesigənea̰, Ala’g lə dee ya.

Maktub gə́ wɔji dɔ Jɔb 32:16

Ma m’ŋgina nɛ seḭ paje ta el ləm, Seḭ əwje rɔ sí ɓó seḭ ooje ta gə́ kəm kilá’g el ləm tɔ.

Gosota-Kəmkàrje 10:19

Dəw gə́ pata yaa̰-yaa̰ lé A lal ra kaiya el, Nɛ yeḛ gə́ ɔg təa dɔ’g lé To dəw gə́ kəmee àr.

Gosota-Kəmkàrje 13:3

Yeḛ gə́ aa dɔ tapeaje ndá Ŋgəm kankəmrea, Yeḛ gə́ pata lal kḛji gelee lé Aḭ gə́ loo tuji’g.

Gosota-Kəmkàrje 14:17

Dəw gə́ oŋg ḭ səa kalaŋ lé ra némbə, Dəw gə́ gosɔyèr taa mée pəl-pəl ndá d’ə̰jee bəḭ-bəḭ tɔ.

Gosota-Kəmkàrje 14:29

Yeḛ gə́ ar oŋg ḭ səa kalaŋ-kalaŋ el lé To bao-gosonégər, Nɛ yeḛ gə́ ar oŋg ḭ səa kalaŋ-kalaŋ lé Riba dɔ néra mbə ləa gə́ raga.

Gosota-Kəmkàrje 15:18

Dəw gə́ njemeekḭ jugugu ɔs gel takɔlje, Nɛ yeḛ gə́ ar oŋg ḭ səa kalaŋ el lé Gɔl takɔl na̰ ya.

Gosota-Kəmkàrje 15:2

Ndo̰ njékəmkàrje ar mal gər né ra dəwje, Nɛ ta mbə-dəwje teḛ gə néra mbə gə́ raga-raga.

Gosota-Kəmkàrje 16:32

Yeḛ gə́ ar oŋg ḭ səa kalaŋ el lé Maji unda bao-rɔ ləm, Yeḛ gə́ to dəw dɔ rəa lé ɓa Maji unda yeḛ gə́ njetaa ɓee-booje ləm tɔ.

Gosota-Kəmkàrje 17:14

Kun kudu ta kɔl na̰ lé To kɔr kəm dṵgaso kar mán ɔd ne, Kédé ɓa mba kar tamaḭ gə kɔl ḭ ɓəi lé Ɔr rɔi gə́ gogo.

Gosota-Kəmkàrje 17:27

Yeḛ gə́ gər goo tapeaje lé To njegərgin né ləm, Yeḛ gə́ mée kul lɔm lé To gə́ njegosonégər ləm tɔ.

Gosota-Kəmkàrje 18:13

Dəw gə́ ila ta’g ɓad ɓa oo ginee ɓəi lé Ra némbə ar rɔkul dəb ne dəa’g.

Gosota-Kəmkàrje 18:21

Kandə ta gə́ teḛ ta dəw’g lé Askəm tel to nésikəmba ləa ləm gə gel yée ləm tɔ, Yeḛ gə́ ndigi ta yaa̰ lé a koo keán tɔ.

Gosota-Kəmkàrje 19:11

Njekəmkàr lé ar oŋg ḭ səa kalaŋ el ləm, Kar mée wəi dɔ majel gə́ deḛ ra səa’g lé ɓa gə́ nérɔnduba ləa ləm tɔ.

Gosota-Kəmkàrje 19:19

Yeḛ gə́ ar oŋg al dəa sula ndá lé riri kara a koo kea̰, Mbata ɓó lé i ɔree keneŋ ndá yeḛ a tel ra ya tɔɓəi.

Gosota-Kəmkàrje 21:23

Yeḛ gə́ aa dɔ təa ləm gə ndəa̰ ləm tɔ lé Yeḛ aa ne rəa kər-kər dɔ néurtije’g,

Gosota-Kəmkàrje 25:28

Dəw gə́ to dəw dɔ rəa el lé To asəna gə ɓee-boo gə́ deḛ tuji ndògo-bɔrɔ ləa d’aree godo.

Gosota-Kəmkàrje 29:20

Ɓó lé i oo dəw gə́ pata kalaŋ-kalaŋ lal kḛji gintaje ləa ndá Né gə́ i askəm kunda məəi yel dɔ’g gə mba kiŋga rɔ mbə-dəw’g lé ur dɔ kea̰’g ya.

Bula lə Israɛlje 22:27

Ko̰-mulayḛ̀je lé oo kura lə Njesigənea̰ lé ndá yeḛ guru naŋg rug gel Balaam’g. Oŋg lə Balaam ḭ səa pu aree kunda ko̰-mulayḛ̀je lé gə kag.

Matiyo 5:22

Nɛ ma nja m’ula sí woḭ, nana ɓa gə́ ra meeko̰ dɔ ŋgokea̰’g ndá d’a koso səa loo-gaŋg-rəwta’g ya. Yeḛ gə́ taji ŋgokea̰ ɓaree mbə lé ndá d’a koso səa loo-gaŋg-rəwta lə Jibje. Yeḛ gə́ ɓar ŋgokea̰ kɔr ndá pər gehene’g ɓa gə́ bo̰ nérea gə́ a kɔs təa’g.

Mark 12:37

Dabid nja kara ɓaree Mbaidɔmbaije tɔ. Bèe ndá see yeḛ a to gə́ ŋgonee loo gə́ ra’g ɓəi wa. Ta gə́ yeḛ ndoo boo-dəwje neelé lel dee yaa̰ tɔ.

Mark 2:2

ndá boo-dəwje gə́ bula digi-digi d’wa dɔ na̰ gir-gir ar loo gə́ takəi’g na dee tas. Yeḛ un kudu kula dee ta.

Lugu 15:1

Njétaa lar-gədɓeeje lai ləm gə kaiya-dəwje ləm tɔ kiri na̰ dɔ Jeju’g mba koo ta ləa.

Lugu 19:48

Nɛ deḛ d’oo loo gə mba kwá el mbata ta gə́ yeḛ ndoo dee lé ar kaar boo-dəwje lai wa dee paḭ.

Néra Njékaḭkulaje 1:15

Mee ndəa’g neelé ŋgako̰ na̰je gə́ mbo̰ dɔ na̰ lé d’aḭ tɔl gə dɔ dee rɔ-joo. Piɛrə uba naŋg ḭta dan dee’g ula dee pana:

Néra Njékaḭkulaje 10:33

Léegəneeya ma m’ula-kula m’ɓari ndá i ra maji ɔd ree tɔ. Ɓasinè lé jeḛ lai j’isi no̰ Ala’g gə mba koo né gə́ Mbaidɔmbaije un ndia ari gə mba kari ula sí lé ŋga.

Néra Njékaḭkulaje 13:48

Loo gə́ njépole-magəje d’oo ta neelé ndá deḛ ra rɔlel d’ula ne rɔnduba dɔ ta’g lə Mbaidɔmbaije. Deḛ lai gə́ d’wa kəmə gə́ gə no̰ d’wɔji ne dɔ dee lé d’un meḛ dee tɔ.

Néra Njékaḭkulaje 17:11

Jibje neelé takə̰ji lə dee inja paw unda ka̰ njé gə́ Tesalonik, deḛ taa kankəmta lé rəgm gə ndɔ dee ndɔ dee. Deḛ tura maktub gə́ to gə kəmee tɔs kəm dee dɔ’g bao-bao gə mba koo see ta gə́ d’ula dee lé see to gə goo rəbee ya wa.

Néra Njékaḭkulaje 2:42

Deḛ d’wa meḛ dee kɔgərɔ dɔ ta gə́ njékaḭkulaje ndoo dee lé, d’wa sə dee dɔ na̰ ləm, deḛ d’o̰ sə dee muru ləma, deḛ ra sə dee tamaji na̰’d ləm tɔ.

Njé gə́ Epesə 4:26

Ɓó lé oŋg ḭ sə sí ndá raje ne kaiya el ləm, arje kàr andə sí dɔ oŋg’g lə sí el ləm tɔ.

Njé gə́ Epesə 4:31

Meekad ləm, gə ba̰ gə́ gə ria-ria ləm, gə oŋg ləm, gə kɔl na̰ gə oŋg ləm, gə tajikil ləma, gə meeyèr gə́ gə ria-ria ləm tɔ lé saneeje dan sí’g kɔ ya.

Njé gə́ Kolosə 3:15

Maji kar meelɔm lə Kristi taa meḛ sí pəl-pəl, yee ɓa yeḛ ɓar sí ne mba kar sí toje kubururɔ dəw gə́ kára ba. Maji ra Ala oiyo tɔ.

Njé gə́ Kolosə 3:8

Nɛ ɓasinè lé maji kar sí undaje néje lai neelé ɓad: Oŋg ləm, gə ba̰ ta ləm, gə meeyèr ləm, gə ndá ta gə́ təd ləma, gə ta gə́ ərm gə́ rara kara gə́ askəm teḛ ta sí’g ləm tɔ.

1 Njé gə́ Tesalonikə 2:13

Gelee gə́ nee ɓa, jeḛ n’ra ne Ala oiyo ɓó j’əw ne rɔ sí el mbata loo gə́ seḭ taaje ta lə Ala gə́ jeḛ j’ula sí lé seḭ taaje gə meḛ sí, ooje gə́ kankəmta lə Ala gə́ ra kula meḛ sí-seḭ gə́ ɔmje meḛ sí dəa’g ɓó seḭ ooje gə́ tapa dəwje gə́ kari ba el.

Maktub gə́ Jak ula ne ar ngan-Allaje 1:16

Ŋgakɔmje gə́ m’unda sí dan kəm’g, maji kar sí ərje kəm rɔ sí el.

Maktub gə́ Jak ula ne ar ngan-Allaje 1:2

Ŋgakɔmje, néje gə́ kədərə ɓəd-ɓəd gə́ naa sí lé maji koo deeje gə́ nérɔlel ya,

Maktub gə́ Jak ula ne ar ngan-Allaje 1:26

Ɓó lé dəw gə́ rara ɓa, ə̰ji mée’g pana: Neḛ n’to dəw gə́ tədkag Ala, nɛ yeḛ ar təa to kwɔji el ndá yeḛ ər kəm rəa, kag Ala gə́ yeḛ pana: Neḛ təd lé to né gə́ sḭ ɓəi tɔ.

Maktub gə́ Jak ula ne ar ngan-Allaje 2:1

Ŋgakɔmje, seḭ gə́ unje meḛ sí arje Jeju Kristi Mbaidɔmbaije lə sí gə́ d’ula rɔnduba dəa’g mba̰ lé maji kar sí ɔrje kəm dəw kára kara el.

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.

Maktub gə́ Jak ula ne ar ngan-Allaje 3:10

Ta sí kára ba ya teḛ gə ndu tɔr ləm, gə yoo-kɔr ləm tɔ. Ŋgakɔmje, maji karee to togə́bè el.

Maktub gə́ Jak ula ne ar ngan-Allaje 4:11

Ŋgakɔmje, paje gə na̰ ta gə́ majel el. Yeḛ gə́ pata gə́ majel ila dɔ ŋgokea̰’g əsé un dəa dɔ nérea’g ndá yeḛ pata gə́ majel ila dɔ godndu’g lé ləm, yeḛ to njegaŋ-rəwta dəa’g ləm tɔ. Ɓó lé i gaŋg rəwta dɔ godndu’g ndá i to njera née el nɛ i to njegaŋ-rəwta dəa’g.

Maktub gə́ Jak ula ne ar ngan-Allaje 5:12

Ŋgakɔmje, ta gə́ m’pa neelé dum mareeje gə́ kédé: Ubuje rɔ sí gə ri dara el ləm, əsé gə dɔ naŋg nee el ləma, əsé gə né gə́ rara kara el ləm tɔ. Nɛ maji kar sí pajena: Tɔgərɔ ndá tɔgərɔ ya, əsé a paje: Wah! ndá wah tɔ. Togə́bè ɓa seḭ a kosoje ne dan ta’g el.

Maktub gə́ Jak ula ne ar ngan-Allaje 5:19

Ŋgakɔmje, ɓó lé dəw kára mbuna sí’g ɔs rəw kankəmta pad lal ndəm igi wɔrɔg ɓa maree ndolee iŋgá rəm səa lée’g gogo

1 Ja̰ 2:21

Ma m’ndaŋg maktub nee m’ar sí mbata kankəmta gə́ seḭ lalje gərje lé el nɛ m’ndaŋg m’ar sí mbata seḭ gərje kankəmta mba̰ ləm, mbata taŋgɔm kára kara a kḭ dan kankəmta’g nda̰ el ləm tɔ.