Maktub gə́ Jak ula ne ar ngan-Allaje 1:11 - Maktub gə́ To gə Kəmee

¹¹ Kàr uba dor ɔs keḭ-keḭ ar mu ndòlé ləm, ar puduje gəḭ ləma, ar majee gə́ bə̰dərə bə̰ lé sané kad ləm tɔ. Togə́bè ɓa, bao kara a dəs koso kas loo-kula’g ləa bèe tɔ.

Maktub gə́ Jak ula ne ar ngan-Allaje 1:11 ပူးပေါင်းရင်းမြစ်များ

2 Samel 22:46

Deḛ gə́ d’ḭ dɔ ɓee gə́ raŋg’d lé Siŋga dee godo ləm, Deḛ d’unda loo kəi-kaar-kɔgərɔ’g lə dee teḛ, D’unda bala tigi-tigi ləm tɔ.

Pakɔsje 102:11

Mbata oŋg gə meeko̰ ləi gə́ ḭ səi jugugu lé, Mbata i unm undam ne piriŋ ilam ne əw ya.

Pakɔsje 102:4

Mbata ndɔje ləm lé sané kad to gə́ sa pər bèe ləm, Siŋgarɔmje taa pər gəgəgə to gə́ ta kir bèe ləm tɔ.

Pakɔsje 103:15

Dəw lé ndɔ ləa to asəna gə ndɔ ka̰ muje bèe ləm, Yeḛ to asəna gə puduje gə́ mee ndɔje’g bèe ləm tɔ.

Pakɔsje 37:2

Mbata deḛ lé ndòlé kalaŋ to gə́ mu bèe ləm, Deḛ gəḭ to gə́ gum mu gə́ təb bèe ləm tɔ.

Pakɔsje 39:6

Aa oo, i lé mbo̰ ndɔje ləm na̰’d Ar dee tad d’asəna gə dabla ji dəw bèe ləm, Kisi gə́ m’isi dɔ naŋg nee kara To né gə́ əḭ kəmi’g el ləm tɔ. Tɔgərɔ ya, dəw gə́ rara gə́ aar tar lé To asəna gə kəmə gə́ kila pugudu bèe.

Pakɔsje 90:6

Mu lé teḛ gə ndɔ ndá idi lururu, Nɛ waga ndá deḛ d’inja d’aree wa mèŋgèŋgḛ̀.

Njekillamber 5:15

Yee neelé to némajel gə́ boo ya tɔɓəi. Yeḛ tel aw naŋg to gə́ yeḛ ree ne lé ya. Kula gə́ yeḛ ra ar lel ɓa sané ne bèe lé See ɗi ɓa yeḛ iŋga keneŋ wa.

Esai 28:1

Meeko̰ a koso dɔ ɓee-boo gə́ Samari Gə́ to dɔgugu-beelé lə Eprayimje Gə́ to njéra ɓər lə kidoje lé ləm, Gə pudu gə́ to néɗɔi-rɔ dɔ wəl-loo gə́ aar kó’g Gə́ wɔji dɔ deḛ gə́ d’ar kido tɔs dee ndəgərə naŋg lé ləm tɔ.

Esai 28:4

Ndá pudu gə́ ndòlé gə́ to néɗɔi-rɔ Dɔ wəl-loo gə́ aar kó’g lé A to kasəna gə kandə kodé gə́ kas Gə́ d’oo kédé ɓa naḭ kḭjá teḛ ɓəi lé Loo gə́ dəw ti wa jia’g ndá Sɔ gə́ lé gən ya.

Esai 49:10

Ɓó a tɔl dee el ləm, Kṵdaman a tɔl dee el ləma, Pər kàr gə́ nuŋga kəd-kəd gə kàr lé D’a kula kəm dee ndòo el ləm tɔ Mbata yeḛ gə́ mée aw taḭ-taḭ dɔ dee’g lé A to njekɔrno̰ dee Ndá yeḛ a kɔr no̰ dee par gə́ kəm-rəw-manje’g.

Matiyo 13:6

Yee ḭ wububu mbata naŋg to keneŋ ŋgwɔidɔ bèe, nɛ loo gə́ kàr ɔs keneŋ ndá wa mèŋgèŋgḛ̀, ndòlé mbata ŋgirá wa naŋg el.

Matiyo 20:12

d’ulá pana: Deḛ gə́ ree ra kula goo sí’g gə kuree waga ba ya ɓəi gə́ i ar dee lar askəm dee, nɛ ban ɓa see jeḛ gə́ n’ree gə ndɔ rad ya n’ra kula saar-saar n’dao ləm, kàr kara ula sí ndubu yaa̰ nee ɓa ra sə sí bèe wa.

Matiyo 6:30

Ɓó lé Ala ar muje d’ḭ ma̰də nɛ mu gə́ ḭ ma̰də ndɔ kára ba d’inja yel ne pər mee pil’g nɛ ɓəd ɓa see Ala a lal kar sí kubu-kula-rɔ sí’g wa, seḭ njémeekunje gə́ əḭ el.

Mark 4:6

Waga ba ya, loo gə́ kàr ɔs ndá kàr ɔsee aree tudu wa gɔgɔgɔ mbata ŋgira aw naŋg yaa̰ el.

1 Njé gə́ Kɔrḭtə 7:31

deḛ gə́ d’un néje gə́ dɔ naŋg ra ne kula lé maji kar dee d’isi d’asəna gə dəwje gə́ d’ar néje gə́ dɔ naŋg nee wa meḛ dee yaa̰ el ləm tɔ. Mbata dɔ naŋg neelé a gə tel wagəsa ɓəi.

1 Piɛrə 1:4

Yee ɓa j’iŋga ne nénoji gə́ a kunda naŋg el ləm, a mina̰ el ləma, a ndòlé el ləm tɔ gə́ yeḛ unda kul dara

1 Piɛrə 5:4

Loo gə́ mbai gə́ njekulbadje lé a kunda loo teḛ ndá seḭ a kiŋgaje dɔgugu gə́ a go̰dərɔ el gə́ yeḛ a kula ne rɔnduba dɔ sí’g.