Jakari 9:9 - Maktub gə́ To gə Kəmee

⁹ Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Jakari 9:9 ပူးပေါင်းရင်းမြစ်များ

1 Mbaije 1:38

Togə́bè ɓa Sadɔk, njekinjanéməs aw gə Natan, njetegginta ləm, gə Benaja, ŋgolə Jeojoda ləma, gə Keretje gə Peletje ləm tɔ, deḛ d’ar Salomo̰ uba ko̰ kunda-mulayḛ̀je lə mbai Dabid ndá deḛ d’aw səa Giho̰ tɔ.

Pakɔsje 149:2

Maji kar Israɛlje nda meḛ dee kaḭ Dɔ yeḛ gə́ to njekunda dee’g ləm, Ŋganje gə́ Sio̰ kara maji kar dee d’isi dan boo-rɔlel’g Mbata yeḛ to mbai lə dee ləm tɔ.

Pakɔsje 2:6

Yeḛ pana: Yeḛ gə́ n’undá gə́ mbai lé Neḛ nja n’wa dəa gə ubu. Dɔ mbal’g lə neḛ gə́ Sio̰ gə́ to gə kəmee doi!

Pakɔsje 45:1

Pa lə Koréje gə́ d’ar bao-pa mba karee ɔs sə dee lé. To pa gə́ d’ɔs d’wɔji ne dɔ kunda na̰ dan kəm na̰’d.

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 30:6

Ndərta gə́ wɔji dɔ da-kulje gə́ kel dɔkɔl! Deḛ d’unda mee ɓee gə́ néurti gə nékəmndoo to keneŋ gaŋg, To loo gə́ ko̰ toboḭ gə bɔ toboḭ ree keneŋ ləm, Li-meewai gə da-kɔb gə́ ḭ gə bagee ree keneŋ ləm tɔ, Deḛ d’odo nékiŋgaje lə dee gir mulayḛ̀je-je’g lə dee ləm, D’odo nébaoje lə dee dɔ dun jambalje’g ləm tɔ D’aw ne d’ar koso-dəwje gə́ d’askəm ra né kára kara mbata lə dee el.

Esai 33:22

Mbata Njesigənea̰ lé to njégaŋ-rəwtaje lə sí ləm, Njesigənea̰ lé to njekar sí godndu ləm, Njesigənea̰ to mbai lə sí ləma, Yeḛ nja ɓa gə́ njekaji sí ləm tɔ.

Esai 40:9

Seḭ gə́ síje Sio̰ lé Ubaje dɔ mbal gə́ ŋgal léŋgé-léŋgé Gə mba kila mber ta gə́ maji, Seḭ gə́ síje Jerusalem lé Ɔrje ndu sí gə́ tar wəl Gə mba kila mber ta gə́ maji, Ɔrje ndu gə́ tar ɓó ɓəlje el, Ulaje ɓee-booje gə́ Juda pajena: Aa ooje Ala lə sí lé,

Esai 43:11

To ma nja ɓa m’to Njesigənea̰, Ɓó lé ma m’godo ndá Njekaji kára kara godo tɔ.

Esai 43:3

Mbata ma m’to Njesigənea̰, Ala lə sí, Njerɔkunda lə Israɛlje to gə́ njekaji sí, Ma m’ar Ejiptə gə́ nékoga dɔ sí ləm, Ma m’ar Etiopi gə Saba m’taa ne tor sí ləm tɔ.

Esai 45:21

Paje taree gə́ raga ləm Tɔjije né gə́ ɔr ginee gə́ raga ləm tɔ! Maji kar dee dəji na̰ ta dɔ’g! See na̰ ɓa pata néje nee Gə́ a gə ree kédé gə́ dɔtar ləm, Ila mberee kédé gə́ ləw ləm lé wa. See to ma Njesigənea̰ el wa. Ala gə́ raŋg godo, Ma nja m’to Ala kára ba kiao Gə́ m’to njera nédanasur ləm, M’to njekaji dəwje ləm ləm tɔ.

Esai 52:7

Dəw gə́ ḭ dɔ sém mbal’g ree ula sí tagə́maji ləm, Gə́ ila mber ta gə́ wɔji dɔ meekulɔm ləm, Yeḛ gə́ ula sí tagə́maji ləm, Gə́ ila mber ta gə́ wɔji dɔ kaji ləma, Yeḛ gə́ ula njé gə́ Sio̰ pana: Ala lə sí lé o̰ ɓee ləm tɔ lé Gɔlee to njam-njam.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 62:11

Aa ooje, ta gə́ Njesigənea̰ ila mberee Aree oso gə loo mbidi-mbidi dɔ naŋg nee pana: Ulaje koso-dəwje gə́ Sio̰ pajena: Aa ooje, njekaji sí si aw gə́ rɔ sí’g nee, Aa ooje, nékoga-dɔ-ji ləa lé to meḛ jia’g ləm, Nékoga-dɔ-jia lé to nea̰’g ləm tɔ.

Jeremi 30:9

D’a ra kula kar Njesigənea̰, Ala lə dee ləm, d’a kar Dabid, mbai lə dee gə́ m’a karee ḭ mbuna dee’g ləm tɔ.

Ejekel 21:32

Né gə́ tuji, né gə́ tuji, n’a kar Jerusalem tel to né gə́ tuji! Nɛ néje neelé a teḛ el ya saar kar dəw gə́ ta sariya wɔji dəa lé a ree ndá n’a kɔm ta sariya dəa’g.

Ojee 1:7

Nɛ m’a kar məəm ti mbidi dɔ koso-dəwje gə́ Juda ya, ɓandaŋg, əsé kiambas, əsé nérɔ, əsé njérɔ gə kundaje ɓa m’a kaji dee ne el nɛ jim-ma Njesigənea̰, Ala lə dee ɓa m’a kaji dee ne ya.

Misee 4:8

Bèe ɓa i dɔdḭ ŋgəm koso-nékulje ləm, Gə dɔdərloo lə ɓee-boo gə́ Jerusalem ləm tɔ lé Ko̰ɓee ləi gə́ ləw lé a tel gə́ rɔi’g, To ɓeeko̰ lə ɓee-boo gə́ Jerusalem tɔ.

Misee 5:2

Gelee gə́ nee ɓa yeḛ a kuba dee ne kya̰ dee Saar kar yeḛ gə́ a gə koji ŋgon lé A kojee ya ləm, Saar kar ges ŋgakea̰je gə́ nai lé D’a tel ree kiŋga ne Israɛlje ləm tɔ.

Jakari 2:10

Njesigənea̰ pana: Seḭ gə́ ma m’sané sí dɔkum looje gə́ sɔ lé Maji kar sí ḭje ɓee gə́ dɔgel aḭje. Njesigənea̰ pa bèe.

Matiyo 1:21

Yeḛ nja a kaji dəwje ləa kɔr dee ne dan kaiyaje’g lə dee.

Matiyo 11:29

Ulaje dɔ sí ləm, taaje néməməna̰ ləm ləma, taaje ne ta ləm gə́ m’wɔji sí lé ndaŋgje dɔɓəŋgərə sí’g ləm tɔ mbata ma m’to dəw gə́ kul ləm, m’ula dɔm m’aw yururu ləm tɔ. Togə́bè ɓa seḭ a kiŋgaje loo-kwa-rɔ sí keneŋ.

Matiyo 2:2

Deḛ dəji pana: Mbai lə Jibje gə́ d’ojee lé see to loo gə́ ra wa. Mbata jeḛ j’oo kérèmé ləa bər ndá jeḛ n’ree mba kwá meḛ sí’g.

Mark 11:7

Deḛ ree gə ŋgon mulayḛ̀je lé d’ar Jeju ndá deḛ d’ɔm kubuje lə dee giree’g d’ar Jeju uba dəa ɗao si keneŋ.

Lugu 24:27

Tɔɓəi un ginee ɓee lə Moyis gə ɓee lə njéteggintaje lai lé yeḛ ɔr sə dee gintaje lai gə́ to mee maktub gə́ to gə kəmee gə́ pata wɔji ne dəa-yeḛ lé ar dee ya.

Tagə́maji gə́ Ja̰ ndang 1:49

Natanaɛl tel ilá keneŋ pana: Rabi, i lé to Ŋgon-Ala nja, i to mbai lə Israɛlje nja tɔ.

Tagə́maji gə́ Ja̰ ndang 19:15

Nɛ deḛ ra né u-u-u pana: Ɔd səa aw ɗaree gə́ ɗar ya! Pilatə dəji dee pana: See mbai lə sí lé nja m’a ɗaree wa. Mbai dɔ njékinjanéməsje-je d’ilá keneŋ pana: Sesar ya gə́ mbai lə sí ɓó mbai lə sí gə́ gə́ raŋg godo ŋga.

Njéga̰g-Rəwtaje 10:4

Ŋganeeje gə́ diŋgam deḛ rɔ-munda, d’uba ŋgan mulayḛ̀je-je rɔ-munda ləm, ɓee-kogoje lə dee as rɔ-munda ləm tɔ, saar teḛ mee ndəa gən lé deḛ ɓar dee ɓee-booje lə Jayir gə́ to mee ɓee’d gə́ Galaad ya.